المساعد الشخصي الرقمي

مشاهدة النسخة كاملة : ممكن حد يفيدني من اصحاب الخبرات


TZ71
22-01-2010, 10:28 AM
اخواني الاعزاء , السلام عليكم ورحمة الله وبركاتة

انا ابي ابني بيتي عظم ( ايش يعني عظم )يعني شلي مطلوب من المقاول يسوية علشان اكمل الباقي كل واحد يقولي شي وانا صراحة متوهق ماادري شاسوي



:(
سمرلاند
22-01-2010, 01:22 PM
عظم يعني

بنيان رصاصي

طابوق وخرسانه وبلاستر فقط

وانت عليك الباقي (كهربا وصبغ وجبس وارضيات وحمامات ومطابخ وليتات وبيبان ودرايش )
أسد الجزيرة
26-01-2010, 08:57 AM
عظم يعني يصب الاساسات و العواميد و السقف و يبني الطوف بالطابوق فقط مع البلاستر
qatar1111
26-01-2010, 01:12 PM
طابوق وخرسانه وبلاستر+ فريمات الابواب +بيبات الكهرباء

واذا تبي شركه مظمونه وسريعه راسلني على الخاص

وسعارهم ممتازه
كبشينو
26-01-2010, 02:22 PM
اخوي في عظم اسود يعني مع البلاستر وعظم عادي بدون بلاستر وبعدين يعتمد ع حسب العقد الي بينكم والمواصفات الي تبيه... انا افضل خل الشركه نفسها يسوي لك التمديدات الكهربائيه وسباكه علشان ماتكون مشاكل بينهم وكل واحد يقول التاخير منك ... اخوي انا عندي شركه المقاولات اذا بغيت اي استفسار انا حاضر لك والله ... بس اسموحه والله ماقدر ابني لك لاني ابي اخلص المشاريع الي عندي ... وان شاء الله انا تحت امرك لو بغيت تستفسر ولا تستشيرني في اي شغله في المقاولات
والله شيبنا من المقاولات ههههههه ماوراها لا مشاكل وعوار راس ... والله يوفقك ان شاء الله
الدولـي
26-01-2010, 07:58 PM
ماشاء الله الشباب ماقصرو
التجوري
26-01-2010, 10:32 PM
بناء بيت عظم بنقسم حسب الاتفاق

1- عظم ( بدون بلاستر) و يتم فيه جميع الاعمال الخرسانية ( قواعد عمدان اسقف 000 الخ) و بناء الطابوق و تمديد الاعمال الكهربائية ( بدون تسليك بالوايرات ) و بناء البالوعة و المناهل و بيبات الصرف الصحي و السور الخارجي ولا يفضل تركيب فريمات الابواب فية

2-عظم مع بلاستر و يتم فيه جميع الاعمال اعلاة مع البلاستر

و في حالة تبغي اي استفسار او مساعدة يمكنك مراسلتي عبر الخاص

اخوك مهندس