المساعد الشخصي الرقمي

مشاهدة النسخة كاملة : نرجو ا من إدارة المرور تغير سرعه نفق بوعبود ...


سوق واقف
20-01-2010, 11:58 AM
السلام عليكم ورحمة الله وبركاته

إطالب ومن هذا المنبر الحر... بتغير سرعه نفق بوعبود من 60 الى 80 على الأقل أو 100

الصراحة السرعه 60 أشوفه خطأ في شارع خط سريع ...


الشيء الثاني سرعه طريق المطار الجديد خط سلاح الجو80 ليش خط سريع وخمس خطوط ماشاء الله والسرعه 80 كيلو .. أليس هذا خطأ


كلي أمل بتغيرها بأسرع وقت الصراحة نفق بوعبود خطر جدا أمس دخلت النفق أمشي 60 الصراحة الى واحد طايش من الشباب مسرع والله زين ما ذبحني ويهرن ويأشر بيده مصعب ليش أمشي 60 شا سوي يعني ...:weeping:
Khaled Qatar
20-01-2010, 11:59 AM
ليش ف رادرا ؟
سهم بن سهم
20-01-2010, 12:00 PM
الشوارع تحتاج لاعادة نظر في السرعات المثبتة عليها واعتقد اللي حط هالسرعات سيارته تمشي على كااااااز :anger1:
ودي أكون
20-01-2010, 12:01 PM
توني أدري أن السرعه 60

لان أخواني يدوسونها ..:omen2:




بنت المرحوم
وطن
20-01-2010, 12:02 PM
اخوي انت قلتها بنفسك النفق خطر
انا للحين ما شفته ع الطبيعه لكن من الصور شفت فيه انحناء يعني السرعة هذي اكيد حاطينها بعد دراسه

تبيهم يزيدونها عشان هالطايشين يتكسرون ويكسرون الأوادم
سوق واقف
20-01-2010, 12:02 PM
:nice:
ليش ف رادرا ؟
جوال 11
20-01-2010, 12:38 PM
أتفق معاك يا سوق واقف وكثير من الشوارع محتاجة أعادة نظر بالنسبة للسرعة ومن الأخطاء تركيب رادار عند الأشارة و في الأنفاق كل السيارات تخفف في منطقة الرادار فقط وتتسبب في الأزدحام الرادار يوضع عن تقاطع المشاة او مخرج سيارات أو مدرسة أو مستشفى ليس في الشارع العام
مفهي بتركيز
20-01-2010, 12:50 PM
اي والله
امس ماشي تقريبا 80
الا بريكات كنت بادعم اللي جدامي مره وحده مسك بريك
80 زين بصراحه
اما 60 جدا بطيء
La Bella
20-01-2010, 12:59 PM
أي والله 60 لوعت جبد الصراحة
وتشوف الي جدامك يصك بريك والسياره ماتمشي 40 بعد
لو سيكل مار علينا طافنا
jajassim
20-01-2010, 01:19 PM
جاري تعديل سرعة النفق الى 80 وشارع سلاح الجو بعد دوار ماريوت يتعدل الى 100 ك / س
كازانوفا
20-01-2010, 01:28 PM
جاري تعديل سرعة النفق الى 80 وشارع سلاح الجو بعد دوار ماريوت يتعدل الى 100 ك / س

روح ربي يبشرك الجنه على ايديني يا رب يا جاجاسم
مع اني ما اعرفك بس راح ادعيلك من قلبي لاني ولله الحمد دعائي مستجاب:shy:
ANONYMOUS
20-01-2010, 01:32 PM
جاري تعديل سرعة النفق الى 80 وشارع سلاح الجو بعد دوار ماريوت يتعدل الى 100 ك / س



زين سؤال فني تكتيكي

هل الرادار شغال.. ولا لا.. لاني كم مره سهيت كانت سرعتي فوق 60

هذا اولا..

وثانيا.. اذا شغال..

هل راح تنلغي المخالفات بأثر رجعي :shy:
jajassim
20-01-2010, 02:09 PM
زين سؤال فني تكتيكي

هل الرادار شغال.. ولا لا.. لاني كم مره سهيت كانت سرعتي فوق 60

هذا اولا..

وثانيا.. اذا شغال..

هل راح تنلغي المخالفات بأثر رجعي :shy:

شغال طال عمرك للسرعة 80 والسماح معروف بس اللوحات للحين ماتغيرت :victory:

لا يوجد شئ بآثر رجعي للمخالفات ،، هذه مخالفة ايراد للدولة مب علاوة اجتماعية :tooth:
ملاحظه
20-01-2010, 02:09 PM
صج في رادار ؟؟؟؟ والله مشكله والسرعه 60 اذا صج في رادار عيل صادني يمكن 9 مرات كل يوم الصبح امر من هناك اروح الدوام ....

اتمنى احد بس يخبرنا في رادار ؟؟ وشغال ولا لا
jajassim
20-01-2010, 02:10 PM
روح ربي يبشرك الجنه على ايديني يا رب يا جاجاسم
مع اني ما اعرفك بس راح ادعيلك من قلبي لاني ولله الحمد دعائي مستجاب:shy:

جزاك الله خير ،، :shy:
Riku3
20-01-2010, 04:02 PM
جاري تعديل سرعة النفق الى 80 وشارع سلاح الجو بعد دوار ماريوت يتعدل الى 100 ك / س

جاسم ياخوي لازم تتم دراسة سرعة السيارات في طريق سلاح الجو قبل فرض سرعة الـ 100 عليه صحيح ..

حطوا رادار (للدراسة وليس المخالفات) يقيس متوسط السرعه قبل الحكم لان اشوف ان سرعة 120 هي الانسب وليس 100 لان الشارع 4 حارات وطويل جداً ولاتوجد فيه مداخل خطيرة ابداً .. وقد يكون اكثر امان من طريق الوكرة الي سرعته 120 .

وايضاً امشي فيه صباحاً بسرعة 100 وستلاحظ انك وحيد تقريباً لان بين كل 20 سيارة تجد 2 او 3 مازالوا في الخلف اما البقية يختفون بسرعات +100 و +120 و+140 والبعض +160 الله يحفظهم .

شرايك :] .


شغال طال عمرك للسرعة 80 والسماح معروف بس اللوحات للحين ماتغيرت
في رادار غير الي بالنفق ؟؟؟ . اقصد بسلاح الجو .

انا بالنفق مؤدب اثبت السرعة 59 :] .. بس في سلاح الجو اثبت بين الـ 100 والـ 120 .
هذلان
20-01-2010, 04:18 PM
انا ماشفت رادار في هالنفق

بس السرعه مريضه

قلنالكم الموضوع محتاج تغيير عقليات

ليش يحطون سرعه ستين بعدين حد يكلمهم و يقتنعون بسرعه ٨٠ ؟؟

مش المفروض ان الي يحدد السرعات قسم مختص ذو درايه اكبر مني و منكم في هذا المجال .

السالفه بتنقلب مكاسر اخر الوقت .
لعديد
20-01-2010, 04:33 PM
أتفق معاك يا سوق واقف
80 ممكن تكون أقل سرعة ممكن في هذا الطرق
لكن 60 مصيبة كم حادث كان بسير امامي نتيجت تبطئة السائق المفاجاء من 80 الى 60
cavok
20-01-2010, 04:38 PM
thanks for good news
يحفظك ربي
20-01-2010, 04:40 PM
جددد بطيئ 60 مب شي صراحه وخاصة الصبح الواحد رايح الدوام و60 !!!!

الحين 80 ويالا بعلناها وبعد 60
بوعلي2
20-01-2010, 06:15 PM
الشوارع تحتاج لاعادة نظر في السرعات المثبتة عليها واعتقد اللي حط هالسرعات سيارته تمشي على كااااااز :anger1:

:nice:
المشاغب
20-01-2010, 06:34 PM
بعد دوار الماريوت الواجب 120 اربع خطوط وطريق سريع ومرتب
مساهم عادي
20-01-2010, 09:40 PM
اللي حط سرعة النفق 60 كيلو .. مادري هل كان يقصد 90 بس ركبوا اللوحة بالعكس والا ايش؟؟!!

انا ماشي على 70 بالشارع وقبل وصولي للنفق هديت الريس ... زادت سرعة السيارة الى فوق الـ 80 بروحها !!!

يعني ابي اعرف ايش الدراسة اللي استند عليها في تحديد مثل هالسرعة ...

حزات المرور عليهم حركات غريبة !!
مساهم عادي
20-01-2010, 09:46 PM
انا ماشفت رادار في هالنفق

بس السرعه مريضه

قلنالكم الموضوع محتاج تغيير عقليات

ليش يحطون سرعه ستين بعدين حد يكلمهم و يقتنعون بسرعه ٨٠ ؟؟

مش المفروض ان الي يحدد السرعات قسم مختص ذو درايه اكبر مني و منكم في هذا المجال .

السالفه بتنقلب مكاسر اخر الوقت .

يارجال ... الشارع اللي بين دوار المظلة سابقا والى دوار سلاح الجو وانت رايح صوب الوكرة... قبل تعديل الشارع كانت السرعة 100 ... ولما عدلوا الشارع ووسعوه وضبطوه نقصوا السرعة الى 80 ؟؟؟!! شوف التناقض

عالم صادها الرادار من دون قصد .. واعرف ناس اول مرة في حياتهم رادار يصيدهم بسبته هالشارع .... وبعد ماادفعوا الناس المخالفات ... تغيرت سرعة الشارع الى 100 مثل قبل.!!!

العوض على الله...
jajassim
20-01-2010, 09:47 PM
اللي حط سرعة النفق 60 كيلو .. مادري هل كان يقصد 90 بس ركبوا اللوحة بالعكس والا ايش؟؟!!

انا ماشي على 70 بالشارع وقبل وصولي للنفق هديت الريس ... زادت سرعة السيارة الى فوق الـ 80 بروحها !!!

يعني ابي اعرف ايش الدراسة اللي استند عليها في تحديد مثل هالسرعة ...

حزات المرور عليهم حركات غريبة !!

هلا اخوى

المرور ما لهم خص بهذه اللوحة لان لحد الان لم تستلم الاشغال النفق من ادارة مشروع المطار ،، حتى يقدرون يغيرون اللوحات ،، ولهذا تم تتثيت الرادار على 80 :victory: لحين تغيير اللوحات من قبل الاشغال وشكرا
وطن
21-01-2010, 03:13 AM
هلا اخوى

المرور ما لهم خص بهذه اللوحة لان لحد الان لم تستلم الاشغال النفق من ادارة مشروع المطار ،، حتى يقدرون يغيرون اللوحات ،، ولهذا تم تتثيت الرادار على 80 :victory: لحين تغيير اللوحات من قبل الاشغال وشكرا

ماشاء الله الرادارات تركب قبل استلامهم للمشاريع

:omg:
jajassim
21-01-2010, 03:35 AM
ماشاء الله الرادارات تركب قبل استلامهم للمشاريع

:omg:

مهتمين بسلامتكم ،،، :whistling:
Index Signal
21-01-2010, 05:03 AM
ماشاء الله الرادارات تركب قبل استلامهم للمشاريع

:omg:


ما أستبعد إن الرادار تم تركيبه قبل حفر النفق أساسا ..!! :con2:

إحتمال يكون الرادار هو حجر أساس المشروع :sneaky:
سوق واقف
21-01-2010, 12:57 PM
الله يوفقكم يا جاجاسم
كاتم الاسرار
21-01-2010, 01:02 PM
يعطيك العافيه يالغالي الصراحه انا اقووووووووووووووولك الصج المرور يبغييييييييييله تنظيم اول شي وعقب لازم ينظمووووووووون السرعه في الشوارع على كيفهم كل يوم راي وكل يوم شي جديد بس حق المخالفات حتى ممتلكات الخاصه الي في المواقف يخلفووووووووووووون على الحزام الامان اصلن مافي بند على هاي الشي

الله يعيييييييييييييينا والله

تنظييييييييييييييييييييييييييييم يكون صح
مساهم عادي
21-01-2010, 01:29 PM
ما أستبعد إن الرادار تم تركيبه قبل حفر النفق أساسا ..!! :con2:

إحتمال يكون الرادار هو حجر أساس المشروع :sneaky:

ملعوبة حلوة :cool:
سوق واقف
25-01-2010, 04:37 PM
أمس السرعه 80 على اللوحات الي داخل النفق اليوم 60
جوال 11
25-01-2010, 04:39 PM
أمس السرعه 80 على اللوحات الي داخل النفق اليوم 60

فعلا أمس العصر 80 واليوم 60 أكيد الرادار شغال والله يعين من مر في النفق اليوم
ANONYMOUS
25-01-2010, 11:13 PM
أمس السرعه 80 على اللوحات الي داخل النفق اليوم 60


فعلا أمس العصر 80 واليوم 60 أكيد الرادار شغال والله يعين من مر في النفق اليوم



امس 80

واليوم حاطين 5.5 .. اقصى ارتفاع

ماشفت 60
سوق واقف
16-03-2010, 12:30 PM
جاري تعديل سرعة النفق الى 80 وشارع سلاح الجو بعد دوار ماريوت يتعدل الى 100 ك / س

متى يا أخي الى الأن السرعه 80 خط سريع ليش 100 على الأقل
كازانوفا
16-03-2010, 12:35 PM
بالفعل وكل خميس الظهر الردار مره هاي الصوب ومره الصوب الثاني
يا حسافه الواحد راجع من شغله مش شايف قدامه والردار يصحيه
jajassim
16-03-2010, 01:49 PM
متى يا أخي الى الأن السرعه 80 خط سريع ليش 100 على الأقل

صلي على النبي أخوى العزيز ،،

وانت ماتعرف ربعنا ،، :pardon:
نجم سهيل
16-03-2010, 08:05 PM
السلام عليكم

فعلا ً شكل السيارات وهي داخلة النفق مب طبيعي .. مبين ان السرعة المحددة غير صحيحة .. وربعنا الوافدين ما يقصرون ان كتبت لهم 60 معناتها 40 وهالموقف صادفني فعلا ً .. تشوف ليتات البريكات من دخلة النفق وتشوفهم فالنفق كنهم حمس على السيف

أما بالنسبة لطريق سلاح الجو .. شارع مفتوح و واسع وكبير والحمدلله خالي من الزحمة .. لولا المنحنيات قلت لكم المفروض يكون 120 لكن دام انه فيه شوية منحنيات .. المفروض يكون عالأقل 100

ترى سرعة الـ 60 والـ 80 راحت أيامها بعد تطور صناعة السيارات وتطور نظم الأمان فيها .. والمفروض مانشوفها إلا فالطرق الداخلية للمدن ..

ودام ان المرور عارفين عدم تقديرهم الجيد لتحديد السرعات في الشوارع .. المفروض يستحون على وجوههم ومايحطون رادارات مخشوشة لخلق الله .. بغض النظر عن القانون .. تراه عيب .. ولحد يقول لا تسرع ولا تخاف .. انا وش ذنبي اذا صادني الرادار بمثل هالشارع على سرعة 100 وهو 80 وبعد كم شهر اشوفهم رفعوا حدود السرعة إلى 100 ؟ وهالموقف واجهني ايضا ً ..

وآخرا ً .. المفروض ارشاد وتنبيه أصحاب الرخص الجديدة قبل اكتسابها بضرورة عدم عرقة حركة السير واندفاع الخطوط الرئيسية الكبيرة بالقيادة بسرعات تحت السرعات المقررة من المرور على الخطوط اليسرى للطريق وفرض مخالفة صريحة كمن تعدى السرعة المقررة أيضا ً ..


والحمدلله على كل حال ..