شوية اسئلة عن تايلاند ؟

[وحيد-الشوق]

السلام عليكم

يااخوان عندي كم استفسار بخصوص السكن وتحويل الفلوس :tease:

بما ان السفر للعلاج

ابي سكن قريب من المستشفى الملكي وبعد مابحثت وسألت طلع اقرب فندق قريب من المستشفى هو A-ONE فندق 4 نجوم وسعره حلو جدا صراحه :eek5: بس مادري شلون الجودة والنظافة

وبعد فندق دار زايد الفندق جديد تقريبا وهو عبارة عن نظام شقق فندقية وصاحبه واحد اماراتي :nice: لكن مااعرف مسافه قربه من المستشفى ؟

وهذا موقعهم

http://darzayedbkk.com/th/index.html

وين اسكن بالضبط مع العلم ان احد الاخوة قالي ان المنطقة القريبة من المستشفى ميته ومافيها لا مطاعم ولاشيء :( واذا في فندق معين ترشحون لي جزاكم الله خير

وثانيا الفوس متوهق معاها شلون احولها هل احولها دولار؟ وحتى لو حولت مب معقولة باخذ اكثر من 3000 دولار احسها مسؤولية خخخخ

هل تنصحوني احط فلوسي في الفيزا علما ان المصرف الأسلامي عنده خدمة الفلوس بضمان الفيزا يعني احط فلوسي في بطاقة فيزا واقدر استخدمها هناك :rolleyes2:

السموحة عالازعاج ويليت الافادة :weeping:

[asadfg]

عن الفنادق مادري بس عن تحويل الفلوس انا من رايي انت لما تحول من القطري لين الدولار تكون خسرت فرق العمله ولما تحول من الدولار لين البات تكون مره ثانيه خسرت فرق العمله يعني انت خسرت فيها مرتين انا افضل انه تاخذ الفلوس وتحولها من هناك دايركت بس دور مكان يعطي ريت حلو هو بالعموم الريت هناك احسن من هني مانصحك تحط بفيزا وتسحب لانك بنوكهم نسبتهم تعبانه فراح يعطونك ريت واطي في كل سحبه تسحبها

[وحيد-الشوق]

عن الفنادق مادري بس عن تحويل الفلوس انا من رايي انت لما تحول من القطري لين الدولار تكون خسرت فرق العمله ولما تحول من الدولار لين البات تكون مره ثانيه خسرت فرق العمله يعني انت خسرت فيها مرتين انا افضل انه تاخذ الفلوس وتحولها من هناك دايركت بس دور مكان يعطي ريت حلو هو بالعموم الريت هناك احسن من هني مانصحك تحط بفيزا وتسحب لانك بنوكهم نسبتهم تعبانه فراح يعطونك ريت واطي في كل سحبه تسحبها

جزاك الله خير

لكن مب معقولة احول الفلوس هناك جذي بتكون الفلوس واجد وين احط هالمبلغ كله ؟؟ لازم اضطر احول دولار و

وبالنسبه للفيزا هي مش للسحب اكثر استخدامي راح يكون للمشتريات وللدفع

محتاج المزيد من الاراء :weeping:

[عذب الكلام 1]

مايحتاج تودي فلوس وايد يمكن تسحب من اى مكينه اى تي ام ومن حسابك بخصوص المطاعم في مطاعم عربيه وايد في شارع نان قريبه من المستشفى الامريكى

[قناص قطر]

هلا الشيخ انصحك و بقوه السكن بدار زايد لانه جديد وقريب وفي مجلس و مطعم

اشتر القرب يا شيخ

وعن الصرف خذ دولار وغيره هناك وانصحك

بمنطقه نانا الحي العربي صراف اسمه داوود قريب من مكتب موسى البنكوكي

افضل مكان للصرف من وجهة نظري

واذا انك مطول

خذ معاك برودبند ومن هناك عندهم كرت للانترنت 31 ساعه ب110 بات يعني تقريبا 11 ريال قطري

والسقنل ممتاز ممتاز

واي استفسار انا حاضر اخوي

[طموحي عالي]

مادري والله اخوي بس

الله يسهل دربكم ويشفي مريضكم

لو سالني عن المستشفى الامريكي برد عليك بس الملكي مارحت له

بس بقولك نصيحه مالها دخل بستفسارك

بس بقولها من بابا النصيحه

انتبهوا هناك على مريضكم يعني لاتخلونهم يلعبون فيه واستفسروا عن كل شي لان الحين صاروا ماديين غير عن قبل الحين هامتهم الماده اكثر بوايد من العلاج نفسه

وماتشوفون شر

[وحيد-الشوق]

مايحتاج تودي فلوس وايد يمكن تسحب من اى مكينه اى تي ام ومن حسابك بخصوص المطاعم في مطاعم عربيه وايد في شارع نان قريبه من المستشفى الامريكى

شكرا للافادة

:)


هلا الشيخ انصحك و بقوه السكن بدار زايد لانه جديد وقريب وفي مجلس و مطعم

اشتر القرب يا شيخ

وعن الصرف خذ دولار وغيره هناك وانصحك

بمنطقه نانا الحي العربي صراف اسمه داوود قريب من مكتب موسى البنكوكي

افضل مكان للصرف من وجهة نظري

واذا انك مطول

خذ معاك برودبند ومن هناك عندهم كرت للانترنت 31 ساعه ب110 بات يعني تقريبا 11 ريال قطري

والسقنل ممتاز ممتاز

واي استفسار انا حاضر اخوي

ماقصرت اخوي

جزاك الله خير


مادري والله اخوي بس

الله يسهل دربكم ويشفي مريضكم

لو سالني عن المستشفى الامريكي برد عليك بس الملكي مارحت له

بس بقولك نصيحه مالها دخل بستفسارك

بس بقولها من بابا النصيحه

انتبهوا هناك على مريضكم يعني لاتخلونهم يلعبون فيه واستفسروا عن كل شي لان الحين صاروا ماديين غير عن قبل الحين هامتهم الماده اكثر بوايد من العلاج نفسه

وماتشوفون شر

:(

كذا واحد يقولي هالكلام انهم ماديين في اخر فتره وهمهم الفلوس وانا متردد وراسي بينبط من التفكير اروح تايلاند او الهند او وين بالضبط :weeping:

[*¤ بن قطر¤*]

الاخ العزيز وحيد - الشوق

لا تعور راسك ولا شي ... دام انك عزمت على تايلاند توكل على الله و لا يحتاج تتردد ...

بعد الله علاجهم ممتاز و العناية فائقة الجوده ... على الاقل تدفع فلوس ولكن فيه مقابل من ناحية

الرعايه و الخدمة.

انا عن نفسي سنويا أروح تايلاند بعرض المراجعه وصار لي 4 سنوات و كل مره أحسن من

اللي قبل :).

و بالنسبه للفلوس ... خذ معاك دولارات و هناك أصرفهم ... يعني لو قلنا عندك 10000 دولار

خل نصهم معاك و حطهم في Safety Box و النص الثاني في كرت ال ATM او Credit Card


الله ييسر دروبك و يشفي مريضكl ان شاء الله ...

[ahmed jasim]

حد جرب دار زايد
من ناحية الخدمة والنظافة والقرب من المستشفى