ساعدوني...ابي حل ....انا في ورطة؟؟؟؟؟

[سنطره]

ابي شوركم انا في ورطة صار لي 6 سنوات اعمل بالتدريس وقدمت على وظيفة اخرى بوزارة اخرى والحمدالله تمت الموافقة بالوظيفة الجديدة وبصعوبة وجاني اتصال اليوم قالو لي يوم الاحد هذا تعالي باشري ضروري وعشان اباشر لازم اقدم استقالتي من المدرسة وكلمت المديرة عشان استقالتي قالت لي لابد من توفر بديل واستمري حتى تصحيح الامتحانات ومن ثم بنجوف اذا يتوفر بديل ام لا (وسبق ان كلمتها بالموضوع من قبل) وقالت نفس الكلام
ابي مشورتكم شاسوي يوم الاحد لازم اباشر ولا بخسر الوظيفة
شاسوى باموت من القهر .....انتظر ردودكم

[Petroleum]

انا ماعندي تلك الخبرة في الانتقالات بين الوزارات
لكن هل عملتي فحص طبي و حسن سيرة و سلوك ؟

[Mozanee]

حاولي تكلمين المديرة وتفهمينها ظرفج الصعب والبديلة ان شاءالله مب صعبة ولو تعرفين مدرسة عن طريقج وتطلبين منها تنتقل مدرستج لأن الشي ذي وارد ويسونها المدرسات وبالتوفيق ان شاءالله ووكلي امرج بالله

[بوعلي 78]

الشيخه لازم تتصلين في محامي خبير قضايا عماليه واستشيريه في هال موضوع.

بس في الحالات العاديه انتي تقدمين استقالتك وتعطينهم وبعد شهر من تاريخ تقديم الاستقاله تقدرين تتركين شغلك الحالي (على حسب العقد)

[BusinessGirl]

هلا اختي لا ان شاء الله لا ورطه ولا شي
كلمي اهلج والا معارفج او حتى اهني في المنتدى
شوفي اي وحده عندها نفس شهادتج
وحابه تشتغل في مدرستج وودي اوراقها للمديره فرصه مدام
اجازة الربيع قريبه
وبالنسبه لشغلج اليديد قولي لهم بخلص اوراقي مع وزراه العمل هالاسبوع ان شاء الله
وبجيكم

بتهون ما عليج

[شموخ وبس]

الله يكون بعونج

[CH Engineer]

بكـل سهوله غيبي عن المدرسة وروحي لدوامج الجديد..
بس انصحج اقعدي فالمدرسه بتجيكم زيادات وعلاوات

نزلي اعلان مطلوب مدرسة بتسوين خير فغيرج والله يوفقج

[اسعاف]

تمي في الغم والهم الي في لتدريس

لين تطير عنك الفرصة وتموتين قهر بعد ذلك

[ودي أكون]

بسم الله عليج حبيبتي من الورطه ..

شوفي يالغاليه .. اتصلي عالوزارة اللي اقبلت اتوظفج .. على مدير الموارد البشريه .. وقولي له هالاسبوع ماقدر اداوم لان السالفه كيت وكيت ..

يعني بعدج ماقدمتي استقالتج وماتقدرين اداومين في وزارة ثانيه دام ان عندج عقد عمل فالمدرسه ..
وقبل مايتم فسخ العقد قانونيا مايجوز انج تروحين وتباشرين في مكان ثاني .. لان قانونيا انتي ووالوزاره راح تتحاسبون ..

فعملية التأخير في المباشرة .. الى ان اتخلصين اجراءات استقالتج .. ماراح اتضرج ان شاءالله ..

لان احنا كوزاره وكعملي فالموارد البشريه .. ان كانت الموظف اللي تم قبولها عندها ظروف شخصيه (( مسافره او مريضه او فالنفاس .. الخ )) نعذرها وانقولها اول ماتخلصين يالشيخه باشري على طول ..

فانتي يالغاليه كلميهم .. وبنفس الوقت خلصي اجراءات الاستقاله .. يعني قدميها يوم الاحد ع طول .. وخاصه الاستقاله محد يقدر يتحكم فيها .. غير عن التقاعد ونهاية الخدمه والاجازات وغيرها ..

قدمي الاستقاله وتمي ع شغلج اسبوع اكراميه لهم عشان هم يدبرون عمرهم فهالاسبوع ..

ولو اني أأيد راي اللي قبلي انج اتحطين موضوع (( عرض وظيفه )) عشان اتحصلين لج بديل بسرعه .. وبنفس الوقت الوزاره لازم اتكلمينها وتشرحين لهم وضعج ..

وبالتوفيق حبيبتي ..

[ســـهم]

طيب ياسنطره

لو تركتي المدرسه وسفهتي لهم شنو اللي يترتب عليج

السؤال بصيغه ثانيه : هل يترتب عليج شي في حال تركج للوظيفه الحاليه والأنتقال لوظيفه أخرى ؟

[HEART_LION]

على اي اساس تباشرين عملج في الوظيفه الجديده المفروض المباشره تكون بعد انتهاء الاجراءات

انتي الحين ماقدمتي على الادله لان الادله مايعطونج شهادة حسن سيرة وسلوك بدون استقاله

يعني انتي مااتبعتي الاجراءات القانونيه

[ماسة قطر]

أختي الله لا يهينج روحي وزارة التربية قسم الموارد البشرية وقدمي استقالتج اهناك ولا مكتب وكيل الوزارة ودااام ماعندج ألتزام معاهم ولا عقد مالهم حق يرفضون استقالتج واكتبي في الاستقاله لظروف خاصة

[ماريسا]

الله يكون بعونج

[ahmed jasim]

يعنى الطالبات يتلتهوت وقت الأمتحانات علشان وظيفتك الجديدة
الله يكون فى عون المديرة والصف اللى تدرسينه

[قناص الخليج]

ابي شوركم انا في ورطة صار لي 6 سنوات اعمل بالتدريس وقدمت على وظيفة اخرى بوزارة اخرى والحمدالله تمت الموافقة بالوظيفة الجديدة وبصعوبة وجاني اتصال اليوم قالو لي يوم الاحد هذا تعالي باشري ضروري وعشان اباشر لازم اقدم استقالتي من المدرسة وكلمت المديرة عشان استقالتي قالت لي لابد من توفر بديل واستمري حتى تصحيح الامتحانات ومن ثم بنجوف اذا يتوفر بديل ام لا (وسبق ان كلمتها بالموضوع من قبل) وقالت نفس الكلام
ابي مشورتكم شاسوي يوم الاحد لازم اباشر ولا بخسر الوظيفة
شاسوى باموت من القهر .....انتظر ردودكم


محد يقدر يجبرج على البديله

اهم شيء كل ورقه تقدمينها سواء استقاله او غيره خلي عندج صوره منها

[بـــــــنت النوخـّــــذه]

ابي شوركم انا في ورطة صار لي 6 سنوات اعمل بالتدريس وقدمت على وظيفة اخرى بوزارة اخرى والحمدالله تمت الموافقة بالوظيفة الجديدة وبصعوبة وجاني اتصال اليوم قالو لي يوم الاحد هذا تعالي باشري ضروري وعشان اباشر لازم اقدم استقالتي من المدرسة وكلمت المديرة عشان استقالتي قالت لي لابد من توفر بديل واستمري حتى تصحيح الامتحانات ومن ثم بنجوف اذا يتوفر بديل ام لا (وسبق ان كلمتها بالموضوع من قبل) وقالت نفس الكلام
ابي مشورتكم شاسوي يوم الاحد لازم اباشر ولا بخسر الوظيفة
شاسوى باموت من القهر .....انتظر ردودكم

انتي مستقله ولا حكومي 000000

اذا حكومي شبه مستقله روحي الوزاره عند السيده الفاضله /00000000
(مادري عادي اقول اسمها اهي المسؤوله عن توفير المدرسات للمدارس بالوزاره اذا بغيتي اسمها بدزه لج على الخاص )000 وقولي لها انا الاحد بباشر العمل ولازم توفير بديل لاتلينين خلاص الفرصه تجي مره بالعمر 0000

اما اذا كنتي بمستقله مادري عن شروطهم بس خاطبي المجلس الاعلى
واذا تبغين نصيحتي روحي وظيفتج الجديده لان مثل ماقلت الفرصه تجي مره بالعمر 000طبعا بعد الاستخاره 0000 واهم شي تضمنيم 100% الوظيفه والمباشره عندهم 00

بس سؤال انتي عطوج الانفكاك من المدرسه ؟؟؟ ترى ماتطلعين الا بهذا الانفكاك عشان يتصدق بمجال عملج ويطرشونه لديوان الخدمه 0000
والله يوفقج

[سنطره]

يعنى الطالبات يتلتهوت وقت الأمتحانات علشان وظيفتك الجديدة
الله يكون فى عون المديرة والصف اللى تدرسينه

ما راح يتلتهون لان خلصنا المنهج وتصحيح الامتحان امره هين والبركة في الموجود
والله يكون في عوني انا لان عندي ظرف خاص اجبرني على ذلك

[meme~qatar]

المهم انا مدرسة ياسنطرة
وودي انتقل وظيفة ثانية
قولي لي شسويتي؟؟
وشو الخطوات اللي اتبعتيها علشان تمت الموافقة؟؟
وهل احتجتي واسطة؟؟
لاني فعلا كارهة التدريس

بليز قولي ولا تتاخرين

[سنطره]

محد يقدر يجبرج على البديله

اهم شيء كل ورقه تقدمينها سواء استقاله او غيره خلي عندج صوره منها

الله يسمع منك

[سنطره]

أختي الله لا يهينج روحي وزارة التربية قسم الموارد البشرية وقدمي استقالتج اهناك ولا مكتب وكيل الوزارة ودااام ماعندج ألتزام معاهم ولا عقد مالهم حق يرفضون استقالتج واكتبي في الاستقاله لظروف خاصة

جزاك الله خير والله يسهل اموري ان شاالله لاني على اعصابي

[سنطره]

حاولي تكلمين المديرة وتفهمينها ظرفج الصعب والبديلة ان شاءالله مب صعبة ولو تعرفين مدرسة عن طريقج وتطلبين منها تنتقل مدرستج لأن الشي ذي وارد ويسونها المدرسات وبالتوفيق ان شاءالله ووكلي امرج بالله

ياليت ايقدرون ويفتهمون ويعطيك العافية

[سنطره]

هلا اختي لا ان شاء الله لا ورطه ولا شي
كلمي اهلج والا معارفج او حتى اهني في المنتدى
شوفي اي وحده عندها نفس شهادتج
وحابه تشتغل في مدرستج وودي اوراقها للمديره فرصه مدام
اجازة الربيع قريبه
وبالنسبه لشغلج اليديد قولي لهم بخلص اوراقي مع وزراه العمل هالاسبوع ان شاء الله
وبجيكم

بتهون ما عليج

تسلمين حبيبتي ابي دعواتكم

[سنطره]

بسم الله عليج حبيبتي من الورطه ..

شوفي يالغاليه .. اتصلي عالوزارة اللي اقبلت اتوظفج .. على مدير الموارد البشريه .. وقولي له هالاسبوع ماقدر اداوم لان السالفه كيت وكيت ..

يعني بعدج ماقدمتي استقالتج وماتقدرين اداومين في وزارة ثانيه دام ان عندج عقد عمل فالمدرسه ..
وقبل مايتم فسخ العقد قانونيا مايجوز انج تروحين وتباشرين في مكان ثاني .. لان قانونيا انتي ووالوزاره راح تتحاسبون ..

فعملية التأخير في المباشرة .. الى ان اتخلصين اجراءات استقالتج .. ماراح اتضرج ان شاءالله ..
لان احنا كوزاره وكعملي فالموارد البشريه .. ان كانت الموظف اللي تم قبولها عندها ظروف شخصيه (( مسافره او مريضه او فالنفاس .. الخ )) نعذرها وانقولها اول ماتخلصين يالشيخه باشري على طول ..

فانتي يالغاليه كلميهم .. وبنفس الوقت خلصي اجراءات الاستقاله .. يعني قدميها يوم الاحد ع طول .. وخاصه الاستقاله محد يقدر يتحكم فيها .. غير عن التقاعد ونهاية الخدمه والاجازات وغيرها ..

قدمي الاستقاله وتمي ع شغلج اسبوع اكراميه لهم عشان هم يدبرون عمرهم فهالاسبوع ..

ولو اني أأيد راي اللي قبلي انج اتحطين موضوع (( عرض وظيفه )) عشان اتحصلين لج بديل بسرعه .. وبنفس الوقت الوزاره لازم اتكلمينها وتشرحين لهم وضعج ..

وبالتوفيق حبيبتي ..

مشكورة حبيبتي وجزاج الله خير دنيا واخره

[شموع قطريه]

انا بعد ياسنطره ابيج تقولين لي ايش سويتي علشان تنقلين من المدارس المستعله الى وزاره ثانيه لاني ضقت من التدريس ومب قادره استحمل نظام المستقله .. هل موضوع النقل سهالات ولا يبيلها واسطه وانتظار ؟؟

[بنت ابوها 19]

اول مره اسمع بسالفه مثل سالفتج
انتي شكلج بلا وزارة عمل ولا سيره وسولك ولا اخلاء طرف بتباشرين العمل
شلون تباشرين وظيفه ثانيه وانتي للحين ماخلصتي اجرائاتج بالاساس بوزارة العمل
والي كلنا ندري به ع حسب قوانين الدوله
انه وزارة العمل ماتخلص لج اوراقج اله لو اخيتي طرفج من الشغل الثاني

اخبر وحده من ربعي قدمت استقالتها من شغلها وانه لازم تباشر العمل بالوظيفه الثانيه تخيلي باشرت عقب اسبوعين ونص
وسبه وزارة العمل اخروها عشان اخلاء الطرف
وانا عشان اخلاء الطرف تميت نص شهر تقريبا

وتحملي تباشرين العمل وانتي للحين عقدج مبرم مع المدرسه
لانه راح يطلع لج اكثر من بيع السوق



بس بصراحه موضوع غريب شوي
لانه مش قانوني بتاتن
وثاني شي الله يعينج ويسهل لج دربج ان شاااء الله

[qtrose]

الله يكون بعونج أختي.

؟؟؟؟؟؟

الحين :

البنات الي يبون يطلعون من التدريس ؟؟؟ إذا انتوا بنت

البلاد بتطلعون من التدريس وبتخلون عيالنا حق من؟

حق الأجانب يدرسونهم وينقلون لهم ثقافاتهم العجيبة الغريبة؟؟

فكروا شوي عيالنا انتوا أولى بتدريسهم !

[الجوكر90]

الله يكون بعونج أختي.

؟؟؟؟؟؟

الحين :

البنات الي يبون يطلعون من التدريس ؟؟؟ إذا انتوا بنت

البلاد بتطلعون من التدريس وبتخلون عيالنا حق من؟

حق الأجانب يدرسونهم وينقلون لهم ثقافاتهم العجيبة الغريبة؟؟

فكروا شوي عيالنا انتوا أولى بتدريسهم !

كلامج صح 100%

[الصريحه]

اللله يوفقج واستخيري

[مستشارالشعب]

اول شي الله يوفقج احسن حل انج اتفهمين المديرة او اتروحين الوزارة وتكلمين مدير شؤون الموظفين انج تبين اخلاء طرف علشان وظيفة احسن

[ام الحلوين]

اسمعي اختي
اول شي المديره لازم يدبرون لها هيئة التعليم بديل وانتي فهميها انك صعب تداومين حتى تستعجل بالبديل
الشي الثاني مايصير تباشرين عملك بالوظيفه الجديده الا باكتمال ااوراقك وهي الاستقاله من مدرستك
حاظفي ع توقيع العقد مع الشغل الجديد ودامك وقعتي عقد لو تباشرين بعد كم شهر عادي المهم تلزمينهم بتوقيع عقد ومتى ماخلصت اوراقك داومي

[سنطره]

والله انا في حيرة

لان اتصالهم لي باني اروح دورة وخلال الدورة ايب لهم ورقه الاستقاله


علما ان سويت فحص طبي ووقعت معاهم ع ورقه التعهد

هل بيعطونى فرصه لين اخلص الاختبارات مع الطلاب ولا بتطير وظيفتى اليديده ...؟؟ومديرتي ماراعت ظروفي



للحين ماتوصلت لحل

[الرويـس]

ما تعرفين وين مكتوب لج الخير
ويمكن التأخير هذا في صالحج

[لاجئ عاطفي]

قانونيا الاستقاله تسري بعد مرور شهر على تقديمها وحزتها هي مجبورة تعطيج الاستقاله وشهادة الخبره

[ام الحلوين]

قانونيا الاستقاله تسري بعد مرور شهر على تقديمها وحزتها هي مجبورة تعطيج الاستقاله وشهادة الخبره

كلام سليم وقانوني 100%:nice:

[درب السعادة]

السلام عليكم

سنطره الحلوه ...... المفروض قدمتي استقاله ودورتي شغل ما دام السالفه فيها استقاله ليته نطرتي لين تحصلين شغل ...

من خبرتي أقول لج .... اذا في واســــــــــــــــــطه تمشي لج الموضوع هنا وهناك تمام أذا لا يوجد اليك الحاصل ...

الدوام في اي جهة أخرى لا يجوز وانتي ما زلتي على قوة عمل جهة اخرى .... وأذا قدمتي الاستقاله وداومتي هناك قبل لا يجيك الرد ... تملك جهة العمل الاولى الحق في مطالبتج باي مستحقات خلال الفترة التي تغيبتي فيها دون التأكد من قبول الاستقاله ...

ويحق لجهة العمل الثانيه أيضا الامتناع عن صرف اي راتب لج خلال الفترة اللي عملتي فيها ....

يعني الوضع مشربك ... أما مديرتج فدامها قالت لج ها الكلمه اغسلي يدج منها .. نيتها ما تفكج ...

مثل ما قالوا الاخوان حاولي تقنعين الجهة الاخرى بالصبر وأساليهم هل عليج اي مسئولية اذا تدربتي عندهم وانتي ما انهيتي علاقتج بشكل رسمي بالجهة الاخرى ,...

الموضوع يبي له شوية جراءه وقوة قلب والا تراج مب طالعه لا من مستعله ولا شبه مستعله ومثل ما قال حكيم المنتدى أسعاف ...... اذا ما تحركتي بتمين وبتموتين في مكانج وبيربطونج تربط ....

بالتوفيق أختي بس جمدي قلبك .....

الله يعينك يارب ...

اختك .... مدرسة محكومة بالمؤبد ..

[سنطره]

السلام عليكم

سنطره الحلوه ...... المفروض قدمتي استقاله ودورتي شغل ما دام السالفه فيها استقاله ليته نطرتي لين تحصلين شغل ...

من خبرتي أقول لج .... اذا في واســــــــــــــــــطه تمشي لج الموضوع هنا وهناك تمام أذا لا يوجد اليك الحاصل ...

الدوام في اي جهة أخرى لا يجوز وانتي ما زلتي على قوة عمل جهة اخرى .... وأذا قدمتي الاستقاله وداومتي هناك قبل لا يجيك الرد ... تملك جهة العمل الاولى الحق في مطالبتج باي مستحقات خلال الفترة التي تغيبتي فيها دون التأكد من قبول الاستقاله ...

ويحق لجهة العمل الثانيه أيضا الامتناع عن صرف اي راتب لج خلال الفترة اللي عملتي فيها ....

يعني الوضع مشربك ... أما مديرتج فدامها قالت لج ها الكلمه اغسلي يدج منها .. نيتها ما تفكج ...

مثل ما قالوا الاخوان حاولي تقنعين الجهة الاخرى بالصبر وأساليهم هل عليج اي مسئولية اذا تدربتي عندهم وانتي ما انهيتي علاقتج بشكل رسمي بالجهة الاخرى ,...

الموضوع يبي له شوية جراءه وقوة قلب والا تراج مب طالعه لا من مستعله ولا شبه مستعله ومثل ما قال حكيم المنتدى أسعاف ...... اذا ما تحركتي بتمين وبتموتين في مكانج وبيربطونج تربط ....

بالتوفيق أختي بس جمدي قلبك .....

الله يعينك يارب ...

اختك .... مدرسة محكومة بالمؤبد ..

كلامج يخليني اهون عن الاستقاله لان مالي بالتشربك وهالسوالف

بس بحاول وربج كريم مابيهم يحكمونى للابدد وعقب اتحسف اني طيرت وظيفتى اليديده

بصمد وبسعى عله وعسى ربي يسهل دربي وافك نفسي من المستقله مستقبلا
لان بروحنا تحت تهديد ان المدرسه بتصير مستقله

[هدوء العاصفة]

قدمي الاستقالة بورقة رسمية .. وقولي حق المدير عندج اسبوعين وبس بعدها مابتشوفين رقعة ويههي .. الحين اللي يسمعج يقول اهما يحترمون شي اسمه موظف .. سواء بغوا يفنشونه الا بغوا يقصون راتبه والا يشيلون علاواته ..

الحين يقولون لنا قانون ووين القانون والعدل والسنع يوم نقصوا رواتبنا ؟

[cristal]

لو تراجعين المجلس الاعلى بيقولون لج انتى مش ملزومه اتجيبين لهم بديله
هاذى شغله المدرسه

[%حورية قطر%]

اختي

قولي للمديره هذي شغلتكم انتوا توفرون البديل

شووي بتتعبين في الموضووع بس لا تياسين اخبر كانت معاي مدرسه نفس قصتج

وبالغصب المديره عطتها انفكاكها رزي كل يوم ويهج وكلميها بالزييين

وخاصة انج كملتي المنهج

وان شاءالله تتيسر اموورج

وعقباالي يااارب

[ريماس الغلا]

وازيد على كلام اختي حورية قطر

راجعي الوزارة وراجعي هيا الكواري

وان شاء الله تحلها لج

وبالتوفيق

بس ما قلتي لنا وين بتتوظفين !!!

[ريماس الغلا]

وهل بواسطه العمل الجديد ؟؟

[المغروره]

شوفي عزيزتي
لاتستقيليين
اطلبي اجازه كذا يوم
وباشري هنااك وشوفي الشغل ااعجبج الله يوفقج مااعجبج ردي لشغلج مابه مشااكل الله مع العبد دام العبد ويااه
توكلي على الله

[حدالكلمه]

يامسئولييييييين

ليش المدرسات قاموا يشردون من مهنة التدريس ؟؟؟؟

لازم يكون هناك حل ؟؟ وماعتقد الحل بزيادة الراتب بل بالرحممممممممممممممة

[ام مناير]

السلام عليكم
اختي انتي مدرسة اي مادة ؟؟ وفي مستقلة ولا شبه مستقلة ؟؟
لانه الي اعرفه اختي الحين انه اذا تخصصج مطلوب للأسف ما يوافقون على الاستقاله ولو انقطعتي عن العمل بيوقفون اخلاء الطرف عندهم لآخر السنة لانه بنت خالتي مدرسة رياضيات في شبه مستقلة والمديرة وافقت على استقالتها لكن الموارد البشرية رفضت الاستقاله مع انه مو من حقهم بس تخيلي قالو لها لو انقطعتي عن العمل ما راح نعطيج انفكاكج الي هو اخلاء الطرف !!!
بس ما انصحج بالمباشرة في شغلج قبل لا تخلصين موضوع استقالتج
وربي يوفقج ويعينج ...

[لاجئ عاطفي]

السلام عليكم
اختي انتي مدرسة اي مادة ؟؟ وفي مستقلة ولا شبه مستقلة ؟؟
لانه الي اعرفه اختي الحين انه اذا تخصصج مطلوب للأسف ما يوافقون على الاستقاله ولو انقطعتي عن العمل بيوقفون اخلاء الطرف عندهم لآخر السنة لانه بنت خالتي مدرسة رياضيات في شبه مستقلة والمديرة وافقت على استقالتها لكن الموارد البشرية رفضت الاستقاله مع انه مو من حقهم بس تخيلي قالو لها لو انقطعتي عن العمل ما راح نعطيج انفكاكج الي هو اخلاء الطرف !!!
بس ما انصحج بالمباشرة في شغلج قبل لا تخلصين موضوع استقالتج
وربي يوفقج ويعينج ...


قانونيا مهب من حق الموارد البشرية ترفض الاستقالة الاستقالة تسري بعد مرور شهر من تقديمها والموارد البشرية ملزمه تعطي صاحب الاستقالة الانفكاك وانهاء اجرائات الاستقاله هذا قانون مهب تصرفات فرديه عشان يرفض مدير الموارد البشرية او مدير المدرسة او اين كان .. القانون موجود وساري المفعول ويطبق ولكن المشكلة في ان الناس عندهم جهل بالقانون فعشان جذي اضيع حقوقهم

[سنطره]

اشكر الجميع ع ردودهم والحمدلله ربي يسر لي اموري وادعو لي بالتوفيق بالوظيفه اليديده

[سنطره]

يامسئولييييييين

ليش المدرسات قاموا يشردون من مهنة التدريس ؟؟؟؟

لازم يكون هناك حل ؟؟ وماعتقد الحل بزيادة الراتب بل بالرحممممممممممممممة

في ذي صدقتى مافي رحمه عبالهم مكينه تشتغل طول اليوم

ولا انا احب التدريس وايد بس للاسف مالقيت الاستقرار كل يوم منهج ومتطلبات
يعنى المعلم بدرس وبيعطي في حصتين او ثلاث لكن مب اكثر ارحمونااااااااااا

[واقعي وصريح]

اسمج سنطره وتشتغلين مدرسه الله يعين عيالنا

[ريماس الغلا]

في ذي صدقتى مافي رحمه عبالهم مكينه تشتغل طول اليوم

ولا انا احب التدريس وايد بس للاسف مالقيت الاستقرار كل يوم منهج ومتطلبات
يعنى المعلم بدرس وبيعطي في حصتين او ثلاث لكن مب اكثر ارحمونااااااااااا


اختي ما قلتي ويش سويتي فياجراءاتج ؟؟؟؟

مشت ولا لا ؟؟

وهل في واسطة ؟؟؟؟؟

للاهمية

ولو عالخاص بليز

[ريماس الغلا]

يعني صدق مادري يوم تكون عند احدانا مشكله وتبي لها حل

الكل يقدم حلول طيبه

ولما تحل المشكله ما ندري شالطريقه اللي حلت بها

يعني اختي سنطره من باب رد الجميل للاعضاء والعضوات اللي قدمو لج المساعده بالحلول انج تكافئيهم بالرد عليهم وتعلمينا ويش سويتي باجراءات النقل من الوزارة

[الخارجية]

روحي يوم الاحد شغلج الجديد وخذي الاوراق منهم وخلصي الامور كلها وعقب اخري المباشرة في شغلج الجديد لين اتجي البديلة في هذي الحالة مستحيل تخسرين شغلج الجديد

[ودي أكون]

اختي ما قلتي ويش سويتي فياجراءاتج ؟؟؟؟

مشت ولا لا ؟؟

وهل في واسطة ؟؟؟؟؟

للاهمية

ولو عالخاص بليز

أختي سنطره ..

أتمنى انج تتواصلين مع الاخت ريماس الغلا ..

لان البنت باين عليها جديه في استفسارها .. وفعلا من باب رد الجميل انج اتساعدينها فالمعلومات ..

واذا في اي شي اقدر افيدج او اخدمج في اختي ريماس ... انا فالخدمه حبيبتي .. :)

[قطرية حنونه]

اي والله يا ريت تتواصلين اختي سنطره لان الموظوع مهم مره

[سنطره]

هلا والله
اسمحو لي عالتاخير
رحت حق ست هيا

وشرحت لها الظروف والله وعقب موووت وقعت لي
والحمدلله تيسرت اموري

[رويس]

انا مستغرب ؟؟؟ ايش هالوظيفه الجديده اللي يقولون لج يلا تعالي داومي على طول ويدرون انج على راس عملج؟؟ شكلهم بس كلام ولو يبونج لازم يعطونج فرصه تخلصين أوراقج .. والحمدلله

[Mody]

هلا والله
اسمحو لي عالتاخير
رحت حق ست هيا

وشرحت لها الظروف والله وعقب موووت وقعت لي
والحمدلله تيسرت اموري

اختي سنطره بريدج متروس ما يقبل رسايل يليت تفضينه شوي

[القلب المؤمن]

تمي في الغم والهم الي في لتدريس

لين تطير عنك الفرصة وتموتين قهر بعد ذلك


افــــــــــــــا معقولة يا اسعاف :eek5:

[مخباط]

يا ليت اخت سنطره تدليني ويش اجراءاتج بوزارة التعليم

[فلفل حار]

بكـل سهوله غيبي عن المدرسة وروحي لدوامج الجديد..
بس انصحج اقعدي فالمدرسه بتجيكم زيادات وعلاوات

نزلي اعلان مطلوب مدرسة بتسوين خير فغيرج والله يوفقج

قلت آلي ع لسـاني بالضبط ... ^-^



والله يوفقـج ويسهل دربج يالسنطـرهـ ...
(آحس آنها عيارتج :secret:)

[Prestige]

قبل لا تقدمين استقالتك من المدرسة

هل قدموا لك عرض عمل من قبل المكان الجدد اللي راح تشتغلين عندهم

وغالبا يذكر في عرض العمل

الراتب
المسمى الوظيفي
الامتيازات
والاجازات

والمدة الزمنية وغالبا تكون شهر من توقيع العقد
ويتم توقيعه من الطرفين

اما اذا كان الكلام شفهي فاحذري

لان ممكن يقولك بح

ولا يمكنك الانتقال من عمل الى اخر الا بورقة مخالصة من شغلك، لانك بتحتاجينها لاستخرج شهادة حسن سيرة وسلوك

اضمني عرض العمل او عقد العمل المبدئ ولازم يتركون لك فترة سماح لانهم عارفين انك موظفة,اذا قالوا لك لازم داومين عندهم من الاسبوع الجي

اضمني حقك بانهم لا يتراجعون في كلامهم

ولما تضمني

قدمي استقاله فوريه عاجله

الله يعينك

[abn qatar]

اذا بتم تحويل اي موظف الى التقاعد او البند المركزي لايعلمونه ولا ينتظرون توافر البديل

اذا الواحد قدم استقالته اطلعو له بسالفه البديل فعلا شي غريب وقت اقاله الموظف

شخطه قلم وتنتهي السالفه اما تقديم الاستقاله اعذار وتبريرات للمنع

[ريماس الغلا]

يا اخوه الاخت اشتغلت في مكان ثاني وخلصت

كان ودنا نعرف اشلون قدمت استقالتها بدون توفير البديله لها

فهمتوني ؟؟؟؟؟؟ وفهمتوها ؟؟؟؟؟؟؟؟؟

[هدوء 2]

الله المستعان

[قطرية مثقفة]

مرحبا أختي سنطره ،،،،،،،
موضوعج ذكرني بمدرسه كانت معانه قبل سنتين ،،،،،، حصلت وظيفة بالواسطه في وزارة التربية ( البرج ) قديماً طبعاً ،،، المهم طلبت من المديرة انفكاكه لكن المديرة ما وافقت ،،، من القهر غابت عن المدرسة على أساس بلا راتب وعلشان تضغط على المديرة ،،،، في النهاية ماحصلت شي ويوم جات اداوم ماقبلت المديرة وسوت له سالفة عوده في الوزارة بحكم إن المديرة لها مكانة كبيرة في الوزارة ،،،، في النهاية المعلمة ماقدرت اداوم في مدرستنه وبواسطة أخوهه اللي يشتغل في الوزارة راحت مدرسة ثانية بس بصعوبة كبيرة وكانت على وشك تخسر وظيفته ،،،،، نصيحة مني إما انج تستقيلين وبعده تروحين وظيفتج الجديدة أو حاولي تكسبين المديرة لأن كل شي بيدهم ،،،،، الله يوفقج وييسر دربج ،،،،،،

[سنطره]

تسلمين حبيبتي (قطرية مثقفة) والحمدالله اللي انا سويته نفس اللي ذكرتية ،،،والله يسر امري
واشكر كل من عطاني المشورة.

[ريماس الغلا]

انا عندي انتقاد ولن اوجهه لأحد

اذا بغينا شئ من احد الاعضاء : نحنّ عليه في الاسئه وارسالنا الرسائل الخاصه ووووو

وعند اخذنا الحاجه وخدمته لنا وغيرنا يريد الاستفاده من ما تم :

لا نرد عليه في اي استفسار ولا على الرسائل الخاصه ولا على العام


الرازق في السماء بارك الله بكم

[خوخه وحلو]

موفقه

[انيقه]

ما بقصرون الاعضاء