المساعد الشخصي الرقمي

مشاهدة النسخة كاملة : بعد افتتاح جسر+نفق بو عبود..ليش المرور+اشغال ما تفكر بازالة عنق الزجاجة من الكورنيش؟


عابر سبيل
18-01-2010, 02:39 PM
http://www.qatarembassy.net/qatar%20gallery/doha%20city/slides/Qatar%20Central%20Bank.JPG

الاشارة اللي بالصورة اعلاه..
عند مصرف قطر المركزي..
و اللي تقع على بعد 300 متر تقريبا
قبل دوار الديوان...
او على بعد 300 متر تقريبا
قبل دوار المتحف الاسلامي!!

اعتقد..ان هالاشارة هي مخربة ع الكورنيش من كل النواحي..
انسيابية السير...
و الشكل العام ( الجمالي) للكورنيش..

و الاهم..الاعاقة و التوقف الزايد عن حده..
او الاختناقات اللي مالها داعي..
كل هذا..
من اجل 5 سيارات تبي تدخل من شارع الكورنيش
الى شارع حمد الكبير( البنوك)
او 25 سياة جاية من شارع حمد تبي تروح
باتجاه دوار الديوان!

فالاقتراح..ان هالاشارة تنزال..
و الناس تستخدم الدوارين اللي
بينهم بحدود ال 500-600 متر
للخروج او الدخول بين
شارعي.. حمد الكبير..و الكورنيش!


اعتقد المسالة..تحتاج اشوية مراجعة
او تأمل من القائمين
على تخطيط الشوارع...
و التفكير بمنطق اكثر " انسيابية"!

http://img103.imageshack.us/img103/9072/3648zy9.jpg

اقتراح...ان كان فيه فايدة..
نتمنى ان يصار جديا ..للتفكير به!
jajassim
18-01-2010, 02:43 PM
جزاك الله خير على هالملاحظة الجميلة

تم ارسال اقتراحك للجنة (لجنة الاختناقات المرورية )

وفالك طبيب ،،
الصريحه
18-01-2010, 02:50 PM
انشاء الله يدرسون الموضوع الله كريم
عابر سبيل
18-01-2010, 02:53 PM
جزاك الله خير على هالملاحظة الجميلة

تم ارسال اقتراحك للجنة (لجنة الاختناقات المرورية )

وفالك طبيب ،،



حياك الله و بياك يا اخوي الكريم/ jajassim

في ميزان حسناتك ان شاء الله...
و عسا الله ايوفقك و كل الاخوان الرائعين
في الداخلية ..
و كل الجهات الاخرى ( الخدمية)!.
*
*
،،
و اعتقد ان المسالة..
لو تم اتخاذ قرار حولها..
سهل تنفيذها..
و ما نتوقع ان يبيلها مناقصة كبيرة..

كلها "انسكر الكهربه" عن الاشارات...
و نرصف الفتحة..و نزرع كمن نخله!

و انتهى الامر..
و كان الله غفورا رحيما...
عابر سبيل
18-01-2010, 10:12 PM
انشاء الله يدرسون الموضوع الله كريم


اللهم آمين...الله يسمع منج..

هذا اخونا /jajassim
ما قصر تبنى الفكرة
و رفع الموضوع للجهة المختصة..

ننتظر ان الامر..يصير حوله شي..

و لولا الخوف من التكثير عليهم بالطلبات..
و لا في الجعبة حول الاشارت اللي بالبلوك
لنفس المنطقة...افكار او مقترحات اضافية...
بوخالد911
18-01-2010, 10:23 PM
اقتراح جيد
ونامل تطبيقه

لا هنت اخوي عابر سبيل


مسيوو / بوخالد911
ANONYMOUS
19-01-2010, 07:15 AM
انا معاك من حيث المبدأ

وخصوصا اني استخدم شارع الكورنيش فقط.. مادش شارع حمد ولا اجي من شارع حمد..

بس لو تطبق هالكلام فعليا

عز الله ان المستفيدين من هالاشاره كلو هوا :p

وشكرا
جوال 11
19-01-2010, 07:47 AM
أقتراحك طيب
ولكن عنق الزجاجة الفعلي في الكورنيش هو دوار الأعلام الذي نعاني منه صباحاً ومساءً
بريكان
19-01-2010, 08:39 AM
أقتراحك طيب
ولكن عنق الزجاجة الفعلي في الكورنيش هو دوار الأعلام الذي نعاني منه صباحاً ومساءً

اي والله انا اشهد ان الانتظار عند هالدوار عذاااااااب :anger1:
Riku3
19-01-2010, 08:49 AM
عدد السيارات الي خارجه من شارع حمد الى الديوان عددها كبير ولكن من السهل تحويلهم يمين لاخذ الدوار والعودة او الذهاب من الخلف ودخول الدوار والعودة او اخذ الاشارة من شارع حمد الكبير يسار وثم الدخول من دوار الديوان من الجهة الاخرى ..

معاك حق .. الاشارة مالها داعي .

بس اهم شي هو معاناتنا مع دوار الاعلام مثل ماذكر الاخوان .. فلو كان في نفق ياخذ السيارات يسار بيكفي لان عدد السيارات بإتجاه الابراج اقل بكثير ومايحتاجون نفق او جسر .
عابر سبيل
19-01-2010, 09:08 AM
مسيو بو خالد911..
حياك الله و شكرا ع المرور و التأييد..
يالله عسا هالكلام يوصل "للمرور"
و يتم التطبيق!


انا معاك من حيث المبدأ

وخصوصا اني استخدم شارع الكورنيش فقط.. مادش شارع حمد ولا اجي من شارع حمد..

بس لو تطبق هالكلام فعليا

عز الله ان المستفيدين من هالاشاره كلو هوا :p

وشكرا



اسكت انت يا عدو الشباب " المتهور"!

ما صدقنا الفكرة تنحط في البال..
اتجي انت و اتخرب المخطط
بهالكلام اللي ما كان ع البال!

خلاص...
بنقترح عليهم ايخلون رادار
" مخفي"
مكان الاشارة

يعني الكورنيش بكبره
بيكون "ملغم"
و يا ويل اللي يدوس اكثر من 80!

شتبي..حلينا "للمستفيدين"..كل إشكال!
عابر سبيل
19-01-2010, 03:23 PM
الاخوة الكرام..
جوال 11 و بريكان و Riku3

عذرا على هالسؤال..
بس انتو متى اتروحون للدوام؟

انا اليوم كنت ع الكورنيش
و تحديدا عند دوار الاعلام الساعة
سبع الا ربع الصبح...

و كان كل شي تمام و السيارات تمشي بدون اي ازدحام..

( و لخويا مسوين النظام ..100% طبعا)

انا ما اداوم في "الدفنة"..
فما اعرف ان كنتوا تقصدون الزحمة
الظهرية حزة انتهاء الدوام!.

ع العموم...
الدواوير اللي بالكورنيش اصلا
"موضة قديمة"..

بس صدقوني هي ارحم
من الاشارات
في معظم الاوقات..

و بعد..تعطي ناحية جمالية
لشارع الكورنيش :)
مرتبش
19-01-2010, 07:25 PM
هالاشارة مهمة وما اعتقد ازالتها بيكون امر جيد
هي تربط اهم الشوارع في قطر الكورنيش وشارع حمد الكبير (البنوك )المطار الوكرة

لو مثلا نستغني عن الاشارة اللي قبلها من اتجاه شارع حمد ( بين مؤسسة النقد وسوق واقف) مثل ماتم الاستغناء عن اشارة الاسواق..يكون اوكي