اخبار متعتة التسوق في معرض الدوحة التجاري2010 [الأرشيف]

لوردغاليري

17-01-2010, 12:51 AM

بسم الله الرحمن الرحيم

الكل عارف بيدا المعرض التجاري في ارض المعارض اليوم
من 10 الى10م
تنوعت هالمرة البضايع بشكل كبير
وتقريبا التنظيم احسن من المعرض الي فات
بما اني مشاركة

فحبيت اسوي هالموضوع
وكل الشكر للاخت لاتي
\الفنانه

نجح الموضوع بشكل كبير المرة الي فاتت
وياليت من الادارة تثبته
فترة المعرض فقط
الي هي 8 ايام فقط

عشان نعرف وش الشي الحلو ويستاهل نقتنيه من هالمعرض
ولوكل حد يقول شنو خذا

بيسهل كثير علينها
لانه المحلات ماشالله كثيرة
ومابنلحق ندورهم كلهم

وراح يكون موضوع مثل ماتقولون دردشه المعرض

ناطرة تفاعلكم

وكل عام وانتوا بخير

retaj

17-01-2010, 01:04 AM

موفقه اختي ام سعود

ومثل ماقترحتي انا ايدج في تثبيت الموضوع

والله ولي التوفيق

almalika

17-01-2010, 01:51 AM

حلوووة الفكرة
ثبتواااااااااا الموضوع

NEW LOOK

17-01-2010, 11:42 PM

ياليت يثبت

@سنافية قطر@

17-01-2010, 11:57 PM

معاج كل الحق في هالفكرة الحلوة

وكلنا نشد على يدج ونطالب بتفاعل الأعضاء وتثبيت الموضوع

لوردغاليري

18-01-2010, 12:11 AM

اشكركم وين الي زاروا اليوم وتسوقواااااااااااااا

في نظري الاقبال كان بسيط اليوم

حتى الممرات فاضيه

المواقف فاضيه

ياترى وش السبب؟؟؟؟؟

انا شكلي ببداء في الموضوع

اكسسوارات اللبنانيه قمة الرقي تستاهل من يقتنيها لانها حلوة وعلى الموضه
واسعار جدا مناسبه وتقريبا كل المحلات مختلفه سلعهم وتعددت اذواقهم
حلو

وعندكم الشي الي شفت اقبال كبير عليه
براويز التعليق الي بالمخمل عند الصينيين
روووعه بس كل مااشوف حد الا وشال منهم
بكل الاحجام

اكواب وفناجيل قهوة ايطليه عليهم شيوارفيسكي حلوين
بس السعر اشوي
خذنا 6 اكواب
و6 فناجيل قهوة
400ريال
بس راقيين حيل

هذا الي اليوم قدرت اشوفه لاني بجد تعبانه 3 ايام وانا ارتب الاستاند

وانتظركم بليز
تفاعلوااااااااااا اشوي

وانتظروني
طبعا الزامي اروح يومياااااااااااااااااااااا

تحركوا بليييييييييييز

انتظركم بفارق الصبر

@سنافية قطر@

18-01-2010, 12:28 AM

يعطيج العافية أم سعود على التفاعل وشكرا على النقل الحي لأول يوم بالمعرض

بس والله كان خاطري أروح بس ما قدرت بنتي كان عندها موعد بالعيادة وبكرة ولدي عنده موعد الظهر وأنا عندي موعد بالليل..

وبعد بكرة بنتي عندها موعد بالليل لعيادة الأسنان...

من القرادة تجمعت المواعيد كلها في هالأسبوع والصبح لين الظهر دوام

الله يعين وأحصل فرصة وأروح المعرض ونشوفج يا ام سعود

موفقة وفي انتظار اخبار باقي العضوات وجولتهم في السوق

Maha_N

18-01-2010, 12:55 AM

يعطيك العافيه ام سعود

خساره مارحت اليوم على بالي طق عصي وزحمه

انتظروني بكره ان شاء الله .... وبصراحه الشي اللي بدور عليه هو كان فيه مصري في المعرض اللي قبل
يبيع مفارش صينيه سوبر كنج ب 150 ريال بس وشو تهبببببببببببببببل

اغسل فيها ولا تتغير وودي اخذ منه قبل تروح الموديلات اللي عنده وهو جاي من دبي ياليت احصله

يلااا انتظروني بكره اذا الله راد

موفقين تجارنا اللي مشاركين دعوه صادقه من القلب :)

مهابه

18-01-2010, 12:57 AM

الله يعطيج العافية ام سعود

وتسلمين على الموضوع الحلووو

إن شاء الله ناويه اروح المعرض بس وين مكانج بالضبط؟

وبالنسبة للاكواب الايطالية من اللي يبيعها واي صوب<<< دايما تضيع ههه

ننتظر الجديد

بيت الخليج

18-01-2010, 01:01 AM

يعطيج الف عافية ام سعود ويوفقج يارب وتستاهلين كل خير
بصراحة نتمنى ان يثبت موضوع الرائع
وانا بالنسبة لي ماشاء الله كثر الزباين اليوم ماخلوني الف واشوف شو اللي فالمعرض وان شاء الله الايام الياية بلف وبخبركم شو اخذت
وان شاء الله تزوروني بالمعرض

ستايل2006

18-01-2010, 01:16 AM

الله يوفقك كل اللي شاركوا في المعرض
بالتوفيق يا ام سعودت منيت اكون معاكم
بس انتي عارفة السبب؟؟؟؟؟؟؟؟

شعنونة قطر

18-01-2010, 01:16 AM

معقوله ابتدا توني ادري

شعنونة قطر

18-01-2010, 01:17 AM

بنات فيه عبايات ؟؟؟؟؟؟؟؟؟؟

مشتاقة لقطر

18-01-2010, 02:55 AM

تساهلللللللللللللللون كل التوفيق يارب

لوردغاليري

18-01-2010, 05:54 AM

الف شكر على تفعلكم الحلو عجبتوني

محلي c9
الوانه فوشي واسود
قريب البوابه الرئيسيه عند الاستقبال برا تلقون اعلان كبير عند الاستقبال موضح فيه عنوان محلي

العبايات ماشالله وايد
وحلوة

عبايات بيت الخليج
اتهبل
سويت عندها 2 كل وحده احلى من الثانيه
قصات وبعيد عن التطريز والشك والكريستال

ستايل حبيبتي
الله يهون عليج
ياقلبي

تسلمون فديتكم نتظر المزيد

ورقــة أمــل

18-01-2010, 07:09 AM

مارحت :(

ان شاء الله يمديني اروح اليوم

بيت الخليج

18-01-2010, 09:16 AM

دانة الروح

18-01-2010, 10:35 AM

انا رحت اول يوم بس مالفيت واجد وتوجهت طبعا اول شي حق محل ام سعود وخذيت عطري المفضل روز

ومن الاخ تاجر قطري اسواره كارتير ماشاء الله روعه باللبس

ومحلات العبايات ماشاء الله احس هالسنه اكثر من كل مره

مريت بس 3 محلات واحد من ابوظبي وماعنده جاهز كله اوردرات

وواحد من البحرين وعندها جاهز واوردرات وواحد من السعودية وعندها جاهز واوردرات

والمحلات اللبنانية للاكسسورات ماشاء الله روعه ماتفرق عن الالماس شي

وفي محل سعودي عند الباب عنده مجوهرات ماتفرق عن الاصلية

واليوم ان شاء الله اكمل باقي اللف وناخذ لنا كم عبايه

هواجس _q6r

18-01-2010, 12:32 PM

يالييييييييييييييييتني رحت اول يوم

بس قلت اكيد زحمه

وموضوعج حلوووو
وكنت فبالي فكره الموضوووع بس خفت ما احصل تفاعل من الأعضاء

وانتي سبقتيني

وشكله المعرض السنه حلوووو

وانا تقريبا مفلسسسسسسسسسسسسه خخخخخ
واه حسرتااااااه ههههههههه

الله يهداهم معرض نص الشهر
اكيد الرواتب و المصروف طااااااار

فرحة الكواري

18-01-2010, 12:57 PM

ان شاءالله اليوم اوافيكم بتقريري اذا رحت ^_^

لوردغاليري

18-01-2010, 04:02 PM

حلو حلو

ماقصرتواااااااااااااا

تفاعل ممتاز

واليوم اوافيكم ببعض الصور والتقارير

ابشرواااااااا

لوردغاليري

18-01-2010, 11:35 PM

وين الي تسوقواااااااا اليوم؟؟؟؟؟

Dana’1

18-01-2010, 11:49 PM

والله الاسعار الي مولعة ما تخلي للتسوق متعة:)

بس اليوم مريتة بعد وشريت من عندك عطر السيارة وحطيت بصمتي بالمحل:)
وغرض ثاني من محل ثااني

doha70999

19-01-2010, 12:07 AM

بالتوفيق ان شاء الله =)

بيت الخليج

19-01-2010, 12:17 AM

ماشاء الله اليوم كان في اقبال وايد على المعرض ومنورين اكثر اللي يو من المنتدى

لوردغاليري

19-01-2010, 05:45 AM

اصبحنا واصبح الملك لله

لوردغاليري

19-01-2010, 01:28 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

excited

19-01-2010, 05:45 PM

انا رحت اول يوم العصر كان مافيه زحمة ولله الحمد اخذت ملاحف سنجل للعيال على 75 ريال من عند الصينيين وملاحف كينج سايز على 130 ريال

وشريت بلوزة كويتية من القسم الكويتي 200 ريال

ومن القسم السوري (بيت الشيوخ ) جلابية ب 200 ريال

وبس

يمكن ارجع اروح آخر الايام اشوف الاكسسوريز عند اللبنانيين اللي الكل يمدحهم

واتمنىلجميع المشاركين التوفيق ان شاء الله

بيت الخليج

20-01-2010, 12:11 AM

زوروني وشوفو عطر الهوامير اللي ماشاء الله مسوي زوبعة الحين والكل يتكلم في حياكم الله

شسالفة...؟

20-01-2010, 12:56 AM

أنا ابي كورسيهات ..........هي موجودة في المعرض..

أنا لسة مارحت ...إن شاء الله اروووح بكرة

almalika

20-01-2010, 02:16 AM

انا رحت مع ريلي ثاني يوم زحححححمة
دخلت المعرض تقريبا الساعة 9 المسا
ماااااا استفدت كلششششش
ريلي كل شوي يوقف عند محلات الشالات الكشميرية يا كثرهم هالسنة ..بس اسعارهم بصراحة شيييي صرت خبرة في الشالات من كثر اسألة ريلي في المحلات
يبي لي ارجع مرة ثانية ...بس الافضل الظهر ..احسه فاضي فهالوقت

شعنونة قطر

20-01-2010, 03:06 AM

هو متى يفتح بالضبط ومتى يسكر ؟؟؟ فيدونا تكفون

بعدين يالملكه ماشاء الله عليج

شلون رايحه مع زوجج ماتخافين من خطافة الرجاله هناك :(

لوردغاليري

20-01-2010, 05:50 AM

هلا حبيبتي
شعنونه
مفتوح من10 الى 10متواااااااااصل

عذبة الأطباع

20-01-2010, 07:28 AM

امس رحت المعرض مثل كل سنة

عجبتني اكثر شي العطورات

غرامي العطور

وبس ماخذت شي غيرهم مع اني درته من ركن لركن

مريت على محل اخونا تاجر قطري

ربي يوفقه

ومريت على لورد غاليري وخذت عطر عود لذر

والمعرض لابأس به

لوردغاليري

20-01-2010, 02:56 PM

الف شكر لكم

عذبه حبيبتي عساج وقعتي

علموني

20-01-2010, 03:03 PM

موفقين

علموني

20-01-2010, 03:04 PM

وين مكان البيت الخليجي

umghanim

21-01-2010, 12:15 AM

المعرض مشاللله في شغلالالات حلوووه
بصرااحه انا لحد الان رحت له 3 مراات.............:) متولعه بشغلات معينه اعجبتني
منها محل نور التركيه للكسسورارات ....شي رااقي حيييل اكسسواراتها راايقه ونااعمه تجنن مثلها:)
وفي بعد محل اللبنانيه عندها اكسسوارات الكتابه الله ومشالله الله والاحرووف بعد حلووه كثير
واسعاارهم حلوووه وااجد
خل اربط رجلي ....خلالالاص كفايه تشري كل يووم طااقه الويه عندهم
بيطردووني :)
التوفيق للجميع يااارب

لوردغاليري

21-01-2010, 12:20 AM

حلو تفاعلكم

فرحة الكواري

21-01-2010, 02:07 PM

مرحبتين بنات بداية اعتذر على تأخيري

والله المرض بهدلني ( دعواتكم لي بالشفاء ) والله هلكت

.

.

بالنسبة للمعرض الصينين اسعارهم نفس العام ماشفت اللي قالوا عنهم بو 300 و 400

كل ما امسك شي احصل ب200 او 180 8 قطع نفس

وفي محل شراشف مقابل البوابة الرئيسية من اليسار شوي واضح قدام الباب .. اللي يبيع عربي ماذكر جنسيته .. عنده شراشف على 150 من فوق حرير لكن بطنها ومن تحت قطن

بالنسبة للاكسسوارات اغلب المحلات اسعارها مرتفعه بس لاحظت ان في مجال للمقاطعه بالسعر يعني خذت سوارتين من محل لبنانية من 250 الى 150 واتوقع ممكن تنزل اكثر بس كنت ابي الف المعرض

شراشف الطاولات مافي تشكيلات جديدة نفس العام لكن اغلى

زرت محل عزيزتي ام سعود لورد غاليري وخذت بخور توسكا و استيلودر ووقعت بخطي الجميل ههههه

ورحت البيت الخليجي وخذت بعض الاكسسوارات وحلو الخصم اللي سوته لي جزاها الله خير

لي زيارة بآخر يوم ان شاءالله

A l i

21-01-2010, 04:50 PM

امس رحت المعرض العصر
بعض الاماكن تكون زحمه ومرات تكون الممرات فاضيه

شريت برواز في وسطه مخمل ازرق وفيه علاقات

http://www13.0zz0.com/2010/01/21/13/227195149.jpg

وخذت عطر مشموم الملكي من لورد غاليري

http://www6.0zz0.com/2010/01/21/13/847702977.jpg

راحيل

21-01-2010, 06:42 PM

موعد اقامة المعرض كان في توقيت سيء للغاية اغلب الاسر منشغله مع عيالها وموعد الاختبارات
والراتب ما يبقى منه شي في نص الشهر

يعني باختصار المعرض مجرد تحصيل حاصل والبضائع نفسها تتكرر كل سنه دون ما يكون في شي جديد يجذب الزائر

Qtr.Girl

21-01-2010, 06:57 PM

ماشالله شكله المعرض فيه شغلات حلووه

انا حاطه فبالي امر محل لورد جاليري سجلت مكان المحل وانشالله ازورها

وبيت الخليج بعد بس ياريت حد يكتب لي المكان بالضببببط

والمعرض متى بيخلص الاحد ؟؟

:)

لوردغاليري

22-01-2010, 12:58 AM

الاحد اخر يوم

وترا المكاسر يلعب دور كبير ف السعر
انا خذت طقم هندي لولو
قالي 750

وعقب المفاصله

خذته 350 تخيلواااااااا

حاسبوا
ترا وايد طمعانين في هالقطر

قوس قزح

22-01-2010, 01:13 AM

اتمنى التوفيق لكم جميعا

وان شاءالله يتثبت الموضوع

Qtr.Girl

22-01-2010, 12:02 PM

ياجماعه حد عنده فكره الساعه كم بيفتح المعرض اليوم ؟؟؟

~ نســـايم ~

22-01-2010, 12:16 PM

ياجماعه حد عنده فكره الساعه كم بيفتح المعرض اليوم ؟؟؟

حتى انا ابي اعرف :shy:

يمكن الساعه 1 ؟؟

شعنونة قطر

22-01-2010, 12:26 PM

انا رحت امس بالليل

وتقييمي

الصراحه المعرض مافيه شي جديد الا الاساور والاكسسوارات

شي قمه روعه
لا تقولون لي وين المكان بالضبط كل الامكنه تحصل

والاحظ مافيه زحمه نفس قبل
فيه زحمه
بس مب نفس قبل

والبضائع الباقيه

مكرره

غاليه

مكرره

غاليه

مكرره

غاليه

مكرره

غاليه

وشكرا

A l i

22-01-2010, 01:16 PM

انا امس سألتهم

قالو لي يوم الجمعه الساعه 4 العصر

والايام العاديه من 11 الى 10 بليل

روعه

22-01-2010, 01:39 PM

ما شاء الله تبارك الله محلج ماعليه كلام

انا وريلي خذنا وايد اغراض

اللي اذكره باكتبه بخور لورد

معطر السياره

عطر المشموم

وفي كذا شغله مب ذاكرتها والله

بس عطور الفراش ما شاء الله من عطرت به الفراش تامه الريحه ماراحت ما شاء الله تبارك الله

والله يوفقج يالغالية

لوردغاليري

22-01-2010, 02:32 PM

A l i

23-01-2010, 05:01 PM

ليش اليوم سكرو المعرض

صج في حريق في قسم البحرين ؟؟

نجود

23-01-2010, 06:12 PM

موفق بإذن الله ... لك مني أجمل تحية .

لوردغاليري

23-01-2010, 11:24 PM

همتكم اخر يوم بكرة

بيت الخليج

23-01-2010, 11:52 PM

الله يوفق الجميع باخر يوم اللي هو بكرة وننتظر همت الزباين
والله يوفقج ياام سعود

حـــب قطـــر

24-01-2010, 03:05 AM

أنا رحت للمعرض
لكن .......
من المعرض على الاسعاف على طول
.
.
حتى ما رجعنا بسيارتنا جات سيارة الاسعاف و أخذتنا الطوارئ
الحمدلله على كل حال

تدرون شسالفة
؟؟؟
!!
..
دخلنا المعرض و قلنا بسم الله أنا و ريلي و بناتي الله يحفظهم يارب و يحفظ عيالكم

و تونا و الله يعني ما شريت شي
و بسم الله أنا واقفة امام محل العبايات الفلسطينية و راي بنتي بالعربة عمرها سنة و شهر وواقفة بجنبها بنتي الثانية عمرها 5 سنين و أنا واقفة أمامهم أطالع بالعبايات و اذا بسم الله
طاح الستاند أشكبره على بناتي الثنتين

و الله قوي و ثقيل كثييير و ماشفت الا البنتين تحت الستاند و يصيحون
و الله انا قلت الصغيرة راحت فيها لا سمح الله لانه على راسها بالظبط
و الثانية انصابت لكن مو مثل الصغيرة
و بعد من عزم الضربة كنها لسانها جاه تحت السنين اللي طالعين لها و اشوف دم بفمها
و انتفخ مكان الضربة اللي براسها على طول
و الناس تجمعت و صراحة أنا ما ادري شصار حسيت حالي بغيبوبة
البنات الثنتين طاحوا و أنا انخضيت و ما عرفت الا أضمهم و اصيح
رحنا ندور اسعاف و بعدين ودونا لغرفة الحمدلله قاموا باللي قدروا عليه
جزاهم الله خير و طلبوا لنا سيارة الاسعاف و بعد نص ساعة و لا ثلاث أرباع الساعة وصلت و على طول على الطوارئ
الحمدلله جات سليمة
لكن صراحة ما اعرف من المسؤوول
؟؟؟
هو قدر الله لكن معقول ستاند أشكبره يطيح على راس الناس
قسم بالله ياجماعة أنه بنتي أنكتب لها عمر جديد
لانها الضربة قوية و لو لا ستر الله و رحمته الا ...
الحمدلله على كل حال
و صراحة احمد ربي الف مليون مرة على سلامة بناتي

حبيت أنقل السالفة لكم ما اعرف من قهري و لا من فرحي بسلامتهم
و الحمدلله مليون مرة

فرحة الكواري

24-01-2010, 05:49 AM

اختي حب قطر

الحمدالله على سلامة البنات

قلم صادق

24-01-2010, 08:28 AM

اختي حب قطر الحمدالله على سلامة البنات

قدرالله...عليكي بالصدقه والشكر لله اللي سلمهم

لوردغاليري

24-01-2010, 01:26 PM

لاحول ولاقوة الا بالله

Aisha

24-01-2010, 02:04 PM

وااااي الله يحفظ عيالنا وعيال الجميع الف الف الف الحمدلله على سلامتهم الغاليه

حـــب قطـــر

24-01-2010, 02:43 PM

تسلمووووون و الله يا حبيباتي
الله يحفظ عيالكم يارب من كل شر او سوء او مكروه
و الحمدلله و الله لو شكرته طول عمري ما اوفيه
بارك الله فيكم جمييعا و ماقصرتوا
الله لا يفجعكم بغالي

juliet

24-01-2010, 03:10 PM

حب قطر الف الحمد والشكر لله على سلامة بناتج وربي يحفظهم من كل شر

مشتاقة لقطر

24-01-2010, 03:44 PM

سلامةالبنات الغالية ..

ستايل2006

24-01-2010, 05:56 PM

اختي حب قطر
الف حمد الله على سلامتج وسلامة عيالج والله يخليهم لج

شمعة الدوحه

24-01-2010, 06:56 PM

اخت حب قطر

الحمدلله على سلامة بناتج

والله يحفظهم لج يارب

والغلط من ادرارة المعرض نفسه المفروض يتاكدون ان المكان سيفتي 100 باالميه وخاصه ان البزارين وايد مع امهاتهم
معليه احنا كبار ممكن نتحمل بس المشكله البزارين

والحمدلله ان ربج ستر

وبالنسبه للمعرض وقتهم غلط لان هالوقت الناس كلها مفلسه وتنطر الرواتب

علشان كذا مافيه زحمه مثل المعارض اللي راحت

كان المفروض انه يتمدد لآخر الشهر

بس غريبه جايين يترزقون في وقت غلط .. اخبر التجار مخهم شغال ومايختارون الا وقت صح

مااتوقع انهم اطلعوا بفايده تعوضهم عن اللي اخسروه لحجز كشك في المعرض

انا اليوم مريته نص ساعه لاني كنت حابه اخذ البخور الاماراتي

خذت بخور مسكت من عند البيت الخليجي وجربته وايد عجبني ومكياج بعد

وخذت بخور ال نهيان من محل اماراتي بس مااعرف اسمه

وكلهم حلوين

واختي خذت من ام سعود التاتو وبخور ماادري شسمه بس بعد حلو

هذا اللي خذناه بس

لان تقريبا اكثر المحلات للشنط والجلابيات من الزون

واذا فيه شي غير اللي اهما العطورات والبخور

وبث :shy:

شمعة الدوحه

24-01-2010, 07:04 PM

اممممممممم

خساره انه خلاص ماباقي شي ويسكر المعرض

لاني خذت كريم اساس شارميل والبودره

ماركه فرنسيه

احلى مافيهم ضد الماي وماتسيح :victory:

فاللي بتلحق تشتريهم اللحين تروح

وحده من ربعي اللي انصحتني اشتريها

ومكانهم e62

.. ام عبودي ..

25-01-2010, 12:12 AM

حب قطر

تستاهلين سلامة البنات

بيت الخليج

26-01-2010, 10:53 PM

الله يوفقج ام سعود موضوعج روعه

حـــب قطـــر

27-01-2010, 12:56 AM

بارك الله فيكم أخواتي و ما قصرتوا بوفقتكم و الله
و ان شاء الله ما تشوفون شر بعيالكم
...
تمنيت ألف بالمعرض و أشتري لكن بعد اللي صار تعقدت و مارجعت
الحمدلله على كل حال
لكن صراحة أنا تقييمي للمعرض فاااااشل بكل المقاييس
التوقيت غلط
غلط غلط
أمتحانات و اخر الشهر
الناس ما نزلت رواتبها و بعد مشغولين باالامتحانات
عاد الله يعوض خسارة التجار
لاني سمعت بعضهم تحسف على المشاركة لانه ما طلع بفايدة
اجار الكشك أشكثر و في الاخر مو مثبت عدل يطيح على رووس الناس
و بعد التوقيت غلط
شنو اللي بيخسروا لو أجلوه لاخر الشهر
.
.
الله المستعان و نتمنى انهم يستفيدوا من اخطاءهم و يكون المعرض القادم أحسن و ما عليه ملاحظات