إستشارة في إكس ار 2009

[فقيرة]

لقيت سياره بهالمواصفات وطلعت علي بـ 200
تسوا هالسعر ولا مبالغ به ولا شنوو
لان ماعندي خبره بالسيارات فما أعرف وشكراااااااااااااااااااااااااااا :victory:

اتوماتك / 8سلندر/ جلد / فتحة / تلفزيون وديفيدي ونافيجيشن/
قاطع 18 الف
لكن ماعليه ضمان وارد البريمي
أوكي فيه الـ200 ولا لا ؟

[مهاجر]

اسعارهم فالسوق بين 185 لين 205 تقريبا حسب النظافه

الموتر شكله نظيف وممشاه حلو بس وارد الدوحه بتحصله بنفس السعر ويمكن افضل والله يوفقك

[فقيرة]

أهاااا
يعني مو أوكي
:(

[الخارجية]

وااااايد عليه 200

[فقيرة]

خخخخخخخخخخخ
حطمتوني

[الخارجية]

خخخخخخخخخخخ
حطمتوني


ليش حطمناج ؟

[الاستاندر]

وار البريمي وب 200 مبالغ احس في السعر والله اعلم

[hxamad]

وايد 200 لا وارد بريمى شوفلك وارد الدوحة احسن لو 200 لاكن لبريمى نفس ماقالو الأخوان

[فقيرة]

أهااا
بس وارد الدوحه مافي ومشكورين ع الرد

[بن درويش]

وارد قطر اصفار 2009 ب216 فى المعارض

[مهاجر]

شيكي عالخاص

[عـيـون قـطـر]

واااااجد عليه 200 الف لو ورارد الدوحه ممكن

[rashid-1]

السلام عليكم

200 الف

أشتري فيها جي أكس آر من الشركة أبرك لج

أصفار

[فقيرة]

أي معرض أخوي
لاني ماقدر اروح والف المعارض

[مستثمر 999]

ما اعتقد ان السياره الي تقصدينها vxr

لان ال vxr بدون تلفزيون يمكن جي اكس ار ومركلبن شاشه تجاريه

عموما الحين الفكسار وارد الدوحه يسوي 180-188 الف

بالتوفيق

[مروض الفكرة]

يمكن يوصل هالسعر

[فقيرة]

ما أقدر أرد على الرسايل الخاصه
ورحت التضامن وقالوا لي مافي أقساط
وراعي المعرض قال ان اروح التيسير للضمان بـ1500
وأنا أصلا لحين مب فاهمه شسالفه
هاي مشكلة اللي ما عندها أخوان خخخخخخخ

[لوسيل]

ليش تاخذينها اقساط عن طريق التضامن

أخذيها عن طريق المصرف ... وتحملي تاخذين اقساط من بنك ربوي

وبخصوص سعر الموتر اشوفه غالي على وارد البريمي ... أنتظري وأخذي وارد الدوحة أبرك

أسعارهم من 190 - 195 الف المستعملين

والله يوفق الجميع

[موظف بالبورصه]

ليش تاخذينها اقساط عن طريق التضامن

أخذيها عن طريق المصرف ... وتحملي تاخذين اقساط من بنك ربوي

وبخصوص سعر الموتر اشوفه غالي على وارد البريمي ... أنتظري وأخذي وارد الدوحة أبرك

أسعارهم من 190 - 195 الف المستعملين

والله يوفق الجميع

بيع لها موترك تشوف الاخت متوهقه مسكينه ..

فقيره ترا لوسيل عنده vxr ابيض جلد 2008 ....

يطلع فيه اذا الجو مغيم بس ... وباقي الايام مطربل ...

[مستثمر 999]

يمكن يوصل هالسعر

تقدر تمر معرض الشرق وتشوف بعينك

ذهبي 2009 اعتقد جلد لان السيات ملبسه على 175000 ماشي اعتقد اقل من 20 الف

ومعرض البيادر عندهم لؤلؤي اسبير علاق على 188000

[الجوكر90]

السلام عليكم
الفكسار جلد واصفار سعره 224 الف
مع الخصم يمكن ب222
احسن من المستعمل ولا وارد بريمي
وبالتوفيق ان شاء الله

[فقيرة]

لو عندي 222 جان خذت من الوكاله خخخخخخخ

طيب أخر سؤال (أدري سندرتكم) :)

فكسار ذهبي 2009
ماشي 26.000 8 سلندر وفول أوبشن مخمل ولونها ذهبي
وارد الدوحه وفيها صبغ ع الباب
وسعرها 185 قابل

أوكي ولا لا ؟!!!
هذي أرخص فكسار لقيتها الباقي أسعارهم من 192 لين الـ200

:
:
:
وشكـــــــــراً
:)

[لوسيل]

نصيحة بتدفعين هالمبلغ أدفعي في شي نظيف لا فيه صبغ ولا اي شي

حرام اقط 180 الف في موتر مصبوغ

زيدي الخرده شوي وخذي شي نظيف

والقرار في النهاية راجع لج

[فقيرة]

إن شاءالله
وتبي الصج أنا كنت متردده لأن اللون ذهبي ومخمل بعد امممممممم
لقيت حول الـ5 وكلهم شي وتسعين وشكلي بنقي منهم الأحسن وبتوكل ع الله

مشكورين أخواني وما قصرتوووووووووووووو
يزاكم ربي كل خير وسوري للي أرسلو لي رسايل خاصه لأني ماأقدر أرد عليكم

[رحاال]

الله يوفقك

[+abc]

السلام عليكم
الفكسار جلد واصفار سعره 224 الف
مع الخصم يمكن ب222
احسن من المستعمل ولا وارد بريمي
وبالتوفيق ان شاء الله

على يدك ياخوي الجوكر انا شراي تقدر تجيبه لي بهالسعر 224 وبدون الخصم ماابغيه واكون شاكر لك

والله يوفقك ياصاحبة الموضوع وتلاقين طلبك ان شاء الله

[موظف بالبورصه]

إن شاءالله
وتبي الصج أنا كنت متردده لأن اللون ذهبي ومخمل بعد امممممممم
لقيت حول الـ5 وكلهم شي وتسعين وشكلي بنقي منهم الأحسن وبتوكل ع الله

مشكورين أخواني وما قصرتوووووووووووووو
يزاكم ربي كل خير وسوري للي أرسلو لي رسايل خاصه لأني ماأقدر أرد عليكم

فقيره الا 2009 يعني ماتبين 2008 بس نظيف ؟؟؟

[làst çhàncè]

غالي السعر في السوق بنفس المواصفات 185 الف