((( فتح حساب في بنك بدولة قطر )))

[بندر1]

اخواني الأعضاء

انا من السعودية وأريد ان افتح حساب في احد البنوك لديكم وذلك بغرض الاستثمار

بالأسهم .

ارجو منكم ارشادي لأي بنك اذهب وافتح حساب به ؟

وما هي شروط فتح الحساب ؟

وكذلك الطريقة التي استطيع ان اشتري وأبيع بها الأسهم ؟

وكيفية فتح حساب تداول بالانترنت ؟

وشكرا لكم .

[JULY]

هلا اخوي بندر بختصر لك الطريق واوفر عليك الاسئله

اتبع معي الخطوات الاتيه

1 _ تذهب الى الدوحه

2_ ثاني يوم الصباح من بدري تذهب الى سوق الاسهم ( البورصه )

3- تمسك سرا مع الناس اللي واقفين وتكون معك صورة الجواز وصورة بطاقة الاحوال والاصل طبعا معك

4- يجي دورك عند الموظف يفتح لك الحساب بكل رحابة صدر ويعطيك ورقه فيها رقم المستثمر حقك

5- بعدها عليك ان تختار الوسيط وانصحك بالمجموعه علما ان تداولهم بالتلفون فقط ولكنها شركه زينه
واذا بغيت تدوال بالنت في شركة دلاله وفيها تدوال بالنت ولك الخيار في الوسيط

6- بعد ان تفتح حساب عند الوسيط يعطونك بطاقه فيها رقم المستثمر حقك وارقام التلفونات حقتهم

7- بعد ما تاخذ البطاقه هذي تطلع برا السوق وفي ظهر السوق بنك اسمه بنك قطر او الدوحه والله نسيت

اسمه المهم انك تودع المبلغ على طول في باسم الشركه الوسيط اللي انت اخترتها .

بعدها تكلم الوسيط في رقم التلفون اللي اعطوه لك وتشتري على طول الاسهم اللي تبغاها وتقدر تبيع وتشتري في اي وقت .

8- المساله ما تحتااج فتح حسااب لدى بنك

اتمنى اني اكون جاوبتك بشكل مفهوم

تمنياتي لك وللجميع بالتوفيق


جولاااااي

[PoBox]

وخذ الطريقة الثانية (( الاسلامية))
لان كل بنوك الدوحة ربوية الا 2
المصرف
والدولي الاسلامي

وحساب المجموعة يكون في بنك الدوحة ( الربوي)

وانت اختار

ما قصر اخوي ذكر طريقة فتح حساب سوق الدوحة
لما تاخذ الرقم
روح الطابق الثالث
دلالة الاسلامية (( مكتب الوساطة)

وعطهم رقم المساهم ..
راح يفتحون لك حساب مستثمر
ويفتحونلك حساب في مصرف قطر الاسلامي
وتوقع على اوراق
مركز الاتصال
وخدمة الفاكس
وتداول الانترنت (( هي الشركة الوحيده الي لها تداول الى الآن على النت))

راح يعطونك كل شيء نفس الوقت
الا باسوورد الانترنت شوي يتاخر ..

ولما تبي تودع اودع في حسابك ((حساب المستثمر )) الي في المصرف

رقم الهاتف (دلالة الاسلامية)
4285555
فتح الخط
974+

واستفسر منهم يفيدونك اكثر