المساعد الشخصي الرقمي

مشاهدة النسخة كاملة : كيف تعرف النصاب والمحتال ... بدون حركات يهالوووو



البدع
15-01-2010, 02:09 PM
اول شيء .. أنا طحت في يد نصابين ومحتالين

وخسرت للأسف

بس تعلمت من الي صار

واليك النصائح الي تعلمتها ... والي عنده نصائح ثانية ياليت يكتبها :

1. الأجنبي صعب انه يكون ملتزم .. غالبا ياخذ الفلوس ويشرد .. إذا تبي تحكر له .. اطلب منه اسم كفيله .. بتلاقي ينتفض قدامك .. وهذا اول علامة النصب والاحتيال

2. لازم يكون بينك وبينه عقد ... أحد الاخطاء ان الناس عطوا تريلاتهم لسوائقين بدون عقد اول الايام .. وشغلوا التريلات واشردوا بالفلوس .. وبعضهم انقلبوا بالتريلا وشردوا ... مافي الا ورقة من المحاكم للايجار .. وهذي ماتسوي شيء اذا تبي تقاضيهم ... لازم اعاردة وعقود .. ومتابعة

3. اذا عطاك شيكات ... شوف اذا عندك ربع تقدر في نفس البنك يقول لك وضع هذا الشخص المالي ... اذكر اني وقعت مع شركة اصحابها اجانب وخفت انها نصابة .. وكلمت مسؤول في بنك قطر الدولي الاسلامي .. وقال لي ان الشركة قوية بس ساعات ماعندهم فلوس .. وصدق في كلامه

4. سيماهم في وجوههم ..... اذا عندك علم فراسة ... فراح تعرف بنفسك

5. القطري نادر ماينصب .. الاجنبي بيشرد .. بس القطري وين بيشرد .. الا اذا بيروح امريكا الجنوبية مثل واحد من الربع ... او بتجيه جلطة ويموت ... ... نسبة النصب تكون قليلة جدا ... واقول اقل من 20% ...وخل بينك وبينه عقود او شيكات .. مب تسويها ثقة ... مافي ثقة هذي الايام ...

6. اذا طنش لك ... عادي ... روح الشرطة وقدم الشيكات .. او المحكمة ... خلك شديد من اولها .. بعضهم مايجي الا بالعين الحمراء .. ومنهم شخصية معروفة وقوية في الدولة .. مايرد فلوسك الا بالمحكمة والضرب على اذنه

7. خل مشروعك في شيء انت تحبه . مب تدخل مشروع انت ماتعرف عنه ولاشيء .. لان النصب عليك والاحتيال سهل جدا

8. ماعرف واحد مانصبوا عليه ... حتى واحد اجبني ذكي ... دوم ينصب على الناس ... جاه واحد ونصب عليه ... وصارت نكته .. بالعربي ... اذا بتدخل التجارة فراح تتعثر .. وذها عادي .. لان هذي سنة الحياة

9. العمر قصير .. ياتستغله .. ياتعيش وانت تسأل نفسك ... ليشى انا عايش .. وش فايدتي في هذي الدنيا

ويالتي الي عنده نصائح ثانية تعلمها من الحياة او من ربعه يكتبها

سياتل
15-01-2010, 08:49 PM
لاتكون متشائم لهالدرجه

الذكي محد بينصب عليه ، أحمي نفسك بالقانون هذا أول شي

ثاني شي مب أي واحد تتعامل معاه ، واذا تعاملت معاه لاتعطيه الخيط والمخيط

اذا بدش مع حد في شراكه مثلاً أستشير محامي قطري وخله يسوي لك العقد

هذي وجهة نظري

والله يحمي الجميع من النصابين

التجوري
30-01-2010, 12:23 PM
اذا بتجابل حلالك

و تشغل مخك وما تعطي اللي تحتك الخيط و المخيط

وتترك عنك الطمع و احلام المكاسب السهلة و الغنى السريع الفاحش

إن شاء الله بتنجح

وماراح ينصبوا عليك

فتى الجود
30-01-2010, 11:17 PM
اهم شي

لاتشارك العرب

وانت بخيير

بوخليفة3
09-02-2010, 12:54 AM
اهم شي

لاتشارك العرب

وانت بخيير

اما فهاذي صدقت

البدع
09-02-2010, 01:15 PM
أعذروني

بس رايي يختلف معاكم

مب اي عربي ..

هناك جنسية معروفة (ومن منطقة واحدة فقط بتلك الدولة) معروفة بالنصب والاحتيال والسرقة ... ناس همج .. اما باقي المناطق فهم جيدين .. ومنهم اناس من منطقة معروفون بالامانة والاخلاق العالية ..

وهناك دولة عربية اخرى .. اهلها معروفين بالامانة ولكن منطقة معينة ياتي منها شوية نصابين

انا اختلف معكم

اكثر ناس ينصبون هم البنغال والباكستانيين

كبير المتداولين
09-02-2010, 02:16 PM
اهم شي اشتر راحتك وابعد عن المشاريع وعيش يومك ماتدري وين اخره

البدع
09-02-2010, 02:19 PM
اهم شي اشتر راحتك وابعد عن المشاريع وعيش يومك ماتدري وين اخره


أحترم رايك ولكن اعذرني في هذا الانتقاد

بكرة راح تندم على الكلمة الي كتبتها

مافي انسان مات الا وندم على سنين عمره الي ضيعها بدون انتاج

alnoida
09-02-2010, 02:57 PM
يقول المثل

النصاب لا يستطيع النصب إلا على طماع

البدع
09-02-2010, 04:40 PM
أغلب الي يتعرضون للنصب حرام

وهم عاطفيين كثير

ع.م
11-02-2010, 06:29 PM
7. خل مشروعك في شيء انت تحبه . مب تدخل مشروع انت ماتعرف عنه ولاشيء .. لان النصب عليك والاحتيال سهل جدا



:nice:

أنا عن نفسي.. في بالي مشروع في شي أحبه وااايد.. وماعطه نفسي فرصة كم سنة أتثقف فيه أكثر.. بالمرة بما إن السوق مايندش هالفترة قلت أستغل الوقت..

يارب يتحقق الحلم:shy:

الخير كله
25-02-2010, 07:34 PM
اشرررررررررررررد عن السوريييين

الساهر 17
28-02-2010, 10:44 AM
الله يبعد عنا وعنكم اي نصب واحتيال

amen
06-03-2010, 03:17 AM
موضوع حلو كتير وخدو هالنصيحة وادعولي بس خايف يقرأها النصابين ويصيرو يطبقو عكسها ونعود نضيعهم؟؟هههههه نصيحتي اخواني هية انو النصاب يستعمل الكذب وكيف نكشف الكذاب اذا كنا لا نستطيع كشفه من كلامه وكذبه نستطيع ان نكشفه من حركاته كيف؟؟ الانسان احبتي مفطور على الصدق ولا يكذب لذلك اذا تكلم بالكذب تجد باللا ارادة تتحرك يده الى فمه كي تغلقه وتسكته عن الكذب فيحيدها الى انفه او خده او راسه يعني كثير حركة اليد وهو يتكلم وعندما يكون الانسان كذاب فخد بالك منو لان المؤمن لا يكذب كما قال الرسول صلى الله عليه وسلم

amen
06-03-2010, 03:23 AM
سامحك الله اخت المبروكة لانه من الخطا ان نعمم ففي كل بلد كفايتها من النصابين والمحترمين وفي الاسرة الواحدة نجد الجيد والسيء واالاصابع في اليد مختلفة فيجب ان لا نعمم في اي امر لا بالذم ولا بالمدح واكرر سامحكي الله