مدرسة ####### الثانويه المستقله للبنات( والاخطاء القاتله)

[سلطان زمانه]

بسم الله الرحمن الرحيم
اليوم الساعه 11:45 ظهرا" أتصلت أحد الموظفات على تلفون الوالده وتقول لها أنت أم أفلانه
والوالده: ردت نعم أنا أمها خير في شي
الموظفه : بنتج ليش ماداومت اليوم
الوالده : :omg:شنو انا موصلتها بنفسي اليوم ودخلت المدرسه قدامي
الموظفه : أوكى أشوي باتأكد وباتصل
الوالده : تنتظر ومحترقه من داخلها ومتوتره وأرتفع الضغط والسكر ومب عارفه شتسوي
الموظفه : أتصلت مره ثانيه وتأكد أتقول أنا رحت الصف ومش موجوده
الوالده: شتقولين أشلون :omg::omg: أنا جايه ألحين بسرعه
الوالده : خايفه أتقول حق أخوانها الاكبار المسؤولين عنها وردت فعلهم ،قالت أقول حق أختها الكبيره ، وأختها الكبيره تطلع من الدوام وبسرعه تبغي أتشوف المصيبه
الوالده : أوصلت المدرسه بسرعه وهي منهاره وين بنتي شسالفه
الموظفات : بنتج مادومت اليوم
الوالده : تكفون روحوا الصف وتأكدوا
الموظفات : راحوا الصف ويحصلون البنت أشلون
أتضح ان البنت اللي يقصدونها وحده ثانيه نفس الاسم بس الاب اسمه غير ومن جنسيه غير
الموظفه : خايفه وتبغي تبرر الخطأ بسرعه شتسوي
الموظفه : تاخذ البنت وتوديها حق أمها وتقول الاسم بالغلط ويمكن انت ماسمعت عدل
الوالده : طبعا" شافت بنتها وهي منهاره وتبكي والبنت خايفه على أمها وتبكي
الموظفات : خايفين ويبغون يبرورون السالفه
قاموا يمدحون البنت وحظورها وأنصرافها والمستوى الدراسي وكل شي جيد
الوالده : تعوذت من أبليس وتحسبت فيهم الله وخذت البنت وأطلعت
السؤال اللي يفرض نفسه
الوالده : تبلغ من العمر 56 سنه الله يطول في عمرها وفيها الضغط والسكر والقولون
أيش كان راح يصير فيها لولا ستر ربك
الأخت الكبيره : طلعت من الشغل بسرعه وبالها مشغول بالسالفه وهي تسوق السياره
لولا ستر ربك
الاخوان الكبار : لو الوالده قالت لهم وراحوا المدرسه وشافوا البنت وارتفعت الحميه والغيره فيهم وأول ماشافوا البنت أنزلوا فيها ضرب والبنت مظلومه من يتحمل السبب
البنت الطالبه : أول مارجعت البيت ألا البنات يتصلون عليها خير في شي
حد متوفي عندكم (سرعة الاشاعه )
في الاخير المدرسه والموظفات المستهترات من راح يحاسبهم على (الخطأ القاتل )

[وطن]

لاحول ولا قوة الا بالله
المفروض ينتبهون اكثر

وبعدين البنت ما داومت اليوم باجر يشوفونها يسألونها
يخضون الاهالي على يوم !!

[شيزكيك]

ورا السالفه سبهلله بس يتصلون على الام من غير مايتأكدون ويخرعونها

صج احتريت

[ذيب الغداري]

هذا عيب بعض المدرسات وحتى المدرسين عيزانين يتأكدون من الاسم كامل ..

الله يعينا عليهم ..

[المضعد]

انا مع وطن في كلامه ماشافوها اليوم بكره بيشفونها وبيسئلون عنها
الله يهديهم يارب

[بـــــــنت النوخـّــــذه]

الخطأ وراد بس مهب بهذي الاشياء 000

تحاليل الدم و الغياب والحضور والسوالف الي مالها ادله هذولي اشياء لازم التأكد منهم 00 قبل الاتصال

عموما انا احيي الوالده على طوله بالها معاهم لو انا كان صارت اعلوم 00000000
والله يستر على بنيتكم ويطول بعمر امكم 000

[العليا]

لا تعليق سوا


الله المستعان

,,,

[الامانه]

الله يكون في عون الام واهل البنت
الله يستر علينا وعليهم
اللهم امين

[الدمعه]

الحمدلله الله ستر ..

من كم يوم واحد داز مسج على وطني الحبيب صباح الخير عنده نفس السالفه مع ولده في الثانويه ..

صج عيزانين يتأكدون من الاسم..

الله يطول بالنا وبالهم ..

[بوارق المنى]

حسبنا الله ونعم الوكيل

فيكم يا اداريات هُبل وإدارة أهبل واهبل

لا حول ولا قوة إلا بالله

[وخروا عن طريقها]

سبحان الله صارت نفس السالفة بالضبط معانا

اتصلت فينا موظفة بالمدرسة وقالت ان اختي مب موجودة بالصف وماحضرت المدرسة

عاد امي علطول خافت وعلطول يات عندنا تقعدنا من النوم وتصيح ان اتصلوا

عليها المدرسة وقالوا ان اختي مب بالمدرسة

واحنا قمنا متخرعين نهديها ونقولها لحظة خل نتصل نتاكد مرة ثانية

واتصلنا محد يشيل وصار تقريبا نص ساعة اتصلت الموظفة واعتذرت وايد

وان صار خطا معاها وامي عصبت شوي عليها وقالت تاكدي قبل لاتخرعين الاوادم


المفروض يتاكدون عدل قبل لا يخرعون الناس هالاخطاءالبسيطة اللي بتسبب مشاكل كبيرة

[123MOOON123]

أتضح ان البنت اللي يقصدونها وحده ثانيه نفس الاسم بس الاب اسمه غير ومن جنسيه غير
الله المستعان يعني الخطأ في التسجيل مو خطأ الموظفة:omg:

[هند88]

حسبي الله عليها موظفه غبية

[MoTeC]

صارت حق خالي مسكين خلوه يرد من الدوام هو دوامه في امسيعيد
السالفه اتصلو له قالو له انت فلان الفلاني قال ايه قالوله ولدك اليوك ماداوم خير شر قال شلون مايصير هو يوصل اخوه وولد عمته مايصير ماداوم
ويتصل بامي يقول لها ولدي اخذ ولدج اليوم الصبح قالت له ايه وترد تتصل لي قالت اخوك راح مع ولد خالك قلت لها ايه ليش
والولد مسكين في الصف وحاط جواله على الصامت والحمدلله خلصت الحصه واتصل لي وقال انا بالصف شفيكم انت وابوي ستميه الف مكالمه شصاير :s
الله يسامحهم المدرسين او الطلاب اللي يسجلون الحضور طلعو مسجلينه غياب 4 حصص هذا الشي طبعاً ثاني يوم اكتشفوا هالشي لما راح الولد نفسه مع ابوه لـ مدرس مدرس يقوله استاذ انا امس جدامك وقاعد بالصف وحتى استأذنت منك اطلع اشرب ماي شلون تسجلني غياب
طبعاً مسكين لما رد البيت انضرب ضرب :(

[كازانوفا]

ما فيني اعلق على سخافة بعض المستهتريين باروح الخلق
ربي يحفظ الوالده وجميع امهات المسلمين يا رب العالمين

[علي الكبيسي]

حسبي الله عليهم
زين ما راحت فيها الأم المسكينة
انا لو مكانهم ما اخلي مسؤول الإ وصلت لباب مكتبة

[BusinessGirl]

it happened one time for us
we recived a sms massage to my mam phone
which said that my sister have not came to school
my mam had the same reaction as your mam
then ,
after more than ten calles to the school
they found there was a mistake

:(

i think the only mistake that we suffer from
is them i.e
"independent schools