من ياخذ لي حقي من خدامتي

[هذلان]

السلام عليكم

اخواني ابي منكم تنصحوني ،، فيه منكم ناس مجربين و فيه منكم ناس قانونيين .

الموقف هذا اكيد كثير منا تعرض له وهو ببساطه .

خدامه جديده دفعت عليها تقريبا ٧٠٠٠ ريال عشان اجيبها .

من يومين انتهت الثلاث شهور ضمان المكتب و توني من يومين مسوي لها الاقامه .

اليوم مسويه مناحه تبي تروح بلادها لانه ابوها مريض بالقلب و الحركات و الافلام الي انتو عارفينها .
هي تقول برجع لكن من بيصدقها

يشهد الله انها ماخذه حقها المادي كامل و فوقه حسن المعامله .

طبعا فيه خلل في الموضوع لكن وين الله اعلم .

انا لي حق لكن حقي وينه و من بيجيبه لي فلوسي الي دفعتها و تذكرتها الي بتسافر فيها . لاني سفهتها حاليا يوم اكتشفت ان الموضوع مش صحيح و انا واثق انه كذب لاسباب كثيره ماذكرتها

انتظر منكم التفاعل

[البدع]

كنسلي فيزتها عشان ماترجع

بس سؤال ؟؟

هي مسلمة ؟

[أبورودي]

والله يا اخى
هذا القؤاؤ يرجعلك
اخاف تكون صادقه
واخاف تكون غير صادقه
وتخسر فلوسك
انتظر شوي
واخبرها بعدم توفر تذاكر حاليا

[(الفيصل)]

سواء كانت الخادمة مسلمه أو غير مسلمه
فالرفق مطلوب بهم ووصية الرسول حقه عليهم
بل أقول منطبقة عليهم
بالتالي ليتسع صدرك ، ولتبحث (بسرعه) عن حقيقة ماتقول
فاذا كان حقاً فلتسفرها والله يعوضك خير (صدقني)
اما اذا كان في الموضوع (كذبه وخداع وتواطيء ) بينها وبين العاملين في مكتب الخدم
فلتبلغ أدارة العمل لإتخاذ الاجراءات المناسبة وذالك بأن تتقدم بشكوى رسمية لهم
وهم بدورهم سوف يتعاملون مع ذالك المكتب (بصرف النظر) عن فوات المدة أو غيره (رغم أن مدة الضمان مهمة ) بالفعل من الناحية القانونية

[ابوعلي]

أخوي المشكلة في مكاتب الخدم

المكاتب يحذرون الخدامات ان خلال الشهرين او الثلاث شهور يتحملون وعقب انتهاء ضمان المكتب يبدون مسلسلاتهم ومشاكلهم ورجوعهم لبلادهم

ولكن اخوي بالامكان تكلم المكتب ان يكلمونها او انت تكلمها اذا تبي تشتغل مكان ثاني لأن احتمال شافت ان الشغل كبير عليها وعكس اللي كانت تتوقعه او اللي قالوا لها من المكتب

واذا كانت لها الرغبة تشتغل مكان ثاني لا تتردد اخوي حولها وبتضمن فلوسك او اقل بشوي

واذا كانت رغبتها في الرجوع فالله يعينك أخوي

[هدهد سليمان]

سواء كانت الخادمة مسلمه أو غير مسلمه
فالرفق مطلوب بهم ووصية الرسول حقه عليهم
بل أقول منطبقة عليهم
بالتالي ليتسع صدرك ، ولتبحث (بسرعه) عن حقيقة ماتقول
فاذا كان حقاً فلتسفرها والله يعوضك خير (صدقني)
اما اذا كان في الموضوع (كذبه وخداع وتواطيء ) بينها وبين العاملين في مكتب الخدم
فلتبلغ أدارة العمل لإتخاذ الاجراءات المناسبة وذالك بأن تتقدم بشكوى رسمية لهم
وهم بدورهم سوف يتعاملون مع ذالك المكتب (بصرف النظر) عن فوات المدة أو غيره (رغم أن مدة الضمان مهمة ) بالفعل من الناحية القانونية

مؤيد لكلام اخوي الفيصل .. والأمر اولا واخيرا راجع لك اخوي هذلان ..

[البدع]

صارت مع عائلة اعرفها

وقالوا للخدامة ارجعي على حسابك

واول ماسمعت كلمة على حسابك ... غيرت رايها وجلست

وعلى العموم للاسف هذي حركات الخدامات المسلمات للاسف

[HENRY]

هذلاان سفرهاااا
ترةى عادي كل يوم والثاني انت معاها في مشكله
يعني اقل شي اسرار بيتك راح تطلع
اذا هي تبي تسافر ابسط شي تقدر تسويه انها تشووف اي سايق تخليه كبش فداء وانت فاهم هذا الحل المعروف عندهم
والسايق مسكيين حالته ناشفه
سفرهااااا ابوي وتراك ماخسرت شي

[العرفـج]

بلا قانون ولا ما يحزنون

بتسفرها وانت تضحك والتذكرة على حسابك بعد
لان مافي اي قانون مفعل في الدولة ممكن يرد لك حقك
بالرغم من وجود شرط في العقد المبرم بينك وبين المكتب في حال ان الخادمة طلبت السفر قبل مضي السنتين أو عدم رغبتها في العمل لدى الكفيل على الخادمة دفع المبلغ كاملا بالاضافة إلى تذكرة سفرها .
اما في الواقع يقوم الكفيل بدفع الرسوم كاملة لإحضار الخادمة بمبلغ (7000 ) ريال أو (8000 ) ريال مقابل عقد عمل لمدة سنتين وبعد مضي 3 شهور أو اربع شهور نقاهة للخادمة في البلاد وطلعات في جميع انحاء المجمعات التجارية ودفع رواتبها كاملة يدفع الكفيل تذكرة سفر الخادمة في اي وقت تطلبه الخادمة
واطلب خادمة أخرى من مكتب آخر بمبلغ آخر وكأن الفلوس محصلينها في الشارع .
ويبقى السؤال من المستفيد من هذه العملية ؟؟؟
من يدفع لي كل المصاريف التي صرفتها على المكاتب والخدم.؟؟؟؟

الله يكون في العون ويعوضنا خير
المعاناه مستمرة مع الخدم حتى إشعار آخر ( والله واعلم ) .

تقبل تحياتي واعذرني على الإطالة
مجرد رأي شخصي .
والله يعطيكم العافية .

[s o s o]

مرحبا اخوي هذلان ...كان الله في عونك وعونا على التسيب في موضوع الخدم

وعدم وضع قوانين واضحة لحمايه حقوق ارباب الخدم ..

في هذه الحاله انصحك تاخذها من يدها وعلى سفارتها على طول

وتقولهم الموضوع كله وتبين لهم النفقات الي تكبدها في سسبيل وصول هالخادمة

وتطلب منهم التحقق من صحة ما تدعيه الخادمة وتوضح لهم جديه العقد بينك وبينها وتطلب منهم ان يوضحون لها ان الامور مش لعبه واستهتار وانها اذا مصره على السفر ترجع لك المخاسير وتدفع تذكرتها لان هي ا لي اخلت بالعقد وفي حال هي ارفضت تدفع طالب السفاره بالدفع وفي حال الاثنين ارفضو بحجة انه مش منصوص في العقد هالكلام فرد عليهم ان ايضا مش منصوص في العقد سفر الخادمة بعد 3 شهور من قدومها تحت اي عذر كان , اذا جاب هالموضوع نتيجة واعرفت الشغاله ان الموضوع مب سهل اطلب من السفاره تكتبلك تعهد بالتزام الخادمه بالعمل مده العقد او انك راح تضطر تاخذ منها راتب الاشهر الثلاث الي اشتغلتها كامله كتعويض بسيط لك وتجبر السفاره بتسغيرها على حسابها .

ليش السفاره ؟؟ لان كل سفاره مسؤله عن رعاياها وبلاويهم ولو تلاحظ الخدم اذا اشردو راحو سفاراتهم
اتمنى اني فدتك

بس صدقني الخدامه الي تحط السفر في بالها مامنها فايده ,,بس حاول يمكن ترجع فلوسك ان شاء الله

[ذكي جدااا]

الموقف هذا صاار معي الخدامه عقب شهريين قالت برجع لبلاااد قلت مو مشكله على حساب راعي المكتب يوم وديتها المكتب قعد يكلمهااااااا بلغتهااااا طبعا انا مو فااهم شي الا بعد شوي وافقت ترجع معي !!!!!!!!! سألتها على جنب شالسالفه اتقووول لي قال لها المترجم اقعد بعد شهر وتعاالي يعني لين ما يخلص الضماااااان او ما قالت هالكلاااام على طووووووول قلت لهم يرجعون فلوسي وياخذوون الخداااااااااامه للاسف هذا اللي حااصل من مكاتب الخدم

[شموخ وبس]

الله يكون بالعون 000 وترا هالافلام وايد تستوي وشبه يومي بعد

[Riku3]

سفرها ترى دام جايه متعلمه هالحركات ماراح تسلم منها ..

جرب ماتجيب من مكتب وجيب عن طريق خدامة زينه تشتغل عند حد من هلك .. اختها او وحده تصيرلها .. . سوينا كذا مرتين والحمد لله الاولى تمت 13 سنة والثانية اللحين كملت سنتين وما تلعوزنا مع المكاتب .

[STAR]

قولها إذا تبي تسافر التذكره ع حسابها

[hassan51]

الله يعينج اختي -مثل ما قالوا الاخوان والخوات ما في فايدة لانه مافي قانون يرجع لج حقج
المهم انج تتمسكين بكلمتج وتقولين لها روحي على حسابج او اشتغلي لين تجمعين فلوس التذكره
واذا راحت السفارةاو الشرطة اصري على موقفج ولا تتنازلين- وانا من خبرتي مع الخدم انصحكم
لا تودونهم المجمعات وتهدونهم على كيفهم او مع العيال واذا اضطريتو خلوها لازقه فيكم واهم شي لما
تستلمين الخدامه من المكتب بلغيها انج بتاخذين منها معاش اول شهرين ضمان او نص المعاش لمدة اربعة شهور رضت خذيها واذا ما رضت خليها في المكتب وروحي وانطري وشوفي النتيجه

[المها قطر]

هذة المشكلة للاسف متبعة بصورة يومية لانهم لاعبين علينا لعبة والجكومة وحقوق الانسان والحيوان معاهم
واحنا الخسرانين دائما
الاخ الفاضل الله يعينك على ما ابتلاك وبتلى كثير من اهل قطر الطيبين....
هذا نتيجة الطيبة الزايدة اللي نعاملها بهم ومع المكاتب الحرامية مع ان لازم يصير العكس لكن (ان اكرمت الكريم ملكتة وان اكرمت اللئيم تمردا)
حسبي الله ونعم الوكيل انا توني مسفرة الفلبينية اللي عندي ونفس الحالة بعد ما خلصت 3 شهور وشوي قالت خلاص مابي اشتغل والمكتب ووزارة العمل والسفارة يخيرونها بتقعد ولا بتروح ...اذا قالت باروح يسمعونها ويجبرون الكفيل على تسفيرها مع ان موفرين لها كل شي وراتبها تستلمة اول باول لكن وش نقول ..غير البلاوي اللي حصلناها عندها ..للاسف الدولة مش حاسة بمعاناة المواطن جايبينها ب7500
غير الاقامة وباقي الاجراءات ...
والعقد اللي بينا وبين الخدم نبلة ونشرب مايتة لان الدولة في صفهم وحقوق الحيوان جنبهم فاين المفر وهذا العقد جبر خاطر بس وضحك على القطريين لان ماينفذون الا اللي ضدنا
والله يعينا اذا الغوا الكفالة عزالله ضاعت البلاد واكثرت الحرامية
المطلوب وضع قانون صامل صادق مب عقد كذاب

[لله الحمد]

انا استوت لي وقلت لها التذكرة على حسابج

واذا تبين تشتغلين اشتغلي ما تبين بوديج الابعاد ..

وصار لها سنه شغلها للحين اوكي

ويمدحونها الاهل

[هذلان]

bohaa2

اجزم انها غير صادقه .. بسبب كذا موقف يطول شرحهم .
وهي غير مسلمه مع ان الموذوع ماله علاقه بالدين .


(الفيصل)

عليه افضل الصلاه و التسليم . تاكد اخوي الفيصل اني ان شاْالله ارحم من اهلها عليها (وهذي هي المشكله الي تطمع الخدم فينا حتى قبل لايوصلون بيوتنا يجون مناك مدرسين)
و الموضوع غير صحيح لانه زوجها كلمها لمده نص ساعه ولا دخلو عليها الاهل قامت تصيح و لا طلعو من المطبخ سوالف و ضحك مع زوجها .

و اشكرك على توضيح الجانب القانوني فادني كثير الليله و بكره و بشوف الامور كيف تسير.


HENRY

مافهمت موضوع السائق و كبش الفدا بس شكله شي غير قانوني :omen2:


العرفج

بعيد عنها مجمعات وتمشي حدها بيت الاسرتين اسره الزوج و الزوجه .
مشاركتك قيمه و واقعيه و فعلا احس يجون سياحه و تغيير جو ولكن من المستفيد و من الخاسر .


s o s o

اشكرج فعلا الخدامه الي تحط السفر في بالها مامنها فايده ولا امان . انا من جتني و دريت ان لها اخوان و خوات و خالات في الدوحه سبقوني لها في المطار و انا غاسل يدي .
تخيلي اني اصريت على المكتب اني انا استلمها من المطار و المكتب رفض بحجه ان الوقت متاخر و بيبيتونها في بيت صاحب المكتب لين ثاني يوم . و قلت لهم ان باتت في غير بيتي جبت لكم الشرطه لانها على كفالتي مش كفاله صاحب المكتب و خافو و عطوني الاوراق و رحت استلمتها .
و انا رايح لمواقف السيارات و هي وراي فجءه مالقيتها وراي التفت ولا واقفه مع خدامه لابسه عبايه . رحت لها و زقرت الثنتين و الموضوع ماخذا ثواني من الاساس . يوم جات البيت فتشوها الاهل ولا عندها كرت هلا قطري جديد بقراطيسه .
و حاليا احس انهم داهيه و ما اامن بصراحه ماني مرتاح كلش . لكن فلوسي ما اخليها التكاليف الي ندفعها على الخدم مبالغ لاتصدق بصراحه رغم اذيتهم .


المها قطر

ترى مرت علي سابقا نفس المعاناه . و على اساس اني عدلت اخطائي السابقه مع الخدامه هذي لكن العوج عوج .
في هالخدامه دامها ماشردت يا انا يا هي يا المكتب يا حقوق الانسان يا اداره العمل .

ماورانا شغل غير هالخدم و سوالفهم حسبي الله ونعم الوكيل .

اشكر كل من شارك بلا استثناء

[هذلان]

انا استوت لي وقلت لها التذكرة على حسابج

واذا تبين تشتغلين اشتغلي ما تبين بوديج الابعاد ..

وصار لها سنه شغلها للحين اوكي

ويمدحونها الاهل

كخطوه اولى بلغت الاهل في البيت يقولون لها اني دافع اكثر من 8000 ريال .
ولا راح تروحين بلادج الا المبلغ هذا يكةن عندي سواْ تدفعينه سواْ اقتطعه من راتبج الشهري لين استوفيه بالكامل .

[بنت سيف]

والله إني حاسة بمعاناتك ..

لكن .. هذا قدرنا .. ندفع وبس .. ومحد ياخذ لنا الحق ..

من رأيي .. سفرها .. وما تسوى 7000 ريال .. مقابل راحة البال ..

الشر في هالناس وايد .. والحقد علينا غير طبيعي ..

والله يعيضك في فلوسك .. لكن لا تخليها ..

بنت سيف

[Mr.1]

انا صادفني نفس الموقف لاكن مع الدريول اول ماخذ الليسن قال بابا موت ومادري شنو...ألخ
بس الوالد ماقصر عطاه كم زقرة وكم صرخـه خالف وسكت ولا تكلم والحين بيكمل 3 سنين

[هذلان]

والله إني حاسة بمعاناتك ..
لكن .. هذا قدرنا .. ندفع وبس .. ومحد ياخذ لنا الحق ..
من رأيي .. سفرها .. وما تسوى 7000 ريال .. مقابل راحة البال ..
الشر في هالناس وايد .. والحقد علينا غير طبيعي ..
والله يعيضك في فلوسك .. لكن لا تخليها ..
بنت سيف

اخالفج الراي ٧٠٠٠ تسوى ننحك في الشغل عشان هالراتب اخرتها يضيع على خدم و مكاتب لاعبه في الناس لعبه ولا حسيب ولا رقيب .. وضع الخدم و مكاتب الخدم غريب عندنا في قطر بصراحه .
الله يكفينا شرهم لكن مافيه راحت بال مردي اجيب غيرها و الحسابه تحسب .
شكلج ذايقه الويل منهم . الله يعينا وياج

[بنت^البحرين1]

اخوي نفس الطريقة قبل كانت وحده من الخدامات جذي سوت يات وتعرفت على الخدم اللي في البيت .. والعصر الا تصيح مقطعة نفسها،، سالناهم هاوشتوها قالوا لا .. هي قالت بس تبي تتصل تطمن اهلها انه وصلت وخليناها يوم ثاني الصبح الا تقول هي مب قادرة وخلاص تبي ترجع بلادها .. استخبلت صراحة لاني كنت مصرة على الوالد الا ييب خدامة زود محتاجينها مع قرب شهر رمضان .. احاول فيها تقول لالالا انا مايبي شغل بيت وايد كبير ويهال ماتبي .. شفتها مافي اذنها ماي .. قلت لها اوكي رجعي الفلوس كاملة وعطيني فلوس اروح احجز لج تذكرة والمغرب انتي في المطار .. فجت لي حلجها وتمت ساكته راحت ويالخدام في المطبخ العصر الا هي تضحك ومافيها شي .. المغرب الا تقولي خلاص انا الحين في فريند ( تقصد باقي الخدامات) !!

حتى لو نحاول نصير زينيين معاهم ونحسن لهم بعضهم ماينفع فيهم الطيب

اخوي قولها تبين بخليج اول رجعي الفلوس وهاتي فلوس التذكرة بوديج وبتشوف شلون بتهون عن كلامها

والله يعينك ان شاءالله

[alqtri]

يارجال الله يعينك والله انت الخدامه جاتكم وتمت كم شهر

شرايك متفقين مع مكتب وجاب لنا صورة الخدامه وكل شي ودفعنا الفلوس ويوم جات والا الخدامه حامل هههههههههههههه

وبعدها بسبوع رجعت وتعرف مكتبها اللي في الفلبين شنو يقول يقول دفعو فلوس مره ثانيه باشوف لكم غيرها ودفعنا ونفس الشي ماجاب لنا ولا خدامه ولا شي بس خذ الفلوس

الحين مكاتب الخدم اغلبهم يسوون نفس الشي يكلم الهنديه او الفلبينيه ويقول لها تعالي خذي لج كم ريال وبعد شهر قولي ان امج او ابوج مات او مريض او من هالافلام اللي قلتها انت

وترجع والفلوس تروح عليك والله قامو يلعبون لعبه في العالم هالمكاتب بشكل ماتتصوره الله يعينا والله

[هذلان]

بصراحه شي غريب .

بعد التحقيق الهجومي الي صار مع الخدامه من اهل البيت .
اعترفت انه كل القصه الي سوتها كذب .
و ابوها متوفي من الاساس .
تقول انا دارسه دبلوم مكياج و شغل كوافيرات و قدمت على الشغل في قطر على هذا الاساس و المكتب الي في بلادها قالها احنا بنسجلج خادمه منزل لانه البيت الي بتشتغلين فيه ( الي هو بيتي ) عندهم محل كوافير و بتشتغلين فيه .
حاليا الخادمه اعتذرت و قالت خلاص بتم اشتغل عندكم .

عاد على الله حاليا !!

[alqtri]

بصراحه شي غريب .

بعد التحقيق الهجومي الي صار مع الخدامه من اهل البيت .
اعترفت انه كل القصه الي سوتها كذب .
و ابوها متوفي من الاساس .
تقول انا دارسه دبلوم مكياج و شغل كوافيرات و قدمت على الشغل في قطر على هذا الاساس و المكتب الي في بلادها قالها احنا بنسجلج خادمه منزل لانه البيت الي بتشتغلين فيه ( الي هو بيتي ) عندهم محل كوافير و بتشتغلين فيه .
حاليا الخادمه اعتذرت و قالت خلاص بتم اشتغل عندكم .

عاد على الله حاليا !!

ههههههههههههههههههههههههههه

والله العظيم يالغالي ان واحد من الربع نفسك بالظبط والله

كلم مكتب الخدم وقالو له بنجيب لك الهندي وكذا والهندي في الاساس متخرج مهندس تقريبا

او محاسب او شي ومكتب الخدم قال للهندي بتشتغل في شركه المهم يوم جابوه

والا عند رجال راعي عزبه وبر ومن هالسوالف وخلاه ناطور في العزبه والله يقولك قام يصيح صياح

احترقت شهادته اللي يدرس فيها والله مشكله بعد في مكتب الخدم مايكون صادق معاهم هنا المشكله

لان احتمال يتسبب في جريمه او شي للعائله اللي راح يشتغل عندهم ان كانه هندي او هنديه او اي خادم من باقي الجنسيات

مشكله والله

[&بوشهد&]

نصيحة :خلها تسافر على حسابها ابرك لك ولعيالك
والله ماتدري يمكن تضرك
الله يحفظك ويوفقك اخوي هذلان

[الوفي]

هذلان ممكن اعرف جنسية الخادمة :telephone:

[هذلان]

alqtri
والله لنا حق ضايع و نتظرر لكن الموووت محد يبي يسوي شي مع هالمكاتب . محد خسران لا من فلوس ولا من شر الخدم الا المواطن . ليش محد يوقف وقفت رجل من المسؤولين في هذا الموضوع .


نصيحة :خلها تسافر على حسابها ابرك لك ولعيالك
والله ماتدري يمكن تضرك
الله يحفظك ويوفقك اخوي هذلان

عسى ربي يسلمك على هالكلام الطيب و نصيحتك الي طالعه من قلبك . جزاك الله خير ،، بشوف الامور في الفتره القادمه وين بتودينا .

سويت لها اختبار حسن النوايا :nice:
قلت لهم يقولون لها بنحتفظ براتب ثلاث شهور عندنا عشان تذكرتك لا سويتي حركات و وافقت .
هو جرد اختبار مع انه لي حق اسوي هالشي

[هذلان]

هذلان ممكن اعرف جنسية الخادمة :telephone:

سيريلانكيه ههههههههه نقل الكفاله بـ ١٠ الاف :tease:

[الوفي]

سيريلانكيه ههههههههه نقل الكفاله بـ ١٠ الاف :tease:




لو فلبينية كان علمتك وين تاخذ حقك :nice:

[alqtri]

المفروض نسوي عقد مع مكاتب الخدم ويتعمم ويصير قانون من القوانين الخاصه في مكاتب الخدم

ان ندفع نص المبلغ على الخدامه والنص الثاني علي المكتب وان المكتب يتحمل مسؤليتها ان كانت تبي تسافر قبل 6 اشهر او سنه

اذا سافرت قبل 6 اشهر او سنه مانعطيه باقي الفلوس وش رايكم في هالقانون افكر هاه هههههههههههههههههه

[هذلان]

لو فلبينية كان علمتك وين تاخذ حقك :nice:
شمعنى :con2:

[ام لولوه]

الله يعوضك في الفلوس الي دفعتها
وانا صار لي موقف مع وحده من الخدامات الي على كفاله امي كان كله مع الدريوليه لين تورطت واحملت وعقب اشردت وبلغ عنها وصادوها وودوها الابعاد وعلى اساس ان بيسفرونها والله مادفع تذكرتها الا احنا ولا دفع لها ولا ريال مع العلم ان ماصار لها جايه 6 شهور واجبرونا ندفع اذا نبي الفيزا وهالكلام من سنه ونص تقريبا
وانا من رأيي انك تقولها تبين تسافرين ادفعي فلوس التذكره وسافري
وبعدين ليش مارحت المكتب وهددتهم ؟
شمعنى ماقلت ابي اسافر الا عقب يومين من الضمان ؟

وترى الي تجي تحن على السفر من البدايه بتعل قلوبكم وبتسوي حركات وسوالف وهذا اذا ماشردت قبل

[عاشق الشهادة]

سيريلانكيه ههههههههه نقل الكفاله بـ ١٠ الاف :tease:




ههههههههههههههههههههههههههههه الله يقطع ابليسك تصبح على خير :telephone:

[meme~qatar]

صارت الحركة معانا وايد

[ذيب الغداري]

السبب الرئيسي :

مكتب الخدم

[امـ حمد]

هذه حركات الخدم

[كروشيه]

الله يعينج اختي صارت معاي مع شغالتي السيرلالنكية كانت عندي وحده من جنسيتهم بوذيه وكبيره بالسن ظلت عندي سنتين وكانت ناويه تكمل الثلاث سنوات قلت اجيب وحده مسلمه اصغر بالسن تساعدها وخسرت عليها 7000 ريال وكلها تقريبا 4 او خمس اشهر ما اذكر خربت الاولى وعلمتها على قلة الادب والسرقه وسفرتهم الاثنين في يوم واحد ، وقررت اني ما اجرب حظي من جنسية ثانيه والله المستعان ، شكلنا ما افي الا تروحين حقوق الانسان وتشتكين وتطالبين بحقك وصدقيني راح بعدها يسنون القوانيني اللي تحفظ احقوقنا ككفلاء

[الياقوت99]

قولي لها باسفرج على حسابج وخل تقعد كم شهر عشان تجمع تذكرتها---- والله يعوض عليكم ان شالله

[كازانوفا]

لا تسفرها ولا شي
جيب لها تذكره وقول لها هذه التذكره ولا راح تاخذيها الا لما تعطيني حقها
والله بتتخرس وبتعيش بقيه وقتها
والله ايش ما نسوي معاهم ما يبان فيهم

[سهم عايم]

مرحبا اختي
يمكن التفاهم مع المكتب بطريقة ودية بحيث يصرفها لاحد البيوت
ويعطيج بدل عنها

[بنت ابوها 19]

لوتبي تسافر
خليها تسافرعلى حسابها

مدام الفيزا توها جديده ومخسره عليها
هاي موضتهم اختي صارت معاها هل الحركه ثلاث مرات بالاخير
قامت تفهم الخدامه انها لو راحت بعد 3 شهور راح ترد لاختي 7000
هذا مهب ظلم لكن حق
لانه مصخوها صايره لهم موظه

[Mozanee]

خلها هي تدفع وانا صار لي نفس الموقف الدريول قام يصيح ويدعي ان امه مريضة وسفرناه وما صار له سنة وعقبها اتضح لنا انه كذاب ,, واذا تخاف انها تسوي في العيال او فيكم شي تحملوا منها واذا مطمنين خل تنثبر مكانها ,, وانتوا فعلا شكلكم طيبين وقلوبكم رقت لها ,,

[Mr.Mohammad]

اخـــــــوي...

انت في الحالتين سواء خليتها او سفرتها ماراح ترتاح..

لان لو خليتها ما تأمنها خصوصا انها قالت لك انها تبي تسافر..

سفرها و افتك من شرها احسن لك اذا تبي نصييحتي لا ن الخدم مشاكلهم مشكل..
رووح المكتب شوف شيقولون لك بعد يمكن يتعاطفون معاك..



الله يرزقك باحسن منها ان شاءالله =)

[العلم الوكاد]

من الناحية القانونية اعتقد المكتب سوى اللي عليه

بس بعد لازم تكلم المكتب وهم لهم اسلوب مع الخدم

واعتقد والله اعلم انه بعد التعديل الجديد على قانون الكفالات الشخصية

انت غير ملزم بتذكرتها قبل مرور السنتين

بس المشكلة في الفلوس اللي ياخذها المكتب وعلى الفاضي

لو جايبها عن طريق خدامة ثانية ما تدفع غير تذكرتها ون واي

[نورالهدى]

أنا صارلي هذا الموقف
بس ايش سويت
تفاهمت مع مكتب الخدم
وقالها إذا بتسافرين قبل ماينتهي العقد التذكرة على حسابك
وتدفعين نصف اتعاب المكتب للمدام
إهني اسكتت واقعدت وخلصت السنتين ومرتاحه ومبسوطه وبتسافر وتفكر اترد بعد