أختي تبي تتطوع ..!!!

[ذوق]

السلام عليكم ورحمة الله وبركاته

كيف الحال يا جماعه الخير...!

بصراحه أسعدني ان وحده من خواتي في المرحله الأعداديه طموحها انها تكون دكتوره جراحه ، ، والله ينولها الي في بالها يا رب omen,, لكــن لفتت نظري يوم قالتلي انها تبي تتطوع في مكـان ينمــي هذا الجانب فيهــا :con2: يعني مثل مستشفى أو هيئه أو مركز أو ايآ كـان:looking:

سؤالي هو هل هنـاك مثل هذه الأماكن ..!! :telephone:


تحياتي الطيبه لكم

أختكم
ذوق

[alrheeb2020]

نفسي طموحي :victory:

الله يوفقها ..

واعتقد صعب تتطوع ف هالاشياء وهي توها صغيره ..

وان شاء الله الاخوان بيفيدونج ..

[ذوق]

تسلم على المداخله...ننتظر رأي البقيه

[بـــــــنت النوخـّــــذه]

الله حلووووه مهنه الطب 000 الله يوفقها

بس عموما اختي خليها اتروح كلية طب وايل كورنيل في الدوحه يمكن يرحبون فيها ترى هالكليه على مستوى ماشاء الله والكل يشهد بدراستهم وتدريباتهم 000 وعندج بعد مستشفى حمد خلها اتشوف بس اخبر التطوع للاسعافات الاوليه عندهم بس مادري 000لاتوقفون جدام طموحها كان عندها هالطموح ابرك من اي شي يشغلها غير هادف وقت الفراغ 000

وبس لازم حد بالغ عاقل من اهلها يكون معها طول الوقت لان مثل ماقال الي فوق صغيره يبغيلها متابعه

[ذوق]

والله فكره طيبه عزيزتي بنت النوخذه (( بجرب وبسألها في الكليه )) ... ننتظر رأي باقي الأعضاء الكرام

[(الفيصل)]

تريد أن تكون جراحه (بالتطوع) !!
لابأس :)
تذهب لمستشفى حمد العام (قسم العناية المركزه)
وتجرب (تشقق بطون وامعاء خلق الله)وسوف تكسب خبره لابأس بها سوف تؤهلها بأن تصبح (طبيبة جراحة يوماً)!!
هذا الامر مسموح هناك!!
:rolleyes2:

[ذوق]

:) مشكور يالفيصل على جديتك

[عازف الاورج]

انا ابي اتطوع في مطار الدوحه يصير ؟؟

ياريت الي يعرف الطريقه يخبرني عالخاص ,,,

[الدمعه]

مادري اذا ممكن ينفعها مركز قطر التطوعي اللي بالهلال ..

الله يوفقها للي تبغيه ..

[(الفيصل)]

:) مشكور يالفيصل على جديتك

:shy:

http://qatarshares.com/vb///showthread.php?t=287782

[ذوق]

جزاك الله خير

[مستجدة]

الجراحه ارواح ناس بارك الله فيكم انتي قلتي جراحه ومب اي شئ في الطب والجراحه مب لعبه حتى اهى راح اتذى من المناظر وهى بهالعمر الصغير انتم شجعوها وخلوها اتكمل دراستها وربي يوفقها ويحقق لها امنياتها

[الرويـس]

موفقه ان شاء الله
وشي جميل العمل ( من دون مقابل) :)
في وقت اصبح المقابل يسبق العمل
:)

[ذوق]

تسلمون على الكلام الطيب

[Scorpion]

شوفي اختي ، خذيها مني .. لو هي تحب الجراحة احسن مكان للتطوع مستشفى حمد.. ومش مثل ماقالوا ارواح ناس ومادري شوو..

لعلمك بس الاطباء الرزدنتس مايتسلمون حالات جراحه فما بالك بمتطوعه :)

خليها تقدم في مركز قطر التطوعي وتطلب مستشفى انا اكثر من مره شفت متطوعين في مستشفى الرميلة وحمد ..

[ذوق]

بنشوف مركز قطر التطوعي

[ثرية]

الهلال الاحمر القطري

[ذوق]

جزاكم الله خير الخير

[استغفرالله]

كورنيل تطرح دزرات في الصيف لطلاب الثانويه

[حدالكلمه]

في البداية خلها تاخذ دورة الاسعافات الاوليه ،

وخلوها تقرا الكثير في بحر الطب وان شالله نشوفها دكتورة

[الأغر]

ما شاء الله قوة اعصاب عندها طيب خليها تجرب في البدايه تشريح ارنب وبعدها تقرر

[هند88]

الله يوفقها ...... لو تسأل المراكز او المستشفيات يفيدونك اكثر

[ذوق]

امين الله يسمع منكم