الطلبة القطريون بجامعة القاهرة يحرمون من أدا إختباراتهم بسبب تقصير الملحقية الثقافيه!

[مقطع حق]

* الروتين يحرم طلاباً قطرين من الاختبارات بالقاهرة

القاهرة - الراية: نفى مصدر مسؤول في سفارتنا بالقاهرة أن تكون السفارة أو الملحقية الثقافية هي المسؤولة عن حرمان الطلاب القطريين في جامعة القاهرة من أداء اختبارات نهاية الفصل الدراسي الأول بسبب عدم حصولهم على أرقام الجلوس وأرقام القاعات التي يؤدون بها اختباراتهم .
وعزا المصدر لـ (الراية) ما حدث إلى تأخر الموافقات الأمنية، حيث يتطلب تقييد الطلاب بالجامعة حصولهم على موافقة من سلطات الأمن المصرية.. وأوضح أن إدارة الوافدين بوزارة التعليم العالي المصرية هي المسؤولة عن إرسال هذه الموافقات إلى الجامعة، التي أنكرت بدورها تحويل أية ملفات لها من قبل إدارة الوافدين.
وأضاف المصدر أن الملحقية تعمل على حل هذه الإشكالية حيث تم أمس الأول الحصول على الموافقات الأمنية الخاصة بعدد 193 طالبا وإنهاء مشكلتهم.. فيما لا يزال هناك 6 طلاب لم تقم إدارة الوافدين بإنهاء مشكلتهم.
كان طلابنا بجامعة القاهرة اشتكوا من حرمانهم من أداء الاختبارات متهمين الملحقية الثقافية بالتقصير.. حيث فوجئوا عند ذهابهم لأداء أول أيام الاختبارات بأنهم غير مقيدين بالجامعة وأن ملفاتهم وأرقام جلوسهم لم تصل إلى الجامعة.. مشيرين إلى أنهم سلموا الأوراق والرسوم الجامعية إلى الملحقية، وأن موظفي السفارة أكدوا لهم استكمال الإجراءات الرسمية للتسجيل بالجامعة منذ فترة طويلة.
وقال الطلاب: إن الملحقية تداركت الموقف في اليوم الثاني ليستكمل الطلاب الاختبارات المقررة عليهم، لكن بعد أن ضيعت عليهم يوما من الاختبارات ما سيضطرهم لانتظار اختبارات الملحق الصيفي لأداء اختبار المادة التي تخلفوا عنها، ما من شأنه خفض معدلاتهم حيث إنه يتم خصم 25% من العلامة الكلية في الاختبار حال دخول الملحق الصيفي..

-------------------------------------------------------------------------------------------------------------------------------------------------------------------------------------------------------
***ألله يوفقكم ويفرج عليكم --- فعلا موقف صعب يذهب الطالب الى الجامعه للإختبار ويرفضونة بسبب خطاء غيرة!!

[5ial al3lya]

انا طالب وانا احد المتضررين الطلبه
والكلام غير صحيح امس كانت في نادي الطلبه صحفيين من جريده الرايه وسوو معانا لقاء صحفي مع الصحفيه ريم والكلام الي مكتوب في الجريده متناقض مع الي في الحقيقه
تبهدلنا تبهد و ضايعين الملحق الثقافي خذو فلوسنا و لا عطونا ايصالات ولا شي
والطامه الكبري يوم رحنا الجامعه يوم الامتحان ولا دخلونا واذا تبي الكلام الصحيح في جريده الوطن http://www.al-watan.com/data/20100122/innercontent.asp?val=firstpage1_6

[واحد 11]

الله يعينهم وياخذ حقهم ... اتمنى محاسبة المقصرين والمشكلة الان على طاولة السفير

[موضي قطر]

نعـــــــــــم اروح الامتحان وما ادخل يحمدون ربهم اني مب معاهم كان ثورت فيهم :anger1:

[مقطع حق]

طلاب قطريون يحرمون من الامتحانات بالقاهرة


القاهرة - مكتب القاهرة- "جريدة الوطن".

تعرض عدد من الطلاب القطريين بجامعة القاهرة لمشكلة أثناء دخولهم امتحانات نهاية الفصل الدراسي الأول، حيث فوجئوا بأنهم ليسوا مقيدين بالجامعة، وقد استجابت كلية الحقوق لدخول بعضهم لاداء الامتحان، بينما قرر البعض الآخر مغادرة الجامعة وعدم أداء الامتحان، خاصة لعدم وجود أي أوراق أو مستندات تثبت أنهم طلاب بالجامعة.

وأعرب الطلاب لـ « ؟» عن استيائهم من تأخر الملحقية الثقافية بالسفارة القطرية بالقاهرة في إرسال أوراقهم الي ادارة الوافدين بوزارة التعليم العالي المصرية.

أما الدكتور عادل زايد نائب رئيس الجامعة لشؤون التعليم والطلاب فقد أكد لـ «؟» حرص مصر على «تشجيع الطلاب العرب للدراسة بجامعاتها ومن بينهم الأشقاء القطريون من خلال تيسير كافة العقبات الدراسية التي تواجههم، من بينها السماح لكافة الطلاب القطريين المقيدين بمختلف كليات الجامعة باداء الامتحانات سواء بالفصل الدراسي الأول أو الثاني حتى اذا لم يسددوا رسوم الدراسة».

وقال إن الجامعة لاتتهاون في محاسبة أي مخالف للوائح شؤون الامتحانات والمتعلقة باتاحة الفرصة أمام الطلاب العرب مثل أشقائهم المصريين في أداء الاختبارات حتى اذا لم يسددوا رسوم الدراسة ولكن يتم حجب النتيجة لحين السداد.

وأكد الدكتور جابر علي محجوب وكيل كلية الحقوق لشؤون التعليم والطلاب أن المشكلة ليست نابعة من الجامعة، موضحا ان ادارة الكلية سمحت لـ 52 طالبا وطالبة بأداء الامتحانات رغم التأخرفي ارسال ملفاتهم.

وطالب الدكتور جابر علي محجوب الملحقية الثقافية بالسفارة القطرية بضرورة الانتهاء من ملفات الطلاب وارسالها مبكرا الى ادارة الوافدين.

[al.wajbah]

أحــد الطلــلاب القطــرين نشر المشكلة في أحد المواقع القطرية :


السلام عليكم يا أهل قطر هذه الرساله واقعيه وليست من نسج الخيال وبدون اي افتراء على احد وهي كالتالي :
نحن طلاب قطريين عددنا لايفوق الثمانين في جامعة القاهرة كلية الحقوق سلمنا اوراقنا ورسومنا الماليه للسفارة القطرية الملحق الثقافي وباوقات مختلفه الي تاخر والي من بدري واكثرنا استكمل الاجرات الرسمية للتسجيل في الجامعه منذ اشهر وتفاجئنا بتاريخ 19\1\2010 يوم الامتحان ان ارقام الجلوس والاسامي لم تصل للجامعه والاغلبيه حرم من الامتحان وهذا كله بسبب تاخير وتساهل المكتب الثقافي في السفارة في اجراءات التسجيل حيث لا تسمع الا ماعليك ابشر ولا يهمك وهذا كله ولم يجدوا حل حتى الساعه ياجماعه في ذمة من التكاليف والدراسة والمدرسين ورسوم التسجيل والمصاريف اقل طالب صار له شهر بمصر كل هذا راح في الهواء علشان استهتار واهمال بدون سبب مقنع ؟ لا ويقولون معوضين خير !! ومب معترفين بخطاهم ؟

وين حقوقنا كطلاب من بيدافع عنا اذا السافره هي الي مقصره معنا !!




........



المفــرووووض والله يرفعون قضية يطالبون بحقوقهم

ولايسكتوون ..

والله العظيم قهــر !! ماخذين اجازات من دواماتهم ومخاسيـــر وحالة

واخرتها إهمــاااااااال يتسبب في ضياع مستقبلهم !!

من بيعووضهم عن هالبهدلة والخساير ؟؟!!!

[× الجــوري ×]

كان الله في عونهم :(
انه حسيت بقهر شلون هم

[دلة الرسلان]

الله يساعدكم ويرد حقكم بس من المتقاعس الحقيقي حتى يحاسب !!

[£عبدالعزيز£]

على اللي وصلني ان الطلاب اللي هناك مخلصين كل شي مع السفارة قبل

شهر وشهرين واكثر .. ولكن السفارة مقدمة الاوراق كلها مع بعض بتاريخ 9\1

يعني اعتقد ان الغلط مب من الطلاب !!

الله يعينهم ويوفقهم

[tulepq]

صدقوا .. ولا أظنهم بيفترون على الملحقيه .

مره يقولون الملحقية الثقافية سكروها .. باللي فيها ..

ومره يقولون بنشوف موضوعكم .. وبنتصل عليكم .. ويالله ننتظر ولا في رد ..

ولا الأخ المصري اللي هناك ( دون ذكر إسم ) الأخ قاعد بمكتبه والتلفونات ترن وهو ما يبي يرد ..

وإذا حد راح يشوفه بالمكتب .. لقوه قاعد ولا هو حول التلفونات ..

إيه ليش يرد وراتبه أخر الشهر كامل ..

ليش يرد وهو بيتحجج بأن مكتب الملحقيه خلاص تسكر ..

يامن يرقعهم الحين بتلفون ( بس وقت صلاه ) ولا كان صبيت قلبهم وقلت لهم اقروا المنتدى ..

إختكم / تيوليب قطر من القاهرة

[فارس قطر333]

الله يكون في عونهم والله

المشكله الاخ المصري اللي يقولون انه ما يرد على التفونات فعلا ما يرد على التلفونات ولا البداله

تقول لك يا انه يصلي ولا مشغول ولا اي شي

مره من المرات كنت عنده ولا واحد ياي من البداله يقول له انه في مكالمه له

عاد انا ما سكت قلت حق موظف البداله انت ياي بطولك بس علشان تقول له انه عندك خط وانا اتصل لكم

واتم انظر بالدقايق ومكالمه خارجيه ولا في فايده

بس ما قول ما حك جلدك مثل ظفرك

يعني الواحد والله وده يسوي شغله بنفسه ولا هالمذله

[tulepq]

الله يكون في عونهم والله

المشكله الاخ المصري اللي يقولون انه ما يرد على التفونات فعلا ما يرد على التلفونات ولا البداله

تقول لك يا انه يصلي ولا مشغول ولا اي شي

مره من المرات كنت عنده ولا واحد ياي من البداله يقول له انه في مكالمه له

عاد انا ما سكت قلت حق موظف البداله انت ياي بطولك بس علشان تقول له انه عندك خط وانا اتصل لكم

واتم انظر بالدقايق ومكالمه خارجيه ولا في فايده

بس ما قول ما حك جلدك مثل ظفرك

يعني الواحد والله وده يسوي شغله بنفسه ولا هالمذله


السلام عليكم اخوي فارس قطر ..

أنا يوم قلت حق اللي فوقه .. قال لي لا الرجال موجود ..

إنزين عاد أنا شاقوله .. موجود ولا يرد علينا .. يعني لازم نرز ويهنا عندهم في السفاره ..

بس شنقول يحق له يتسمت هالسمته ..

ولاتظن بيستحي منا ..

بيبرر حق نفسه وبيطلع منها .. وبيطلعون اهل قطر كذابين وهو الصادق ..

يوم ان المكتب مسكر .. ما تقولون لنا وشو شغلته الحين اللي ما تخليه يرد .. ؟؟

[المخباط]

قدموا شكواكم مذيله بتواقيع الطلاب المتضررين لوزير الخارجيه عشان يدري بتقصيرالملحقيه
وبعد كتاب ثاني لمسئول البعثات يوضح الخطأ اللي وقع عليكم
أخذوا حقكم وما عليكم من حد

[فارس قطر333]

السلام عليكم اخوي فارس قطر ..

أنا يوم قلت حق اللي فوقه .. قال لي لا الرجال موجود ..

إنزين عاد أنا شاقوله .. موجود ولا يرد علينا .. يعني لازم نرز ويهنا عندهم في السفاره ..

بس شنقول يحق له يتسمت هالسمته ..

ولاتظن بيستحي منا ..

بيبرر حق نفسه وبيطلع منها .. وبيطلعون اهل قطر كذابين وهو الصادق ..

يوم ان المكتب مسكر .. ما تقولون لنا وشو شغلته الحين اللي ما تخليه يرد .. ؟؟

انا معاج في اللي تقولينه

هو موجود في المكتب ومايرد لا على تلفون المكتب ولا الجوال

واقول له ليش ما ترد يقولي سيبك منهم

يعني الناس تتصل وتخسر مكالمات مب علشان سواد عيونك يبيون يجوفون وشو صار في

موضوعهم لكن الاخ ولا عليه مطنش

ولا بعد يقول انا ما اقدر اشتغل شغلتين شغل للطلاب اللي في الكليه العسكريه وشغل حق الطلاب

اللي مسجلين في الجامعات المصريه وانه مكلم الدكتور سطان بخصوص هذا الموضوع

يعني يبي يستلم شغله وحده منهم

والله والمشكله اهل قطر مب مقصرين وياه يعطونه وزياده لكن هو ما يحمد ربه ولا يساعدهم

[alqtri]

الله يعينكم ياطلاب وطالبات كلية الحقوق والله يوفقكم ان شاء الله

المشكله تعرفون وش هي ؟

المشكله ان الملحق الثقافي من اول ما انعرف وهو شغال للطلاب بس ماله شغل في الملحقيه العسكريه

ويوم تسكر الملحق الثقافي مب قصدهم انه خلاص بيتكنسل لا المقصد فيه ان الملحق الثقافي تحول على ملحق عسكري

ومع هذا التحويل راح يوقفون مع الطلاب في التسجيل وامور الجامعات

على الاقل المفروض انه يتم تخصص مكتب للملحقيه العسكريه خاص لهم

ومكتب ثاني للملحقيه الثقافيه خاص بالطلبه والطالبات فقط مايخلطون بين الاثنين

يوم تاخذ كتاب من السفاره وانت طالب في جامعه مدنيه يطلع الكتاب من السفاره ومكتوب فوق الملحق العسكري

هذا غلط في حق الجامعه اللي بتقدم فيها الكتاب انا قالي الدكتور سلطان قالي مانقدر نهمل الطلاب لان شغلنا معاهم من زمااان

لو تحسبون عدد المرشحين العسكريين في مصر يجي ربع عدد الطلاب القطريين في مصر بشكل عام بنات وشباب

يعني مجموعة مرشحين في العسكريه عددهم قليل جدا جدا يعني مب كل يوم طايحين في السفاره هالعسكريين

لكن الطلاب المفروض لهم الاولويه في الملحق الثقافي اللي تحول الى عسكري

مع ان المصري بنفسه قالي في اول الايام اللي تحول فيها الملحق الى عسكري قالي مانقدر نترك الطلاب يخلصون امورهم بنفسهم لازم نوقف معاهم لان احنا من انوجدنا واحنا مع الطلاب وعلشانهم

والله يعينكم والله عليهم والله يوفقكم ان شاء الله

بالتوفيق للجميع

[tulepq]

انا معاج في اللي تقولينه

هو موجود في المكتب ومايرد لا على تلفون المكتب ولا الجوال

واقول له ليش ما ترد يقولي سيبك منهم

يعني الناس تتصل وتخسر مكالمات مب علشان سواد عيونك يبيون يجوفون وشو صار في

موضوعهم لكن الاخ ولا عليه مطنش

ولا بعد يقول انا ما اقدر اشتغل شغلتين شغل للطلاب اللي في الكليه العسكريه وشغل حق الطلاب

اللي مسجلين في الجامعات المصريه وانه مكلم الدكتور سطان بخصوص هذا الموضوع

يعني يبي يستلم شغله وحده منهم

والله والمشكله اهل قطر مب مقصرين وياه يعطونه وزياده لكن هو ما يحمد ربه ولا يساعدهم


يا بن الحلال .. الرجال مب حولنا .. وأهل قطر معروفين بالكرم ... يعني أقلها يعرف إن الناس ما بتقصر وياه ..

بس عاد إنه ما يقدر يشتغل شغلتين .. هذي قويه ..

كفاية عليه إنه في سفارة قطر المشهود لها في كل بلاد إنها ما تقصر في حق القطريين ..

[مسباح عاج]

الله يكون في عونكم ،،

وأنا واثق أن الأخ الدكتور سلطان محمد المنصوري سواء كان ملحقاً عسكرياً أو ثقافياً لن يقصر في بذل اقصى جهد في حل الموضوع ..
لكن يبقى القول أن موظفي الملحقية منذ عشرات السنوات ليسوا على المستوى المطلوب ،
وتتفشى بينهم المحسوبيات والأكراميات على اساس ان هذا هو الأمر السائد في ذلك المجتمع ،
والذي قد لا يتفهمه الطلاب القطريون أحياناً وخاصة المستجدون .

ومن نافلة القول أن وضع الملحقية تحسن عن الفترة التي كانت من (1971) حتى عام (1998) ، والفترة الحالية ، والذي عاصر الملحقية في تلك الفترة سيلاحظ الفرق الواضح .

بقي أن نقول أين دور المجلس الأعلى للتعليم من الملحقيات الثقافية في سفارات الدولة .

[قطر دزاين]

الله يعينهم ولد اختي يدرس حقوق
الملحقيه ايش شغلتها اجل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[قطر دزاين]

بكل صراحة وعلى البلاطة في مصر ادفع تمشي امورك

[الكلاسيكي]

وين حقوقنا كطلاب من بيدافع عنا اذا السافره هي الي مقصره معنا !!




على اللي وصلني ان الطلاب اللي هناك مخلصين كل شي مع السفارة قبل

شهر وشهرين واكثر .. ولكن السفارة مقدمة الاوراق كلها مع بعض بتاريخ 9\1

يعني اعتقد ان الغلط مب من الطلاب !!

الله يعينهم ويوفقهم

لعلكم السيد/ صالح بن عبدالله البوعينين، من أكفاء دبلوماسيين قطر
وهو شخص خبير ومحنك ترأس بعثة بلاده في بكين ولاهاي وحاليا في القاهرة

هذه المشاكل التي حصلت للطلاب الذي يتحملها ليس السفارة بل الملحقية الثقافية
فيرجى التفريق بينهم
السفارة معنية بتعزيز وتوطيد العلاقات الثنائية بين دولة قطر وجمهورية مصر العربية
فحين المحلقية الثقافية معنية بإدارة شؤون الطلاب

[5ial al3lya]

لحد الان ما صار شي ولا لقوو حل

[(الفيصل)]

بعض (طلبة) مصر
يبون (الملحقية الثقافية)
تجيب لهم الكتب !!
تجيب لهم جدول الامتحان !!
تجيب لهم كرنيه الجامعه!!
تجيب لهم الملغي (والمهم)!!
تجيب لهم المدرسين الخصوصيين!!
تجيب لهم نتيجة الاختبارات !!!
باقي يرحون يقدمون محلهم في الامتحانات !!
عجباً.. على طلاب بهكذا سلوك ومنطق !!

[عزوز المضارب]

انتهاء أزمة طلابنا في جامعة القاهرة

يواصلون اختبارات "التيرم" الأول بعد حل مشكلة أرقام الجلوس

الطلاب يوقعون على تعهدات بإحضار ما يثبت دفعهم الرسوم الدراسية

يواصل طلابنا الدارسون في السنة الاولى بكلية الحقوق جامعة القاهرة اختبارات التيرم الاول
غدا بعد ان وقع عدد كبير منهم على تعهدات بإحضار أوراقهم وما يثبت دفع الرسوم الدراسية
خلال فترة معينة حددتها الجامعة.

وتأتي هذه الخطوة حرصا على استكمال هؤلاء الطلاب عامهم الدراسي بعدما أثيرت مؤخرا
مشكلة عدم حصولهم على ارقام الجلوس الخاصة بهم قبل دخول الامتحان.

كانت الراية قد نشرت أمس تفاصيل الأزمة التي كادت تحرم 193 طالبا قطرياً في كلية الحقوق
جامعة القاهرة من أداء اختبارات نهاية الفصل الدراسي الأول بسبب عدم حصولهم على أرقام
الجلوس وأرقام القاعات التي يؤدون بها اختباراتهم ، حيث نفى مصدر مسؤول في سفارتنا
بالقاهرة أن تكون السفارة أو الملحقية الثقافية هي المسؤولة عن حرمان الطلاب القطريين
من اداء الاختبارات.

وأكد المصدر لـ الراية ان ما حدث يعود إلى تأخر الموافقات الأمنية، حيث يتطلب تقييد الطلاب
بالجامعة حصولهم على موافقة من سلطات الأمن المصرية.. وأن إدارة الوافدين بوزارة
التعليم العالي المصرية هي المسؤولة عن إرسال تلك الموافقات إلى الجامعة، التي أنكرت
بدورها تحويل أي ملفات لها من قبل إدارة الوافدين، لافتا الى أن الملحقية تعمل على حل تلك
الإشكالية حيث تم الحصول على الموافقات الأمنية الخاصة بهم وإنهاء مشكلتهم.

كان طلابنا بجامعة القاهرة اشتكوا من حرمانهم من أداء الاختبارات متهمين الملحقية الثقافية
بالتقصير.. حيث فوجئوا عند ذهابهم لأداء أول أيام الاختبارات بأنهم غير مقيدين بالجامعة وأن
ملفاتهم وأرقام جلوسهم لم تصل إلى الجامعة.. مشيرين إلى أنهم سلموا الأوراق والرسوم
الجامعية إلى الملحقية، وأن موظفي السفارة أكدوا لهم استكمال الإجراءات الرسمية للتسجيل
بالجامعة منذ فترة طويلة.

وقال الطلاب: إن الملحقية تداركت الموقف في اليوم الثاني ليستكمل الطلاب الاختبارات
المقررة عليهم، لكن بعد أن ضيعت عليهم يوما من الاختبارات ما سيضطرهم لانتظار اختبارات
الملحق الصيفي لأداء اختبار المادة التي تخلفوا عنها، ما من شأنه خفض معدلاتهم حيث إنه يتم
خصم 25% من العلامة الكلية في الاختبار حال دخول الملحق الصيفي.

[£عبدالعزيز£]

لعلكم السيد/ صالح بن عبدالله البوعينين، من أكفاء دبلوماسيين قطر
وهو شخص خبير ومحنك ترأس بعثة بلاده في بكين ولاهاي وحاليا في القاهرة

هذه المشاكل التي حصلت للطلاب الذي يتحملها ليس السفارة بل الملحقية الثقافية
فيرجى التفريق بينهم
السفارة معنية بتعزيز وتوطيد العلاقات الثنائية بين دولة قطر وجمهورية مصر العربية
فحين المحلقية الثقافية معنية بإدارة شؤون الطلاب

المقصود بكلمة السفارة الملحقية الثقافية

[Mr.1]

والله لو انـا منهم مارح يردني الا وزير الخارجيـه
على كيفهم يخلونهم يدرسون ويتعبون وعقب يقولون ماافي متحااان لعبـه هي ولا شسالفـه ..

وعندي سؤال صغيروون .,!
جامعــة القاهــرة معترف فيها بقطــر !؟

[VX.R]

بعض (طلبة) مصر
يبون (الملحقية الثقافية)
تجيب لهم الكتب !!
تجيب لهم جدول الامتحان !!
تجيب لهم كرنيه الجامعه!!
تجيب لهم الملغي (والمهم)!!
تجيب لهم المدرسين الخصوصيين!!
تجيب لهم نتيجة الاختبارات !!!
باقي يرحون يقدمون محلهم في الامتحانات !!
عجباً.. على طلاب بهكذا سلوك ومنطق !!


أخي العزيز الفيصل :

لاتكن قاسيا على اخوانك الطلبة .

المشكلة إدارية بحته ولا علاقة للطلبة بهذه المشكلة.

ولكن هناك سؤال مهم جدا :

لماذا نرى الكثير من الطلبة القطريين منتشرين في مصر والاردن والبحرين ، وكأنه لا توجد جامعات وكليات في قطر؟؟؟؟؟؟؟

[فويرط]

والله لو انـا منهم مارح يردني الا وزير الخارجيـه
على كيفهم يخلونهم يدرسون ويتعبون وعقب يقولون ماافي متحااان لعبـه هي ولا شسالفـه ..

وعندي سؤال صغيروون .,!
جامعــة القاهــرة معترف فيها بقطــر !؟


مرحبا

اذا بتدرس فيها انتظام ، عادي معترف فيها


اما انتساب ، غير معترف فيها ، لان موقفين الانتساب عندنا

وشبابنا اللي في في مصر كلهم يدرسون (انتظام)

والله يوفقك ويوفقهم

[فارس قطر333]

أخي العزيز الفيصل :

لاتكن قاسيا على اخوانك الطلبة .

المشكلة إدارية بحته ولا علاقة للطلبة بهذه المشكلة.

ولكن هناك سؤال مهم جدا :

لماذا نرى الكثير من الطلبة القطريين منتشرين في مصر والاردن والبحرين ، وكأنه لا توجد جامعات وكليات في قطر؟؟؟؟؟؟؟


بالنسبه للجامعات اللي عندنا في قطر

اول شي شوي تكلفه الدراسه في اي جامعه من اللي موجودين في المدينه التعليميه

وثاني شي شرط الالتحاق معقده

وحتى جامعه قطر فيها تعقيد اكثر منهم

والله يوفقهم وين ما كانو في الاخير راح ينفعون بلادهم ونفسهم بالشهاده

[إنسان عادي]

بعض (طلبة) مصر
يبون (الملحقية الثقافية)
تجيب لهم الكتب !!
تجيب لهم جدول الامتحان !!
تجيب لهم كرنيه الجامعه!!
تجيب لهم الملغي (والمهم)!!
تجيب لهم المدرسين الخصوصيين!!
تجيب لهم نتيجة الاختبارات !!!
باقي يرحون يقدمون محلهم في الامتحانات !!
عجباً.. على طلاب بهكذا سلوك ومنطق !!


لا فض فوك

[LaW]

بصراحه وللأمانه الموظفين في الملحقية سباقين في القيام بالواجب وخصوصاً اللي (مايرد على التلفون) أيرد على من وإلا على من ،، مافي حد من قطر إلا ويتصل له حتى بعضهم ماعنده موضوع بس متصل بدون هدف ،، وفعلاً كلام أخونا في الله (الفيصل) بعض الطلبة يستخسر روحة الجامعة عشان أيسجل بنفسه ،، ومعتمد في كل شي على غيره ،، وطايح 24 ساعه في القهاوي وفي الأخير .. ايقول ليش ماسجلتوني .. فلا نظلم الناس ونشهر فيهم لأخطاء مشتركة .

[مقطع حق]

ألله يوفق الجميع

[هيبة^ملك]

الله يكون في العون

[مقطع حق]

من يعرف عن موضوع الطلبة وين وصل يفيد الساحه------ وإنشاءالله تكون إنحلت مشكلتهم .

[صوت الضمير]

الله يكون بعونهم طلابنا في كل مكان

ومبروك للطلاب وطالبات جامعة قطر أنتهاء الدراسة للفصل خريف 2009م

ومبروك النجاح

والفال للطلابنا في الدول الأخرى

أبداع

[فارس قطر333]

اخر اللي صار وياهم انهم لين الحين يحاولون يخلونهم يقدمون الامتحانات الباقيه

ويطلعون لهم ارقام جلوس

[مقطع حق]

اخر اللي صار وياهم انهم لين الحين يحاولون يخلونهم يقدمون الامتحانات الباقيه

ويطلعون لهم ارقام جلوس


أحسنت وألله يوفقهم ويسهل دربهم، وراح أتابعهم وكون معهم أول بول.

[قناص الخليج]

للاسف الموظف الى هناك وهو جنسي المصريه تتصل عليه لايرد على جواله

على شنو يصرف له راتب اليس لخدمة طلاب قطر في الجامعات المصريه

والى يبي اسمه ورقمه انا مستعد اعطيه

[فارس قطر333]

للاسف الموظف الى هناك وهو جنسي المصريه تتصل عليه لايرد على جواله

على شنو يصرف له راتب اليس لخدمة طلاب قطر في الجامعات المصريه

والى يبي اسمه ورقمه انا مستعد اعطيه

راح يقول لك الشغل كثير وانا بروحي اللي ماسكه

ومثل ما انت عارف انه كبير في السن

[tulepq]

بس تدرون يا جماعة أتوقع أنه لو تغير عليه شي . كان بيرد من أول رنه ..

[جاسم القطري]

مساء الخير على الجميع

ابصراحه اللي يقرا الموضوع اكيد راح يحكم انه الخلل من الملحق الثقافي بسفاره دوله قطر

بجمهوريه مصر

بس حبيت اضيف شي لمعلوماتكم

ما في شي اسمه ملحق ثقافي بسفاره دوله قطر بالقاهره

لانه الملحقيه الثقافيه تم الغائها من سنتين تقريباً

وهذا الكلام صحيح 1000%

واللي يبي يتأكد يرجع لوزاره التربيه والتعليم العالي

لكن اللي صار ينطبق عليه المثل

" خير تعمل شر تلقى"


طبعا الملام في الموضوع على كلام الطلاب الملحق العسكري اللي كان في السابق الملحق الثقافي

الريال حب يخدم الطلاب وما يرد حد

يستلم اوراقهم

ويسجلهم

ويدفع رسوم الدراسه

ويستلم جداول الاختبارات

ويبعثها لهم للدوحه

كل هذا يسويه وهو مب شغله

ليش..؟؟؟؟

عشان يخدم عياله الطلاب القطريين

في حين انه الدول المجاوره (الخليج) الطالب بنفسه يسافر ويتعب ويروح ويسوي كل ذي

والخلل اللي صار من اداره شئوون الوافدين بجامعه القاهره

لكن يوم صارت المشكله قامت اداره شئون الوافدين وحطوا الغلط على السفاره

والطلاب ما صدقوا راحوا السفاره وسوو مشكله

غير الجرايد والمنتديات والبلاك بيري

ومثل ما وعدهم الملحق العسكري بالسفاره (الملحق الثقافي سابقاً)

انهم يصبرون وراح يتحرك

والحمدلله تم حل المشكله بين الجامعه وتسجيل الطلاب

وقدموا الاختبارات

لكن الغريب حق الشكاوي والاشاعات الكل يركض ولما الريال سعى لهم وخلص امورهم محد تكلم ودافع عنه


وهاذي السالفه كلها اللي صارت والحين نلوم من .؟؟؟؟

السفير ... ولا الملحق العسكري.... ولا جامعه القاهره ... ولا الطلاب

؟؟؟؟؟

لكم القرار

[مرتبش]

هل صحيح انهم 7 طلاب كما ورد في الجريدة
وليش كل هالضجة وهم المقصرين

[الفـ@ــــد]

الكلام هذا صحيح

واكد لي واحد من المتضررين وانا اعرفه شخصياً

[mubarak2]

مساء الخير على الجميع

ابصراحه اللي يقرا الموضوع اكيد راح يحكم انه الخلل من الملحق الثقافي بسفاره دوله قطر

بجمهوريه مصر

بس حبيت اضيف شي لمعلوماتكم

ما في شي اسمه ملحق ثقافي بسفاره دوله قطر بالقاهره

لانه الملحقيه الثقافيه تم الغائها من سنتين تقريباً

وهذا الكلام صحيح 1000%

واللي يبي يتأكد يرجع لوزاره التربيه والتعليم العالي

لكن اللي صار ينطبق عليه المثل

" خير تعمل شر تلقى"


طبعا الملام في الموضوع على كلام الطلاب الملحق العسكري اللي كان في السابق الملحق الثقافي

الريال حب يخدم الطلاب وما يرد حد

يستلم اوراقهم

ويسجلهم

ويدفع رسوم الدراسه

ويستلم جداول الاختبارات

ويبعثها لهم للدوحه

كل هذا يسويه وهو مب شغله

ليش..؟؟؟؟

عشان يخدم عياله الطلاب القطريين

في حين انه الدول المجاوره (الخليج) الطالب بنفسه يسافر ويتعب ويروح ويسوي كل ذي

والخلل اللي صار من اداره شئوون الوافدين بجامعه القاهره

لكن يوم صارت المشكله قامت اداره شئون الوافدين وحطوا الغلط على السفاره

والطلاب ما صدقوا راحوا السفاره وسوو مشكله

غير الجرايد والمنتديات والبلاك بيري

ومثل ما وعدهم الملحق العسكري بالسفاره (الملحق الثقافي سابقاً)

انهم يصبرون وراح يتحرك

والحمدلله تم حل المشكله بين الجامعه وتسجيل الطلاب

وقدموا الاختبارات

لكن الغريب حق الشكاوي والاشاعات الكل يركض ولما الريال سعى لهم وخلص امورهم محد تكلم ودافع عنه


وهاذي السالفه كلها اللي صارت والحين نلوم من .؟؟؟؟

السفير ... ولا الملحق العسكري.... ولا جامعه القاهره ... ولا الطلاب

؟؟؟؟؟

لكم القرار


بسم الله الرحمن الرحيم

الكلام الي منشور في جريدة الوطن صحيح 1000%

والجماعه في الملحق أهم القصرين وعلى رأسهم الدكتور سلطان المنصوري

والي تحته صج مقصرين بس مالومهم لأن لايوجد الا موظف واحد جميع الشغل

عليه، طلاب سنه أولى وثانيه وثالثه ورابعه وطلاب الماجستير والدكتوراه

وطلاب الاكاديميه البحريه والريال مايقدر يحك راسه، ويوجد مندوب واحد فقط

وهو الي يروح يدفع ويسجل الطلاب في الجامعات ومسكين بعد مايلحق

والسبب الرئيسي من الأستاذ/سلطان المنصوري الي مايبي يجيب موظفين زياده

والشغل ساير فوضى وماشي على البركه.

وعلى قولة الأخ الفاضل بأن سلطان المنصوري الي يسويه مب شغله

أنا أرد عليه وقوله شغله ونص لأن الملحق الثقافي عغب ماتكنسل من سنتين تقربا

تحول إلى ملحق عسكري تابع لوزارة الداخليه والرواتب تأخذ من الداخليه بس

ولكن جاءت تعليمات من سعادة وزير الداخليه/ الشيخ عبدالله بن ناصر ال ثاني الله يحفظه

لتغيير مسمى المكتب العسكري إعتبارا من أول شهر 12 من سنة 2009 إلى المكتب التعليمي

للشئون العسكرية والتعليميه والثقافيه. وأنا شخصيا ماخذ من عندهم إفادة مكتوب فيها المسمى

الجديد. بس للأسف لو عندي إسكنر كان حطيت لك الإفاده، وأبشرك إن فيه بعض الطلاب لحد

الان ماعندهم أرقام جلوس ويقدمون امتحانات على البركه وينتضرون الجماعه يخلصون

أوراقهم.

والأستاذ الفاضل/سلطان المنصوري لما الواحد يتصله وقت المشاكل مايرد على التلفون

واذا رد وهذا من سابع المستحيلات يقول أنا مادري كلموا صلاح ولا جبيريل وهذيلى المساكين

حاطهم في وجه المدفع.

وأنا أقولها وأحاطها في ذمتي أن المشكله الرئيسيه في المكتب التعليمي وفي الأساس

هي في سعادة الدكتور الفاضل/ سلطان المنصوري لأنه مايعرف أشلون يتصرف ويدير

الشغل عدل وإعتماده الكلي على الموظفين المساكين. وهما الموظف الوحيد صلاح

والمندوب الوحديد جبيريل (الله يكون في عونهم) ولابد من تغيير سعادة الدكتور

(لأنه عقليه قديمه)

[جاسم القطري]

بسم الله الرحمن الرحيم

الكلام الي منشور في جريدة الوطن صحيح 1000%

والجماعه في الملحق أهم القصرين وعلى رأسهم الدكتور سلطان المنصوري

والي تحته صج مقصرين بس مالومهم لأن لايوجد الا موظف واحد جميع الشغل

عليه، طلاب سنه أولى وثانيه وثالثه ورابعه وطلاب الماجستير والدكتوراه

وطلاب الاكاديميه البحريه والريال مايقدر يحك راسه، ويوجد مندوب واحد فقط

وهو الي يروح يدفع ويسجل الطلاب في الجامعات ومسكين بعد مايلحق

والسبب الرئيسي من الأستاذ/سلطان المنصوري الي مايبي يجيب موظفين زياده

والشغل ساير فوضى وماشي على البركه.

وعلى قولة الأخ الفاضل بأن سلطان المنصوري الي يسويه مب شغله

أنا أرد عليه وقوله شغله ونص لأن الملحق الثقافي عغب ماتكنسل من سنتين تقربا

تحول إلى ملحق عسكري تابع لوزارة الداخليه والرواتب تأخذ من الداخليه بس

ولكن جاءت تعليمات من سعادة وزير الداخليه/ الشيخ عبدالله بن ناصر ال ثاني الله يحفظه

لتغيير مسمى المكتب العسكري إعتبارا من أول شهر 12 من سنة 2009 إلى المكتب التعليمي

للشئون العسكرية والتعليميه والثقافيه. وأنا شخصيا ماخذ من عندهم إفادة مكتوب فيها المسمى

الجديد. بس للأسف لو عندي إسكنر كان حطيت لك الإفاده، وأبشرك إن فيه بعض الطلاب لحد

الان ماعندهم أرقام جلوس ويقدمون امتحانات على البركه وينتضرون الجماعه يخلصون

أوراقهم.

والأستاذ الفاضل/سلطان المنصوري لما الواحد يتصله وقت المشاكل مايرد على التلفون

واذا رد وهذا من سابع المستحيلات يقول أنا مادري كلموا صلاح ولا جبيريل وهذيلى المساكين

حاطهم في وجه المدفع.

وأنا أقولها وأحاطها في ذمتي أن المشكله الرئيسيه في المكتب التعليمي وفي الأساس

هي في سعادة الدكتور الفاضل/ سلطان المنصوري لأنه مايعرف أشلون يتصرف ويدير

الشغل عدل وإعتماده الكلي على الموظفين المساكين. وهما الموظف الوحيد صلاح

والمندوب الوحديد جبيريل (الله يكون في عونهم) ولابد من تغيير سعادة الدكتور

(لأنه عقليه قديمه)

يعني في النهايه يشتغل لوزاره الداخليه فقط :)

العسكريين المبتعثين عن طريق الداخليه

وتقدر تتأكد من وزاره الداخليه وتفيدنا

[mubarak2]

يعني في النهايه يشتغل لوزاره الداخليه فقط :)

العسكريين المبتعثين عن طريق الداخليه

وتقدر تتأكد من وزاره الداخليه وتفيدنا



ياعزيزي الفاضل المكتب أسمه المكتب التعليمي(للشئون العسكريه والتعليميه والثقافيه)

وهذي أوامر سعادة الوزير/ عبدالله بن ناصر الله يجزيه ألف خير بأن يتم تغيير المسمى

القديم إلى المسمى الجديد ليخدم العساكر والمدنيين

المشكله والطامه الكبرى سعادة الدكتور الذي مايدري وش الطبخه عنده

[جاسم القطري]

ننتظر التعليق من المسؤلين

وبنشوف الحق مع من

وشسالفه بالضبط

اما كلام الجرايد والمنتديات والبلاك بيري مأخوذ خيره

وما وراه الا الاشاعات والتجريح

[vip8]

مرحباااااااااا اخواااااااااااااني


انا طالبه من الي الحمدلله دخلت اول امتحان في كليه التجارة بتاريخ 12-1-2010 مع اني دافعه مصاريفي من شهر 10 والكلام الي انقال كذذذذذذذذذذذذذذذذذذذب والملحق السفاره عندنا تعبان والله العظيم اني ناويه لما ارد ان ابعث بكتاب للخارجيه في قطر وابهدل الموجودين في القاهره بس المشكله الي انظرو كفو وسبقوني والشيوخ الاثنين الموجودين الكسالا طبعا الاخ صلاح والاخ جبريل هذول سبب التاخير والخبطه وقمه في الاهمال والتسيب الي مايخلصون ورقه الا ب100 دولار .. ليش ليكون يشتغلووووون ببلاش والي فوقهم ومباشرهم نفسهم .. وانا اتكلم من باب القهر الي صابني والربكه الي سووها لي ادررررررررررررررس طول الثلاث شهور واجي قبل يوم الامتحان ابي اطلع بطاقه الجامعه ( الكرنيه ) يقول اوراقها ماجاتنا ولا اندفعت المصااااريف ياسلاام مع ان كل يوم ابعث شخص عشان يشووف البطاقه لان ماقدر ادخل بدونها الجامعه ولا الامتحان واكثر من شهر وهو كل يوم يقول بكره لا الي بعده والله ماخليته جلس على كرسيه قلت له لو ماتقوم وتروح تجيب الوصل لاافضح اكبركم فيها وراح الاخ ودفع وكان بكره الامتحان قال الحين مكتب الطلبه سكر الي بالجامعه كان الساعه3 قلت له مالي شغل روووح خلصه ولا مب احسن لك وراح وراح الرجال الي معاي معاه وودو الوصل الدفع الجامعه وقال بكره الصبح بيخلص الورق وكان امتحاني الساعه12 يبتدي قلت له تدري لو ماتجي الساعه 7 انت في الجامعه والله شوف وش بيصير لك وطبعا من الخرعه الساعه 7 ونص هو في الجامعه لين 10 وركض ورا الاوراق والحمدلله دخلو اوراقي وانطبع اسمي على اورقه الامتحان وامتحنت بس مع بعض امشاكل في للجنه بسبب التاخير وعدم وجود الاسم في الكشف ولله الحمد خلصتها .... بس عمري مراح اسامحهم على الي سووه فينا ... والله العظيم اننا نتبهدل وحضراتهم صلاح وجبريل والله ناس كذابين ونعبانين في معاملاتهم وناس مايسون الحاجه الا ياخذون فلوووووس .. والله عيب الي يصير مع العلم الاخ سلطان المنصوري يعرف الي يصير ويشوف ولولا اهمال المرؤوس ماتجراء الي تحته يسوي لان مالقا الي يردعه .. واخيراااا اتمنى التوفيق للكل الي معانا في القااااااااااااااااهره والله يعدي هالتيرم على خير من وجوهم ..




وسمعت اخيررررررررررررر .... ان تم نقل كل من الاخ صلاح وجبيريل المدمرين لشؤن الطلبه للملحقيه بالسفاره الي مكان اخر مادري وين عاااد هذووول يستاهلون الفصل من اماكنهم مسودين الوجيه ..

[mubarak2]

صباح الخير على الجميع

والله الخوف من ربعنا الي لهم علاقات مع سعادة الدكتور

أخاف يسكرون الموضوع ويرمون اللوم على الجامعه

وعلى الطلاب المساكين الي ضايع حقهم في الهواء

الطلاب المساكين وين يرقعونها من الملحق التعبان ولا من

الغربه ولا من المدرسين الي مواعيدهم في الهواء ولا ولا ولا

ماقول الا الله يكون في عون أخوانا الطلاب الي في مصر

ويصبرهم على بلواهم ويرجعهم سالمين غانمين

[جاسم القطري]

صباح الخير على الجميع

والله الخوف من ربعنا الي لهم علاقات مع سعادة الدكتور

أخاف يسكرون الموضوع ويرمون اللوم على الجامعه

وعلى الطلاب المساكين الي ضايع حقهم في الهواء

الطلاب المساكين وين يرقعونها من الملحق التعبان ولا من

الغربه ولا من المدرسين الي مواعيدهم في الهواء ولا ولا ولا

ماقول الا الله يكون في عون أخوانا الطلاب الي في مصر

ويصبرهم على بلواهم ويرجعهم سالمين غانمين


ياخوي احنا في قطر

واللي له حق بياخذه

[مقطع حق]

مرحباااااااااا اخواااااااااااااني


انا طالبه من الي الحمدلله دخلت اول امتحان في كليه التجارة بتاريخ 12-1-2010 مع اني دافعه مصاريفي من شهر 10 والكلام الي انقال كذذذذذذذذذذذذذذذذذذذب والملحق السفاره عندنا تعبان والله العظيم اني ناويه لما ارد ان ابعث بكتاب للخارجيه في قطر وابهدل الموجودين في القاهره بس المشكله الي انظرو كفو وسبقوني والشيوخ الاثنين الموجودين الكسالا طبعا الاخ صلاح والاخ جبريل هذول سبب التاخير والخبطه وقمه في الاهمال والتسيب الي مايخلصون ورقه الا ب100 دولار .. ليش ليكون يشتغلووووون ببلاش والي فوقهم ومباشرهم نفسهم .. وانا اتكلم من باب القهر الي صابني والربكه الي سووها لي ادررررررررررررررس طول الثلاث شهور واجي قبل يوم الامتحان ابي اطلع بطاقه الجامعه ( الكرنيه ) يقول اوراقها ماجاتنا ولا اندفعت المصااااريف ياسلاام مع ان كل يوم ابعث شخص عشان يشووف البطاقه لان ماقدر ادخل بدونها الجامعه ولا الامتحان واكثر من شهر وهو كل يوم يقول بكره لا الي بعده والله ماخليته جلس على كرسيه قلت له لو ماتقوم وتروح تجيب الوصل لاافضح اكبركم فيها وراح الاخ ودفع وكان بكره الامتحان قال الحين مكتب الطلبه سكر الي بالجامعه كان الساعه3 قلت له مالي شغل روووح خلصه ولا مب احسن لك وراح وراح الرجال الي معاي معاه وودو الوصل الدفع الجامعه وقال بكره الصبح بيخلص الورق وكان امتحاني الساعه12 يبتدي قلت له تدري لو ماتجي الساعه 7 انت في الجامعه والله شوف وش بيصير لك وطبعا من الخرعه الساعه 7 ونص هو في الجامعه لين 10 وركض ورا الاوراق والحمدلله دخلو اوراقي وانطبع اسمي على اورقه الامتحان وامتحنت بس مع بعض امشاكل في للجنه بسبب التاخير وعدم وجود الاسم في الكشف ولله الحمد خلصتها .... بس عمري مراح اسامحهم على الي سووه فينا ... والله العظيم اننا نتبهدل وحضراتهم صلاح وجبريل والله ناس كذابين ونعبانين في معاملاتهم وناس مايسون الحاجه الا ياخذون فلوووووس .. والله عيب الي يصير مع العلم الاخ سلطان المنصوري يعرف الي يصير ويشوف ولولا اهمال المرؤوس ماتجراء الي تحته يسوي لان مالقا الي يردعه .. واخيراااا اتمنى التوفيق للكل الي معانا في القااااااااااااااااهره والله يعدي هالتيرم على خير من وجوهم ..




وسمعت اخيررررررررررررر .... ان تم نقل كل من الاخ صلاح وجبيريل المدمرين لشؤن الطلبه للملحقيه بالسفاره الي مكان اخر مادري وين عاااد هذووول يستاهلون الفصل من اماكنهم مسودين الوجيه ..

لا تعليق كلام هالطالبه المقهوره واضح ويوضح أمور الي وضعه مثل وضعها من الطلبه.........ألله يعينهم ويأخذ بحقهم جميعا ويعين كل مظلوم ويأخذ بحقه ممن ظلمه......
قووووووووووووولوووووووووووووا أأأأأأأأأأأأأأأأأأأأميييييييييييييييييييييييين .

[فارس قطر333]

مرحباااااااااا اخواااااااااااااني


انا طالبه من الي الحمدلله دخلت اول امتحان في كليه التجارة بتاريخ 12-1-2010 مع اني دافعه مصاريفي من شهر 10 والكلام الي انقال كذذذذذذذذذذذذذذذذذذذب والملحق السفاره عندنا تعبان والله العظيم اني ناويه لما ارد ان ابعث بكتاب للخارجيه في قطر وابهدل الموجودين في القاهره بس المشكله الي انظرو كفو وسبقوني والشيوخ الاثنين الموجودين الكسالا طبعا الاخ صلاح والاخ جبريل هذول سبب التاخير والخبطه وقمه في الاهمال والتسيب الي مايخلصون ورقه الا ب100 دولار .. ليش ليكون يشتغلووووون ببلاش والي فوقهم ومباشرهم نفسهم .. وانا اتكلم من باب القهر الي صابني والربكه الي سووها لي ادررررررررررررررس طول الثلاث شهور واجي قبل يوم الامتحان ابي اطلع بطاقه الجامعه ( الكرنيه ) يقول اوراقها ماجاتنا ولا اندفعت المصااااريف ياسلاام مع ان كل يوم ابعث شخص عشان يشووف البطاقه لان ماقدر ادخل بدونها الجامعه ولا الامتحان واكثر من شهر وهو كل يوم يقول بكره لا الي بعده والله ماخليته جلس على كرسيه قلت له لو ماتقوم وتروح تجيب الوصل لاافضح اكبركم فيها وراح الاخ ودفع وكان بكره الامتحان قال الحين مكتب الطلبه سكر الي بالجامعه كان الساعه3 قلت له مالي شغل روووح خلصه ولا مب احسن لك وراح وراح الرجال الي معاي معاه وودو الوصل الدفع الجامعه وقال بكره الصبح بيخلص الورق وكان امتحاني الساعه12 يبتدي قلت له تدري لو ماتجي الساعه 7 انت في الجامعه والله شوف وش بيصير لك وطبعا من الخرعه الساعه 7 ونص هو في الجامعه لين 10 وركض ورا الاوراق والحمدلله دخلو اوراقي وانطبع اسمي على اورقه الامتحان وامتحنت بس مع بعض امشاكل في للجنه بسبب التاخير وعدم وجود الاسم في الكشف ولله الحمد خلصتها .... بس عمري مراح اسامحهم على الي سووه فينا ... والله العظيم اننا نتبهدل وحضراتهم صلاح وجبريل والله ناس كذابين ونعبانين في معاملاتهم وناس مايسون الحاجه الا ياخذون فلوووووس .. والله عيب الي يصير مع العلم الاخ سلطان المنصوري يعرف الي يصير ويشوف ولولا اهمال المرؤوس ماتجراء الي تحته يسوي لان مالقا الي يردعه .. واخيراااا اتمنى التوفيق للكل الي معانا في القااااااااااااااااهره والله يعدي هالتيرم على خير من وجوهم ..




وسمعت اخيررررررررررررر .... ان تم نقل كل من الاخ صلاح وجبيريل المدمرين لشؤن الطلبه للملحقيه بالسفاره الي مكان اخر مادري وين عاااد هذووول يستاهلون الفصل من اماكنهم مسودين الوجيه ..


الله يعنيج والله انا صار نفس موضوعج في سنه اولى بالضبط الفلوس مطرشها حق صلاح ولا

دفعها ولا شي وكل ما اقول له دفعت يقول لي مش مشكله لين جاء يوم الامتحان ولا خذت رقم

الجلوس الا قبل الامتحان بنص ساعه والله وعقب ادور اسمي في اي قاعه تقريبا

خذت نص ساعه من وقت الامتحان لين ما لقيت اسمي بس الحين الحمد لله من قبل الامتحانات

وانا عندي رقم الجلوس ورقم القاعه خذتهم عن طريق موقع الجامعه في النت

[vip8]

لا وازززززززززززيدك من الشعر بيت .. ان البطاقه ماخذته لين اليوووم صار لها اربع شهور الحين عشان يطلعوووونها والله شي يضحك ويبكي في نفس الوقت .. وانا باقي لي اخر امتحان يوم 2-2-2010 يعني خلص الامتحان وانا ادخل بالجوااااز والله مسسسسسخره .

[رياني1212]

اسمع من بعض الشباب ان فيه طلاب يدرسون في الجامعات الاردنية ولا يوجد لهم ملحق
لماذا يوجد في مصر ولا يوجد في الاردن ما هي الاسباب

[فارس قطر333]

لا وازززززززززززيدك من الشعر بيت .. ان البطاقه ماخذته لين اليوووم صار لها اربع شهور الحين عشان يطلعوووونها والله شي يضحك ويبكي في نفس الوقت .. وانا باقي لي اخر امتحان يوم 2-2-2010 يعني خلص الامتحان وانا ادخل بالجوااااز والله مسسسسسخره .

الله يعينج يارب

بس انا عندي البطاقه من قبل 10 ايام من الامتحانات

مادري ليش مسوين وياج جذي

[tulepq]

على فكره ..

ترا الجماعه بخير .. ولا كأن صاير شي معاهم ..

ولا حد منهم تغير مكانه .. هذا ما علمته اليووووووووووووووووووم .. :telephone:

[(الفيصل)]

أخي العزيز الفيصل :

لاتكن قاسيا على اخوانك الطلبة .

المشكلة إدارية بحته ولا علاقة للطلبة بهذه المشكلة.

:



أخي الكريم
المسئلة ليس (قساوة) مني!!
وإنما حقيقة (وقفت عليها ) على (غالبية) الطلاب القطريين في مصر
ولعل حياة (الفوضى) في مصر(والجامعة) أنعكست عليهم فأصبحوا كذالك
دون أن يدروا!!

نسأل الله لنا ولهم السلامه


لا فض فوك

أكيد شفت بعينك.. ولاماقلت هالجمله :nice:

[مقطع حق]

مبرووووووووووووووووك عليكم فوز مصر،،،
فرفشوااااااااااا وأذكروا ألله وماتضيق إلا تنفرج!!

[Qatar_80]

صباح الخير على الجميع

والله الخوف من ربعنا الي لهم علاقات مع سعادة الدكتور

أخاف يسكرون الموضوع ويرمون اللوم على الجامعه

وعلى الطلاب المساكين الي ضايع حقهم في الهواء

الطلاب المساكين وين يرقعونها من الملحق التعبان ولا من

الغربه ولا من المدرسين الي مواعيدهم في الهواء ولا ولا ولا

ماقول الا الله يكون في عون أخوانا الطلاب الي في مصر

ويصبرهم على بلواهم ويرجعهم سالمين غانمين






السلام عليكم ورحمة الله وبركاته

أخي العزيز mubarak

أولا" اذا خايف من الي عندهم علاقات مع الدكتور انهم يسكرون الموضوع اعرف تماما" انهم عارفين الدكتور سلطان وعارفين شغله عدل , الرجال خدم الطلاب المبتعثين في مصر اكثر من 15 سنه وماسمعنا بالمشاكل , وثانيا" اخي الكريم انتقي ألفاظك وش الي " وين يرقعونها من الملحق التعبان" , واخيرا" أتمنى التوفيق لكل طلابنا المبتعثين خارج الدوله.

[mubarak2]

السلام عليكم ورحمة الله وبركاته

أخي العزيز mubarak

أولا" اذا خايف من الي عندهم علاقات مع الدكتور انهم يسكرون الموضوع اعرف تماما" انهم عارفين الدكتور سلطان وعارفين شغله عدل , الرجال خدم الطلاب المبتعثين في مصر اكثر من 15 سنه وماسمعنا بالمشاكل , وثانيا" اخي الكريم انتقي ألفاظك وش الي " وين يرقعونها من الملحق التعبان" , واخيرا" أتمنى التوفيق لكل طلابنا المبتعثين خارج الدوله.



بسم الله الرحمن الرحيم

شكلك من الناس الي تربطهم علاقه مع سعادة الدكتور الفاضل

علشان كذا أنت أدافع عنه

وإذا أنا قلت ان الملحق تعبان فتأكد بأني محق في كلامي

وروح وشوف المكاتب الموجوده في الملحق وشوف حالتها

لا صبغ عدل ولا مكتب عليه جهاز كمبيوتر وين جالسين في السبعينات

وأجلس مع الموظفين الموجودين على جنب وبتعرف حقيقة الملحق

ياريال الملحق ماشي على البركه وبفلوس الطلاب القطريين

الأدوات المكتبيه يشترونها من فلوس الطلاب وغيره وغيره

وأن متأكد من كلامي 1000% وأنا شايف بنفسي الوضع

ولا تقعد أدافع عن الملحق وعن الأستاذ الفاضل/سلطان المنصوري

لعلمك أهل قطر هذي السنه واجد ومن جميع القبايل والكل صادته

مشكله مع الملحق وبيرجعون الدوحه لسبوع الجاي وبتطلع السوالف

الحقيقيه مب كلام جرايد الي مقطعين منه وايد

وأسمحولي على الإطاله

[مقطع حق]

اسمع من بعض الشباب ان فيه طلاب يدرسون في الجامعات الاردنية ولا يوجد لهم ملحق
لماذا يوجد في مصر ولا يوجد في الاردن ما هي الاسباب

ألله يسهل ويهون على الجميع .
وإنشاء ألله يردون المسئولين المختصيين بذالك.

[نظم^معلومات]

بسم الله الرحمن الرحيم

شكلك من الناس الي تربطهم علاقه مع سعادة الدكتور الفاضل

علشان كذا أنت أدافع عنه

وإذا أنا قلت ان الملحق تعبان فتأكد بأني محق في كلامي

وروح وشوف المكاتب الموجوده في الملحق وشوف حالتها

لا صبغ عدل ولا مكتب عليه جهاز كمبيوتر وين جالسين في السبعينات

وأجلس مع الموظفين الموجودين على جنب وبتعرف حقيقة الملحق

ياريال الملحق ماشي على البركه وبفلوس الطلاب القطريين

الأدوات المكتبيه يشترونها من فلوس الطلاب وغيره وغيره

وأن متأكد من كلامي 1000% وأنا شايف بنفسي الوضع

ولا تقعد أدافع عن الملحق وعن الأستاذ الفاضل/سلطان المنصوري

لعلمك أهل قطر هذي السنه واجد ومن جميع القبايل والكل صادته

مشكله مع الملحق وبيرجعون الدوحه لسبوع الجاي وبتطلع السوالف

الحقيقيه مب كلام جرايد الي مقطعين منه وايد

وأسمحولي على الإطاله



اخي الفاضل الي بيتكلم يتكلم بالمنطق والعقل دوله قطر مش محتاجه فلوس طلاب تأثث لهم مكاتبهم اسمح لي كلامك سطحي عيل جامعات مصر اثاثها وترتيبها مش بالمستوى المطلوب ليش تدرس عندهم اذا بتحكم على الامور بمظهرها هذا اول شي

ثاني شي المفروض انك تتكلم عن الموضوع بشكل عام وتبتعد عن التجريح في اشخاص معينين وطبعا انت ماتنكر فضل الدكتور الفاضل السيد سلطان المنصوري كفايه باعترافك انه انسان فاضل

ثالث شي انت كطالب المفروض تسعى وماتعتمد على الاسماء الي ذكرتها عشان يخلصون لك كل امورك وانت ماعليك الا تروح وتقعد وتقدم امتحان احنا درسنا وتعبنا والي نعرفه ان الله مايضيع تعب اي شخص اجتهد

رابعا انا لا لي علاقه بالدكتور الفاضل (الله يطول فعمره) لا من بعيد ولا من قريب بس كلمه الحق تنقال انا اعرف الطلاب الي سعى لهم الدكتور ( الله يطول عمره ) حتى الكتب كان يشتريها لهم وماقصر معاهم لين تخرجوا .

خامسا : انت ماخذ الموضوع ( خذوهم بالصوت قبل لا يغلبوكم ) وانت تسئ لنفسك لما تتهم شخص بعينه فنتقي الله فانفسنا وبالي نقوله وخاصه لما تقول ناس تعرف الدكتور سلطان بيسكرون الموضوع لهالدرجه انت متحامل على السيد الفاضل ( الله يطول عمره ) الي خدم دوله قطر اكثر من 15 سنه وبعدين الشجرة المثمرة ترشق بالحجر دائما .

وصدقني لو انت سعيت وتعبت كنت بتاخد حقك :nice:


وتقول اسمحو لي عالاطاله سامحين لك ياخوى بس مافي شي مفيد قريناه

[جاسم القطري]

اخي الفاضل الي بيتكلم يتكلم بالمنطق والعقل دوله قطر مش محتاجه فلوس طلاب تأثث لهم مكاتبهم اسمح لي كلامك سطحي عيل جامعات مصر اثاثها وترتيبها مش بالمستوى المطلوب ليش تدرس عندهم اذا بتحكم على الامور بمظهرها هذا اول شي

ثاني شي المفروض انك تتكلم عن الموضوع بشكل عام وتبتعد عن التجريح في اشخاص معينين وطبعا انت ماتنكر فضل الدكتور الفاضل السيد سلطان المنصوري كفايه باعترافك انه انسان فاضل

ثالث شي انت كطالب المفروض تسعى وماتعتمد على الاسماء الي ذكرتها عشان يخلصون لك كل امورك وانت ماعليك الا تروح وتقعد وتقدم امتحان احنا درسنا وتعبنا والي نعرفه ان الله مايضيع تعب اي شخص اجتهد

رابعا انا لا لي علاقه بالدكتور الفاضل (الله يطول فعمره) لا من بعيد ولا من قريب بس كلمه الحق تنقال انا اعرف الطلاب الي سعى لهم الدكتور ( الله يطول عمره ) حتى الكتب كان يشتريها لهم وماقصر معاهم لين تخرجوا .

خامسا : انت ماخذ الموضوع ( خذوهم بالصوت قبل لا يغلبوكم ) وانت تسئ لنفسك لما تتهم شخص بعينه فنتقي الله فانفسنا وبالي نقوله وخاصه لما تقول ناس تعرف الدكتور سلطان بيسكرون الموضوع لهالدرجه انت متحامل على السيد الفاضل ( الله يطول عمره ) الي خدم دوله قطر اكثر من 15 سنه وبعدين الشجرة المثمرة ترشق بالحجر دائما .

وصدقني لو انت سعيت وتعبت كنت بتاخد حقك :nice:


وتقول اسمحو لي عالاطاله سامحين لك ياخوى بس مافي شي مفيد قريناه


صح لسانك

[elsahher]

ربنا يسهل الامور ويوفق الجميع ان شاء الله

[القلب المؤمن]

الملحق الثقافي والسفارة مقصرين جدا في كل مكان :nice:

أبسط شي شوفوا في لندن بعد سالفة الطلاب القطريين اللي اقتحموا شقتهم وسرقوها !!
الملحق الثقافي صحى من نومه وقام يتصل بالطلاب المتواجدين في لندن واللي مايدرون عنهم شي يا خذون اساميهم وعنوانينهم وهذا كان المفروض ينعمل اول مايطب الطالب في البلد ..


ما نقول سوى صح النووووووووم !

[رنان]

الي صار حق الطلبة من تقصير في القاهرة صحيح 100%
وانا من ضمن الطلبة الي تضرروا .
بالنسبة للي ينفون هذا الخبر او يشككون من مصداقية هذا الكلام ,اقولهم لو انتوا الي تعرضتوا لهذا الموقف جان محد منكم رضا يسكت عن حقة وبعدين شمصلحتكم بالضبط , ومافي داعي نكذب الطلاب لانهم ما تبلوا على احد بدون سبب , وعلى فكرة الملحقية الثقافية او العسكرية ماشية بالرشواي والدكتور سلطان عندة علم بكلشي ولا يتكلم وحتى يوم صارت الازمة حق الطلاب كان الدكتور سلطان وربعة مسكرين تلفوناتهم , بالعربي الفصيح كل الكلام الي سمعتوه من الطلاب صحيح 1000%

[مقطع حق]

الي صار حق الطلبة من تقصير في القاهرة صحيح 100%
وانا من ضمن الطلبة الي تضرروا .
بالنسبة للي ينفون هذا الخبر او يشككون من مصداقية هذا الكلام ,اقولهم لو انتوا الي تعرضتوا لهذا الموقف جان محد منكم رضا يسكت عن حقة وبعدين شمصلحتكم بالضبط , ومافي داعي نكذب الطلاب لانهم ما تبلوا على احد بدون سبب , وعلى فكرة الملحقية الثقافية او العسكرية ماشية بالرشواي والدكتور سلطان عندة علم بكلشي ولا يتكلم وحتى يوم صارت الازمة حق الطلاب كان الدكتور سلطان وربعة مسكرين تلفوناتهم , بالعربي الفصيح كل الكلام الي سمعتوه من الطلاب صحيح 1000%

:telephone::telephone::telephone: