حد عنده النشرة الخاصة باكتتاب شركة مزايا

[الـخـور]

السلام عليكم ورحمة الله وبركاته

اخواني الاعضاء

قبل لانقارن \فودفون بشركة مزايا لابد اننا نشوف النشرة الخاصة
ندرس وضع الشركة والاهم من هذا كله متى توزيع الارباح

فودفون كانو كاتبين ان الارباح مارح تتوزع الا بعد 3 سنوات
فكان بديهي ان سعر السهم راح ينزل كثير والي اكتتب في فودفون كان مغامر


لكن بالنسبة لوضع شركة مزايا
مادري اذا حد من الاعضاء قرى النشرى وعرف متى توقعات الارباح وغيرها من التفاصيل
ياريت يفيدنا

[((ابوحمد))]

وعليكم السلام ورحمة الله وبركاتة

نفضل اخي العزيز الخور نشرة اصدار شركة مزايا في الملفات المرفقة


وهذا ايضا رابط لتحميل :



http://www.4shared.com/file/202096378/62b04be/___.html




احترماتي

[الـخـور]

بارك الله فيك اخوي ابو احمد

كان ودي اعرف كم الارباح المتوقعه لكل سنة لكن الارقام مب واضحة وايد بالتقرير

وكم العائد المتوقع على السهم !!

الي قدر يفهم التقرير ياريت يفيدنا

[كبير المتداولين]

اخوي انا اطلعت على النشره ماعندهم شي شارين عقار في دبي بحول 180 مليون ويبون يبيعونه على الصغار المساكين
الشركه للحين مب قائمه توها تحت الانشاء وماعندهم اي مصدر ايراد الا من فوائد بنكيه ولاكن رغم هذا كله الا انه لايمنع من الاكتتاب فيها وبيعها اول يوم ادراج بمكسب قد يكون قليل ولاكن القناعه كنز لايفنى

[عابر سبيل]

الي قدر يفهم التقرير ياريت يفيدنا


صحيح كلامك يالخور..

الارقام المهمة..لسبب ما..
مش واضحة...

مع ان باقي النشرة كلها (زي الكرستال)
جدا واااضحة!!!

و من هالشكل..كثير من الأشياء مب مفهومة..

بس من الملاحظ..
انهم يعلنون ان الشركة
متأسسة من سنتين تقريبا!

و هم في الجدول اللي في ص 16
من النشرة..تشوفهم بدأوا يذكرون شي اسمه
" سنة تأسيس"

مع انهم في الجدول اللي قبله (ص 15) ما جابوا هالطاري..
و بعدين...في راس الصفحة(16)
تشوفهم ايقلولون للـ 5 سنوات القادمة..
و بعدين ايحطون تدفقات نقدية حق 6 سنوات..
(من ضمنها سنة التأسيس)

و المشكلة الاكبر..
انك لما تشوف عدل بالجدول(ص16)
تشوف ان راس المال المدفوع
و اجمالي التدفقات النقدية
للسنة التأسيسية..هو 1 مليار ريال..

(مع انهم منذ ان اسسسوا الشركة من سنتين
ما عندهم- يفترض- الا 500 مليون
اللي دفعها المؤسسين)

من هالشكل..الواحد اتصيده عشرين الف
" لخبطه"
ايش هي السنة التاسيسية لهالشركة!

و هذا شي مهم لمن له اهتمامات استثمارية!

و الاهم من ذلك كله..
هم سبق و ان اعلنوا كما جاء في الخبر بالمشاركة رقم
64
http://www.qatarshares.com/vb/showpost.php?p=5374564&postcount=64
للموضوع التالي
http://www.qatarshares.com/vb/showthread.php?t=329599

انهم اشتروا اراضي في دبي..

لكني ..من خلال كل ما قدرت " اتمقل فيه"
في جداولهم -غير الواضحة-
ما وجدت اي شي يشير لهذا
الامر..

الا ان كان هالشي مذكور بس انا ما قدرت افهمه..
فممكن حد غيري يفيدنا...

هذي قراءة اولية..
متعبة للعين..
بسبة جداول غير واضحة

[الصيـاد]

تابعوا النشرة الرياضية ابرك

[سهم123]

كله كلام إنشائي على قولت أخوي N7eEeS

نريد أرقام و نتائج فقط

الجماعة مطنشي كلعادة

[محمد70]

العقار مافية خسارة

[الـخـور]

شكله افضل شي ان الواحد يدش بالحد الادنى
تفاديا للمخاطر وصراحة ماعتقد بيتم تخصيص شي يسوى بحيث الواحد ياخذ تمويل او يفول اللمت