شكرا حماية المستهلك

[بوعيسى]

السلام عليكم

اتقدم بشكر الى حماية المستهلك للمجهود الكبير الذي يقومون به

حيث من اربع ايام كنت في مطعم برج الحمام في اللؤلؤة

وبعد ان طلبت العشاء جاءة الفاتورة وكان هناك خطاء بها

كان سعر الشوربة 22 ريال في المنيو

والسعر الي في الفاتورة 25 ريال

قلت حق الجرسون البناني ان سعر الشوربة في المنيو 22 ريال والسعر في الفاتورة 25 ريال

بداء الجرسون يطالعني من فوق لين تحت ثم قال لا مايستوي

(معقولة قطري يتكلم عن زيادة في الفاتورة قدرها 6 ريال لاني طالب 2 شوربة زائد العشاء )

وبعدين رجع لي وقال السعر الي في المنيو هو الذي خطاء سعر الشوربة 25 ريال

انا دفعت الفاتورة

وقدمة شكوى لدى حماية المستهلك

وتم مخالفة المطعم وتغريمة بسبب هذا التصرف

شكرا حماية المستهلك

يا اخوان لازم الكل يدقق على الفواتير لازم نوقف الذين يستغلون طيبتنا عند حدهم

[دلة الرسلان]

الشكر لك اخوي قبل حمايه المستهلك لأنك تصرفت وما مشيت الموضوع .

[بوخالد911]

كفو علييك بو عيسى
:nice::victory::victory::nice:



تصرفك سليم وصحيح
100
%%%

يا ريت تحط لنا رقمهم


لا هنت


تحياتي قبل أن أدفع فاتورتي


مسيوو / بوخالد911

[واحد ثقة]

الرقم المجاني لحماية المستهلك

8005000

[بوعيسى]

الشكر لك اخوي قبل حمايه المستهلك لأنك تصرفت وما مشيت الموضوع .


السلام عليكم

اشكرك اختي على ردك

[بوعيسى]

كفو علييك بو عيسى
:nice::victory::victory::nice:



تصرفك سليم وصحيح
100
%%%

يا ريت تحط لنا رقمهم


لا هنت


تحياتي قبل أن أدفع فاتورتي


مسيوو / بوخالد911



السلام عليكم

هلا اخوي بوخالد 911

الرقام طال عمرك 4945500

[بوعيسى]

الرقم المجاني لحماية المستهلك

8005000

تسلم يابن شفيق

[aspirin]

الرقم المجاني لحماية المستهلك

8005000









السلام عليكم

هلا اخوي بوخالد 911

الرقام طال عمرك 4945500




الحين اى رقم اعتمده :con2:

[سوق واقف]

كفو بوعيسى والله أنك تحريبها

6 ريال مش فلوس والله أنا رجعت سلة كاملة في الميرة عشا ن نص ريال هههههههههههههههه

[شيط ويط]

يعطيك العافيه وتصرف سليم منك .. ونتمنى الكل يقتدي به .. والشكر للاخوان في حماية المستهلك

[aspirin]

كفو بوعيسى والله أنك تحريبها

6 ريال مش فلوس والله أنا رجعت سلة كاملة في الميرة عشا ن نص ريال هههههههههههههههه




رجعت سلة كاملة علشان نصف ريال :omg:صج عندك وقت فراغ كبير يابختك

[المستقل]

كفو بوعيسى والله أنك تحريبها

6 ريال مش فلوس والله أنا رجعت سلة كاملة في الميرة عشا ن نص ريال هههههههههههههههه


والله لو كل واحد سوى نفس هالحركه صدقني بيصطلبون


وبعدين ترى أهم ماينضرون للقطري لما إيتجاوز على أنه كريم بقدر ماينضرون على أنه

(ساذج) مع إحترامي لأهل قطر كلهم

[ابيض و اسود]

والله أنا اللي أشكرك على بادرتك (الإيجابية)

وأشكرك أكثر على إنزالك الموضوع في المنتدى حتى نقتدي بك إذا مرينا بنفس الظرف

والمسألة ليست مسألة 6 ريالات أو نصف ريال....ولكن الخديعة والغش و خدمة المجتمع بالتنبيه عن هذه الطائفة السيئة.

تخيلوا لو كل شخص كان (ايجابي) نفس الأخ الفاضل....سترون النزاهة بحد ذاتها مشمولة بالمطاعم لأن أصحاب هذه المطاعم سيعلمون إنهم في (مجتمع إيجابي لا يرضى بالغش)

[المستقل]

السلام عليكم

اتقدم بشكر الى حماية المستهلك للمجهود الكبير الذي يقومون به

حيث من اربع ايام كنت في مطعم برج الحمام في اللؤلؤة

وبعد ان طلبت العشاء جاءة الفاتورة وكان هناك خطاء بها

كان سعر الشوربة 22 ريال في المنيو

والسعر الي في الفاتورة 25 ريال

قلت حق الجرسون البناني ان سعر الشوربة في المنيو 22 ريال والسعر في الفاتورة 25 ريال

بداء الجرسون يطالعني من فوق لين تحت ثم قال لا مايستوي

(معقولة قطري يتكلم عن زيادة في الفاتورة قدرها 6 ريال لاني طالب 2 شوربة زائد العشاء )

وبعدين رجع لي وقال السعر الي في المنيو هو الذي خطاء سعر الشوربة 25 ريال

انا دفعت الفاتورة

وقدمة شكوى لدى حماية المستهلك

وتم مخالفة المطعم وتغريمة بسبب هذا التصرف

شكرا حماية المستهلك

يا اخوان لازم الكل يدقق على الفواتير لازم نوقف الذين يستغلون طيبتنا عند حدهم


خطوه موفقه وأتمنى من الكل يطبق نفس الشيء

[كازانوفا]

بالفعل المفروض الكل يدقق في الحساب قبل الدفع
ومشكور عالتنبيه والارقام

[بـــــــنت النوخـّــــذه]

حلو الانسان يكون واعي لهذي الامور لان لو تركت 6 ريال باجر بيقصون عليهم ب 600 ريال ويالله عاد كل اشوي زياده 00000

[الامير]

انتبهو في كلام كثير على هذا المطعم بذااااااات ارجو قبل لا تطلب انتبه للمنيو بعدها انتبهو للفاتوره

[هام السحاب]

افضل شي فالموضوع انه انذكر اسم المطعم

[ام السعف]

كفو لك انت يا بو عيسى وشكرا لك فوق الكفو

[مــــلاك]

غرموه صج ولا بس كلاااام ؟؟؟

[ليفربولي]

يستاهلون ..

وعساهم عالقوه العاملين باداره حمايه المستهلك

[بوعيسى]

الحين اى رقم اعتمده :con2:

اعتمد الرقمين

واحد مجاني

والثاني تدفع فلوس اذا اتصلت عليهم من الجوال

[بوعيسى]

السلام عليكم

اشكر الجميع على ردودهم

وان شاء الله نكون يقضين في التعامل مع المطاعم والمحلات الى هدفها استغللنا

والمشكلة الي عندنا حنا الشباب انة كل واحد يسحب الفاتورة من ثاني ويدفع من غير ما يتفحص الفاتورة
لانة بعض المطاعم يضيفون من عندهم طلبات على الفاتورة ويحسبونها علينا

ويستغلون فينا طيبتنا
الله المستعان

[ولـ قطر ـد]

يعطيك العافيه وتسلم على التنبيه وصحيح كلامك الغالب منا يدفع ولا يدري شاللومي وهذا ما يعتبر استغلال

[أحساس]

أسوء أكل لبناني عندهم والدليل
أنتبهوا للمشويات وخاصه الشيش طاووق كلها ملح
والخبز بارد ومن الدكان وفي كيس
والمقبلات بدون طعم وكانها جاهزة من أسبوع
وتمنيت لو كان مطعم المجلس أهو الموجود في نفس المكان
أو مطعم برج الحمام فرع البحرين

[alizz]

جزاك الله خير اخوي بوعيسى وكثر الله من امثالك الطيبين
يا اخوان خلونا نتصدى لامثال هذولا الحثاله الي يستغلون طيبة اهل بلادي

[القيادي]

وهذا الي لازم يصير انا كنت بمحطة ام الأفاعي وبعد ماخلصت من التشري نصب علي تقريبا 10 ريال بعد ماحاسبته وطبعا تفاجأ اشلون قطري ويحاسبه ! ليش لأني لاحظت الي يشترون من عنده ولا واااحد يحاسبه بس على طول كم حسااابك وعطه والله اني اشوف هالتصرف غباء , المهم بعد ماصدته بغيت ازنطه ووالله مش علشان 10ريال لكن لأني دريت انه قااااص على كل الي يجونه وفي نفس الوقت يبي يستغفلني وألأهم في الموضوع ونا اهواشه الا ذاك المغفل الي يضحك علي ويقول ياخي كلها 10 ريال:eek5: وخلي الهندي وفتر صوبه وقلت والله منكم انتم الي خليتوهم بتجرؤن علينا , وغلطي ماتصلت على حماية المستهلك وماكنت عندي هالمعلومه او الخدمه الي مقدمينها

والله يوفقك اخوي

[fandi]

كفوا يااخوي لو كل واحد منا تمسك بحقة ماراح حد ينصب عليك وياريت حماية المستهلك يفتروون على المجمعات التجارية الي يعطيك مع الباقي علك بحجة ماعندة نص ريااال

[مساهم عادي]

هذا الذي يسمونه وعي المستهلك وهو محمود ومطلوب..

[ملك الكرستال]

ما قصرت فيهم
فعلا يجب الانتباه لهم.... صاروا يستغلون الناس

[مبارك سعد]

يعطيك العافيه لأن الأشكال تعتقد أن القطري مغفل ولايفهم ولايعد فلوسه بعد المحاسبه على قولت بعض الجاليات الأسيويه ( قتري واجد فلوس مافي مشكـــل ) . وشكرآ .:omen2:

[بوعيسى]

اشكر الجميع على ردودهم

[بوعيسى]

يعطيك العافيه لأن الأشكال تعتقد أن القطري مغفل ولايفهم ولايعد فلوسه بعد المحاسبه على قولت بعض الجاليات الأسيويه ( قتري واجد فلوس مافي مشكـــل ) . وشكرآ .:omen2:

هذا بسبب طيبتنا وثقتنا في اشخاص لايستحقون الثقة

[الصريحه]

تعبنا منهم
الللله على اىلظالم
لين متى واحنا سذج ماننتبه
حراميه في كل مكان

[بوعيسى]

تعبنا منهم
الللله على اىلظالم
لين متى واحنا سذج ماننتبه
حراميه في كل مكان

السلام عليكم

الحرامية لازم نوقفهم عند حدهم

والدولة موفرة جهة مختصة لحماية المستهلك من الاستغلال

ويجب علينا جميعا ان نكون ايجابيين ونتعاون مع هذة الجهة لمصلحتنا

[ع.م]

الرقم المجاني لحماية المستهلك

8005000
:nice:

مشكورين على التنبيه..

الله يكثر من أمثال أخونا بوعيسى..

[saranay1]

سؤالي
هل لازم ندفع (والفاتورة غلط ) علشان حماية المستهلك ايشوفون الغلط

الشي الثاني
هل بالفعل كان هناك عقاب وغرامة

[بوعيسى]

سؤالي
هل لازم ندفع (والفاتورة غلط ) علشان حماية المستهلك ايشوفون الغلط

الشي الثاني
هل بالفعل كان هناك عقاب وغرامة

السلام عليكم

بنسبة لي دفعت الفاتورة وبعدين شتكيت عليهم

واعتقد نعم بالفعل تم تغريمهم

لانة ما اعتقد اداراة حكومية بترسل لي رسالة على الجوال بانه تم مخالفة المحل ولن يفعلو ذلك

وهذا نص الرسالة

عزيزي المستهلك
تم التحقق من الشكوى رقم ( )
ومخالفة المحل التجاري

[برق لمع]

الف شكر على التنبيه
والموضوع جدا مهم بالنسبة لشخص لا يحب ان يستغفله احد
انا برأيي المبدأ ان ادارة المطعم تستغل ثقتنا فيها
الطيبة ما تنفع معاهم كفاية الtips (البخشيش) اللي يحطونه هل قطر بس عشان ما ينقال انهم cheap
وانا ضد ال tips ابدا