الى من يشطب بيته فقط ,,

[سمرلاند]

السلام عليكم

اخواني وخواتي وين اقد احصل رخام كريما ماربل 60 في 60 مصري << اكثر شي مدحو

صلابة المصري

واي افضل

المصري ولا السعودي ولا العماني ولا الاردني ولا الايراني ؟

<< من ناحية الجوده واللون وتوافر مقاس 60 في 60 واي احسن مكان تعاملتو معاه ؟

والمهم وين القى مقاس 60 في 60 من الرخام المذكور اعلاه ؟

وشرايكم في الرخام الصناعي؟ وايد يدحونه بس ما ادري مب متشجعه عليه ,, هل فعلا بعد فترة تروح لمعته وما ينجلي مثل الطبيعي؟

شرايكم؟

واخواننا المشرفين والمراقبين ,,

شلونكم؟ :shy:

بليز لا تتسلطون عالموضوع :(

خل يجيني كم رد شافي

عقب اقلعوه مشكورين :(

[بوعلي2]

ان شاء الله الاخوان ماراح يقصرون معاج والله يبلغج مرادج

[طموحي عالي]

الشباب مايقصرون وجعله منزل مبارك

بس لو حاط الموضوع فالسوق كان احسن

[شموخ دائم]

,

,


مرحبا

بالنسبه للرخام الطبيعي طبعا هو الاحسن ونوع كريما مارفيل ممتاز جدا ولونه حلو والبرلاتو جميل ايضا

وفي منه تركي وفي منه ايطالي وهو احسنهم المارفيل الايطالي

والجوده بالرخام احسنهم الرخام

الايطالي ( ممتاز )

والاسباني ( ممتاز )

والتركي ( جيد )

والمصري ( جيد )

والسعودي ( جيد )

الصيني ( جيد )

والعماني ( جيد )

والايراني ( لا ينصح فيه ) لكثره عيوبه

اشهر انواع الرخام هو الرخام الايطالي وليس المصري

فرق كبير بالمتانه والصقل والنعومه ودرجه التشابهه بين قطعه وقطعه

ولاسعار راح تختلف حسب القطع والمتانه


يعني حجم قطعه الرخام 60 × 60 وسماكتها 2 سم

اغلا من حجم القطعه 30× 60 والسماكه 2 سم

كل ما كبرت القطعه كل ما كان سعرها اغلا

للصالات والغرف والمجالس نستخدم سماكه الرخام 2 سم

والحجم 60 × 60 يطلع أجمل ومرتب اكثر لانه الفواصل تكون بعيده عن بعض

والدرج الداخلي والدرج الخارجي والعتبات للبرنده او اي مكان فيه درج

يستحسن السماكه تكون 3 سم ونهايتها تكون كيرف وليس زاويه

حتى ما تجرح احد لا سمح الله زي الصوره

http://ahsahouse.com/ar/images/products/marble/marbel_gra_produ/1.jpg

تكون الدرجه قويه جدا وتستحمل كثره الدوس وشكلها جميل ومخصصه للدرج

وما تتغير طول السنوات ان شاء الله

http://www12.0zz0.com/2009/12/15/20/825147110.jpg

وليس مجرد رخام مقطوع ويضع على الدرج يطلع شكلها غير مرتب

مثل ما يسووون عمال البنغاله الي بالشارع للاسف في فلل راقيه ويخربونها

والاماكن المتعرضه للشمس نستخدم ( جرانيت ) اقوى من الرخام وما يتغير لونه باذن الله

اماكن تقطيع الرخام كثيره في قطر

منها مركز الرخام والجرانيت والخليج وسيجما وشركه المرمر

انا شخصيا اتعامل مع مركز الرخام في الصناعيه

مصنعهم كبير وعندهم كثير مكائن ويعملون ( واتر جت ) اي شكل واي نوع واي رسمه ممكن ينفذونها وعندهم سيارات كثيره ويوصلون اي كميه الى الموقع

وما اوصيك على العمال للتركيب اختارهم بعنايه لان الرخام يحتاج

عمال ماهره حتى يطلع الشغل مرتب حرام نجيب الرخام الزين ونخسر عليه

ونسترخص العمال ونتحسف بعد التركيب

وبالتوفيق لكم




,

,


اخوك



شموخ دائم

[الألماسي]

أخوي شموخ دائم . .

افهم من كـلامك ان " التركي " يجي بعد الأسباني و الإيطالي . .!!

سؤال ثاني عن البرلاتو . . لقيت منه المتر 190 ريال . .!!

شرايك في البتتشينو "تجاري" بسعر 225 للمتر . .!! غالي رخيص . .!!

الرخام العماني نازل منه لون نفس لون الكريم مارفل تنصح فيه . .!!

[غير عنهم]

انا توي مركب رخام وافضل شي بعد الاستشاره الايطالي والاسباني بعده يجي التركي
وافضل التشكيلات تجي في الثلاثه الي ذكرتهم اما العماني عيبه شي واحد طبعا من كلام الناس اطلع ريحه
معى الماي اما المصري اول مره اسمع عن رخام مصري

[سمرلاند]

اخوي شموخ دائم

الله يعطيك العافيه وما قصرت يا الشيخ

فعلا

افدتني كثـــــــــــــــــــير

وفعلا التركيب مهم جداااا

جزاك الله كل خير

[سمرلاند]

غير عنهم

مشكور اخوي على مشاركتك وافادتك

ابصراحه التركي ما كان في بالي بس من كلامكم شكله معروف واجود من المصري باشوفه وباسئل

يعطيك العافيه

[شموخ دائم]

,

,



مرحبا الالماسي

التركي يجي بعد الايطالي والاسباني بالجوده هذا كلام صحيح

لسبب بسيط جبال تركيا نفس التركيبه الجيولوجيه وقريبه جدا من الجبال الايطاليه

وهو معروف بكل دول الخليج

بقطر الرخام التركي دخل السوق متأخر اخوانا بالخليج سبقونا بالعمل فيه

http://www.suedestone.ie/images/Cappuccino%20Stairs%20Radial%20Steps2.jpg

تقصد هذا اللون ( البتتشينو) ؟؟ هذا عليه طلب وشكله حلو في الارضيات

ماقدر اقولك زين او لا السعر من خلال الاسم

لان الاسماء تتشابه وكل دوله موجود الاسم فيها

ولكن حط هذي الشروط الي بقولها لك وخذ (عرض سعر) من 3 شركات معروفه

ونصيحه لاتروح لمحلات صغيره لان الغش بالرخام واصل درجه كبيره بقطر

عادي يكون تركي ويقولك ايطالي ويحط سعر عالي عليه ولا المهندسين يقدرون يكتشفون

هذا الموضوع ولا الاستشاريين صعب عليهم

فقط ذمه صاحب الشركه وخوفه من الله وخوفه على اسم شركته

اخذ عرض سعر من 3 محلات معروفه

ولا تمشي على السعر بالمتر

لانك راح تكتشف فرق كبير بين المحلات

اخذ عرض سعر 3 شركات من خريطه البيت وحط شروطك

- يكون شكل الرخام واللون متشابه وليس مختلف اختلاف كبير
- مصقول ودرجه اللمعان عاليه
- خالي من العيوب ( الكسر والثقوب والشروخ )
- مقطع بالتساوي وبدقه ولايوجد فروق او ميلان بين قطعه واخرى اثناء التركيب

وشوف الاسعار وبعدها تقدر تقرر السعر الي يناسبك وخل الشروط الي فوق تكون بالعقد
هم بيحطون طريقه الدفع وحط شرط جزائي في التاخير التسليم او التركيب


بالنسبه للعماني لاباس فيه لكن درجه الصقل واللمعان ونسبه تشرب الرطوبه متوسط

اما الجوده لا باس فيه


بالتوفيق


,


,


اخوك



شموخ دائم

[الألماسي]

تسـلم أخوي شموخ ع الـرد الـوافي . .

طيب لـو خيــّرتك بين " البـرلاتو " أو " التـركي " . .!

شتاخـذ . .!

[سمرلاند]

<< ئي والله نفس السؤال !!

انا عندي البرلاتو الايطالي والكريما مارفل التركي

احس اللون الكريمي احلى بس البرلاتو الاايطالي اجود !

خصوصا ان الدرج عندي برلاتو ايطالي وما ودي اغيره

تهقون لو حطيت اونو كريما تركي بيطلع مرقع ؟

[موضي قطر]

الله يعين اللي بينون ويوفقك في اللي تبينه اختي

[سمرلاند]

مشكووورة الغاليه على الرفع والدعاء :)

والله يوفق الجميع

[سمرلاند]

اخوي الالماسي

انا وقع اختياري في الاخير على كريما مارفل الاسباني بعد كلام اخونا شموخ قطر

وتركيب الرخام بيركبه الشخص اللي رشحه لي شموخ قطر جزاه الله خير ,,

وبصراحه وقت المقارنه بين جميع الانواع والنوع الاسباني _ في الشكل_

ما تقدر تفضل الا الاسباني

لان كريما مارفل التركي والعماني وغيرهم هم في الحقيقة مب كريما مارفل :(

حتى من ناحية العروق ودرجة اللون

[QAT2020]

متابع لاهمية الموضوع ،، وجزاكم الله خيرا ..

[برنس قطر]

وجزاكم الله خيرا

[التجوري]

يعطيكم العافية شباب

يجب الاهتمام بدرجت اللون و فرز الرخام قبل التركيب و رفض اي بلاطة لونة مختلف او شاذ

و بخصوص تركيب الرخام يفضل استخدام الاسمنت الابيض للرخام الفاتح اللون

[تومان55]

صباح الخير ياشموخ دايم وصباح الخير على الجميع (الموضوع لمشاركة الجميع)

ودى استفسر منك بخصوص المحلات المضمونه ببيع الرخام الاسباني والايطالى لنوعية الكريما مارفل في قطر او حتى في السعودية

واذا تعرف عمال مهره في تركيب الرخام واسعارهم التقريبية
,
وبودى اعرف السعر التقريبي لرخام التالي

الايطالي ( ممتاز )

والاسباني ( ممتاز )

والتركي ( جيد )

والمصري ( جيد )

والسعودي ( جيد )

الصيني ( جيد )

والعماني ( جيد )

[العنان]

سجلوني متابع لهذا الموضوع المهم

[دهــن العود]

متااابعة لاهمية الموضوع بالنسبة لمن هم في مرحلة التشطيب من البناء


جزاكم الله خير

[JCJJJ]

السلام عليكم ورحمة الله وبركاته/اخوي شموخ دائم شكلك راعي خبره في الرخام

ان الحين اشطب وتعاملت مع محل بطريق سلوى اسمه السمحة فدرال للرخام الى عند دوار

عين خالد مركب عنده (كريمه مارفل)اسباني جيد وسعره ممتاز بس مادري اشلون المحل

عندك خبر عنه في البضاعة لاني لحظت في الرخام الى جابوه لى في بعض الثقوب والتشقاقات

وكلمته بخصوص الملاحظات والصراحة ماقصر وشله وركب غيره لاني الى خلاني اركبه

عنده اشتغل حق فلة اخوي وشغله روعه حتى البضاعة جيبينها له في بوكسات وانا جايبين

لي الرخام:omen2: مفرد بدون بوكسات حتى اني والله شكيت وقلت شكله قديم ولكن

الصراحة ماقصر وحلف ان بضاعتك جديدة بس احنا فضنها من البوكسات في الاستور

وجبنها لك ولكن امره الى الله .

[The Watcher]

موضوع مميز ورائع

[شموخ دائم]

,

,


السلام عليكم ورحمه الله


اسمحوا لي ارفع الموضوع لاهميته

انا شفت الموضوع اليوم بالصدفه وكنت ناسيه ما رجعت اشوف الردود

اعتذر من الاخوان هنا ان شاء الله لي رجعه


الرخام لازم يجي في صناديق وكل صندوق فيه عدد امتار معينه

وبنفس الوقت فيه فرزه معينه

يعني قطعه الرخام تجي من الجبل كقطعه كبيره ويتم تقطيعها

نفس الصخره الرخاميه تم تقطيعها على مقاسات وصقلها

تكون متشابهه جدا جدا

اما اذا جاء الرخام مخلوط من كل صخره كم متر راح يكون الرخام غير متجانس

لان كل عمق في الرخام له درجه وله عروق معينه حتى لو كان نفس النوع بيطلع فيه اختلاف

يبين لما نركب الرخام تلاقي الاختلافات صارت واضحه


http://esyria.sy/sites/images/damascus/business/084065_2008_12_22_14_57_08.jpg

هذي الكتل

كل كتله يجب ان تقطع وتوضع في صندوق يكون التشابه بين القطع

كبير اللون والعروق والملمس متجانسه حتى بالتركيب تكاد تكون قطعه وحده

http://www.sptechs.com/emarket/Thumbs/pics/item166421.gif

لاشي يضاهي الرخام

ولا شي يتفوق على الرخام الا الرخام

:)


,

,




اخوكم


شموخ دائم

[شموخ دائم]

,

,


السلام عليكم ورحمه الله


اخوي الالماسي

البرلاتو الايطالي لا يعلى عليه

والكريم مارفيل

هم الخيار الامثل

وبعدهم التركي

:)


,

,




اخوكم


شموخ دائم

[لاب توب]

بيض الله وجهك يا شموخ دائم
وجزاك الله خيراً على بذل النصيحة لأخوانك.
فعلاً موضوع مهم جداً وانا مقبل على هذه المرحلة كذلك.
وفق الله الجميع

[محمد 1977]

اخوي شموخ عندك شخص يركب رخام الدرج ويكون سعره مناسب
جزاك الله خير

[koko33]

أخوي شموخ
وشتقول في rozalia التركي نخب أول ؟؟؟؟
لاني محتار بينه وبين الكريم مارفل

[شموخ دائم]

,


,




,


,

koko33

اخوي الروزيلا التركي عندي معروف ومنه نوعين

http://www.amlinkmarble.com/marble/marble-images/marble-imported/marble-rosalia.jpg

http://www.avos.asia/Images/M/Rosalia_Pink/Big1.jpg

العروق الرقيقه انيق ولونه حلو

ومنه العروق الثقيله

http://www.stonecarescm.com/images/stonegallery/marble/Rosalia.jpg

هذا ما انصحك فيه ابو عروق ثقيله

الكريم مارفيل هو الي عليه الطلب الاكثر

والناس تحبه كثير بقطر

http://aqarcity.org/up092/images/jdv1270390626o.JPG

هذي احد درجات الكريم مارفيل جميل جدا

نصيحتي بعد ما تركبون الرخام خلو الشركه الي ركبت الرخام

تعمل جلي للرخام بالمكينه وتحك اي زياده بين قطع الرخام

وراح يكون المكان ممتاز وكانه قطعه وحده


بعطيكم طريقه بسيطه توريكم التركيب اذا زين او لا ومتساوي

اخذ قطعه صغيره من الرخام يعني 2 سانتي في 2 سانتي من الرخام الزائد والمقطع من مخلفات التركيب

حطها على ارضيه الرخام في الصاله مثلا ودزها برجلك بقوه

اذا راحت القطعه تتزحلق فوق الرخام الى النهايه وما وقفت

يعني التركيب ميه ميه

:)

اذا تمسك توقف يعني القطع تركيبها شي زايد فوق وشي نازل تحت


http://www.sptechs.com/emarket/thumbs/products/item921.gif

وتحتاج تعمل جلي الجلي بالمكينه ضروري بعد التركيب لجمال الرخام

لان الاشخص العادي ما يقدر يلاحظ التركيب الجيد من الي شوي مو جيد الا بعد ما يسكن

ويلاحظ الاشياء هذي

,



,





اخوكم



شموخ دائم

[محمد2]

تسلم اخوي شموخ دائم على اثراءك للموضوع وما قصرت وجعله الله في ميزان حسناتك

[koko33]

طيب وش الاحسن تركيب ألواح ولاستين في ستين ؟؟؟؟؟؟؟؟؟؟؟
وبيض الله وجهك يا شموخ

[al.wajbah]

للرررررررفع

موضوع مهم جدا


ولكم جزيل الشكر

[كلي ندم]

بالتوفيق انشاء الله