اقوى قصائد الخيانة

[قطر]

السلام عليكم ورحمة الله وبركاته

واحد من الاخوان بعث لي على بريدي هذه القصيده واعجبتني

اتمنى انها تعجبكم

والحق مااعرف من اللي كاتبها لكن ان شاء الله انه سامح لنا بنشرها

http://up3.w6w.net/upload/19-02-2006/w6w_2006021913065158519159.jpg
وسلامتكم :nice:

[OTOsan]

اختيار موفق .. وقصيده رائعة

يعطيك العافيه اخوي قطر

[المعابر]

قصيده جميله

يعطيك العافيه بس تعبت وانا اقرى
وتسلم
اخوي

[ابو الاسهم]

قصيدة رهيبة :nice:

تسلم اخوي قطر

[ابو الاسهم]

قصيده جميله

يعطيك العافيه بس تعبت وانا اقرى
وتسلم
اخوي
عشان خاطرك

:deal:

لا ردك الله لا ولا اطلـب ترديـن ""ادعي عليـك بعثـرة فـي صلاتـي
عثره تشلـك مـا بعدهـا تقوميـن ""يا قاتلتنـي يـوم صرتـي حياتـي
خدان لك بالقلـب كانـت بساتيـن ""وريضان وغصونـا بهايـا نعاتـي
كنتي مناة القلـب والـروح والعيـن""واليـوم عينـك يعلهـا مـا تباتـي
كنت أحسبك للعهد والحـب توفيـن ""قلتي الغدر بالحـب ماهـي بسواتـي
وحلفتي يمين الله مـا منـك اثنتيـن ""وانـك مـلاك دون كـل البنـاتـي
وانك على عهـد المـودة تسيريـن ""ولا تسمعين أهل الحسـد والوشاتـي
وصار اليمين ستار خلفـه تواريـن ""ورماح غـدرك بالخفـا مشرعاتـي
وبان الغدر سم جـرى بالشراييـن ""الله عسـى يسقيـك سـم الفعـاتـي
كلي سقيتك حـب واليـوم تنسيـن ""تقوليـن حلـم ايـام واليـوم فاتـي
خذتي الهوى لعبه على مـا تحبيـن ""لين عصفـت بالهـوى عاصفاتـي
من زينك يا بنت بالشعـر تزييـن ""مـن صـورك بابياتـه الطايلاتـي
انامن غرامي قلت كانـك تذكريـن ""قلت الخجل صاب البدرمـن مناتـي
وصرتي بشعري في العذاري تباهين ""تقولين اناشمس العصر فـي حلاتـي
زينتك بشعري ولا غربـك الزيـن ""ما زانتك صبقـات حمـر الشفاتـي
صورتك بالشعر حـزام ورياحيـن ""واثرك هضاب وشوك ما به هداتـي
رسمتك سحابه خيـر قطـر تنفيـن ""فزت لك الصحراء زهـور ونباتـي
رسمتـك مهـاه للجميلـه تقوديـن ""واثرك قطيعه وضيعتهـا الرعاتـي
واثرك غراب يوم سـدل الجناحيـن ""كنت احسب اني شايف لـي قطاتـي
بالشعر غليتك علـى كـل غالييـن ""واثـرك دنيـه وتعشقيـن الدناتـي
وبالشعر عاتبتـك عتـاب المحبيـن ""انا من يسوم الروح لك يـا غناتـي
توسلت لك خايف على حب عاميـن ""عامين لكـن فـي حسابـي مئاتـي
ناديت لكن لـي ابـد مـا تسمعيـن ""عمري وروحي فكـري فـي ثباتـي
حذراك للشينـات عمـري تماشيـن ""عديمات اصـل اخلاقهـن دانياتـي
غاب الولي عنهن ولعبـن بحبليـن ""يا خـس واليهـن وخـس الولاتـي
ما همهن في الناس زين ولا شيـن ""وقلوبهـن مـن حقدهـن مظلماتـي
وقلتي وربك لـو يكونـا ملاييـن ""ما غيرن بالطباعهـن مـن سماتـي
تحسبيـن انـك بالمهافـه ترقيـن ""كيـف الصعـود يكـون للهاوياتـي
وخنتي وبعتي كـل عهـد واياميـن ""ما عاد يفرق بيـن ماضـي واتـي
وصرتي مثل غيرك برخص تبيعين ""يا مرخصتني ما بقـى لـك غلاتـي
صبري نفذ واليوم ثـارت براكيـن ""مظلوم انا وباكـر تحـل ادعواتـي
سمعي عسى من بعدها ما تسمعيـن ""سمعي دعا من صار قلبـه حصاتـي
ادعي عسى من ناضرك ما تشوفين ""وتطحن بك الايام طحـن الرحاتـي
وعساك عوق منه ما عـاد تبريـن ""عوق تشافـق لـه قلـوب العداتـي
ويالله عسى يحتار فيـك المداويـن ""تبين الممـات ولا يجيـك المماتـي
ويالله عسى كف الندامـه تعضيـن ""تندمين يـوم انـه يفـوت الفواتـي
وتبكين دم يسيل مـن مقلـة العيـن ""وتحتار امك عـن عنـاك وتحاتـي
عسى ما تلاقي من له القلب تهديـن ""وان هو حصل ادعي عساك الشتاتـي
يا بلوة اللي وسـط بيتـه تعيشيـن ""ساهي وحوله شب جمـر الغضاتـي
عسى بعمـرك ساعـه مـا تهنيـن ""وتمضي حياتك بيـن هـم وشقاتـي
يا بنت قلبـي ويـن مثلـه تلاقيـن ""قلبا عطاك الحـب مـا قـال هاتـي
جيتك وروحي شلتهـا لـك بكفيـن ""وفي التاليه رمـح الخيانـه جزاتـي
يالله عساك النـار يـا أم وجهيـن ""كله انكشـف لا مـا تفيـد العباتـي
ويالله عسى تلبسك جـن وشياطيـن ""وتكونين مدعـاة الحكـي والشماتـي
يـا حيـة رقطـا تقـود الثعابيـن ""باكـر تحـن ايامـك المعتمـاتـي
وباكر على فعلـك بمثلـه تجازيـن ""ظلم المشاعر مـا تحكمـه قضاتـي
بيني وبينـك تحكـم ايـام وسنيـن ""وانا شاهدي قلبا مـن الغـدر ماتـي
ويا دمعـة التمسـاح لالا تذرفيـن ""العيـون رغـم ادموعهـا كاذباتـي
لا ما عرفتي الحب لا مـا تحسيـن ""وغدرك تعدى غـدر ذيـب الفلاتـي
الذيب يعوي قبـل يغـدر بمسكيـن ""وانتي غدرتي خافقـي فـي سباتـي
لو كان غدرك في كفوف الموازيـن ""لكـان رجـح كـل غـدر البناتـي
انتي السبب سقتي على القلب جرحين ""غـدر الغـرام وموجـع الذكرياتـي
وانتي السبب واليـوم لالا تلوميـن ""وان جاك باكر شوفي اشلـون يأتـي
والله لاكتب وافضحك في دواويـن ""وارقص واغني يوم خبـر الوفاتـي
وارسم لاهل العشق قلبـا وسهميـن ""وقصة خيانه مـا روتهـا الرواتـي
ويمين لانشر فوق اسمـك عناويـن ""واشهرك من قاصي اليمـن للفراتـي
ومن غرب هالدنيا الى قاصي الصين ""ديـوان غـدر فيـه كـل اللغاتـي
والبادي اظلم سنـة العيـن بالعيـن ""ولا فـذي لا عادتـي ولا صفاتـي
ويا شبه انسانـه بـرأس ورجليـن ""اعـوذ بالرحمـن منـك بصلاتـي

[ابو الاسهم]

بالمناسبة القصيده للشاعر الاماراتي محمد بو رحيمه كتبهـا عنـدمـا خانـتـه حبيبـتـه و تـزوجـت واحــد ثـانـي

[forever]

قويـــه

يعطيك العافيه ..

[ROSE]

بل قصيده قويه والله


تسلم اخوي قطر على هالقصيدة

بصراحه تجنن

[N7eEeS]

مشكور على النقل
وهذا البيت اهداء

قبل اعرفك كنت اعرف ان مابه شي مستحيل&& ويوم عرفتك عرفت ان مافيكم وحده وافيه

[Qa6ar]

يعطيك العافيه اخوي قطر

[قطر]

']اختيار موفق .. وقصيده رائعة

يعطيك العافيه اخوي قطر
يعافيك ربي يالرياني :nice: يامرحبا

[قطر]

قصيده جميله

يعطيك العافيه بس تعبت وانا اقرى
وتسلم
اخوي
يعافيك ربي

واسمح لنا لو كان تعبك من الالوان :shy:

وان كان من طول القصيده فالاندماج في قرائتها يجبرك على تكملتها وانت مستمتع :deal:

[قطر]

قصيدة رهيبة :nice:

تسلم اخوي قطر
يامرحبا بك اخوي

ويسلمك ربي :nice:

ومشكور على كتابة الابيات :shy:

[قطر]

بالمناسبة القصيده للشاعر الاماراتي محمد بو رحيمه كتبهـا عنـدمـا خانـتـه حبيبـتـه و تـزوجـت واحــد ثـانـي
ابوالاسهم تسلم على هالمعلومة والله كنت ابحث عن كاتبها

وووووالله اللي جابها من حر قلبه :nice:

[قطر]

قويـــه

يعطيك العافيه ..
يعافيج ربي

يامرحبا :p

[قطر]

بل قصيده قويه والله


تسلم اخوي قطر على هالقصيدة

بصراحه تجنن
يسلمج ربي روز

هذا جزا الخيانه :deal:

لكن ابوالاسهم ايقول حبيبته تزوجت :con2:
وهو في القصيده يذكر عامين :con2:

يعني هو الغلطان :deal: يبيها تنطره لاخر العمر :anger1:

[قطر]

مشكور على النقل
وهذا البيت اهداء

قبل اعرفك كنت اعرف ان مابه شي مستحيل&& ويوم عرفتك عرفت ان مافيكم وحده وافيه


هلا والله بنحيس :D

اصابعك ماهم سوا وانا اخوك :deal:

ولاتدور الهين ،، ترى الكايد احلا ;)

[قطر]

يعطيك العافيه اخوي قطر
يعافيك ربي اخوي Qa6ar

وتواجدك اسعدني :D

[Dana]

سمعي عسى من بعدها ما تسمعيـن ""سمعي دعا من صار قلبـه حصاتـي
ادعي عسى من ناضرك ما تشوفين ""وتطحن بك الايام طحـن الرحاتـي
وعساك عوق منه ما عـاد تبريـن ""عوق تشافـق لـه قلـوب العداتـي
ويالله عسى يحتار فيـك المداويـن ""تبين الممـات ولا يجيـك المماتـي
ويالله عسى كف الندامـه تعضيـن ""تندمين يـوم انـه يفـوت الفواتـي
وتبكين دم يسيل مـن مقلـة العيـن ""وتحتار امك عـن عنـاك وتحاتـي
عسى ما تلاقي من له القلب تهديـن ""وان هو حصل ادعي عساك الشتاتـي
يا بلوة اللي وسـط بيتـه تعيشيـن ""ساهي وحوله شب جمـر الغضاتـي
عسى بعمـرك ساعـه مـا تهنيـن ""وتمضي حياتك بيـن هـم وشقاتـي
.....

ابيات قويه بس المفروض لو يحبها يسامحها:)
لحد يعصب

شكرا اخوي على القصيده الرائعه

[قطر]

سمعي عسى من بعدها ما تسمعيـن ""سمعي دعا من صار قلبـه حصاتـي
ادعي عسى من ناضرك ما تشوفين ""وتطحن بك الايام طحـن الرحاتـي
وعساك عوق منه ما عـاد تبريـن ""عوق تشافـق لـه قلـوب العداتـي
ويالله عسى يحتار فيـك المداويـن ""تبين الممـات ولا يجيـك المماتـي
ويالله عسى كف الندامـه تعضيـن ""تندمين يـوم انـه يفـوت الفواتـي
وتبكين دم يسيل مـن مقلـة العيـن ""وتحتار امك عـن عنـاك وتحاتـي
عسى ما تلاقي من له القلب تهديـن ""وان هو حصل ادعي عساك الشتاتـي
يا بلوة اللي وسـط بيتـه تعيشيـن ""ساهي وحوله شب جمـر الغضاتـي
عسى بعمـرك ساعـه مـا تهنيـن ""وتمضي حياتك بيـن هـم وشقاتـي
.....

ابيات قويه بس المفروض لو يحبها يسامحها:)
لحد يعصب

شكرا اخوي على القصيده الرائعه

ياهلا دانة

لاشكر على واجب ،، شكرا على المشاركة :)

[لاداعي]

يعطيك العافيه اوي

[حمد خالد]

صح الله لسانك

[Qtrun]

مشكور على النقل المميز وصح لسان قايلها والي نقلها

غاب الولي عنهن ولعبـن بحبليـن ""يا خـس واليهـن وخـس الولاتـي

[قطر]

يعطيك العافيه اوي

يعافيك ربي وتسلم على المشاركه :)

[قطر]

صح الله لسانك

صح بدنك

يامرحبا بك :)

[قطر]

مشكور على النقل المميز وصح لسان قايلها والي نقلها

غاب الولي عنهن ولعبـن بحبليـن ""يا خـس واليهـن وخـس الولاتـي

صح بدنك

وتسلم على المشاركة وعلى الاضافه :app: :app:

[حمد خالد]

يعطيك العافيه ومشكور على القصيده الجزله واللي اكثر من رائعه

[قطر]

يعطيك العافيه ومشكور على القصيده الجزله واللي اكثر من رائعه

الله ايعافيك

وحاضرين لكم ،، يامرحبا بك :)

[Qtri]

يعطيك العافيه اخوي قطر وقصيده ممتازه تحياتي لك

[قطر]

يعطيك العافيه اخوي قطر وقصيده ممتازه تحياتي لك
يعافيك ربي اخوي وتسلم على المشاركة :o

[jajassim]

شكرا لك أخوى قطر على هالنقل والقصيدة رائعه ونرجو المزيد

[قطر]

شكرا لك أخوى قطر على هالنقل والقصيدة رائعه ونرجو المزيد

يامرحبا اخوي جاسم

حاضرين لكم وانتوا تامرون :nice:

اسعدتني مشاركتك :D