الناعوض؟؟؟؟؟(اليريور)

[بـــــــنت النوخـّــــذه]

http://farm4.static.flickr.com/3523/3730854441_416f3a94f1.jpg?v=0

http://travelzad.net/files/125692.jpg



نوع صغير من أنواع القرش---و يسمونه بالامارات الجشيد 0000
-او سمك اليريور أو ما تعارف عليه بولد الولد أو العوال واخبر الشايب الله يرحمه دوم يقول يوم ان اول كانو يتعازمون عليه يعني اذا بيت مسويين ناعوض يبشرون ترى بيت فلان مسويين مجبوس ناعوض ويتعازمون عليه 0000

حد جرب ياكله مطبوخ مثلا مجبوس 000000او مشوي داخل الفرن 000 بحيث تحشونه من داخل بمكعبات الطمام والبطاطس والبصل المفروم والثوم والبهارات 000الخ صراحه ألذ طبخه كلتها 00000:shy:>>> :nice:

صراحه اهو زفر واااااااااااايد ويحتاج يوم كامل للتنظيف ويتبهرمع الخل والطحين وورق الغار وتتركينه لين اتروح ازفرته اشوي وبعدها يبدأ الشغل العدل 000والي مجربينه ترى مافيه عظم غير عظمه العمود الفقري وهذا الشي الحلو فيه 00بس اهم شي اهي مرحله التنظيف وان تروح ريحه الزفره والملوحه الزايده فيه :

هذا اليريور المقلي:

http://w9faat.com/wp-content/uploads/2009/05/dsc00234-300x225.jpg


وهذا اليريور او الناعوض 00مطبوخ 0:>>>(الصوره من النت ترى ما اضبط الطبخه ):shy:

http://www.up.qatarw.com/get-9-2009-cm7k6faq.jpg



وفيه عده طرق وصور لطريقه طبخه بس ما ابغي اموتكم من اليوع اهههههههه
وهذي طريقته :
يوضع في الماء
ويسلق بعدأن نضع له قليل من اوراق الغار
وعود من القرفة والهال حب نفوحه حتى يروح عنه الملح وتقل الزفره
بعدين نقطع البصل والطماطم وندق الثوم
نقلى البصل لين يحمر في الزيت ونضيف
له الثوم وبعدين الطماطم والفلفل وربع ملعقة ملح
بعدين ننضف السمك من العضام والجلد
ونقطة قطع صغيرة نفتته ونضيفة إلى البصل والطماطم والفلفل
ونقلبه جيدا ثم نضيف إليه الفلفل الاسود
واالبزار والومي اليابس لملبب ونكون قلينا البطاطا ونضيفها
ونتركه على نارهادئة تنشف
ثم نجهز الرز المشخول بوضع قدر ثاني على النار ونضيف له
ملعقة كبيرة من الملح وبعد ان يغلي الماء
نضع الرز المنقوع ونراقبه حتي الاستواء
بعد ذلك يصفي الرز في مصفاة
ونضع مقدار ملعقتين من السمن
في قاع القدرونتركها حتى تسخن ثم نضع نصف
الرز المصفي فوق السمن ثم نضع الناعوض ثم باقي الرز
ويترك على النار لمدة خمس دقائق
وبعد ذلك يسكب في صحن التقديم المستطيل او في الحراره المناسبه
يكون الناعوض وجنبة السمن والسلطه الخضراء

وياحلوه لييييين اكتمل بالدهن الخالدي اهههههههههه

ومعلومه يعتبر الناعوض من الاكلات الخليجيه المشهوره ولكن هل مازالت الاكله لها قابليتها نفس قبل ؟؟؟؟؟ويتعازمون عليها :nice:
الي جرب طعمها يقول لنا لان انا وحده اموووووووووووووت بالناعوض المشوي داخل الفرن 000













(اتمنى ماينحذف الموضوع ويقولون ماله هدف --لان الهدف واضح اشهر الاكلات الخليجيه)) :nice:

[Qatar4all]

يعطيج العافية أختي :.. وانا جربته طعمه حلو وطعمه قريب من طعم التونه :..

[بـــــــنت النوخـّــــذه]

يعطيج العافية أختي :.. وانا جربته طعمه حلو وطعمه قريب من طعم التونه :..


صح كلامك بس مو وايد يمكن من ناحيه الزفره (الريحه ) 000وحلاته تاكله واهو كامل تقطعه بيدك مهب مطبوخ مفتفت ---والله يعافيك :nice:

[Qatar4all]

صح كلامك بس مو وايد يمكن من ناحيه الزفره (الريحه ) 000وحلاته تاكله واهو كامل تقطعه بيدك مهب مطبوخ مفتفت ---والله يعافيك :nice:

لا كانوا مسيونه كفتى :.. بس ما جربته كامل :.. يبي له نجرب هالمره :victory:

[الأغر]

عن نفسي كل شي بحري ما اخليه وخاطري اجرب الناعوض اكثر من مره امر من قدامه في اللولو بس ما عندي فكره عن طريقة الطبخ لكن اجرب الوصفه اللي قلتيها يعطيك العافيه يا بنت النوخذه

[المخفي]

من زفرته الخدامة زوعت ما اقدرت اتنظفه مع انها متعودة على الزفر

[commanding]

طبخة الجشيد بالناعوض مفيدة وغنية جداً وتقوي الجسم وتعطيه طاقة طبيعية !!
وعليكم بالعافية

[بوعلي2]

وايد كلته وكل مره اكله مغصوب

[شجرة الدر]

يعطيج العافية بنت النوخذة ،،

اول مرة اشوف اليريور ،،

شكراً،،

[بـــــــنت النوخـّــــذه]

لا كانوا مسيونه كفتى :.. بس ما جربته كامل :.. يبي له نجرب هالمره :victory:

اهاااااااااااا بعد كفته اكيد شي طعمه ماجربت الكفته وجرب الناعوض مشوي بالفرن ^_^

[بـــــــنت النوخـّــــذه]

عن نفسي كل شي بحري ما اخليه وخاطري اجرب الناعوض اكثر من مره امر من قدامه في اللولو بس ما عندي فكره عن طريقة الطبخ لكن اجرب الوصفه اللي قلتيها يعطيك العافيه يا بنت النوخذه

اي بس بعد جربه واهو محشي بداخله بالبهارات والبطاطس والطمام 000الخ وينلف بقصدير وينحط داخل الفرن ويقدم مشوي 000 والله يعافيك:nice:

[بـــــــنت النوخـّــــذه]

من زفرته الخدامة زوعت ما اقدرت اتنظفه مع انها متوعدة على الزفر

يا المخفي ياخوي هالطبخات مايبغيلها خدامه 000يا انت او ام العيال 000الشغاله اشفهمها اكيد بتلوع جبدها 000وانا قلت ان االناعوض اكثر نوع بحري فيه زفره وتنظيفه يبيله يوم كامل 0(وتنظيف خاص)0وانت تعطي الخدامه تطبخه ؟؟؟

يالله المره الجايه اتجربه

[بـــــــنت النوخـّــــذه]

طبخة الجشيد بالناعوض مفيدة وغنية جداً وتقوي الجسم وتعطيه طاقة طبيعية !!
وعليكم بالعافية

صحيح ماتشوف شياب الاول ماشاء الله عليهم حيويه وقوه وشباب 00000 والله يعافيك

[بـــــــنت النوخـّــــذه]

وايد كلته وكل مره اكله مغصوب



وايد كلته وكله مقصوب اشحادك يابو علي 00000 ذكرتني بالشايب الله يرحمه لين حد مايبغي من اليهال ياكله يقول اصلا الناعوض اهو الي مايبيك 00000:nice:

[بـــــــنت النوخـّــــذه]

يعطيج العافية بنت النوخذة ،،

اول مرة اشوف اليريور ،،

شكراً،،

اهو المولود الصغير لسمك القرش اهههههههه 00000 والله يعافيج اختي وانتي الي مشكوره على المرور العطر

[Amigo]

الله على الجشيد يبيله من قلب انصح المتزوجين حديثا به :nice:
يسلمو على الموضوع الزفر :tease:

[سداوي&مدريدي]

:(

لين الحين ماتعشيت

والله يبيله :( :( :( :(

شكرا على الموضوع أختي :nice:

[ضوى]

انا وايد احب الناعوض ودايما اطبخه ككفتة او قشيد روووووووعة كطعمه الصراحة

[Amigo]

:(

لين الحين ماتعشيت

والله يبيله :( :( :( :(

شكرا على الموضوع أختي :nice:

في مطعم في الغرافه اذا تعرفه واذا ماتعرفه ابشر به في الخاص
والله هاذي حلفه ان اقل من صحنين لي بروحي مااخذ
مر عليه وجرب :nice:
وبالعافيه مقدما

[هدهد سليمان]

عن نفسي انظفه بالليمون والكمون وانقعه ساعه ريحة الزفره تخف بصوره عجيبه .. وعقبها اقليه بالزيت مع اضافة الطحين رقم واحد طبعا يعني عقب ما يمتص الليمون والكمون واحط القطع بالطحين ويتغلف بالطحين وقلي لكن على كيف كيفكم . . لكن نجرب اللي قالته اختي بنت النوخذه .. واذا في طرق جديده ياليت تضيفونها ..

[بـــــــنت النوخـّــــذه]

الله على الجشيد يبيله من قلب انصح المتزوجين حديثا به :nice:
يسلمو على الموضوع الزفر :tease:

اهههههههههه 000الله يعافيك

[شاهيناز]

ولامره كلته

ماحب السي فوود

بس شكله يخوووف

يسلمو خيتو بنت النوخذه

[بـــــــنت النوخـّــــذه]

:(

لين الحين ماتعشيت

والله يبيله :( :( :( :(

شكرا على الموضوع أختي :nice:

اي جربه بس لازم تتأكد من نظافه الي يسويه لان اذا الشخص نظيف الطبخه بتكون نظيفه لان يبيلها صراحه مجهود 0000وبالعافيه

[بـــــــنت النوخـّــــذه]

انا وايد احب الناعوض ودايما اطبخه ككفتة او قشيد روووووووعة كطعمه الصراحة

اي بس كفته ماجربت شكلي بجربه وتسلمين على التعليق الحلو مثلج ضوى 000000000

[بـــــــنت النوخـّــــذه]

في مطعم في الغرافه اذا تعرفه واذا ماتعرفه ابشر به في الخاص
والله هاذي حلفه ان اقل من صحنين لي بروحي مااخذ
مر عليه وجرب :nice:
وبالعافيه مقدما

ايوااااااااااااااااااااااااا

خل الريال يتسمم ويموت <<< :eek5:


لحد ياكل هالاكلات الا من ناس يعرف نظافتهم اشلون تتم للناعوض لان يبيله نظافه خاصه من صجكم هالمطاعم يعرفون للناعوض 000لالالا لو شنهو ما آكل من مطعم الناعوض خصوصا" 000لان اعرف تنظيفه اشلون 000

[Amigo]

ايوااااااااااااااااااااااااا

خل الريال يتسمم ويموت <<< :eek5:


لحد ياكل هالاكلات الا من ناس يعرف نظافتهم اشلون تتم للناعوض لان يبيله نظافه خاصه من صجكم هالمطاعم يعرفون للناعوض 000لالالا لو شنهو ما آكل من مطعم الناعوض خصوصا" 000لان اعرف تنظيفه اشلون 000

المطعم المذكور مطعم بحريني
وراعيه بحريني واهل البحرين معروفين بالاكلات البحريه
هذاك لو هندي مايعرف يسويه بقولج لكن بحريني :victory:
:nice:

[meme~qatar]

كلش ماجربته

[حليتان*]

يمي قشيد

تصدقين من كم يوم اقول حق عضو عن القشيد يقولي شنو القشيد

حسسني اني بنغالي



تسلمين على عوار القلب


قاعد اشرب كرررك خخخخ

[بـــــــنت النوخـّــــذه]

عن نفسي انظفه بالليمون والكمون وانقعه ساعه ريحة الزفره تخف بصوره عجيبه .. وعقبها اقليه بالزيت مع اضافة الطحين رقم واحد طبعا يعني عقب ما يمتص الليمون والكمون واحط القطع بالطحين ويتغلف بالطحين وقلي لكن على كيف كيفكم . . لكن نجرب اللي قالته اختي بنت النوخذه .. واذا في طرق جديده ياليت تضيفونها ..

اخوي بعد وانت اتنظفه بالليمون والكمون حط معاه ورق الغار وبعد وانت تقليه حط ورق الغار لانه يشل الزفره 000

وانت طريقتك تشبه الكفته 000انا مجربته داخل الفرن يعني بعد ماتنظفه عدل عدل عدل يعني خله يتنقع 5 ساعات بالليمون والخل والكمون وورق الغار 00وبعدها غسله وافركه بالطحين وخله مده وبعدها غسله استلمه عدل شقه من النص (طبعا" بعد ماتنظفه من الداخل ) وهات يابهارات واحشيه بمكعبات البطاطس والليمون والطماط وحط ابهارات وورق غار ومن فوقه ادهنه بصلصل (معجون الطماط) مخلوط بالبهارات وبعدها جيب ورقه قصدير وادهنها بالزيت عشان لايلصق فيه الناعوض ولف الناعوض ودخله الفرن يستوي مشوي بس اتقصر على النار لان يبيله يستوي وبعد مايستوي خلاص افتح القصدير وخله يتحمر000

ترى فيه ناس يحطون قشر برتقال عشان الزفره اتروح ^_^

>>>>ابوها معلمها الطريقه :shy:

[بـــــــنت النوخـّــــذه]

ولامره كلته

ماحب السي فوود

بس شكله يخوووف

يسلمو خيتو بنت النوخذه

اي اهههههههههههههه سمك قرش صغير يحليله والله يسلمج اختي :nice:

[بـــــــنت النوخـّــــذه]

المطعم المذكور مطعم بحريني
وراعيه بحريني واهل البحرين معروفين بالاكلات البحريه
هذاك لو هندي مايعرف يسويه بقولج لكن بحريني :victory:
:nice:

اي مادري يمكن لان انا عندي وسواس نظافه لازم اشوف بعيني كل شي ^_^
ماشاء الله انتو الريايل اتحبون تلهطون من اي مكان يمشي الحال عندكم 000

[بـــــــنت النوخـّــــذه]

كلش ماجربته

يه تعالي بسويلج اياه ^_^

[بـــــــنت النوخـّــــذه]

يمي قشيد

تصدقين من كم يوم اقول حق عضو عن القشيد يقولي شنو القشيد

حسسني اني بنغالي



تسلمين على عوار القلب


قاعد اشرب كرررك خخخخ



بس القشيد او ينقال الجشيد مصطلح اماراتي 000اهنيه اكثريتهم يقولون ناعوض او يريور 000مادري ليكون انا البنغاليه ^_^

[Amigo]

اي مادري يمكن لان انا عندي وسواس نظافه لازم اشوف بعيني كل شي ^_^
ماشاء الله انتو الريايل اتحبون تلهطون من اي مكان يمشي الحال عندكم 000

:anger1:

[بـــــــنت النوخـّــــذه]

:anger1:

اههههههههههه عدي عدي سقط سهوا" ^_^

[هدهد سليمان]

اخوي بعد وانت اتنظفه بالليمون والكمون حط معاه ورق الغار وبعد وانت تقليه حط ورق الغار لانه يشل الزفره 000

وانت طريقتك تشبه الكفته 000انا مجربته داخل الفرن يعني بعد ماتنظفه عدل عدل عدل يعني خله يتنقع 5 ساعات بالليمون والخل والكمون وورق الغار 00وبعدها غسله وافركه بالطحين وخله مده وبعدها غسله استلمه عدل شقه من النص (طبعا" بعد ماتنظفه من الداخل ) وهات يابهارات واحشيه بمكعبات البطاطس والليمون والطماط وحط ابهارات وورق غار ومن فوقه ادهنه بصلصل (معجون الطماط) مخلوط بالبهارات وبعدها جيب ورقه قصدير وادهنها بالزيت عشان لايلصق فيه الناعوض ولف الناعوض ودخله الفرن يستوي مشوي بس اتقصر على النار لان يبيله يستوي وبعد مايستوي خلاص افتح القصدير وخله يتحمر000

ترى فيه ناس يحطون قشر برتقال عشان الزفره اتروح ^_^

>>>>ابوها معلمها الطريقه :shy:


تشكليتها عجيبه .. انجرب وانشوف جزاك الله خير ..

[القناعة كنز]

بس القشيد او ينقال الجشيد مصطلح اماراتي 000اهنيه اكثريتهم يقولون ناعوض او يريور 000مادري ليكون انا البنغاليه ^_^

القشيد اسم الاكله اللي يسوون عليها الناعوض

[غزلان]

ماجربته ولا مره

مع اني احب الأسماك

[(بوعوف)]

كلناه ، واكثر شي مشخول ، وطعمه لذيذ ....وصحيح طعمه قريب من طعم التونه
بس صار لنا مده طويله من كلناه ...خلاص تعودنا ع الهامور والدجاج اكثر

[بـــــــنت النوخـّــــذه]

القشيد اسم الاكله اللي يسوون عليها الناعوض

انا انها طريقه اماراتيه هل الامارات يسمون بس اهنيه ماسمعت بالجشيد (الاكله)

احنا بصراحه مجبوس ناعوض برياني ناعوض 000الخ يعني الاسم ينقال ناعوض اما الجشيد تبين الصج غير متداول في بيتنا 000وشكرا على المعلومه اختي ^_^

[بوخالد911]

شكله مخييف

ولكن ما كلته

يسلمووو بنت النوخذة
000000000000000

[هند88]

انتوا كلشي تاكلون؟؟؟؟؟هالمره ناعوض؟
انا ماحب السمج ولا اي شي يعيش في البحر
حدي تونا لانه معلبه ونظيفه :)
والله الديايه اشزينها ...

[غير البشر]

احلى شي للناعوض القشيد

وبعد مفيوح مع ليمون اسود يميي يم يم ههههههههههههههههههههه

يعطيج العافيه بنت النوخذه

[meme~qatar]

احلى شي للناعوض القشيد

وبعد مفيوح مع ليمون اسود يميي يم يم ههههههههههههههههههههه

يعطيج العافيه بنت النوخذه



اصلا انت دب
تاكل كل شي
جنك جازورا

[غير البشر]

اصلا انت دب
تاكل كل شي
جنك جازورا



هههههههههههههههههههههههههههههههههه
ههههههههههههههههههههههههههههههههه

ابله انا مب دب :shy:

لاتخليني احلف عليج واسوي لج ذاك القشيد الي بتدعين لي فيه :nice:

[meme~qatar]

هههههههههههههههههههههههههههههههههه
ههههههههههههههههههههههههههههههههه

ابله انا مب دب :shy:

لاتخليني احلف عليج واسوي لج ذاك القشيد الي بتدعين لي فيه :nice:


لا ارجوك لاتسوي

وبعدين لا عاد تقول ابلة
مقدمة استقالتي

لابو التدريس
لابو المجلس الاعمى

[بـــــــنت النوخـّــــذه]

ماجربته ولا مره

مع اني احب الأسماك

يالله جربي وقولي لنا اشلون طعمه 0000000:nice:

[بـــــــنت النوخـّــــذه]

كلناه ، واكثر شي مشخول ، وطعمه لذيذ ....وصحيح طعمه قريب من طعم التونه
بس صار لنا مده طويله من كلناه ...خلاص تعودنا ع الهامور والدجاج اكثر

اي والله --صاج خصوصا" اذا مافيه كبار بالسن شياب في البيت اتحصل الاكله تندثر اههه اهم الناس الي يشجعون عليها 000

[بـــــــنت النوخـّــــذه]

شكله مخييف

ولكن ما كلته

يسلمووو بنت النوخذة
000000000000000





شكله يخوف بس طعمه حلو اهههههه 000للي يعرف يضبط طباخه 000

[بـــــــنت النوخـّــــذه]

احلى شي للناعوض القشيد

وبعد مفيوح مع ليمون اسود يميي يم يم ههههههههههههههههههههه

يعطيج العافيه بنت النوخذه

اييييييييييييييييي مفيوح مع ليمون شي شي وتاكله مع خبز وجرجير اههههههه مافي احلى من هالاكله صراحه ويسلام لي صارت الاكله بالحوش >>>اتحب طبايع ايام اول والله يعافيك :shy:

[بـــــــنت النوخـّــــذه]

هههههههههههههههههههههههههههههههههه
ههههههههههههههههههههههههههههههههه

ابله انا مب دب :shy:

لاتخليني احلف عليج واسوي لج ذاك القشيد الي بتدعين لي فيه :nice:



<<<<<اهم شي تنظيف الناعوض يبيله ذمه وضمير :nice:

[بـــــــنت النوخـّــــذه]

انتوا كلشي تاكلون؟؟؟؟؟هالمره ناعوض؟
انا ماحب السمج ولا اي شي يعيش في البحر
حدي تونا لانه معلبه ونظيفه :)
والله الديايه اشزينها ...



اهههههههههههههههه ترى انا احب الناعوض حب مهب طبيعي ولو اقدر اعيش معاه في البحر بعيش بس محد ياكلنا :nice:

[pure]

لا احنا ممنوع يدش بيتنا شي فيه ريحه اوووفر

لا وبعد اكل بحري ! هههههههه

[A.L.I]

انا امووووووووووووووت في سي فود

وقشيد بعد يمممممممممممممممممممم

[بـــــــنت النوخـّــــذه]

لا احنا ممنوع يدش بيتنا شي فيه ريحه اوووفر

لا وبعد اكل بحري ! هههههههه

اهههههه صج اكيد بيتكم مافيه شياب وعجايز الا لو فيه كان سوو اتفاضه عليكم 00:nice:

[بـــــــنت النوخـّــــذه]

انا امووووووووووووووت في سي فود

وقشيد بعد يمممممممممممممممممممم

:nice::nice:

[بنت العصـيمي]

والله انا غير الشعري والجنعد والربيب والربيان ماكل

ماحب اجرب السمج وايد لاني لكلت سمج اول مره اكله وماعجبني خلاص ماكل سمج بعدها

[findi]

جربته من قبل

لذيييذ الصراحه

[عـ العبيدلي]

مثل ما قلتي


000الخ صراحه ألذ طبخه كلتها

ادمااااااااااااااان الناعووض انا ..
احلى شي بصراحه
عجييييييييييييييييييييب ..

يعطيج العافيه الشيخه

[بـــــــنت النوخـّــــذه]

والله انا غير الشعري والجنعد والربيب والربيان ماكل

ماحب اجرب السمج وايد لاني لكلت سمج اول مره اكله وماعجبني خلاص ماكل سمج بعدها

صح كلامج 000وانا تدرين ماحب الربيان مع اني اموت بالناعوض اههههه حاله خاصه

[بـــــــنت النوخـّــــذه]

جربته من قبل

لذيييذ الصراحه

اي :nice:

[بـــــــنت النوخـّــــذه]

مثل ما قلتي



ادمااااااااااااااان الناعووض انا ..
احلى شي بصراحه
عجييييييييييييييييييييب ..

يعطيج العافيه الشيخه

:nice::nice::nice: الله يعافيك

[بوخالد2]

يعطيج العافيه ويازين القشيد

صج انج بنت نوخذه

[بـــــــنت النوخـّــــذه]

يعطيج العافيه ويازين القشيد

صج انج بنت نوخذه

:nice::nice: