يا ريت لو في المنتدى قسم cooooool

[hemoud123]

سالت احد اقاربي الشباب 16 سنه اذا كان سمع عن منتدى الاسهم القطريه ؟ قال اكيد احيانا ادخل اذا ابغي اتاكد من خبر مثلا , قلت له ان شاء الله عجبك ؟
قال: يعني,
ليش يعني ؟
لان ما عندكم اقسام كوووووول ,
ما فهمت والله ايش يقصد وبغيته يشرح لي اكثر
اكثر مواضيعكم واحد يبغي يتزوج وواحد يبغي يطلق , وعذع يشتكي وذاك يصيح ,وهذا حرام وهذا حلال وهذا عيب وهذا ما يجوز , واكثر النقد موجه للشباب كانكم ماكنتوا في يوم من الايام شباب مثلنا.
اهااا الحين بديت افهم , يعني تبغون اقسام كلها قلة حياء ؟
لالالا حرام عليكم انتم هذي الافكار اللي في بالكم عن الشباب , والله احنا مش بهالصوره , احنا بالضبط مثل اي شريحه في المجتمع فينا الزين والشين ,
دايما تبغون تكونون اوصياء علينا ايش ناكل ايش نشرب ايش نلبس وتنسون او تتناسون ان الفرق في الاعمار كفيل انه يغير في الامزجه والاذواق وحتى العادات ,
ليش ما عندكم في المنتدى قسم خاص للشباب نحط فيه مغامراتنا نقول ايش نحب وايش نكره واحنا الشباب اللي نشرف عليه ونديره , ونناقش بعضا ونتحاور وكل هذا تحت عيونكم ومراقبتكم , ولا تنسون ان احنا يالشباب بنكون العمود الفقري للمنتدى والمجتمع والدوله والعالم كله بعد سنوات قليله
اممممممم رشود هذا الكلام يطلع منك انت ؟ قم روح افتح لك كتاب احسن لك من الهذره اللي مالها معنى

الحقيقه انا بديت اتعاطف مع الشباب الصغار ,
انا اتوقع فيه شباب صغار مسجلين في المنتدي لكنهم ما يعبرون عن انفسهم ويلبسون ثياب اكبر منهم
سؤالي :
هل ممكن يكون منتدانا سباق في مثل هذي الامور , هل ممكن جسر الهوه بين الشباب والكبار ؟
هل ممكن يكون لهم قسم نشوف شلون يفكرون وبايش يحلمون ؟
هل ممكن اعطائهم الثقه الى حد ما ؟
والاهم من هذا كله ياريت احد يشرح لي بالضبط معنى coooooooool:)

[فرحة ايامي]

والله أنا معاهم من حقهم فعلا حد يسمعهم ويسمع مشاكلهم بدون ما يكون وصي عليهم ...اشلون الواحد يتواصل معاهم وهو ما يعرف اشلون يفكرون والا ايش يحبون والا ايش يكرهون ومعنى كووووووووول يعني يكون الواحد هادئ جدا لدرجة البرود ما يشتط لما يسمع اطرحوا مشكله والا قضيه تخالف آرائهم.

[Mozanee]

أنا من فترة أفكر بنفس الموضوع ومن شفت موضوع عن التلوين في الاستراحة فكرت ليش ما يكون هناك قسم للشباب الصغار ومنتدى الاسهم منتدى معروف وكلن يعرفه وانا ملاحظه ان في شباب صغار في المنتدى واحس فيهم ضايعين بالطوشة هم مساكين يحاولون يجارون الكبار بس صعبة عليهم لتباين الافكار والثقافة والاهتمامات

وان شاءالله ياخذون بهالمقترح ,,,

[الرويـس]

so coool:)

take it easy
توها ضوى راده علي في موضوع الثور
اللي هجم على بيتهم بالكلمة المطلوب معرفة معناها
:(

ضوى شمعناة الكلمة ؟ :(

[jo0ory.56]

فكرة حلوة ياريت تتنفذ .. نعرف دواخل نفوسهم .. في ايش يفكرون .. طريقة تفكيرهم في الامور

اللي تصادفهم ..ايش يحبون ايش يكرهون .. احيانا نحتار مع عيالنا مانعرف طريقة التعامل

اللي نوصل فيها لاتفاق .. لان كل طرف له نظرة مغايرة للطرف الاخر ويصير الصدام بين

الطرفين ..

ايضا ممكن يعرضون مشاكلهم ويطلبون حلها من أعضاء المنتدى ...

فكرة ارجو ان تجد لها صدى ..

[alrheeb2020]

تعتقدون الشباب راح ياخذون راحتهم وحاكرينهم ف قسم واحد وكل يوم 100 الف زياره عليهم وكلن رايح راد عالقسم ههه

[hemoud123]

والله أنا معاهم من حقهم فعلا حد يسمعهم ويسمع مشاكلهم بدون ما يكون وصي عليهم ...اشلون الواحد يتواصل معاهم وهو ما يعرف اشلون يفكرون والا ايش يحبون والا ايش يكرهون ومعنى كووووووووول يعني يكون الواحد هادئ جدا لدرجة البرود ما يشتط لما يسمع اطرحوا مشكله والا قضيه تخالف آرائهم.

فعلا احس ان فيه فجوه بين الكبار والشباب الصغار , وانا احمل الكبار مسئولية انهم ما يحاولون يوصلون لهم ولا يتعاملون معاهم الا بالنصائح والتوجيه على طول الخط
اشكر مرورك

[hemoud123]

تعتقدون الشباب راح ياخذون راحتهم وحاكرينهم ف قسم واحد وكل يوم 100 الف زياره عليهم وكلن رايح راد عالقسم ههه

بالعكس انا اعتقد 100الف زياره لقسمهم بتكون حافز لهم ,خاصه اذا لقوا تشجيع وليس تكميم افواه وحجر على عقولهم

[زهرة قطر]

قصدهم بcooooooooooooool
يعني فرفشة وفرايحي ومضحك وfunny
هذا اللي أعتقده
من قال إن مافي في المنتدى شباب كول بالعكس في وايد منهم وواضح من ردودهم في المواضيع
من الممكن فتح المجال لهم للتعبير عن آرائهم وأفكارهم وطرح القضايا والمشاكل المحيطة بهم بدون الشدة عليهم في الردود ومجاراتهم من أجل التعرف عليهم ومعرفة آرائهم في القضايا والمشاكل التي تطرح في المنتدى وهذا بلاشك في صالحهم وصالح الكثيرين من أمثالهم بل في صالح الآبا والأمهات أيضا إذ يتيح لهم معرفة الأجواء المحيطة بأولادهم الشباب والشابات
فالرجاء مراعاة هذة الفئة الهامة من فئات المجتمع والتي بلاشك موجودة ف منتدانا بلا شك

[Arab!an]

بخصوص منتدى الاسهم القطرية فأعتقد ان اللي ميزه هو الابتعاد عن الاقسام الكوول .. فهو جدي نوعا ما

كعنوان رئيسي للمنتدى

.. وتقريبا كثير من المنتديات في قطر فيها اقسام خاصة بالالعاب وغيرها .. بيستكثرون منتدى قطري واحد مافيه هـ الكواله ؟ :nice:

عموما .. انا اتمنى وجود الشباب الصغار في المنتدى كرقيب على آباءهم في المنتدى :victory:

..

ومدام الشباب بيكونون متواجدين في المنتدى فالافضل يكون لهم قسم كوول وحق الفرفشة والوناسة .. بس يكون خالي من المواضيع الغبيه .. عد واحسب ..

ويكون خاضع لرقابة المشرفين الكبار .. للرقابه والتوجيه ايضا


واذا صار في مشرفين كبار فعليهم ان يفهموا حاجات ورغبات الصغار .. ولا يصيرون كبار اكثر من اللازم ويضيقون عليهم


يعني انا شفت في الانترنت ابداعات شبابية مفيدة وراقيه وفي قالب مضحك وهزلي .. ولكنها ابداع عكس الملاغة والملل اللي تعودنا عليه في المنتديات .. فاتمنى وجود مثل تلك الابداعات في منتدى الاسهم

[hemoud123]

بخصوص منتدى الاسهم القطرية فأعتقد ان اللي ميزه هو الابتعاد عن الاقسام الكوول .. فهو جدي نوعا ما

كعنوان رئيسي للمنتدى

.. وتقريبا كثير من المنتديات في قطر فيها اقسام خاصة بالالعاب وغيرها .. بيستكثرون منتدى قطري واحد مافيه هـ الكواله ؟ :nice:

عموما .. انا اتمنى وجود الشباب الصغار في المنتدى كرقيب على آباءهم في المنتدى :victory:

..

ومدام الشباب بيكونون متواجدين في المنتدى فالافضل يكون لهم قسم كوول وحق الفرفشة والوناسة .. بس يكون خالي من المواضيع الغبيه .. عد واحسب ..

ويكون خاضع لرقابة المشرفين الكبار .. للرقابه والتوجيه ايضا


واذا صار في مشرفين كبار فعليهم ان يفهموا حاجات ورغبات الصغار .. ولا يصيرون كبار اكثر من اللازم ويضيقون عليهم


يعني انا شفت في الانترنت ابداعات شبابية مفيدة وراقيه وفي قالب مضحك وهزلي .. ولكنها ابداع عكس الملاغة والملل اللي تعودنا عليه في المنتديات .. فاتمنى وجود مثل تلك الابداعات في منتدى الاسهم

هذي المشكله
اذا كان تمنحهم فرصه يعبرون وتحط شروط احنا نشوفها ضروريه , يمكن هم من وجة نظرهم يشوفونها غبية ومنفره
صحيح لازم تكون فيه خطوط حمر لكن في هذه الحدود ياخذون راحتهم

[saranay1]

وين رد المشرفين

[hemoud123]

وين رد المشرفين

ياليت نجذب ولو عدد بسيط منهم في البدايه ونبعدهم من الوقوع في براثن بعض المواقع الشريره

[ضوى]

بحكم اني ام لولد عمره تقريبا 16 سنة ، فانه المواضيع الكوووول اللي يحبها هي مواقع الاشعار النص نص ، وكلمات الاغاني الرومانس ، والاغاني الحزينة ، واغاني الراب الاجنبية ، وسيلين وطعوسها ، وكيف يمشي سيارة على تاييرين ، وكيف يخمس بالبانشي ، واخر اخبار الجوالات وتصليحها ........ الخ

فهل ممكن من إدارتنا الموقرة تخصيص قسم كوووووووول لعيالنا ؟؟؟ حتى يكونون معانا وتحت نظرنا على طول ؟؟؟

[بـــــــنت النوخـّــــذه]

هل ممكن يكون منتدانا سباق في مثل هذي الامور , هل ممكن جسر الهوه بين الشباب والكبار ؟
* اي عادي يخلون عمرهم كووول (باحترام ) اصلا الشخص لازم يكون مفرفش على طول الخط 00ماحب الجمود يعيق التحاور 000:nice:
هل ممكن يكون لهم قسم نشوف شلون يفكرون وبايش يحلمون ؟
*بعد والله حلو لو يفتحونه يسمونه شبابنا وبناتنا 0000
هل ممكن اعطائهم الثقه الى حد ما ؟
* حالهم حال الكبار الي موجودين لازم الثقه تنعطى للشخص واذا اهو اثبت ذلك بتصرفاته بالعكس 00 بنساهم تعزيز بعض القيم الايجابيه طالما فيه ثقه :nice:
والاهم من هذا كله ياريت احد يشرح لي بالضبط معنى coooooooool
يعني مادري ماخذ الامور ببساطه هههههههههههه يعني الحياه بمبي عنده :nice:

وتبون الصج انا اشوف ان البعض اهنيه اهو الي لازم يكون كووول على قولتك لان بعضهم يضيق الخلق برده جموود وترهيب وتناقض بعد 000 لازم الامور تنتخذ بليونه وسلاسه ورحابه صدر 00

[شعنونة قطر]

ياليت والله تكون قسم شبابي بس بذوق


نفس قناة الاطفال


شوف الفرق بين

نيكالودين

والبراعم


احنا نبي نفس البراعم http://smiles.oo3o.com/small-smiles/images/1/small%20(13).gif (http://www.oo3o.com)

[hemoud123]

بحكم اني ام لولد عمره تقريبا 16 سنة ، فانه المواضيع الكوووول اللي يحبها هي مواقع الاشعار النص نص ، وكلمات الاغاني الرومانس ، والاغاني الحزينة ، واغاني الراب الاجنبية ، وسيلين وطعوسها ، وكيف يمشي سيارة على تاييرين ، وكيف يخمس بالبانشي ، واخر اخبار الجوالات وتصليحها ........ الخ

فهل ممكن من إدارتنا الموقرة تخصيص قسم كوووووووول لعيالنا ؟؟؟ حتى يكونون معانا وتحت نظرنا على طول ؟؟؟

صدقتي , هذي معظم اهتمامات الشباب , وللاسف بعض المنتديات الخبيثه تدرك هالشي وتستغله اسوأ استغلال.

مثلا يكون الظاهر من المنتدى الاهتمام بالسيارات او الدراجات ومنها شوي شوي الى ان يصل بالشاب الى كيف يمكنه صتاعة قنبله محليا , او يدفعه للانخراط في في مجموعات لها افكار شاذه وغير ذلك
انا متأكد ان الشباب راح يثرون المنتدى بافكارهم وطموحاتهم ومغامراتهم :nice:

[hemoud123]

ياليت والله تكون قسم شبابي بس بذوق


نفس قناة الاطفال


شوف الفرق بين

نيكالودين

والبراعم


احنا نبي نفس البراعم http://smiles.oo3o.com/small-smiles/images/1/small%20(13).gif (http://www.oo3o.com)

الصراحه ما اعرف الثنتين , لكن اتفق معاك يكون بمستوى البراعم :)