~~~ سؤال عجيــــــــــــــــــــب غريــــــــــــــــــــب ~~~

[هواجس _q6r]

:)

السلام عليكم

عندي سؤال محيرني

:(
أنا ودي أسافر مع زوجي
سفره حلوه
لبلاد أسيويه.. أوربيه
بس المشكله

انه يقول ماتعود يسافر بروحه

دايم يكون مع هله
او اذا سافر بروحه يكون مع ربعه ولدوله عربيه

وهو ضعيف بالإنجليزي

وهالشي مسبب لنا عاااائق وما نقدر نسافر

انا الحمدلله اعرف انجليزي بس
ما قد سافرت بحياتي الا مره وحده
وكنت صغيره
ولازم الي بيسافر يكون شخص واثق في حال حدوث اي شي لا سمح الله شلون يتصرف

وانا وحده في السفر احب اعتمد ع الريال وماتكون علي مسؤليااات



المهمممممم


انا فكرت
قلت

هل ممكن يكون في خدمه من مكاتب السفريات

توفر شخص او مندوب او ما اعرف شنو اسمه


يعني شخص
يشرف عالرحله
ويرتب امور السفره
ويكون معانا في المطار في الدوله الأجنبيه
ويرتب امور الفنق والحجوزات وهالأمور


ان شاء الله فهمتوا قصدي

يعني هالشخص يكون معانا في السفره



يمكن يكون سؤالي غريب

ويمكن يكون هالشي موجود

والله مادري اتمنى تفيدوني

والأنسان مانولد يعرف كل شي
لازم يسأل عشان يعرف !!!




وأنا اقول اذا كان هالشي مب موجود
فخساااره

لان محد بيربح الا هالمكاتب











أتمنى حد يفيدني:shy::shy:

[MP3]

اختي هذا الشي موجود ومتوفر ويسوون لكم جدول كامل طول السفره ومعاكم سايق وسياره وكل يوم يوديكم مكان على حسب البلاد والموضوع بسيط جدا مايحتاج كل هالخوف وناس وايد اول مره يروحون وصار معاهم نفس الكلام
وبالتوفيق ان شاء الله

[kuwaiti]

انا انصح تسافرين لماليزيا
حلوه وبعدين اللغه عادى انا رحت لها وعلمتهم العربي :)
وجربي هل موقع المسافرون العرب
95% اعتمدت عليه بسفرتي وكان نعم الصديق في السفر يعطيج التفصيل الممل للرحلات والفنادق واسعارهم يعني يختصر عليج اشياء وايد ومنها الدليل السياحي والمترجم

[هواجس _q6r]

اختي هذا الشي موجود ومتوفر ويسوون لكم جدول كامل طول السفره ومعاكم سايق وسياره وكل يوم يوديكم مكان على حسب البلاد والموضوع بسيط جدا مايحتاج كل هالخوف وناس وايد اول مره يروحون وصار معاهم نفس الكلام
وبالتوفيق ان شاء الله

مشكور ..ومعليه ..عاااد انا ماكنت اعرف

عشان جي استفسرت

واذا عندك فكره عن أحسن مكاتب السفريات يسون هالشي
ولا كلهم متشابهين
!!

ومشكور عالإفاده

[هواجس _q6r]

انا انصح تسافرين لماليزيا
حلوه وبعدين اللغه عادى انا رحت لها وعلمتهم العربي :)
وجربي هل موقع المسافرون العرب
95% اعتمدت عليه بسفرتي وكان نعم الصديق في السفر يعطيج التفصيل الممل للرحلات والفنادق واسعارهم يعني يختصر عليج اشياء وايد ومنها الدليل السياحي والمترجم

مشكور علىى الموقع
وانا دايما اتردد عليه واخذ فكره

وانا سمعت ان ماليزيا حلوه ..لان هناك الوحده ماتحس انها غير
وفي وااايد مسلمين ومحجبات

يعني مافي نظرات مثل اوروبا

وعموما انا افضل الدول الأسيويه

احسها احلا

[ضوى]

هلا اختي هواجس

من اسمج وايد توسوسين :)

شوفي فديتج المكاتب والمترجمين نصابين تحملي تروحين لهم كل شئ بتدفعين له الدبل

اذا حابة اوروبا صدقني كل شئ وانتي عالنت تسوينه ولا تحتاجين ترجمة اطلاقا ، الكلمات جدا بسيطة وتمشين حالج بهم و:)اذا انتي تعرفين تمام ويكفي ، اول العام خططت رحلة لاوروبا بروحي تخيلي كل شئ سويته بروحي عن طريق النت فنادق طيران اماكن ترفيهية يعني موقع زاد المسافر والمسافرون العرب نفعوني بشكل ماتتخيلينه وكانت هذي اول مرة اسافر اوروبا سياحة ، وزوجي مو ذاك الزود بالانجليزي لا واجرنا سيارة بعد ودرنا فيها المانيا والنمسا وسويسرا كل شئ موجود بالجارمن يعني ابدا مافي مشاكل ، عموما اوروبا غالية وايد بدون معنى

الربيع ان شاء الله خططت لرحلة لماليزيا والو مرة اروحها وكل شئ سويته عن طريق النت وصدقني بلد امان ولا تخلين اللغة تكون عائق امامج كل شئ سهالات
تبغين اي مساعدة انا حاضرة ولو حبيتي تكونين معانا حياج الله باكون انا وزوجي وعيالي الثلاثة اللي يحفظهم حجزت فندق من النت والحمد لله توفقت كثييييييييييييييييير والاماكن السياحية سويت لها برنامج وايد حلو يعني غطيت كل الايام اللي بنقعدها 14 يوم ان شاء الله

[saranay1]

اذا تبين دوله حلوة واقل رخص من اوروبا
ما تحتاجين لغة
تتفقين مع مكتب ويعملج الرحله من الالف للياء
تركيا
وبباعطيج رقم سواقنا
تركي يتكلم عربي ويحجز الفنادق ويسيحج من غير ما تقولين ودني المكان الفلاني
اهل مكه ادرى بشعابها .. يدورج تركيا باكملها
ويوديج احلى المطاعم (عجبني الاكل التركي )
واذا تبين الثلج اتروحين بورصة يوم واذا تبين المياه المعدنية والحمامات تقعدين في يلوا يومين
اما البرد فليما تلبسين البالطو ماتحين بالببرد كلش

اما اذا تبين دوله رومانس من غير الاطفال فروحي باريس
روعة بس غالية
وما تحتاجين اللغة لانهم اساسا يتكلمون فرنسي ومش حالك بلانجليزي
ولا تحتاجون سيارة
تحجزون فندق قريب من الشانز وكله مشي او تاكسي

هذا الكلام عن تجربة للدولتين

اذا قررتي وحابه اي مساعدة راسليني

ورحلة موفقة عزيزتي

[طماطه]

عاادي فديتج .. لاتكبرين الموضوع ..
انا نفسج اللغه عندي اوكي .. بس ريلي ضعيف في الانجليزي .. وكذا مره سافرنا ومشينا حالنا واستانسنا ..
فلا تحطين اللغه عائق ^_^ وروحي واستانسي .. ومثل ماقالوا لج ( كلشي من النت احجزيه ) وماتقصر المنتديات :)

[^امـ نواري^]

saranay1 الغالية ممكن رقم راعي التاكسي اللي بتركيا ؟ ومعلومات عنه وشلون عرفتية ؟
وولج الف الف شكر يالغاليه ........

[ع.م]

عااادي انتي بس اختاري الدولة وابحثي عن تفاصيلها في العرب المسافرون..

بتحصلين فالنت كلللل شي تحتاجينه..

وقبل أي شي ادعي وااايد..

ترى أوروبا بالذات.. السواقة سهلة طول ماعندكم الجارمن.. والأمور سهالااات..

[الاسمر]

اذا تبين دوله حلوة واقل رخص من اوروبا
ما تحتاجين لغة
تتفقين مع مكتب ويعملج الرحله من الالف للياء
تركيا
وبباعطيج رقم سواقنا
تركي يتكلم عربي ويحجز الفنادق ويسيحج من غير ما تقولين ودني المكان الفلاني
اهل مكه ادرى بشعابها .. يدورج تركيا باكملها
ويوديج احلى المطاعم (عجبني الاكل التركي )
واذا تبين الثلج اتروحين بورصة يوم واذا تبين المياه المعدنية والحمامات تقعدين في يلوا يومين
اما البرد فليما تلبسين البالطو ماتحين بالببرد كلش

اما اذا تبين دوله رومانس من غير الاطفال فروحي باريس
روعة بس غالية
وما تحتاجين اللغة لانهم اساسا يتكلمون فرنسي ومش حالك بلانجليزي
ولا تحتاجون سيارة
تحجزون فندق قريب من الشانز وكله مشي او تاكسي

هذا الكلام عن تجربة للدولتين

اذا قررتي وحابه اي مساعدة راسليني

ورحلة موفقة عزيزتي

$$$ لوسمحتي أختي ابغي رقم السائق انا نازل مع الأهل أول الصيف،ابغي يرتب السفرتي،اختى كم يأخذ هو في اليوم وشنو السيارة عنده،