الشاعره السعوديه (( هتان )) !!!

[بوخالد2]

بسم الله الرحمن الرحيم

السلام عليكم ورحمة الله وبركاته

العادات والتقاليد تحكم بعض الأسر وترفض ان الناس تعرف اسماء بناتها

وكلن له رأي في اعتراضه... ولهم الحق في ذلك

الكل يعرف الشاعره السعوديه الملقبه بـ ( هـــتــّـان )

سنوات طويلة وجميع عشاق شعرها لا يعرف من هتّان

إلى أن صرح زوجها في أحد المقابلات باسمها الحقيقي.


الأسم : الأميرة لينا بنت عبد الله العجاجي

المولد : الأحساء

نشأتها : نشأت هذه الفتاة كاي فتاة ولكن الحزن كان دائماً يرافقها في حياتها

تزوجت هتّان صاحب السمو الملكي الأمير المعتز بن الملك سعود بن عبد العزيز آل سعود

وأنجبت منه ثلاثة أطفال بنتان وولد .... وأصبحت أم شقران

غادرت أم شقران الاراضي السعودية وتوجهت إلى أمريكا لتصحب زوجها في عمله

وكان في وقته مدير عام مكتب الحرس الوطني لدى الولايات المتحدة الأمريكية .

بتكليف من عمه صاحب السمو الملكي الأمير عبد الله بن عبد العزيز .


وتقول في أحد قصائدها التي لم ترى النور:


وش اللي بس بيتغير

اسافر أغير الديره

مدام الجرح مثل ما هو

ويوم عن يوم غصب يكبر


كانت مقيمة شاعرتنا في ولاية فيرجينيا 20 ميل عن العاصمة واشنطن دي سي .

عاشت شاعرتنا في أمريكا سنوات حتى فاجئ الموت زوجها ....

فكانت الصدمة الكبرى

ترك لها ثلاثة أطفال ( امراء) وغادر الدنيا.. بصمت

قالت في زوجها صاحب السمو الملكي الأمير المعتز رحمه الله :


* الفارس *

قمت احسب ايامي واعد الليالي *** ولافجعني مثل بعض الصداقات

توي دريت اني وحيده لحالي *** الحين اصدق غصب : معتز قد مـات

فقدت اخوي وصاحبي راس مالي *** وغرقت عقبه في بحور عمـيقات

حتى بحزنه كان جدا مثالي *** يحمل هموم الكــون بأيمان وسكــات

توي صحيت وشفت وشهو بقالي *** بنتين وطفل وهم وجروح وأهــات

مرحوم يافارس وحيد ومثالـي *** فجأه غدره المــوت والموت غــدرات

راح وتـرك لي صـورتــه في عـيالي *** سؤال ماتـكـفيه كـل الاجـابات

ماكنت اصدق عمر ماقد طرالي *** ان فيه ناس من الحزن كنها اموات

تركـني متلعثمه في سؤالي *** هو فـيه بـعدك صـبح و الا مـّســرات


هتّان و الحزن توأمان ... ورحلة طويلة



الشاعرة هتّان دخلت الساحة الشعرية بشكل قوي وناجح


فكان لها نصيب كبير من تقدير الناس والجمهور عامة


اول قصيدة إنتشرت لهتّان كانت (عين الشمس ) ونشرت في احد الجرائد اليومية

ففوجئ الجميع بكاتبة جبارة تجيد حياكة المعاني لتضعها كدرر ثمينة معلقة على جيد الساحة الشعرية

فتعالوا معي لنسمع ماذا قالت هنا:


تحط عينك بعين الشمس

بزعمك تقدر تكابر

ومن يقوى باصابع خمس

يغطي نورها الكاسر

اذن هي الحقيقة التي (يزعم) انه قادر على مواجهتها

وتناسى ان الانسان لا يستطيع ان يحط عينه بعين الشمس او ان يغطيها بأصابعه الخمسة

اذن هي مدهشة مطعمة بعبق غريب ومفردات مميزة شاهقة الجمال كنخيل الاحساء

ولكن دعوني احيي هذه الهتّان على توظيفها الجميل لمفردة (بزعمك)



* زمان وطاف *


كرائحة المسك النفاذة تلك القصيدة كدمعة طفلة بريئة تقحم الحزن في حياتك

هذه القصيدة بملامح الذكرى المرة التي انتهت بالخلاف وبحرقة كانت تقول:


زمان وطاف

وانتهينا باختلاف

كان حبك مقصر

حبي كله اسراف


الا تستحق مفردة مثل (اسراف) ان تزرع حقلا من الدهشة في دواخلنا!!



ولا يوجد تكريم افضل لكتابة متمكنة سوى كما قالت :


الف,, شكرا يا موقف!!

والف شكرا لهتّان المعطاءة,,




* هتّان والسفر للجرح من جديد* :


مدام النفس من داخل

مذبوح الامل فيها

اعز الناس ما هوب سائل

عن دمعات اداريها

وش اللي بس بيتغير

اسافر اغير الديره

مدام الجرح مثل ما هو

ويوم عن يوم غصب يكبر

قصيدة رائعة لم يكتب لها أن تنشر وللتأكيد هذه القصيدة المميزة

لا يمكن ان يقال عنها الا انه اصدق وارقى قصيدة سمعتها لهتان

فالكلمات مسبوكة بشكل مذهل

و مليئ بالاحساس والصدق والتأثر ايضا وهذا ليس بالغريب على هتّان.



ولها قصيدة عتب على الشعراء الحاليين تقول فيها :


* وجودي *

وجودي والعدم واحد ..

مادام اللي يقولون الشعر واجد ..

احس بأحباط يغفلني .. ولا ودي

بأي ناقص يصنفني ..

ويهضم حقي ..

او حتى يغدقني مدح زايد ..

لأني انثى تترفع عن الاسفاف .. ويتعبني الوفا ..

وغير يقابل ذا الوفا باجحاف

ويسبقني .. ابو يومين في الساحه ..

ويلقى له كذا شاهد ..

واه واه يا انثى ...

تعديتي الاسم والشكل والصورة ..ورغم هذا

بقيتي في دروب الشعر مغموره .. اسم ماله ابد معني

نهر احزان ... بلا رافد

ويبقى الحل .. ما نكتب

ويبقى الحل .. نشرب التجريح

ونقبل بالخا فينا .. عشان ندور التصحيح

واه واه يا انثى ...

مكانك وسط بيت .. بحضن الزوج والوالد ..

سكتنا او بعد بحنا .. بكلمة نطلع فوق .. وفوق ..

وكلمة وحده تذبحنا ...

واقل كلمة معك تنقال .. هذي بنت مغرورة ..

وتصبح سيرة وسط الناس

قصص ابطالها حراس .. وشاهد يشهد لشاهد ..

واه واه يا انثى ....

عزاي اقول :

وجودي والعدم واحد ..

مادام اللي يقولون الشعر واجد ..

ويبقى كل شي عادي ..

ويعني ايش ... غاب واحد
هتّان

تقيم حالياً شاعرتنا الرائعة على الساحل الشرقي .


بعض اشعارها


خــــــــــــــــــــــــــــــــــمس جــــــــــــروح

قل وشتبي بكيفي
خلني على كيفي
كتله مشاعر مهمله
والحزن هو ظيفي
لا تسألني اشلوني
لوني سمار الشمس
لا يهمك جنوني
تراها جروح خمس

اول جروحي قـلب .. ميت من الاهمال
وثانيها صدمه حب .. مات بـرواقـه بـال
ما عدت انا اهتم .. بـجـراح مـا تـلـتـم
وخلني اكمل لك
واسمع بعد شملك

باقي ثلاث جروح
بـحكيـها لـك واروح
الـثـالثـه احـزان .. من راسي لاقدامي
والرابعه هجران .. ماتـت بهـا احلامـي
ما عدت انا اهتم .. بـجـراح مـا تـلـتـم
وخلني اكمل لك
واسمع بعد شملك

باقي الاخيره نزف
باقي الاخيره ضعـف
دمــع وقـــف بالـعـيـن
جــمــر حــمــر مـا جـف
خامس الاخماس .. يا سيـدي الحساس
انــي انــا كــلــي .. ما عاد بي احساس
تسألني عن كيفي !
والله مالي كيف
والحزن هو ظيفي
والهم بقلبي سيف


قد ما حبيت
قد ما حبيت شي من قلبي نقص
قد ما حسيت يمكن احساسي خلص

و دايم قمة الاشياء بداية عكسها دايم
قد ما رحت و رجعت و رحت ثاني للغياب

قد ما منك زعلت ما بقى فيني عتاب
ما بقى لي ما بقى يا مهاديني الشقا

حلم ثاني تقتله ..ماتت احلامي خلاص
شفت وش علي النجوم فوق هامات السحاب

عندها قدرك في يوم طاح كالنجمه شهب
ما بقى لك عندي شي و انطفى لك كل ضي

يكفي لا تعتب علي لا تعاتبني خلاص


عرفت الناس

عرفت الناس والدنيا وطريقي...

وعرفت ان الهوى كذب واماني

خذاني الشوق والحب الحقيقي..

.لذاك اللي عقب وده جـــــفــــانــي

نساني للاسف في عز ضيقي...

وانا في غمرة اجــراحي اعانـــي

لقيته في هوىغيري غريقي...

تنكر من هـــــواي ومن حــــنانـي

هني اللي في هالدنيا طليقــي...

ومـــاله صـــاحب مثـــله انــــانـي

الا وينك انـــــــادي يارفيقـي...

بعد حبه بلابــــــــــي حب ثـــــاني


ابي رجال

لاابي ثوب ولا غتره
ولا ابي عقال
ابي موقف
وابي كلمه تهز جبال
دخيل الله ابي رجال
الى من طحت من طولي
يشد ويسند حمولي
ولجل ايدي على كتفه
يطول اللي فلا ينطال
والى من صحت
يحس فيني قبل لاابكي
ويواسيني قبل لااشكي
ومن قلبه الى ونيت
يكتب دمعتي موال
ولاابي ثوب ولا غتره
ولاابي عقال
دخيل الله ابي رجال


حضور غياب

غيابك قبل مانت تغيب مأثر فيني فاضحني
ف كيف اليوم وانا اشوفك تلملم باقي ايامك
امانة لارحلت ارحل بحب وقلب رابحني
انا شوفي من عيونك واعانق فيها احلامك
احس بغصة تذبحني دخيلك لو تسامحني
على احساسي اللي بعثرته جمح خيل يبي لجامك
وطن ياغربتي بدونك ياشوق وهم ذابحني
وانا ادري بك تحس فيني ولام الله من لامك
ابيع الروح ياكل الروح لجل لحظة تصارحني
حقيقة كنت انا بدنياك او من صنع اوهامك
اثاري حبي لك واضح ولا ادري ش اللي جارحني
وعشان الخوف غيبت الحقايق بس قدامك
انا ادري ملخبط احساسي واشوف الوجد فاضحني
قبل لاتروح لملمني وخذ مني هنا ايامك



معاك الحق

نعم ادري انا الغلطان معاك الحق لو تزعل
ولكن ومهما يصير حبيبك والعذر واضح
تمر ظروف بي والله لو تدري بها تخجل
الم كلي على بعضي وانا مقدر لو تسامح
حبيبك رغم كل البعد ولا ظنيت اب اتحمل
زعل لحظة بها تغلط وترمي سهمك الجارح
نعم يتعبني هجرانك ولكني اب اتأمل
بخير00 بيوم يجمعنا نعيد الود ونتصارح
رحيق المر تجرعته من الدنيا واب اتجمل
ل آخر يوم في عمري اب اعسف جرحي الجامح
وتدري يااعز الناس معاك الحق لو تزعل
وبعد تدري ومهما يصير احبك والعذر واضح



من بعد معتز

اسم القصيده : فارس وحيـــد

قمت احسب ايامي واعد الليالي ..

ولافجعني مثل بعض الصداقات

توي دريت اني وحيده لحالي ...

الحين اصدق غصب : معتز قد مـات

فقدت اخوي وصاحبي راس مالي ..

وغرقت عقبه في بحور عمـيقات
حتى بحزنه كان جدا مثالي ...

يحمل هموم الكــون بأيمان وسكــات

توي صحيت وشفت وشهو بقالي .

.بنتين وطفل وهم وجروح وأهــات
مرحوم يافارس وحيد ومثالـي ..

فجأه غدره المــوت والموت غــدرات

راح وتـرك لي صـورتــه في عـيالي ..

سؤال ماتـكـفيه كـل الاجـابات
ماكنت اصدق عمر ماقد طرالي ..

ان فيه ناس من الحزن كنها اموات

تركـني متلعثمه في سؤالي .

.هو فـيه بـعدك صـبح و الا مـّســرات



منقول

[هتـان قطر]

بوخالد الله يعطيك العافية على النقل الرائع

خصوصا ان الشاعرة اسمها " هتـان " :nice:


قصايدها حليوه.. ما تفاعلت معها كثير

والله يعوضها خير في عيالها بعد وفاة زوجها

اللي كانت وفاته سبب في جعل ابياتها

تتسم بالحزن ولوعة الفرقا


هالابيات اعجبتني..

مرحوم يافارس وحيد ومثالـي *** فجأه غدره المــوت والموت غــدرات

راح وتـرك لي صـورتــه في عـيالي *** سؤال ماتـكـفيه كـل الاجـابات

ماكنت اصدق عمر ماقد طرالي *** ان فيه ناس من الحزن كنها اموات

[(بوعوف)]

اختيار موفق جدااا بوخالد ، صح لسان الشاعرة هتان
وتسلم يمين الناقل

[بوخالد2]

بوخالد الله يعطيك العافية على النقل الرائع

خصوصا ان الشاعرة اسمها " هتـان " :nice:


قصايدها حليوه.. ما تفاعلت معها كثير

والله يعوضها خير في عيالها بعد وفاة زوجها

اللي كانت وفاته سبب في جعل ابياتها

تتسم بالحزن ولوعة الفرقا


هالابيات اعجبتني..

مرحوم يافارس وحيد ومثالـي *** فجأه غدره المــوت والموت غــدرات

راح وتـرك لي صـورتــه في عـيالي *** سؤال ماتـكـفيه كـل الاجـابات

ماكنت اصدق عمر ماقد طرالي *** ان فيه ناس من الحزن كنها اموات

الله يعافيج اختى هتان

هى لها اشعار كثيره ومنها المغناه

واهم شي انه نال على اعجابكم

يسلمو على المرور

[شعنونة قطر]

وطبعا ماننسى كلمه ولو جبر خاطر


شي شي شي


اعتبرها هي وعبد الرحمن بن مساعد من مدرسه وحده
والله اعلم ايش اسمها هالمدرسه :nice:


هي المرأه الوحيده اللي احب اقرأ لها قصائد


اما بشاير الشيباني ومادري منو ماافهم لهم يتكلمون اوردو :rolleyes2:


والناس اذواق :)





من القصائد المغناه ياتاعبني لنوال الكويتيه
اتحدى حد ينكر روعتها :(





يا تاعبني .. يا جارحني
تعب قلبي
تعبت أشكي ..!
تعبت أبكي
جرحك كبير وهانت ..
ليلة غيابك بانت ..!
خلاص اليوم
أنا مليت

تعبت أشتاق ..
تعبت فراق ..!
تعبت أصرخ
آه .. أنادي لك ..

خسارة .. راح
راح اللي .. راح
و قليبي منك
ألم وجراح ..

أنا مليت من قهري ..!
وطولة بالي والأحزان
أنا مليت من صبري ..
أدور في هواك إنسان ..!

ولا باقي معاك أيام ..
ولا حتى بقايا أحلام ..!

الله قادر و قادر
يصبر قلبي الصابر..

واغنية ستر وغطا للفنانه سمر رووعه



ستر وغطا

ما ودي تفهمني خطا ..!
ان جت علي كلي عطا ..
خوفي الحقيقي من عذول
والا انا ستر وغطا ..

دايم انا ماشي برضاك ..!
جمبك معك والا وراك ..
واحميك من نفسك معاك

يا حبيبي قلها بوضوح ..!
انك على طبعك سموح
ما تقصد انت لي جروح ..

جيتك انا بقلب حنون ..
واغلى ما عندي يكون
كل شي لاجلك يهون ..!


عوافي ابو خالد موضوعك هذا قمه :nice:

[بوخالد2]

اختيار موفق جدااا بوخالد ، صح لسان الشاعرة هتان
وتسلم يمين الناقل

الله يسلمك يابوعوف

[الخارجية]

جزاك الله خير بوخالد على الموضوع الجميل ..
بس في شاعر جديد بينزل في الساحة اسم الشاعر / صقر بن عبدالله ........ سمعت عنه ؟