المساعد الشخصي الرقمي

مشاهدة النسخة كاملة : +++ مكتب موحد لشركات التأمين بمرور المطار +++


jajassim
23-01-2010, 01:02 PM
دراسة لإنشاء مكتب موحد لشركات التأمين بمرور المطار


يعتزم قسم مرور وتحقيق المطار انشاء مكتب موحد لشركات التأمين يتم به انجاز معاملات التأمين للمراجعين في سهولة ويسر، دون عناء الذهاب الى شركات التأمين وذلك ضمن مجموعة من مشاريع مستقبلية وتقديم خدمات أفضل للجمهور، إضافة الى وضع صراف لاحد البنوك في القسم فضلاً عن وحدة الكترونية آلية للتحصيل.

وكانت معظم مكاتب التأمين قد سحبت مكاتبها من ادارة المرور والدوريات بعدما كانت لبعض الشركات أفرع بإدارة المرور، وترجع أسباب اغلاق هذه المكاتب لامور داخلية تخص الشركات ومن الممكن ان تكون راجعة لاسباب اقتصادية او غيرها من الاسباب غير معروفة، ولكن على المستوى الجماهيري، فهم يتمنون ان تفتح هذه الشركات مكاتب لها ليس فقط بالادارة بل في كل فروع واقسام المرور بالمناطق المختلفة للتسهيل على المواطن والمقيم.
الأغر
23-01-2010, 01:14 PM
ومدينة خليفه نتمنى يكون فيها اختصارا للوقت يعطيك العافيه اخوي جاسم
abdulla999
23-01-2010, 01:33 PM
مكاتب التامين علة والله
ولي في مدينة خليفه مصيبة يعني اذا بتخلص التامين بروحة بدون لاتاخذ رقم علشان تجديد الاستمارة بين ساعتين وثلاث ساعات لاوالقهر حاطين بس شركة الخليج للتامين وذا تبي شركه ثانية تروح المقر الرئيسي للشركة لي لك بس لازم تروح الساعة 5 صبح
فتى الجود
23-01-2010, 02:02 PM
والله ياخوى ما اعتقد الموضوع يحتاج لدارسة

الموضوع محتاج قرار
وناس صانعى قرار

دراسة حق ايش
الموضوع واضح
هدهد سليمان
23-01-2010, 08:29 PM
ياليت في قوانين رادعه لشركات التأمين وتكون تحت اشراف ادارة المرور !
SomeOne
23-01-2010, 08:33 PM
والله ياخوى ما اعتقد الموضوع يحتاج لدارسة

الموضوع محتاج قرار
وناس صانعى قرار

دراسة حق ايش
الموضوع واضح


عشان يقولون ان الموضوع تم بعد دراسة متأنية
SomeOne
23-01-2010, 08:34 PM
ياليت في قوانين رادعه لشركات التأمين وتكون تحت اشراف ادارة المرور !

يكادوا ان يستمروا الا ان الداخلية فرضت عليهم رسوم وناهيك ايجار مركز الفحص الفني :shy:
هدهد سليمان
23-01-2010, 08:38 PM
يكادوا ان يستمروا الا ان الداخلية فرضت عليهم رسوم وناهيك ايجار مركز الفحص الفني :shy:

شي طيب لكن موضوع هالارقام سببت قلق حق الجميع ! اذا شبعوا خلاص يقفلون مكاتبهم ويعطون فرصه حق غيرهم .. باكون اول واحد افتح شركه جديده !
abn qatar
23-01-2010, 09:00 PM
شركات التامين مشكله كبيره الحين السودانيييه لاعبين لعبيتهم اذا تبغي تجدد التامين بسرعه

تعطي احد مكاتب الطباعه المعامله وقيمه التامين وكذلك المخالفت + 100 بخشيش له يخلص

لك المعامله في دقايق اذا بتروح بروحك ممكن تقعد بالساعات او الايام حتى تخلص معامله

التامين مايندرا في المستقبل يمكن يطلبون 300 ريال بخشيش والمرور تارك لهم الحبل على

القارب لاحسيب ولارقيب
هدهد سليمان
23-01-2010, 09:22 PM
شركات التامين مشكله كبيره الحين السودانيييه لاعبين لعبيتهم اذا تبغي تجدد التامين بسرعه

تعطي احد مكاتب الطباعه المعامله وقيمه التامين وكذلك المخالفت + 100 بخشيش له يخلص

لك المعامله في دقايق اذا بتروح بروحك ممكن تقعد بالساعات او الايام حتى تخلص معامله

التامين مايندرا في المستقبل يمكن يطلبون 300 ريال بخشيش والمرور تارك لهم الحبل على

القارب لاحسيب ولارقيب

والله صراحة دام المرور يجبرك على التأمين فلا بد من تدخل المرور بشكل مباشر بشركات التأمين وتكون خاضعه تحت لوائحهم وقوانينهم افضل من الي نشوفه !