ابي ارتاح

[مستثمر مبتدئ]

السلام عليكم،،،انا مستثمر مبتدى وخسرت،،،،خسران في مواشي ومخازن ،،،ابي ارتاح نفسيا في امل يرتفعون حتى لو بعد كم شهر قولولي ياأصحاب الخبرة كم شهر ويرتفعون عشان ارتاح انا شريت مخازن على 65 والمواشي على 53 لما وصل المخازن 80 والمواشي 70 مابعت وبني آدم طماع وقام ينزل شوي شوي ومابعت لين طاح مره وحده ادري بتقولون غلطان لأني مابعت بس الحين خلاص اللي راح راح وصج تعبت نفسيا بس اذا بيرتفعون بابيع ها في امل يرتفعون وشكرا

المحازن 51.30 امس
المواشي 44.30 امس

[cappuccino]

خله بعد سنه بيع
:)
صدقني راح يرتفع

[الاستشاري]

يا اخوي يالغالي

اذا عندك اسهم لا تبيع في الوقت الراهن بقول لك على حاجه في شهر 9 او 10 بيرتفع بأذن الله

وتذكر كلامي زين وانا اخوك لاني مجرب السوق وانا خسرت ربع مليون في البورصه والحمد الله عوضت

نص مليون فايده يعني دبل قبل شهر ونصف والحمدالله . :)

وتحياتي

[موادع قطر]

شوف انت اذا قدرة اتبيع الحين بتكون شاطر......وانصحك بيع علشان ماتضاعف الخساره السهم على نزول اذا قدرة اتبيع شي طيب وارجع اشتره مره ثانيه بسعر اقل وبتكون خذة فرقيه كمن الف واذا ارتفع بتكون ربحان

اما انك تصبر انت الحين قاعد اتجمد المبلغ انت امدخل افلوسك ليش علشان اتشغلها مش عشان تجمدها

اسمع نصيحت اخوك ذايق الحلو والمر في سوق الدوحه الي يخلي العاقل مينون

[Qtrun]

نصيحتي لك لاتبيع الا بعد الصيف يعني انتظر ولاتبيع بخساره

[الدانة عنود]

اخوي مستثمر مبتدى

بقولك مصيبتي علشان تهون عليك مصيبتك


انا شاريه المواشي على 70
والمخازن على 84



والحمدلله على كل حال

[البرنس]

الله يكون في عونك ، اصبر لين يرتفع و بيع ..
لا تبيع و انت خسران مهما كنت محتاج ..

[LiquidMoney]

ياجماااااعة الخير.... النزول مب نهاية العالم !!!!
البورصه مب مطعم ...وبيسكر باجر !!!
اصـــــــــــــــبــــــــــــــــــــــــــــــــ ـــررررررررررووووووووووووووواااااااااااااااااااااا ا
الصبر ثم الصبر ثم الصبر ...
لحد يبيع بخساره ... حرااام

[إنتعاش]

اخوي الكريم

يعتمد ذلك على نفسك

يعني هل عندك رصيد كافي لك في البنك يكفيك وما يخليك تحتاج لأحد

اذا الجواب نعم

انصحك بالصبر وذلك لنهاية شهر ابريل

من بعدها اتوقع بيخف النزول بشكل اكبر وبيكون فيه توازن

ومنه إلى طلوع ان شاءالله

مجرد توقع شخصي والله اعلم

[الشقيان]

لاتبيع اخووووووووووووووووووووووووي

[مؤثر]

والله ما ادري شاقول لك

تدري ........على كيفك

[دهن العود]

لا تبيع ولا تخلي النكبة نكبتين

[المديون]

ياجماعة الخير

وشتقولون في اللي شرى في الصناعات 250 ريال والحين يبي يبيع بخساااره ولاحد يبي يشري

[نوارة]

نقول للجميع
وأولهم انفسنا أصبروا شوي

خل هالغيمة تنجلي
ونوزن الأمور بموازينها الصحيحة دون تأثر وضيق
والله عز وجل قادر يعوض كل الخساير بس نديرها صح ..



إذا بعت الآن بتزيد طينة خسارتك بله
أسمع كلام الطيبين ولا تخلي خسارتك خسارتين

[المستثمر القطري]

نصيحتي لك يالمستثمر المبتدئ..

لاتبيع الحين لأنه في لحظه من اللحظات ممكن انه السوق يرتفع و صارت معاي اكثر من مره ...

فنصيحتي لك اذا عندك فلوس عدل على المتوسط واذا ماعندك خلهم وانسى انه عندك الاسهم ولاتتابع السوق جم يوم وان شالله كل الاوضاع راح ترجع مثل قبل

وثره البورصه مثل البحر يوم مد و يوم جزر و الحين احنا في حالة جزر ....

واحب اوضح شي
انه الواحد مايتعلم ببلاش
ثره انا اول مادشيت السوق كان في وقت الارتفاع وشريت كذا سهم بسعر مرتفع وتم ينزل كل يوم ونسيته و احد نصحني بأن اعدل على السعر وفعلا عدلت على السعر
وشريت في الصيف و الحمدلله
مع بداية شهر 9 بدا السوق ينتعش والحمدلله بعنا و شرينا و ططلعنا الربح فا انا اقول لاتحسف و لاتعور قلبك

وان شالله بتعوض خسراتك بربح احسن منه

[الاستشاري]

يا جماعه انا خسرت ربع مليون

والله عوضنا بالصناعات يوم كانت 250 ريال

والحمدالله عوضنا الخساره 3 مرات

لكن اقول لك لا تبيع واسمع كلامي والله يوفقك انشاء الله :D

لتوضيح شريت 70 ريال ... يوم ارتفعت ووصلت لين 250 ريال أستفدت وبعت على طول

لان مستحيل بيصر كله طلوع ..
:D
ومع السلامه

[ماجد]

الظاهر بعتها علي يالاستشاااري منك لله ياشيخ روووووح منك لله هههههههههههههههههههه


وهذي الدنيا يوم لك وسبع طعشر الف مليون عليك

[بروكر]

انتظر الموسم القادم

[قطريه فديتني]

وانا بعد خسرانه شريت

مخازن 62

مواشي 59

سلام 48

لـــكن .. الصبـــــــــــــــر مفتاح الفــــرج

[الاستشاري]

الظاهر بعتها علي يالاستشاااري منك لله ياشيخ روووووح منك لله هههههههههههههههههههه


وهذي الدنيا يوم لك وسبع طعشر الف مليون عليك



:D هههههههههههههههههههههههههههههههههه :D

:D خمسه وخميسه في عين العدو

هههههههههههه فديتك بالغالي يالله صير شاطر مثلي ......


مع السلامه