هل لو طلق اخوك مرته تروح وتطلق اختها ؟؟!!!موضوع هام للنقاش

[شمعة الدوحه]

السلام عليكم ورحمة الله وبركاته

شحالكم جميع ؟؟

اليوح حبيت اطرح موضوع صار منتشر بمجتمعنا ومرت علي حالات من ناس اعرفهم من بعيد

ماادري اذا انطرح قبل او لا بس عن نفسي ماقد شفته مطروح

الا وهو :
لما يكون اخوان متزوجين خوات .. ويعصب واحد منهم على مرته ويطلقها .. يقوم الفتوه الثاني تقعد مرته الصبح ماتدري شالطبخه :eek5:الا يقولها يالله على بيت اهلج واهي مالها ذنب ولا شي
كل هذا علشانها اخت اللي اخوه طلقها

اذا احد مرت عليه هالقصص ياريت ياذكرها .. وماهي اسبابها ودواعيها

سؤالي للشباب :
هل لو طلق اخوك مرته واختها عندك بتطلقها ؟

او بمعنى آخر
هل انت لو تمشكلت مع مرتك وطلقتها .. هل بتكون مع ان اخوك يطلق مرته وتنخرب حياته في شي ماله ذنب فيه .. او لو فكر يطلقها علشانك بتوقف ضده ؟


:: تحياتي لكم ::

[hemoud123]

يالله صباح خير
جمعه مباركه على الجميع
الحقيقه هذي اول مره في حياتي اسمع ان فيه حوادث تصير من هذا القبيل
اخوي وعنده مشاكل بينه وبين زوجته الله وحده يعلم ماهيتها , وانا سعيد مع زوجتي والامور طيبه , ايش الداعي اني اطلق زوجتي
قمة التخلف لو كان فيه مثل هالحوادث ؟
بس السؤال :
لو رجع اخوي زوجته ايش يكون موقفي ؟ زهل راح تقبل زوجتي ترجع وانا اللي ضحيت بها لسبب تافه ؟

[المخباط]

صارت مرة عند ناس نعرفهم ولأسباب سخيفه
بس اللي لاحظته ان اي عرس لخوات او أخوان في نفس الليله واحد منهم يتطلق
والأسباب تكون واهيه :(

[Realistic]

اذا مثل هالشي صار .. تدري الغلط على من ؟

على أهل البنت .. لأنهم زوجوا بنتهم واحد مب كفو .. وبعيد كل البعد عن معنى الرجوله .. :anger1:

الصراحه انا اول مره اسمع بمثل هالشي .. لكن في هالزمن الواحد مايستبعد شي ..

شنو ذنب البنت المسكينه؟ صراحه حركة غريبه .. ومستنكره في مجتمعنا ..


هل لو طلق اخوك مرته واختها عندك بتطلقها ؟
وانا شكو ادمر حياتي وبيتي عشان اخوي طلق مرته ؟ :)

[ANONYMOUS]

زين سوى وطلقها

ولا بتقعد تعور راسه..

[بـــــــنت النوخـّــــذه]

يصير الحريم يجاوبون ولا ؟؟؟؟؟



بجاوب 000
تراها صارت مع ناس 0000

ويعتمد اعتماد كلي على التربيه والاب والام لهم دور كبيييييييييييير جدا جدا بهالمواقف 000

اخوان ماخذين خوات الثاني صار اختلاف مع زوجته طلقها ولكن تمت الاخت الثانيه على ذمه اخوه والناس سمن على عسل ولا كنه حصل طلاق بينهم والبنت توفقت بالزواج من واحد ثاني وهذا تدري من له الدور الكبير (والدين الازواج =الشباب) لانهم ناس سنعه واجاويد

وموقف اخر زواج بدل ماخذ اخته والثانيه ماخذ ه اخوها حصل الطلاق قام الثاني طلق اخته والسبب (الام مثل ماطلقتو بنتي انطلق بنتكم )00000

يعني كلها مواقف تعتمد على مراعاه الله ثم الوالدين والي حواليهم ثم التربيه وتبي الصج بما اني مرأه بس اعترف لك اكثر البلاوي من هالناحيه تجي من زنه الحريم فوق روسهم مثل حاله القصه الثانيه 000

[شمعة الدوحه]

يالله صباح خير
جمعه مباركه على الجميع
الحقيقه هذي اول مره في حياتي اسمع ان فيه حوادث تصير من هذا القبيل
اخوي وعنده مشاكل بينه وبين زوجته الله وحده يعلم ماهيتها , وانا سعيد مع زوجتي والامور طيبه , ايش الداعي اني اطلق زوجتي
قمة التخلف لو كان فيه مثل هالحوادث ؟
بس السؤال :
لو رجع اخوي زوجته ايش يكون موقفي ؟ زهل راح تقبل زوجتي ترجع وانا اللي ضحيت بها لسبب تافه ؟

علينا وعليك اخوي
اذا انت اول مره تسمع انا سمعت عن حالتين
فعلا قمة التخلف
وانا طرحت هالموضوع ابغي اعرف آرائكم يالشباب في هالامر
واذا احد يتفق مع هالشي شنو الاسباب المقنعه اللي تخليه يسوي هالشي
وغير هالشي
يمكن هالامر يخلق حساسيه بين الخوات
ان وحده دمرت حياة الثانيه
مهما كان غلطها صغير كبير انا اشوف ان الثانيه مالها ذنب
وتقدر تقلب الموضوع وتقول
يمكن اخوان البنت يعصبون ان طلق اختهم
ويروحون ياخذون اختهم الثانيه من الرجال انتقاما لاخوه انه طلق اختها

لاتقولون لي ماتصير :omen2:

واشكرك على مرورك وردك العقلاني :victory:

[شمعة الدوحه]

صارت مرة عند ناس نعرفهم ولأسباب سخيفه
بس اللي لاحظته ان اي عرس لخوات او أخوان في نفس الليله واحد منهم يتطلق
والأسباب تكون واهيه :(

زين انه واحد منهم موب الاثنين :)

والاسباب دايما تكون سخيفه للاسف

اسعدني مرورك اخوي

[شمعة الدوحه]

اذا مثل هالشي صار .. تدري الغلط على من ؟

على أهل البنت .. لأنهم زوجوا بنتهم واحد مب كفو .. وبعيد كل البعد عن معنى الرجوله .. :anger1:

الصراحه انا اول مره اسمع بمثل هالشي .. لكن في هالزمن الواحد مايستبعد شي ..

شنو ذنب البنت المسكينه؟ صراحه حركة غريبه .. ومستنكره في مجتمعنا ..


وانا شكو ادمر حياتي وبيتي عشان اخوي طلق مرته ؟ :)


والاهل شدراهم انه موب كفوو :omen2:

خافوا انه يرفضون ولدهم الثاني

يتكنسل زواج الاولى

واهم شي انه الواحد اذا كان مرتاح بحياته مايدمر عيشته علشان احد حتى لو كان اخوه

كلا له طريقته بالحياه

ويمكن تكون هالبنت ماتنتعوض


وتحياتي لك اخوي :nice:

[شمعة الدوحه]

زين سوى وطلقها

ولا بتقعد تعور راسه..

:omg:

يعني انت مع ؟؟

شدخل تعور راسه

واحد مرتاح بحياته ومتهني

يروح يدمر حياته بدون سبب مقنع

عالعموم الاختلاف في الراي لايفسد للود قضيه

واسعدني مرورك

[ANONYMOUS]

:omg:

يعني انت مع ؟؟

شدخل تعور راسه

واحد مرتاح بحياته ومتهني

يروح يدمر حياته بدون سبب مقنع

عالعموم الاختلاف في الراي لايفسد للود قضيه

واسعدني مرورك



الحياه اكشن..


لين متى بتمون جي :p

[شمعة الدوحه]

يصير الحريم يجاوبون ولا ؟؟؟؟؟



بجاوب 000
تراها صارت مع ناس 0000

ويعتمد اعتماد كلي على التربيه والاب والام لهم دور كبيييييييييييير جدا جدا بهالمواقف 000

اخوان ماخذين خوات الثاني صار اختلاف مع زوجته طلقها ولكن تمت الاخت الثانيه على ذمه اخوه والناس سمن على عسل ولا كنه حصل طلاق بينهم والبنت توفقت بالزواج من واحد ثاني وهذا تدري من له الدور الكبير (والدين الازواج =الشباب) لانهم ناس سنعه واجاويد

وموقف اخر زواج بدل ماخذ اخته والثانيه ماخذ ه اخوها حصل الطلاق قام الثاني طلق اخته والسبب (الام مثل ماطلقتو بنتي انطلق بنتكم )00000

يعني كلها مواقف تعتمد على مراعاه الله ثم الوالدين والي حواليهم ثم التربيه وتبي الصج بما اني مرأه بس اعترف لك اكثر البلاوي من هالناحيه تجي من زنه الحريم فوق روسهم مثل حاله القصه الثانيه 000

اكيد يصير :nice:

وانا ماكتبت ممنوع دخول الحريم

الموضوع حق الجميع

بالنسبه للحاله الاولى الحمدلله ان والدين الازواج ناس سنعه لان لهم دور كبير في هالاشياء اما اذا واحد منهم معاند فممكن يخرب العلاقه

والحاله الثانيه بعد تصير .. وصارت وايد :victory:

والله يهديهم ان شاء الله

المفروض اذا الثاني سعيد بحياته مايدمرونها

والام السنعه هي اللي تفكر في مصلحة عيالها وماتفكر بالانتقام

يعطيج الف عافيه

واسعدني مرورج

[ANONYMOUS]

يعني كلها مواقف تعتمد على مراعاه الله ثم الوالدين والي حواليهم ثم التربيه وتبي الصج بما اني مرأه بس اعترف لك اكثر البلاوي من هالناحيه تجي من زنه الحريم فوق روسهم مثل حاله القصه الثانيه 000


ارحم الله والديج وبيض الله ويهج

هالمكتوب بالاحمر سبب كل شي سيء في الحياه

[hemoud123]

يمكن اخوان البنت يعصبون ان طلق اختهم
ويروحون ياخذون اختهم الثانيه من الرجال انتقاما لاخوه انه طلق اختها
:victory:

اختي انتي تتكلمين عن زوجه وام عيال والا خيشة بصل ؟
شلون اخوانها يروحون ياخذونها وهي على ذمة رجال وعلى العموم:

_ الزوجه اللي بتترك زوجها علشان اخوانها ما يبغونه او يبغون ينتقمون منه , هذي الزوجه ماعليها حسافه اذا راحت وعلى قولة اخوانا المصريين اكسر وراها قله
_ والزوج اللي ممكن يتجرأ احد ويجي ياخذ زوجته او حتى يفتح الموضوع معاه حتى ولو كان ابوها والا اخوانها والا من يكون فهذا الرجال ما على فرقاه حسوفه
واشكرك على الطرح

[شمعة الدوحه]

اختي انتي تتكلمين عن زوجه وام عيال والا خيشة بصل ؟
شلون اخوانها يروحون ياخذونها وهي على ذمة رجال وعلى العموم:

_ الزوجه اللي بتترك زوجها علشان اخوانها ما يبغونه او يبغون ينتقمون منه , هذي الزوجه ماعليها حسافه اذا راحت وعلى قولة اخوانا المصريين اكسر وراها قله
_ والزوج اللي ممكن يتجرأ احد ويجي ياخذ زوجته او حتى يفتح الموضوع معاه حتى ولو كان ابوها والا اخوانها والا من يكون فهذا الرجال ما على فرقاه حسوفه
واشكرك على الطرح

اتكلم عن زوجه وام عيال اكيد
وانا هالكلام مااجيبه من عندي ترى
واحترم رايك

[اسعاف]

آطلق زوجتي علشان اخوي طلق اختهه؟؟؟
:eek5:

هذي اذا انا عايش في حوطة غنم وآبنبع ممكن؟

[طرفه]

الله يجمعهم ويلم شملهم ان شاء الله
ولكن حاله يجب ان تكون منفصله

[العلم الوكاد]

الحقيقة هذا تصرف مجنون والانسان مهما تكن درجة حبه لاخوه

ما تصل الى هالدرجة لان مافيه علاقة بين الموضوعين

اذا كان بيريح اخوي اني اطلق زوجتي فمعناتها هذا انسان غير سوي

بصراحة سمعت عن هالحالات

انا اعرف اثنين كل واحد متزوج اخت الثاني

من تطلقت الاولى حلف اخوها ما تقعد الثانية عنده وطلقها من غير سبب

[جوال 11]

قوله تعالى: {وَلَا تَزِرُ وَازِرَةٌ وِزْرَ أُخْرَى} [الزمر: 7](1).
والمعنى: أن المكلفين إنما يجازون بأعمالهم إن خيرًا فخير، وإن شرًا فشر، وأنه لا يحمل أحدٌ خطيئةَ أحد ولا جريرتَه، ما لم يكن له يدٌ فيها، وهذا من كمال عدل الله تبارك وتعالى وحكمته.
هذا موجد في ديننا ولابد أن تقاس الأمور قبل أتخاذ أي قرار

[قطر دزاين]

اول شي يعتمد على شخصيه ان كانت قويه وفيه ترابط ما راح يطلق لو شنو
اما اذا كان شخص ضعيف ويبي الفكة يمكن ما ينطر اخوه يقوله

[غزلان]

{وَلَا تَزِرُ وَازِرَةٌ وِزْرَ أُخْرَى}

اكتفي بهذا الرد

تسلمين

[واحد 11]

اذا انعدمت الرجولة ممكن يصير هذا الشي وهذا فعلا امر غريب لو حدث

شلون تكون البنت الضحية لسبب مثل هذا ... معناته اي خلاف بين الزوج او اهل الزوج واهل الزوجة راح يحط الحرة في زوجته على قوله المثل ( ابوي مايقدر إلا على امي )

شكرا

[هدهد سليمان]

قلة عقل ونقص في الدين ! .. وانسان امعه !

[بدون]

الله سبحانه و تعالى قال في كتابه الحكيم (ولا تزر وازرة وزر أخرى)
قال الإمام الطبري في تفسيره: "{ ولا تزر وازرة وزر أخرى } يقول: ولا تأثم نفس ءاثمة بإثم نفس أخرى غيرها ولكنها تأثم بإثمها وعليه تعاقب دون إثم أخرى غيرها"
يعني ليش الأخت تتحمل أخطاء اختها ، أو الأخ يتحمل أخطاء اخوه و عدم مقدرته على إدارة حياته بالطريقة الصحيحة ،، و مفروض الأهل ما يجبرون الأطراف البريئة على تحمل أوزار غيرهم
و العاقل ما يسوي هالسواة الشينة ، و شكرا

[رفيق الغيم]

الى يسوى كذا هاى متخلف وما يحب زوجته ويدور الفكه منها

[رفيق الغيم]

زين سوى وطلقها

ولا بتقعد تعور راسه..
اتق الله ياشيخ ولو عندها عيال شنو ذنبهم

[limited]

شمعة الدوحه مصخنه شوي .... هي تبي تقول اذا اخوك تهاوش مع رجال بتفزع له ولا لا؟؟ بس كثر السهر فر مخها



هع هع

[(الفيصل)]

هذه ليست (ظاهره) وانما(حالات فرديه)
والحمد لله على ذالك
ولاتزر وازرة وزر اخرى
اللهم أجعل بيوتنا آمنة مطمئنه يامجيب الدعاء

[الـقـاسـي]

والله انا سمعت عن هالشي وناس اعرفهم واحد طلق مرته وبعدها قام اخوه طلق اختها وهالشي مايسويه الا انسان شخصيته ظعيفه او اخه متحكم فيه ولا امه متحكمه فيه ..
انا عندي خوالي اثنين ماخذين خوات واحد منهم طلق مرته والثاني مرته قاعده وياه ولا فكر اصلا يطلقها لان ماله شغل ابدا مراح اربط حياتي بحياة اخوي .. يطلق يتزوج كيفه انا علي من مرتي ..

[meme~qatar]

الحمد لله والشكر على نعمة العقل
اللي يطلق مرته علشان اخوه طلق اختها
اشهد انه حرام يسمونه رجال
يعني نسى العشرة بلحظة طيش
الحالتين منفصلتين ولا لهم دخل في بعض



وعلى العموم لو طلقها
فكة منه ومن اشكاله (ماعنده شخصية)