المرور والدوريات كما انه السواقه فن واخلاق يليت يتم تطبيقة على سلوك افرادكم

[عبدالرحمن]

اغلبنا لمن يمر في شوراع قطر يلاحظ الردارات المنتشره في كل شارع وهذا شي في وجهة نظري ايجابي وان كان الهدف هو تجاري بحت في الدرجة الاولى وبعده عذرهم الي هو ارواح الناس والمحافظة عليها ولكن في اغلب الدورات تحصل بعض افراد ادارة المرور والدوريات يتخشش بين السيارات عشان يصيدك اذا مب لابس الحزام طبعا بعضهم لانه في غيرهم في قمة الاحترام والادب ويقولك لو سمحت الشيخ الحزام لانه الهدف هو توعية الناس والمحافظة على اواحهم مش 500 ريال طبعا المحترمين من هلافراد الله يكثر من امثالهم وجزاهم الله خير وبيض الله وجوهم ولكن الحمقى الي يفتقرون الي اساسيات فن التعامل مع الجمهور من الافراد الاخرين ويحرر المخالفه وهو يضحك وشمتان هذي النوعية من المرضى النفسين المفروض انه مايشل شعار دوله قطر الا اذا هو قد هذا الشي
cc:مدير المرور
cc:وزير الداخلية
cc:قناة الجزيرة للاطفال

[بيّز]

cc:قناة الجزيرة للاطفال

:rolleyes2:

[الكونجرس]

صحيح كلامك بعضهم يفتقر لفن التعامل مع الجمهور وبعضهم يتعامل مع الجمهور كأن الموضوع شخصي ويتناسا روح القانون

[abn qatar]

اغلبنا لمن يمر في شوراع قطر يلاحظ الردارات المنتشره في كل شارع وهذا شي في وجهة نظري ايجابي وان كان الهدف هو تجاري بحت في الدرجة الاولى وبعده عذرهم الي هو ارواح الناس والمحافظة عليها ولكن في اغلب الدورات تحصل بعض افراد ادارة المرور والدوريات يتخشش بين السيارات عشان يصيدك اذا مب لابس الحزام طبعا بعضهم لانه في غيرهم في قمة الاحترام والادب ويقولك لو سمحت الشيخ الحزام لانه الهدف هو توعية الناس والمحافظة على اواحهم مش 500 ريال طبعا المحترمين من هلافراد الله يكثر من امثالهم وجزاهم الله خير وبيض الله وجوهم ولكن الحمقى الي يفتقرون الي اساسيات فن التعامل مع الجمهور من الافراد الاخرين ويحرر المخالفه وهو يضحك وشمتان هذي النوعية من المرضى النفسين المفروض انه مايشل شعار دوله قطر الا اذا هو قد هذا الشي
cc:مدير المرور
cc:وزير الداخلية
cc:قناة الجزيرة للاطفال

كلامك صحيح صارت معاي عند اشارت رمادا اشوي اشوف الشرطي من الخلف طالع

لي ماعطيني مخالفه الاحزام المصيبه في سيارات جنبي ماقرب صوبهم وهم

مخالفين كلمته مارد علي

[The Blade]

اسلوب غير حضاري , وخصوصا ان هذه الامور يجب الاهتمام فيها وخصوصا اذا صار هذا الموقف مع شخ ( غير ) قطري كيف راح تكون رده الفعل
.. ومنا الى اداره المرور.

[BIG-VEGA]

اخوي كلامك صحيح والدليل
في ايام الحملات التفتيشيه (ايام جمع المال) تلاقي الشرطي يتخشش او يتسحب نفس صياد يبي ينقض على الفريسه علشان يعطي مخالفه بدون اي توجيه او توضيح
وفي الجرايد يقولون الهدف هو التوعيه والسلامه والكلام المثالي

وفي الايام العاديه مايفتكر ان ياشر على الاقل بربط الحزام مثلا

البعض :)

[TRAINING]

اخوي عبدالرحمن اتوقع اتوقع انه الهدف انهم يبون ينافسون الغاز بقطر واتكون اكبر دولة للمخالفات المرورية في العالم ويثبتون للعالم انه الغاز والبترول مب كلشي حتى الداخلية مهمه وخاصه الرسوم تنافس كيوتل صرنا بوسط مقص كيوتل والداخليه من كل صوب قص
تحياتي للجميع

[يراعٌ فراتي]

جبتها على الجرح اخوي عبد الرحمن

والله احيانا تحس
انه الامر شخصي
ويبي بس يخالف

وصدقني في بعض منهم يخالفك باسلوب راقي ومحترم
حتى مخالفته فن وذوق واخلاق

[بوهلال]

الشرطي المخالف لما يخلص دفتر المخالفات ياخذ اجازه 3 ايام

وانا صادني موقف على اشارات البريد (( برزان ))

جاني شرطي بكل برود وخالفني

وجنبي موتر فيه بنت تطالعني ومب رابطه الحزام

وقلت للشرطي ليش ما تخالفها

قالي هذا شغلي مب شغلك

قلت له القانون على الشابب بس والبنات لا

قالي للمره الثانيه اقولك مب شغلك

شالحل مع العنصريه

الكل يتخالف او محد يتخالف

ناس وناس لين متى في كل شي وكل مكان العنصريه موجوده

[الرويـس]

بالاول كنت معود نفسي ان الاشارة الحمرا تخص الوقوف فقط
بس الحين تعودت اول ما اشوف لون احمر اربط الحزام وعقب اوقف

حتى خيل لي ان ( صطابات السيارات ) هي الاشارات نفسها
فاصبحت لزيم الحزام :(

[بوعلي 78]

بالاول كنت معود نفسي ان الاشارة الحمرا تخص الوقوف فقط
بس الحين تعودت اول ما اشوف لون احمر اربط الحزام وعقب اوقف

حتى خيل لي ان ( صطابات السيارات ) هي الاشارات نفسها
فاصبحت لزيم الحزام :(



ههههههههه
حلوه

الله يعينك

[الرويـس]

ههههههههه
حلوه

الله يعينك

الجميع فيديتووك
بوعلي حبيبي والله

[عبدالرحمن]

الاخوة الاعزاء الي عقبو على الموضوع كل الشكر والتقدير لكم الي خلاني اطرح هالموضوع صارلي موقفين خلال الاسبوع الماضي وكلهم في نفس الموضوع المطروح اعلاه
الموقف الاول كنت في السيارة واتكلم بالجوال وطبعا هاند فري وماكنت رابط الحزام جاني احد الافراد من الشرطه...... ومادري وين طلع لي كنه منخش في المنهول ولا في حفرة قريبة من الشارع ماوعيت الا يحرر المخالفة ويضحك الي باط جبدي في الموضوع يعني شولة تضحك بعد مستانس اني بدفع 500
انا ماهمني المبلغ الي بيندفع ان شالله 50 الف ريال افصخ الجوتي مكرم من يشوف واحطها له في الجوتي واعطية اياها بس الاشكالية شهالاسلوب الاحمق والسخيف الي يخلي مثل هالنوعيه من الشرطه تسوي هالحركات قد ينقز لنا طفيلي ويقول هذا شغله ارد عليه واقوله لا سلامتك مب هذا شغلة التخشش والشماتة
بس احسن حركه سويتها لها سفهته وحقرته ويطق الجامه بكل وقاحة وحركت عنه وهو يتكلم ولو لا الاحترام لشعار الدولة يعني لو كان بلابسه المدني كان خذت الورقه وشقتيها وقطيتها على وجهة
الموقف الثاني صارلي امس والله شرطي في قمه الاحترام قالي بكل ادب اربط الحزام اشرت بصبعي على خشمي اقصد لة على خشمي وحطيته بكل ادب ولو حصلت الشرطي هذاك الي حرر المخالفة وقال نفس الشي بقوله حرر مخالفتك ولاتكثر الكلام ياعسكري لصكك سوء استخدام السلطة يعني ماراح اتعاون معاة في حفظ النظام
الخلاصة ترا هل قطر ناس طيبة وتحشم من يحشمها وتقدرة تعاله بالاسلوب الطيب ماتجية بحركات الاطفال وكنك تقولة هذا انا فرحان اني بدفعك 500 ولا 1000 ريال
يليت يعطون اي شرطي بيحتك مع الجمهور دورة في الاخلاق الحميدة وفن التعامل مع الجمهور
مش من الميدان وعقب مازحفوة وزلقو ويهة هناك تقطة على الدوار وتخلية بدال مايحفظ على النظام يعفسة عليكم
انا ماقول الكل الا البعض منهم ولا في هالمواقف تبين معادن الرجال من الررخوم من اخوانا منتسبي وزارة الداخلية القطرية

[الرويـس]

ياخوي يا عبدالرحمن نسيت اشكرك
وموضوعك جميل ويلفت الانتباه لنقطة جديرة بالاهتمام

[jajassim]

اغلبنا لمن يمر في شوراع قطر يلاحظ الردارات المنتشره في كل شارع وهذا شي في وجهة نظري ايجابي وان كان الهدف هو تجاري بحت في الدرجة الاولى وبعده عذرهم الي هو ارواح الناس والمحافظة عليها ولكن في اغلب الدورات تحصل بعض افراد ادارة المرور والدوريات يتخشش بين السيارات عشان يصيدك اذا مب لابس الحزام طبعا بعضهم لانه في غيرهم في قمة الاحترام والادب ويقولك لو سمحت الشيخ الحزام لانه الهدف هو توعية الناس والمحافظة على اواحهم مش 500 ريال طبعا المحترمين من هلافراد الله يكثر من امثالهم وجزاهم الله خير وبيض الله وجوهم ولكن الحمقى الي يفتقرون الي اساسيات فن التعامل مع الجمهور من الافراد الاخرين ويحرر المخالفه وهو يضحك وشمتان هذي النوعية من المرضى النفسين المفروض انه مايشل شعار دوله قطر الا اذا هو قد هذا الشي
cc:مدير المرور
cc:وزير الداخلية
cc:قناة الجزيرة للاطفال

حلوه ال CC والله يعينك أخوى ،،:victory:

[عبدالرحمن]

ياخوي يا عبدالرحمن نسيت اشكرك
وموضوعك جميل ويلفت الانتباه لنقطة جديرة بالاهتمام

الشكر لله وجزاك الله خير وبيض الله ويهك على الرد الطيب يالغالي ولا يهونون الجماعة(اليماعة):victory:

[بنت سيف]

أخوي عبدالرحمن ..

وجهة نظر طيبة .. من المفترض من رجال الأمن التعامل مع الجمهور بروح طيبة وأخلاق عالية .. والحقيقة .. أغلبهم طيبين ومحترمين .. وأخلاقهم عالية ..

بس اسمح لي يا أخوي لي تعليق ..

أنت حطيت نفسك في الموقفين .. وأنت على خطأ ..

ربط حزام الأمان .. حماية لك ..
ويجوز إنك رب أسرة .. فمعنى ذلك لحماية لأسرتك ..
ما يفيد الندم ليه فات الفوت ..

قوانين المرور معروفة للجميع ..
والقيادة بدون ربط حزام الأمان يعاقب عليها القانون ..

إذا الشرطي نفسه طيبة .. فهذا من أخلاقه وطيبته ..

وإذا نفسه مب طيبة .. تحمل ما جاك .. وأنت اللي حطيت نفسك في هالموقف .. لأنك مخالف ..

والله مب قصدي أضايقك .. بس الحقيقة ساعات تعور ..

بنت سيف

[عبدالرحمن]

حلوه ال cc والله يعينك أخوى ،،:victory:

الله يعين الجميع اهم شي عجبتك السي السي

[البدوي]

...... ادددددددددددددددددددددددددددددددددددددددددددددددفع وانت صاكت

الانك قطري فقط

[عبدالرحمن]

أخوي عبدالرحمن ..

وجهة نظر طيبة .. من المفترض من رجال الأمن التعامل مع الجمهور بروح طيبة وأخلاق عالية .. والحقيقة .. أغلبهم طيبين ومحترمين .. وأخلاقهم عالية ..

بس اسمح لي يا أخوي لي تعليق ..

أنت حطيت نفسك في الموقفين .. وأنت على خطأ ..

ربط حزام الأمان .. حماية لك ..
ويجوز إنك رب أسرة .. فمعنى ذلك لحماية لأسرتك ..
ما يفيد الندم ليه فات الفوت ..

قوانين المرور معروفة للجميع ..
والقيادة بدون ربط حزام الأمان يعاقب عليها القانون ..

إذا الشرطي نفسه طيبة .. فهذا من أخلاقه وطيبته ..

وإذا نفسه مب طيبة .. تحمل ما جاك .. وأنت اللي حطيت نفسك في هالموقف .. لأنك مخالف ..

والله مب قصدي أضايقك .. بس الحقيقة ساعات تعور ..

بنت سيف
بنت سيف لاهنتي على الرد على الموضوع وبخصوص الخطا نعم اعترف اني غلطان وحطيت نفسي في هالموقف البايخ بس جل من لايسهو يعني توني طالع من البيت ولا طالع من موقف سيارات وهلوني شوي بحطه يعني في الخطوط السريعه انا اوردي احطة بس انا موضوعي على الاسلوب والطريقه وهذي لب الموضوع وبعدين تقولين اذا نفسه مب طسيه اتحمل ماجاني لاوالله اذا مب نفسه مب طيبه ماراح اتحمل ماجاني الا هو يتحمل ماراح يجيه وحتى لو انا غلطان...
وبعدين انا سيارتي سبورت والسبورت مب مثل السيارات العادية حزامه لقلاقه واوردي مستوى السيفتي عالي ومع ذلك هو معاة حق والشرهة على من حط هلاشكال تخاطب وتعامل مع الجمهور ......
انا عن نفسي خلاص من اليوم ماراح رابط الحزام وبعبئ الكرت الخاص بدفع المعاملات الحكوميه 20 ولا 30 الف( بس حق مخالفات الحزام والرادار) وبخلية تبرع من عندي لمباني المرور الي صارلها 30 سنه ماتغريت يضبطون المبني الحالي فيها وقدرهم هالمبلغ وعن الحزام ماراح اربطه

[limited]

الشرطي المخالف لما يخلص دفتر المخالفات ياخذ اجازه 3 ايام

وانا صادني موقف على اشارات البريد (( برزان ))

جاني شرطي بكل برود وخالفني

وجنبي موتر فيه بنت تطالعني ومب رابطه الحزام

وقلت للشرطي ليش ما تخالفها

قالي هذا شغلي مب شغلك

قلت له القانون على الشابب بس والبنات لا

قالي للمره الثانيه اقولك مب شغلك

شالحل مع العنصريه

الكل يتخالف او محد يتخالف

ناس وناس لين متى في كل شي وكل مكان العنصريه موجوده

والله لو اني مكانك لاوصلها لاكبر راس بالمرور وبقول له الا شغلي ونص

[هذلان]

هههههههههه دش و طلع ،، مايخصه كلش :nice:

الحمد لله ما مر علي حد من هالنوعيه و ان شاء الله مايمر .

الا مره وحده و لليوم ندمان على ردت فعلي السلبيه .

[بنت سيف]

بنت سيف لاهنتي على الرد على الموضوع وبخصوص الخطا نعم اعترف اني غلطان وحطيت نفسي في هالموقف البايخ بس جل من لايسهو يعني توني طالع من البيت ولا طالع من موقف سيارات وهلوني شوي بحطه يعني في الخطوط السريعه انا اوردي احطة بس انا موضوعي على الاسلوب والطريقه وهذي لب الموضوع
وبعدين انا سيارتي سبورت والسبورت مب مثل السيارات العادية حزامه لقلاقه واوري مستوى السيفتي عالي ومع ذلك هو معاة حق والشرهة على من حط هلاشكال تخاطب وتعامل مع الجمهور ......
انا عن نفسي خلاص من اليوم ماراح رابط الحزام وبعبئ الكرت الخاص بدفع المعاملات الحكوميه 20 ولا 30 الف وبخلية تبرع من عندي لمباني المرور الي صارلها 30 سنه ماتغريت يضبطون المبني الحالي فيها وقدرهم هالمبلغ وعن الحزام ماراح اربطه

أخوي عبدالرحمن ..

أنا اللي يهمني في الموضوع هو سلامتك الشخصية ..

والمخالفة .. احسبها دافع بلا عن عمرك ..

أما سلوك الشرطي غير الطيب .. فهذا يسيء للشرطي نفسه ..

لذلك .. ترفع عن هالأمور .. ادري كثرتها وسخافتها ترفع الضغط .. لكن خلك أكبر ..

أما قرارك عن عدم ربط الحزام فهذا شيء راجع لك .. مع إني أتمنى أن تعدل عنه ..

وشاكرة تفهمك وتقبلك لردي

تحياتي

بنت سيف

[شموخ وبس]

فضفضوا يااخوان طلعوا حرتكم قبل ما يسفرون الموضوع قصدي ينقلونه 0000 انا عني ماحتكيت وياهم عشان انتقدهم :)