المساعد الشخصي الرقمي

مشاهدة النسخة كاملة : استشاره ؟ ورق جدران او صبغ للغرف؟


بوحمد2
20-01-2010, 10:28 AM
حبيت استشيركم بالنسبه لغرف النوم ايهما ارقى وافخم الصبغ او ولرق الجدران معا اني تفكر في ورق الجدران بس مادري هل له عيوب او سلبيات اوغيره ومن وين احصل ورق ناعمه ومميزه للغرف وللمجلس وللصاله تحت
السد
20-01-2010, 11:01 AM
وانا انتظر الاجابة
*بوحمد
20-01-2010, 11:12 AM
عزيزي روح اصباغ الجزيره
عندهم شغل عدل
انا ما تعاملة معاهم بس دخلت المحل وعندهم شي راقي

والمحل مكانه طريق سلوى بعد محطة بترول التيسير
ابـو مــحــــمـــــد
20-01-2010, 11:32 AM
الجزيره للاصباغ اختر التشكيله الي تبيها
وافظل لك صبغ فلفت تشكيلة الورق وهو صبغ
العـوا
20-01-2010, 08:32 PM
ورق الجدران مع الصبغ بيطلع شيء حلووو
شموخ دائم
20-01-2010, 10:27 PM
,

,


مرحبا اخوي


المسئله مسئله ذوق ويختلف من شخص الى شخص

اعتقد لو اخترت زوايا وحائط معين وحطيت عليه ورق جدران

والباقي صبغ راح يطلع ديكور حلو بالمكان

الورق له جماله وميزته تشكيلاته متنوعه وفخم

مايقدر الصبغ يوصل الى هذا التنوع ولا هذي الفخامه

مزج الاثنين مع بعض بالبيت راح يكون أجمل

وبالتوفيق

,

,


اخوك



شموخ دائم
موضي قطر
22-01-2010, 01:43 PM
المحلات كثيرة والواحد احتار ياريت لو احد يحط شغل على الواقع ياخذ اجرنا
عنيده
22-01-2010, 02:53 PM
تقدر تجمع الاثنين صبغ وورق جدارن وشكله روعه واللحين هي الموضه الدراجة مثل ما انا اشوف

يعني يصير الجزء العلوي يكون ورقع جدارن

ثم يكون فيه فاصل " شريط " من نفس نوعية ورق الجدارن

وبالاسفل صبغ سادة

وسويت مثال توضيحي للشكل المقصود
http://farm3.static.flickr.com/2739/4294590455_1c40a785bf_o.jpg
SPIRIT_OF_QATAR
23-01-2010, 07:49 AM
يعطيكم العافيه
انا داش المنتدى ادور موضع بهل اخصوص لاني محتار
كنت افكر احط ورق جدران عندي في الصاله والمجلس والغرف
بس بعض الشباب نصحوني قالوا لي خلك مع الصبغ والتعتيق افضل
لان ورق الجدران خصوصا في جونا الحر والرطوبه بسرعه يخترب ويتقشر ويتغير لونه
يعني سنه سنتين ويروح عليك

فمادري ايش تنصحون او الي عنده خبره طويله مع ورق الجدران هل هل كلام صحيح ؟
وسوؤال الثاني بخصوص الاسعار ايش الاغلى ورق الجدران ولا التعتيق؟
ورق الجدران خت لي لفه على المحلاتواشوف الاسعار تبد من 40 ريال للمتر وطالع التعتيق ماعندي فكره عنده كلش
ويعطيكم العافيه
هند88
25-01-2010, 12:39 AM
طبعاااااااااااااااااااا الورق افخم خاصة للغرف ..... مافيه عيوب بالعكس

وعن المحلات في محل بن بادي في شارع الاصمخ حلو واسعاره معقوله
وفيه برافو في شارع سلوى بس شوي غالي...

وحق الصلات والمجالس الحين طايحين في الرسم للسقف روعه والبروردرات
نااااني
25-01-2010, 02:07 AM
انا جربت الصبغ وورق الجدران صراحه ورق الجدران ارقى وافخم وعمره طويل
عندي رفيجتي راحت السعوديه وجابت ورق جدران رووووووووووووووعه
ورخيص يمكن الغرفه كامله نفس اللي حاطته الاخت عنيده بس ورق جدران ب1000
qatar1111
26-01-2010, 01:48 PM
حبيت استشيركم بالنسبه لغرف النوم ايهما ارقى وافخم الصبغ او ولرق الجدران معا اني تفكر في ورق الجدران بس مادري هل له عيوب او سلبيات اوغيره ومن وين احصل ورق ناعمه ومميزه للغرف وللمجلس وللصاله تحت

مساء الخير اخوي مضارب

اكيد اخوي الورق افخم ورقى

وبعد من مميزاته اذا المبنى فيه اي عيب مثل التشقوقات الورق يخفيها

ناهيب عن السعر اليوم الصبغ كم يكلفك ؟؟

الورق روح دبي احلى ورق المتر يطلع عليك من 7ريال الى 10 ريال كحد اقصى

وتجيبه الدوحه والهنود الي في شارع الاصمخ يركبونه 10 ريال المتر والمواد عليهم

يعني احلى ورق وغلاه بعشرين راكب في البيت

واي استفسار انا حاضر
بوحمد2
27-01-2010, 07:14 AM
مساء الخير اخوي مضارب

اكيد اخوي الورق افخم ورقى

وبعد من مميزاته اذا المبنى فيه اي عيب مثل التشقوقات الورق يخفيها

ناهيب عن السعر اليوم الصبغ كم يكلفك ؟؟

الورق روح دبي احلى ورق المتر يطلع عليك من 7ريال الى 10 ريال كحد اقصى

وتجيبه الدوحه والهنود الي في شارع الاصمخ يركبونه 10 ريال المتر والمواد عليهم

يعني احلى ورق وغلاه بعشرين راكب في البيت

واي استفسار انا حاضر
جزاك الله خير
هدوء العاصفة
27-01-2010, 09:48 AM
عنده مواقع نقدر نشتري منها ؟