غش في فاتورة في مقهى cinnzeo

[ملك الكرستال]

السلام عليكم جميعا
يبدو ان مسلسل الغش في الفواتير في اللؤلؤة بدأ يزيد
قبل 4 ايام كنا نتمشى في اللؤلؤة وقلنا نشرب قهوة في المقهى المذكور وخذنا 3 انواع مختلفة ومن الحجم الوسط ، المهم من جاب الفاتورة الا الاخ حاسبهم 4 طلبات وبأعلى سعر وبالحجم الكبير اللي دفع انتبه انهم 4 طلبات وقال له احنا طلبنا 3 واعتذر له الكرسون ورجع ثمن طلب ومن شفت الفاتورة قلت له وليش حاسبهم على اغلى شي وبالحجم الكبير بعد.قلت لهم ما أسكت لهم رحت له وناقشته تصوروا الوقاحة والغش وين توصل
قال لي احنا رجعنا لكم ثمن طلب واحنا ماعندنا بس حجم كبير ، قلت له رويني الكوب اللي جبته طبعا اللي جاب لنا فيهم خاشهم تحت وقال اسف انا جديد ويعيدها ولا رجع الفلوس الباقية قلت له حشتكي عليكم مو عشان الفلوس ،بس لوقاحتهم وغشهم
ملاحظة ، صارت موضة جديدة انهم من يريدون يستعبطون ويسون نفسهم ما يفهمون يقول لك انا جديد انا جديد وكله كذب
حبيت انبهكم ولكم الشكر

[المستقل]

يأخي الحق مامنه مستحى

والله العظيم إذا الواحد تجاهل تصرفاتهم طيب منه وعزه نفس ماراح يقلون عنه كريم ولاكن راح يقلون عنه غبي وساذج هذي الحقيقه . ومسأله الفلوس الواحد فينا يدفع بدل الريال ألف بس برغبته وكرم منه ولكن لايدفع ربع ريال بطرق إستغفال واستخفاف .


تحياتي

[الكونجرس]

حسبي الله عليهم

[ملك الكرستال]

مشكورين على ردكم
بتصل بكرة بحماية المستهلك مثل اخونا ابو عيسى..... عشان يوقفون عند حدهم

[الحبتور]

يبيلهم ضرب بيد من حديد

[فتى الجود]

انت قطري

فلازم ينقص علييك

لانك جزء من الكيكة

[بوعيسى]

السلام عليكم

لا تسكت عن حقك اخوي اتصل حماية المستهلك وان شاء الله ما راح يقصرون معك الاخوان هناك

[ذوق]

مشكور على التنبيــه وبالذات اني ما نتبه للفاتوره ,,, وتلقى الواحد فيهم ياخذ الباقي في مخباه

[meme~qatar]

حسبي الله ونعم الوكيل فيهم

انت قطري انت في فلوس واجد

هذي جملتهم واسطوانتهم المشروخة

[Mr.1]

والله لو انـا منك مايردني الا حمايـة المستهلك ...,

[بومحمد92]

يزاك الله خير اخوي عـ التنبيه ..

يبيلهم ضرب بيد من حديد توقفهم عند حدهم ..

[دلوعه امها]

صارت معاي السالفه في هاجن داز بس استحيت اقول وطلعت

[وحش قطر]

صارت لي ومادفعت ولا ريال

طنشتهم وركبت السيارة بدم بارد

وجيتة بعد اسبوع وطلبت وانا قاعد جاني مدير الكوفي يعتذر مني

وعزمني وتحسف طلعتها علية اكثر من بيع السوق

[hxamad]

تسلم على التنبية

[@north_star@]

مب غلط انه الواحد يشيك الفاتورة وهذا حق وانا صارت معاي اكثر من مرة بس الحمد لله كنت اصيدهم واهم شي انه الواحد ينتبه والله يبعد عنا هالاشكال

[بوخالد911]

قواكم الله


لازم الانتبه يا جماعة


مب أحسن لهم
لو سووا هالحركة معااي



مسيوو / بوخالد911

[بوخالد911]

صارت معاي السالفه في هاجن داز بس استحيت اقول وطلعت



انتي غلطانة

لازم ما تستحيين من هالحرامية

:nice::nice::nice:




صارت لي ومادفعت ولا ريال

طنشتهم وركبت السيارة بدم بارد

وجيتة بعد اسبوع وطلبت وانا قاعد جاني مدير الكوفي يعتذر مني

وعزمني وتحسف طلعتها علية اكثر من بيع السوق

أحلى يا وحش


أحسنت وعفية علييك

:victory::victory::victory:

[XFAHADX]

لاحول ولاقوة الابالله

[ملك الكرستال]

اخوي وحش قطر ضربتهم ضربة معلم
ما يستحون ويستاهلون التأديب
اتصلت بحماية المستهلك وبقول لكم

[سوق واقف]

هذي الموضه الحين الحرامية

[][ الوحيد ][]

صارت لنا من كم يوم في كوفي في فيلاجيوو !!

طلبنا طلبين نفس الشي ,, قيمه الواحد 40 ريال تقريبا و عصير ب 20 وشي ,, وثلاث غراش ماي ,,

طلبنا الفاتورة كانت 217 !!!!!!!!!!!!!!
العاده ندفع ونطلع ,, بس واحد منالشباب قال شدخل هاي مب فاتورتنا ,, قال حق الريال هاذي مب لنا ,, خذها الرجال وقاله oooh sorry !!
راح ورجع لنا بفاتورة 122 ريال !!
وكانت هاذي الصح ,,
اول فاتورة جابها كانت موجوده طلباتنا بس في طلبات زياده معانا !!

[السندان]

صارت لي ومادفعت ولا ريال

طنشتهم وركبت السيارة بدم بارد

وجيتة بعد اسبوع وطلبت وانا قاعد جاني مدير الكوفي يعتذر مني

وعزمني وتحسف طلعتها علية اكثر من بيع السوق

سنايدي .. اشهد انك وحش :nice:

[FULL]

الرقم المجاني ل حماية المستهلك
8005000


متعلق بنفس الموضوع
http://www.qatarshares.com/vb/showthread.php?t=334457&highlight=%CD%E3%C7%ED%C9+%C7%E1%E3%D3%CA%E5%E1%DF

[بحر العذاب]

وفي مره قعدت في كوفي شوب أنا ومعاي 2 وكلا طلب كوفي بس، شوي إلا الحبيب جايب اللي طلبناه

ومع الماي قام وبطل الماي وصب لنا بس محد شرب الماي ويوم طلبنا الفاتوره شفنا الحبيب حاسب

الماي معاه دفعنا قيمة اللي طلبناه راح ورجع لنا يركض يقولنا باقي 5 ريالات ،قلت له ليش يروني الفاتوره

قالي الماي 5 ريالات وقلت له من طلب ماي . قال محد بس أنا جبت لكم الماي ، قلت له خذ الماي مانبيه

وماراح أدفع لشي أنا ماطلبته ولا شربته . ويوم نادى المدير أعترف المدير أنه هذا غلطة الجرسون .

وأعتذر لنا .

[rockerbabe]

و اللي في ستاربكس اللي في المستشفى يبيلي لهم حد يسنعهم حاطين لهم واحد فيليبني عينه قوية مغازلجي و الثاني هندي و ثنينتهم شايخين ما يبون يوصلون الطلبات فوق قال لك self-service لكن أنا ما سكت قلت له وين الإعلان روني إياه اللي يقول سلف سيرفيس قلت و اللي في المجمعات بس سلف سيرفيس و لا بس في المستشفى سكت و أقط على ويه الطلبات و قلت له سلمني فلوسي ما أبي خدمتكم إلا قايل عطيني الفاتورة
و يرد لي المبلغ ناقص قلت له ليش حاسب علي اللاتيه و أنا أصلا ما شربته و لا إنت سويته حتى قام قال إنتي ناعطتني الفاتورة جذيه قلت له رفيجك اللي معطيني إياها ناقصة تصوروا شقال خلاص خلاص باجيب لكم الطلبات فوق قلت له ما أبي أبي فلوسي كاملة و أطلع و أنا ماخذه فلوسي و أخليه يولي و كنت ما راح أرجع عليه غرشة الماي لكن خوفي من رب العالمين و لا خوف منه رجعتها

[كيلو حديد]

السلام عليكم جميعا
يبدو ان مسلسل الغش في الفواتير في اللؤلؤة بدأ يزيد
قبل 4 ايام كنا نتمشى في اللؤلؤة وقلنا نشرب قهوة في المقهى المذكور وخذنا 3 انواع مختلفة ومن الحجم الوسط ، المهم من جاب الفاتورة الا الاخ حاسبهم 4 طلبات وبأعلى سعر وبالحجم الكبير اللي دفع انتبه انهم 4 طلبات وقال له احنا طلبنا 3 واعتذر له الكرسون ورجع ثمن طلب ومن شفت الفاتورة قلت له وليش حاسبهم على اغلى شي وبالحجم الكبير بعد.قلت لهم ما أسكت لهم رحت له وناقشته تصوروا الوقاحة والغش وين توصل
قال لي احنا رجعنا لكم ثمن طلب واحنا ماعندنا بس حجم كبير ، قلت له رويني الكوب اللي جبته طبعا اللي جاب لنا فيهم خاشهم تحت وقال اسف انا جديد ويعيدها ولا رجع الفلوس الباقية قلت له حشتكي عليكم مو عشان الفلوس ،بس لوقاحتهم وغشهم
ملاحظة ، صارت موضة جديدة انهم من يريدون يستعبطون ويسون نفسهم ما يفهمون يقول لك انا جديد انا جديد وكله كذب
حبيت انبهكم ولكم الشكر

وليش ما تشتكي عشان الفلوس
لو ريال ينأخذ بالغش بهاوش عليه

كله من الزبو اللي صاير

الناس يدفعون ولا يشيكون من الحيا
يخافون الناس يقولون يهاوش على ريال


زين اللي سويته فيهم

[Breakaway]

إذا الفاتورة مطبوعة ومطالب أنت يالزبون بالدفع فما اعتقد يقدر يسرق الفرق إذا كان هناك خطاء متعمد لأن مكينته سجلت المحصلة ولا يقدر يغير فيها، والمحل مب حق ابوه! *

[Mr.Mohammad]

لا تسكت عن حقك..


الحق ما ينسحـى منه..


زين سويت...