جريده الـرايّه و الـشرق . . و المـواطن ضايـع بينهـم . .!

[الألماسي]

" شر البليـّـه ما يضحـك "

هـذا إعلان تهنئه من جامعه العلوم التطبيقيّه تهنئ طلابها بالتخرج و تشكر الوزير القطري لمعادلته شهاداتهم و الإعتراف بجامعتهم . .

http://www5.0zz0.com/2010/01/19/08/280765947.jpg (http://www.0zz0.com)

هـل جريده الشـرق تقصـّت من الإعتراف و المعادله قبـل نشـر التهنئه . .!!
والا القضيّــه "قضيه" فـلوس و ربـح بـ الدرجه الأولى . .!!

و هنا تحقيق صحفي في جـريد الرايّه الصادره لهـذا اليـوم ينفـي مجمل ما ذكر سلفاً . .

http://www5.0zz0.com/2010/01/19/08/317978403.jpg (http://www.0zz0.com)

تقول الماده (25) من الباب الثاني: المقومات الأساسية للمجتمع من الدستور القطري :

"التعليم دعامة أساسية من دعائم تقدم المجتمع، تكفله الدولة وترعاه،
وتسعى لنشره وتعميمه"

لكم الكلمـه . .

[بـــــــنت النوخـّــــذه]

الحين اعترفو ولا ما اعترفو ؟؟؟؟؟؟؟؟؟

منهو الصادق فيهم ؟؟؟؟؟؟؟؟؟؟

بس عموما" الصوره الاولى التهنئه جايه من جامعه البحرين(العلوم التطبيقيه)

والظاهر الجريده سوت كوبي بيست فقط 0000

[ودي أكون]

اللي فهمته .. ان جريدة الشرق خذت اعلان التهنئه بالمعادله .. من البحرين

ونشرته في جريدتها عشان الجهة المعنيه اترد ..

وجريدة الرايه حصلت الرد من الجهة المعنيه ..

صح فهمي والا :rolleyes2:

انا اقول لازم الشهاده تتعادل .. حرام 4 سنين عمر والله مو شي بسيط :secret:

[عزووز قطر]

والله على حسب كلام بعض الشباب انهم مايقدرون ياخذون تفرغ للدراسة وبعض جهات العمل ماتعطي تفرغ إلا بشروط معينة ..
والدراسة في هالجامعة كل ويكند يعني مناسبة للموظفين اللي يشتغلون ..

بس خاطري أعرف ايش أسباب عدم الاعتراف !!؟؟

[مرتبش]

اذا الاعلان غير صادق
فهو مشكلة لا يمكن تبريرها باي حال من الاحوال

منارة للعلم وتكذب.

المهم والمطلوب نفي او تأكيد صحة ادعائها بأعتماد الجامعة عندنا الان وليس عقب شهر

[BusinessGirl]

شي يعور القللب يعني الواحد
يروح
يدرس
يتعب
بتعنى
ويخسر ماديا ومعنويا
بعدين يرجع ينصدم بواااااقع فارضه علينا
قانون ما ادري من وين طالع
واللي هو

" الاعتراف الاكاديمي"

انا ودي اعرف هل المجلس الاعلى للتعليم اخترعوووه
عشان يطور التعليم
والا عشان يصعبه ويعقده

شايفين نفسهم ومسوين قائمه طويله
بجامعات ما ادري من وين
وحاله ودنيا
ومعترف فيها ومو معترف

لكن ما تعبوووا نفسهم اشوي
يروحون يقيمون جامعه قطر ويشوفون هل ممكن اتكون معترف فيها
والا لاء

واا على الاقل يروحون ينشئووون جامعات ثانيه
والا دووووله عايشين على جامعه وحده ...

اللي في الثانويه ويبي يكمل بكالوريوس واقفين له
واللي يبي ماستر واقفين له

شالسالفه !!!!!

بصراحه الله يعينهم
شاللي بيعوضهم سنين راحت من حياتهم

ما اقول الا اذا المجلس الاعلى ما سو خير
يا ليت جهات عملهم

تتعرف بهالشهادات وخلاص

والله كريم

[ام السعف]

من أكثر من 4 سنين و المجلس الأعلى لديه قائمة بالجامعات المعترف بها ، فليش يضيعون على اوقاتهم و سنين من اعمارهم في الدراسة في جامعة ليست من ضمن القائمة ؟

ربنا ييسر لهم أمورهم ويفك محنتهم

[العلم الوكاد]

المشكلة ان فيه ناس عادلوا لهم وناس لا

فلما موظف يشوف زميلة معاه معادلين له الشهادة

تعتقد بيسأل اذا معترفين فيها او لا وهو يشوف مثال حي امامه عادلوا له الشهادة

وانا اعرف ناس عادلوا لهم الماستر عااااااااااااادي

[عبودي قطر]

الله كريم

[تحداني]

.. جامعه العلوم التطبيقيه في البحرين جامعه رديئه يا اخواني الافاضل ..
جامعه غير معترف بها ..
جامعه سيئه في الاداره .. وسيئه في المستوى الاكاديمي ..
وسيئه في مناهجها ..
ومن عنده افلوس زايده خل يقطها اهناك ..


يا اخواني الافاضل نردد للمره المليون .. لما تذهبون لجامعات ..
يهرب منها اهل البلد نفسه وهم البحرينين ؟؟
لما تذهبون لجامعات مشكوك في امرها ..
لما لا تصدقون عندما نقول لكم غير معترف بها .. ؟؟


الاعتراف يا اخواني الافاضل يعني .. ان الجامعه طبقت كل المعايير العالميه .. من حجم الجامعه ..
الى الكادر التدريسي ..
الى عدد الدكاتره يجب ان يكون اكثر من ..
هناك معايير يجب ان تتواجد في اي جامعه تريد كسب الاعتراف العالمي ..

اي جامعه غير معترف بها لا يمكنه الطالب اكمال الماجستير ..
ولا يمكنه تحويل الساعات لجامعه اخرى ..


ليس المجلس الاعلى للتعليم يقر ما الجامعه المعترف بها ..
وما الجامعه الغير معترف بها ..

هناك منظمات ومؤسسات عالميه تقيم الجامعه ومن بعدها تعتمدها في لوائح التعليم العالي في البلد وخارج البلد ..



المجلس الاعلى للتعليم لا يمانع في الالتحاق باي جامعه في اي بقعه في العالم ..
ان شاء الله في جزر القمر .. ولكن يجب ان تكون معتمده في بلدها وخارج البلد ..



.
.
من يريد اكمال الدراسه عن طريق جهه عمله .. فليتحق بها ..
ولكن سؤال .. هل تضمن اخي الفاضل طول حياتك ستكون بنفس الوظيفه .. لكي تضمن الترقيه .. ؟؟



لا حول ولا قوه الا بالله العلي العظيم ..
نردد نفس الكلام من سنوات .. ولكن مازال هناك طلاب مصريين .. على اكمال الدراسه في جامعات سيئه .. ولا فوق هذا يرغعون السماعه ويشتكون ..

تشتكون علي ايش والناس بح صوتهم وهو يقولون لا اتروحون ..
ما راح يعتمدونها ..
ما راح يعادلونها..
ما طبقت القوانين ..

كأنه في هذا العالم مافي الا هالجامعه ..



جملكم الله برضى الرحمن