مشاهدة النسخة كاملة : ترضون صورة شبابنا تكون ...... ؟؟!!
كنت بدولة عربية قبل أسبوع ، وإلتقيت شباب جامعة من هالبلد ، يقولون لي حنا مانحبكم
وأكثرنا يحقد عليكم ، قلتله ليش ؟شمسوين فيكم ؟ وإحتريت من كلامه وتهاوشت معاه ..
قالي باخذك الجامعة معانا وبراويك ..رحت وشفت العجب .. الصراحة شفت شباب
الله يهداهم كأنهم مو شايفين خير ، وكأنهم مايعرفون الإسلام ولا تربوا على الدين والأخلاق
والله إنهم مايخلون بنت من شرهم ، غير الأشكال والتسريحات العجيبة ومظهرهم المقزز
ولما تكلمت مع اللي سمحولي أتكلم معاهم ، قالولي هالبلاد مهي بلادنا وكلها كم سنة وبنعود
ولاحد بيدري عنا خلنا نلعب ونستانس الحين ، والأمور طيبة !!
المشكلة إني كنت محتر من العرب اللي يكرهونا ..يوم شفت اللي شفته عرفت ليش هالكره
والله لايحشمون مرة متزوجة ولاوحدة مع خطيبها في الجامعة ، ولا دكتورة ، المهم
إنهم يحسبون إنهم بيشترون الدنيا بفلوسهم ، وناسيين ( إنما الأعراض ديون تستوفى)
وهم طالعين من الجامعة كل سيارة شايله كم بنت وطالع فيهم ، وكأنه مافي حساب
ولا عقاب ، وكأن الله بس موجود هني ونسوا إنه يشوفهم وين ماكانو ...
هل ترضى أن يكون شبابنا بهالصورة ؟؟ وهل ترضى إنك لما تسافر تكون سفير سمعة
سيئة لبلادك ؟؟ أبي أرائكم بهالموضوع ..خلنا نعالج هالظاهرة السيئة اللي الله مايرضاها
ولا حنا نرضاها ...
meme~qatar
24-01-2010, 05:11 AM
مثل ماقلت
هذا دين يستوفى
وبيعضون اصابع الندم
وشبابنا اغلبهم فيهم الخير والبركة
للأسف لو كان الموضوع عن البنات كان↳
لمتوهم لكن اذا السالفه عن الشباب↳
قعدتوا تطلعون أعذار لهم!!↳
عجبا!!
مهندس زمانه
24-01-2010, 06:05 AM
اشكرك اخوي الغالي على غيرتك على شباب بلادك بس!!!!! يجب ان تكون غيرتك وحزنك عليهم مب لانهم من بلادك لا بل لانهم مسلمين وتدعوا لنا ولهم بالصلاح. وحاول اخي الكريم ان تكلمهم بالحكمه وذكرهم بالاخره ويوم القيامه. يارب اهدني واهد كل اخواني واخواتي على وجه الارض.
يوم القيامه لو علمت بهوله** لفررت من اهلن ومن اوطاني
لا اله الا الله اذا شهدت العينان واليدان والرجلان
بويعقوب
24-01-2010, 06:52 AM
"""""
عجبت لمن يتم له السرور
"""""
بدار كل ما فيها غرور
"""""
و كيف يلذ ساكنها بعيش
"""""
و يعلم أن مسكنه القبور
"""""
الامانه
24-01-2010, 06:58 AM
اللهم اهدي امة محمد صلى الله عليه وسلم
الله يهديهم ان شاء الله
السهم الكلاسيكي هو قال دوله عربية↳
مب خليجيه
الخارجية
24-01-2010, 07:24 AM
الحمدلله على كل حال .. دائمن اذا كنت مسافر امثل ابلاد أحسن تمثيل .. اتمنى من الشباب ينتبهون حق انفوسهم ويخلون السوالف التعبانه عنهم ..
مسلمة
24-01-2010, 08:46 AM
يليت الشباب يتعلموا من نبينا يوسف الصديق فهو بالرغم من شبابه وجماله وغربته راقب الله تعالى في سره وعلانيته
تحداني
24-01-2010, 09:09 AM
.. أصبحنا وأصبح الملك لله ..
.
.
.
الله يصلحهم يارب .. وينور طريقهم بالعلم .. ويلهيهم بالدراسه ..
هذه هي ضريبه الغربه ..
إما ان تجد شخص يقف لها بالمرصاد..
او شخص يركض وراء الشهوات واللذات ..
.
.
ما باليد حيله سوى الدعاء لهم ..
جملك الله برضى الرحمن
النائب
24-01-2010, 09:36 AM
للعلم هذا الشي ينطبق على الشباب والبنات إلا من هدى الله .
الشعال
24-01-2010, 09:39 AM
الله يهديهم
قطر دزاين
24-01-2010, 09:42 AM
ما فيه غير لبنان اجل ليش الدس:)
بـــــــنت النوخـّــــذه
24-01-2010, 09:47 AM
سؤال :
هل الفئه الي ذكرتها تمثل الشعب (كاااااااااااااااامل)
ترى كل ديره وفيها مقبره --يعني الي عمم لك النظريه وقال نكرهكم كان قلت له ادعوك لزياره لدولتي واتعرف اسلوم الناس الطيبه 0000
يعني من الاخر انا ما ابرر تصرفات الشباب اللا اخلاقيه ولكن الوم الناس الي يعممون النظره 0000واحد ولا اثنين ولا عشره عمرهم مايمثلون اهل الديره 000
عموما كلن يمثل نفسه وتربيته 000وهذولي الفئه الله يكفي البلاد من شرهم والله يهديهم (غارتهم الدنيا وايد)
انا اتمنى سفاره الدوله الي ينتمي لها الطلبه اهناك تهتم فيهم وتوعيهم بين وفتره وتاليه وتتابع تصرفاتهم اللا اخلاقيه مهب بس عشان لايفضحون البلد بتصرفاتهم السوقيه 000بل عشان لايدخلون البلاد بامراضهم سواء نفسيه ولا جسديه ويذكرونهم بالله سبحانه ؟؟؟؟
وحلو الشخص فيه غيره على اهل ديرته ويتمنى لهم الخير مثلك 00
كازانوفا
24-01-2010, 09:49 AM
الله يصلح الحااااااااال
الشباب تبطروا على بالهم بيشترون كل شي بفلوسهم وصار تفهكيرهم بشهواتهم وبالسيارات والبنات
عسى الله يهديهم لان الدنيا ماتسوى والله اخرتهم قبر صغير
بنت قطر202
24-01-2010, 11:02 AM
والله يااخوي من حقهم
لأن وللاســـــــــــــف الشباب اذا سافرو بره البلاد يشوهون صورة البلاد الي هم جايين منها
والله اني اذا سافرت اشوف شباب من قطر واتفشل انهم من قطر لييييييييييييييييييييش؟؟
من المصخره الي يسوونها وتلاقيهم حاطين لزاق على سيارتهم والوان والي ملبس سيارته ماركات يبالفيت على بالهم فله ومايدرون انهم يمصخرون في نفسهم حتى الناس اذا شافوهم يلعنون فيهم ،،، ومعروفه حركاتهم حق البنات اهناك ،، مسوين نفسهم مافي احسن منهم وتلاقي كل واحد شابك في يده بنت وسكران بعد ،،، افضحونا بس
QATAR 4 EVER
24-01-2010, 11:08 AM
لكل قاعدة شواذ (((وللاسف بعض العيون ماتشوف الا العيوب))) مع ان هاؤلاء الشباب طلاب علم !!!
Mozanee
24-01-2010, 11:44 AM
هالايام ما في شي غصب الظاهر هالشباب جافوا اللي يشجعهم ولا هالدول تنطر الزلة علينا ,, وما شاءالله على شبابهم منهى الادب والاخلاق !!! ولا عشانه خليجي استنكروا عليه ,,
BoFahed
24-01-2010, 01:47 PM
هذي الظاهرة من زمان ومب الغلط من الخليجين بروحهم حتى عيالهم بس اخوانا العرب يكبرونها علينا بسبب الحقد و زادت هاليومين من الشباب الفافي صغار السن (المعيلة ) ولد الماما المتدلع اللي لا يفكر في سنع ولا سمعة بلد ولا اخلاق وياما كثرهم في كل مكان تربية الخدامات بس تنفخ عليه بيصيح
BoFahed
24-01-2010, 01:52 PM
:nice:
والله يااخوي من حقهم
لأن وللاســـــــــــــف الشباب اذا سافرو بره البلاد يشوهون صورة البلاد الي هم جايين منها
والله اني اذا سافرت اشوف شباب من قطر واتفشل انهم من قطر لييييييييييييييييييييش؟؟
من المصخره الي يسوونها وتلاقيهم حاطين لزاق على سيارتهم والوان والي ملبس سيارته ماركات يبالفيت على بالهم فله ومايدرون انهم يمصخرون في نفسهم حتى الناس اذا شافوهم يلعنون فيهم ،،، ومعروفه حركاتهم حق البنات اهناك ،، مسوين نفسهم مافي احسن منهم وتلاقي كل واحد شابك في يده بنت وسكران بعد ،،، افضحونا بس
اي والله اختي يا ما شفتهم في القاهرة ولا مواترهم كلها استيكرات شعار الدولة و اللي منهم شايل لوحة الارقام القطرية وملصقها في الدريشة فوق جنه مب مصدق انه قطري حق البنات وسواد الويه :nice:
الصريحه
24-01-2010, 02:49 PM
اشكرك اخوي الغالي على غيرتك على شباب بلادك بس!!!!! يجب ان تكون غيرتك وحزنك عليهم مب لانهم من بلادك لا بل لانهم مسلمين وتدعوا لنا ولهم بالصلاح. وحاول اخي الكريم ان تكلمهم بالحكمه وذكرهم بالاخره ويوم القيامه. يارب اهدني واهد كل اخواني واخواتي على وجه الارض.
يوم القيامه لو علمت بهوله** لفررت من اهلن ومن اوطاني
لا اله الا الله اذا شهدت العينان واليدان والرجلان
لاحول ولاقوة الا بالله
طلعة الروح
24-01-2010, 06:06 PM
فئة البلشتيه صحيح موجودين في كل مكان وصعبه تخلو الحياه منهم
بس الضرر لما يطلعون بره بلادهم ويمارسون هالسلوكيات
اللي ما تمثل الا حياتهم وبيئاتهم الخاصه..
بالمنطق صعب تحكم على شعب كامل من خلال هالفئة
في المقابل عندنا ناس محترمين وينحطون عالجرح يبرى
وبالتالي مافي مشكله لو يبون يحكمون لمجرد اظهار السلبيات في الشعب بس هم بينهم وبين انفسهم عارفين انه الحكم خطأ وغير عادل وان الحقيقه لا يمكن ان تغلف بالزيف والتضليل بأي حال من الأحوال....
هند88
24-01-2010, 06:19 PM
انا مادافع عنهم بس اقولك ان كل بلد فيها الزين وفيها الشين والمفروض ترد على هالعربي ان مو مئة شخص او اكثر شوي يمثلون بلد عددها ميئات الالف
حتى هم عندهم الزين والشين
مثل ماقلت
هذا دين يستوفى
وبيعضون اصابع الندم
وشبابنا اغلبهم فيهم الخير والبركة
meme كل الشكر والتقدير على مرورك الطيب
وياااااليت الشباب يعرفون إنه دين وينسد
تقبلي إحترامي
للأسف لو كان الموضوع عن البنات كان↳
لمتوهم لكن اذا السالفه عن الشباب↳
قعدتوا تطلعون أعذار لهم!!↳
عجبا!!
star
كل الشكر على التعليق ..وترى عند الله مافي فرق
الشباب يتحاسبون والبنات يتحاسبون
الله عزوجل يقول (من عمل صالحاً من ذكر أو أنثى )
ونفس الشي آيات العقاب شملت الرجل والمرأة
حتى في عقوبات الأحكام الشرعية والحدود
ترى عند الله الكل متساوي ..والفرق بالتقوى ..
اشكرك اخوي الغالي على غيرتك على شباب بلادك بس!!!!! يجب ان تكون غيرتك وحزنك عليهم مب لانهم من بلادك لا بل لانهم مسلمين وتدعوا لنا ولهم بالصلاح. وحاول اخي الكريم ان تكلمهم بالحكمه وذكرهم بالاخره ويوم القيامه. يارب اهدني واهد كل اخواني واخواتي على وجه الارض.
يوم القيامه لو علمت بهوله** لفررت من اهلن ومن اوطاني
لا اله الا الله اذا شهدت العينان واليدان والرجلان
أخوي الغالي مهندس زمانه جزاك الله خير الجزاء على تعليقك
ويشهد الله إنه حررتي لمعصيتهم لرب العباد قبل حررتي على جنسيتهم
وحزني إنهم تربوا في بلاد فيها الخوف من الله والطيبة والإستقامة
وهذا اللي خلاني أستنكر هالشي عليهم أكثر ..
الله عزوجل يقول ( ليس عليك هداهم ) ويقول ( إدعو إلى سبيل ربك
بالحكمة والموعضة الحسنة ) نسأل الله إنه يقدرنا ندعيهم للصواب
والله قادر إنه يهديهم ويهدينا إلى طريق الحق ..
"""""
عجبت لمن يتم له السرور
"""""
بدار كل ما فيها غرور
"""""
و كيف يلذ ساكنها بعيش
"""""
و يعلم أن مسكنه القبور
"""""
أخوي بويعقوب صح لسان القائل والناقل
وباريت نتعض ونعرف إن هالدنيا ممر للدار الآخرة
ومصيرنا نلقى صحائف أعمالنا ..
مشكور اخوي الغالي على مرورك الكريم
اللهم اهدي امة محمد صلى الله عليه وسلم
الله يهديهم ان شاء الله
مشكور ياخوي على تعليقك الكريم
ونسأل الله الهدى والتقى والعفاف والغنى
السهم الكلاسيكي هو قال دوله عربية↳
مب خليجيه
في دولة عربية .. وللأسف الشباب من قطر ومن الخليج
الله يهدينا ويهديهم ..
الحمدلله على كل حال .. دائمن اذا كنت مسافر امثل ابلاد أحسن تمثيل .. اتمنى من الشباب ينتبهون حق انفوسهم ويخلون السوالف التعبانه عنهم ..
أخوي الخارجية يعطيك العافية .. وياليت كل شبابنا يفهمون هالشي
ويخلون الله قدام عيونهم ..وسمعة بلادهم .. وكل واحد فيهم
يتعامل إنه سفير لبلاده ..
يليت الشباب يتعلموا من نبينا يوسف الصديق فهو بالرغم من شبابه وجماله وغربته راقب الله تعالى في سره وعلانيته
أختي المسلمة جزاج الله خير على تذكيرنا بقصة يوسف عليه السلام
وشلون إستعصم بالله عزوجل .. وهذا يذكرنا بأنه من السبعة الذين يظلهم
الله تحت ظل عرشه يوم لاظل إلا ظله هو ( شاب دعته إمرأة ذات منصب وجمال
فقال إني أخاف الله ) ..
نسأل الله الثبات والعصمة ..
.. أصبحنا وأصبح الملك لله ..
.
.
.
الله يصلحهم يارب .. وينور طريقهم بالعلم .. ويلهيهم بالدراسه ..
هذه هي ضريبه الغربه ..
إما ان تجد شخص يقف لها بالمرصاد..
او شخص يركض وراء الشهوات واللذات ..
.
.
ما باليد حيله سوى الدعاء لهم ..
جملك الله برضى الرحمن
تحداني زماني كل الشكر والتقدير على مرورك الطيب العطر
وحنا نؤمن على دعائج لهم بالهداية والصلاح وإن الله يلهيهم
بدراستهم ويصرفهم عن طريق شياطين الإنس والجن ..
للعلم هذا الشي ينطبق على الشباب والبنات إلا من هدى الله .
..
أخوي النائب مشكور على المرور والتعليق
وحنا قلنا ياخوي إنه الحساب عند الله على الجميع
في شباب وايد يمشون بهالطريج .. وفي بنات بعد وايد
والله يهديهم جميعا ويصلحهم
الله يهديهم
أخوي الشعال . نقول معاك آآآآآآآآمين يارب
ما فيه غير لبنان اجل ليش الدس:)
زد صدودك شكرا على التعليق
مو لبنان ..
والمشكلة هي مش البلد أو وين صاير هالشي
لأنه يتكرر في بلاد كثيرة لكن المشكلة السلوك نفسه
وعدم الخوف من الله ..
تحياتي
سؤال :
هل الفئه الي ذكرتها تمثل الشعب (كاااااااااااااااامل)
ترى كل ديره وفيها مقبره --يعني الي عمم لك النظريه وقال نكرهكم كان قلت له ادعوك لزياره لدولتي واتعرف اسلوم الناس الطيبه 0000
يعني من الاخر انا ما ابرر تصرفات الشباب اللا اخلاقيه ولكن الوم الناس الي يعممون النظره 0000واحد ولا اثنين ولا عشره عمرهم مايمثلون اهل الديره 000
عموما كلن يمثل نفسه وتربيته 000وهذولي الفئه الله يكفي البلاد من شرهم والله يهديهم (غارتهم الدنيا وايد)
انا اتمنى سفاره الدوله الي ينتمي لها الطلبه اهناك تهتم فيهم وتوعيهم بين وفتره وتاليه وتتابع تصرفاتهم اللا اخلاقيه مهب بس عشان لايفضحون البلد بتصرفاتهم السوقيه 000بل عشان لايدخلون البلاد بامراضهم سواء نفسيه ولا جسديه ويذكرونهم بالله سبحانه ؟؟؟؟
وحلو الشخص فيه غيره على اهل ديرته ويتمنى لهم الخير مثلك 00
أختي الكريمة بنت النوخذة بداية أنا معاج في اللي تفظلتي فيه ولهالسبب نقلت أنا مقال
الكاتبة الفاضلة عبير العدناني في المنتدى بإسم ( حتى تعرف حقائق الأمور ) وتتكلم فيه الكاتبة
عن هالموضوع اللي هو التعميم والخطأ في إصدار الأحكام على الآخرين بدون وجه حق
وإنه ( من أظلم الناس من حكم على شعب ) أكيد في الصالح وفي الطالح ، لكن دوم
اللي يسئ الأخلاق والتصرفات يعكس صورة سيئة عن بلاده ومايعرف إنه قاعد يغلط
بحق نفسه وبحق ربه وبحق بلاده وبحق هالبنات أو الناس اللي يغلط معهم
ويخلي نفسه بتصرفاته السوقية مثل ماتفظلتي مصخرة وآخرتها يرد بلاده حامل
الذنوب والأمراض والسمعة السيئة ..
وكلنا أعتقد نتمنى اللي تفظلتي وقلتيه إن السفارة تحط يدها على هاللي قاعد يصير
وتصرخ في إذن عيالنا يمكن يقومون من غفلتهم ..
والشباب اللي الله هاديهم وماشين على الطريق الصحيح نسأل الله إنه يثبتهم
ويبعد عنهم الشياطين ...
مرة ثانية شاكر لج مرورج الكريم ..ولو ماكانت غيرتنا على بلادنا وأهلها .. ترى مافينا خير
ام السعف
25-01-2010, 06:53 AM
هل كل شبابنا بالشكل هذا ؟
ما اعتقد انهم كلهم بالشكل هذا الذي صوره صاحب الموضوع ،كأنهم شباب مغازلجية عاطلين جالسين على طرف قهوة في حي المفاصيخ , ربما هناك البعض الذين لا يتعدون اصابع اليد الذين يتصرفون بهذه الطريقة الغجرية في التعامل مع النساء في كل الجامعات ، اما انهم يجتمعون كلهم في جامعة وحدة ، اجوف ان الموضوع فيه مبالغة كبيرة .
الله يصلح الحااااااااال
كازانوفا
الله يصلح الحال ..اللهم آميييييييييييييين
الشباب تبطروا على بالهم بيشترون كل شي بفلوسهم وصار تفهكيرهم بشهواتهم وبالسيارات والبنات
عسى الله يهديهم لان الدنيا ماتسوى والله اخرتهم قبر صغير
خفوق شاكر مرورك الكريم
والله إنك صادق تبطروا وصار تفكيرهم بهالقشور ..ونسوا الموت والقبر
والله يااخوي من حقهم
لأن وللاســـــــــــــف الشباب اذا سافرو بره البلاد يشوهون صورة البلاد الي هم جايين منها
والله اني اذا سافرت اشوف شباب من قطر واتفشل انهم من قطر لييييييييييييييييييييش؟؟
من المصخره الي يسوونها وتلاقيهم حاطين لزاق على سيارتهم والوان والي ملبس سيارته ماركات يبالفيت على بالهم فله ومايدرون انهم يمصخرون في نفسهم حتى الناس اذا شافوهم يلعنون فيهم ،،، ومعروفه حركاتهم حق البنات اهناك ،، مسوين نفسهم مافي احسن منهم وتلاقي كل واحد شابك في يده بنت وسكران بعد ،،، افضحونا بس
إختي الكريمة بنت قطر والله إنج تقولين اللي شفناه .. وللأسف حسينا مثلج
بالفشيلة والحزن على هالشباب اللي شوهوا صورتهم وسمعة بلادهم
وخلونا نتمنى لو ماسافرنا ..ولا إنا نشوف هاللي شفناه
نسأل الله العظيم رب العرش العظيم أن يهديهم ويشفيهم ..لأنه مرض الله يعافينا منه
لكل قاعدة شواذ (((وللاسف بعض العيون ماتشوف الا العيوب))) مع ان هاؤلاء الشباب طلاب علم !!!
قطر فور إيفر شاكر مرورك وتعليقك الكريم
لكن أحيانا تشوف شي يجبرك إنك تصرخ وتتكلم من كثر ماتتألم
صج طلاب علم .. لكن لاحشمو نفسهم ولا حشمو حد
هالايام ما في شي غصب الظاهر هالشباب جافوا اللي يشجعهم ولا هالدول تنطر الزلة علينا ,, وما شاءالله على شبابهم منهى الادب والاخلاق !!! ولا عشانه خليجي استنكروا عليه ,,
شاكر مرورك الكريم
لكن أتمنى من الكل وأنا أولكم إنا لما نجي نتكلم على الغلط وعلى الحلال والحرام
ونعالج ونناقش الأخطاء اللي نشوفها بعيونا أتمنى إنا نترك العصبية القبلية اللي قال عنها
الرسول صلى الله عليه وسلم ( دعوها فإنها منتنة ) لأن المشكلة مو إنه إهم ينطرون علينا
الزلة وإلا إن شبابهم يغلطون وشبابنا لآ أو العكس ...
المشكلة إنه هذي أخطاء وسقطات وعيوب لازم نناقشها ونلاقيلها حلول بعيدا عن العصبية
وبتجرد تام من كل شي عشان نقدر نحل هالمشكلة ..
وبعدين كونه شباب خليجي الأحرى فيه إنه يكون شباب متربي على القيم والأخلاق والعروبة
والأصالة .. يعني مثل الشجرة الثابتة اللي أصلها ثابت وفرعها في السماء ..
هل كل شبابنا بالشكل هذا ؟
ما اعتقد انهم كلهم بالشكل هذا الذي صوره صاحب الموضوع ،كأنهم شباب مغازلجية عاطلين جالسين على طرف قهوة في حي المفاصيخ , ربما هناك البعض الذين لا يتعدون اصابع اليد الذين يتصرفون بهذه الطريقة الغجرية في التعامل مع النساء في كل الجامعات ، اما انهم يجتمعون كلهم في جامعة وحدة ، اجوف ان الموضوع فيه مبالغة كبيرة .
أختي أم السعف شاكر لج مرورج الكريم .. وأتمنى إنا ننسى العصبية القبلية
( دعوها فإنها منتنة ) مثل ماقال الرسول صلوات الله وسلامه عليه
والكلمة أمانة وأنا حملت هالأمانة لمانقلت لكم اللي شفته بنفسي
وعلى العموم رأيج أحترمه ,,ومشكورة عليه
:nice:
اي والله اختي يا ما شفتهم في القاهرة ولا مواترهم كلها استيكرات شعار الدولة و اللي منهم شايل لوحة الارقام القطرية وملصقها في الدريشة فوق جنه مب مصدق انه قطري حق البنات وسواد الويه :nice:
مشكور أخوي بوفهد .. وصدقت والله ياما شفتهم في مصر
الله يهديهم ويصلحهم ..
لاحول ولاقوة الا بالله
أختي الصريحة شاكرلج مرورج الطيب ...
ام السعف
25-01-2010, 07:54 AM
أختي أم السعف شاكر لج مرورج الكريم .. وأتمنى إنا ننسى العصبية القبلية
( دعوها فإنها منتنة ) مثل ماقال الرسول صلوات الله وسلامه عليه
والكلمة أمانة وأنا حملت هالأمانة لمانقلت لكم اللي شفته بنفسي
وعلى العموم رأيج أحترمه ,,ومشكورة عليه
اخوي ما دخل العصبية القبلية ؟ انت تتكلم عن عيال بلادنا ، يعني شباب قطر ، فهل معقول
في جامعة فلانية في دولة عربية القطريين اللي فيها كلهم بالشكل اللي انت وصفته ؟
كم عدد الشباب القطريين الذين شفتهم بعينك ؟
ما اقول لك ان مثل هذه التصرفات ما تنصدر من الشباب ، بس ما توصل لدرجة ان القطريين في هالجامعة كلهم على نفس الشاكلة ، لو القطريين كانوا جذيه ، عيل ابناء دول الخليج الذين ظروف حياتهم مشابهة لظروف حياتنا اشلون بيكونون ؟
فئة البلشتيه صحيح موجودين في كل مكان وصعبه تخلو الحياه منهم
بس الضرر لما يطلعون بره بلادهم ويمارسون هالسلوكيات
اللي ما تمثل الا حياتهم وبيئاتهم الخاصه..
بالمنطق صعب تحكم على شعب كامل من خلال هالفئة
في المقابل عندنا ناس محترمين وينحطون عالجرح يبرى
وبالتالي مافي مشكله لو يبون يحكمون لمجرد اظهار السلبيات في الشعب بس هم بينهم وبين انفسهم عارفين انه الحكم خطأ وغير عادل وان الحقيقه لا يمكن ان تغلف بالزيف والتضليل بأي حال من الأحوال....
طلعة الروح شاكر مرورك الكريم
وكل هالكلام والله صحيح ..في الزين وفي الشين
وكل بلد فيه وفيه ..
وشبابنا الله يهديهم ويخلون عنهم سواد الويه ..
انا مادافع عنهم بس اقولك ان كل بلد فيها الزين وفيها الشين والمفروض ترد على هالعربي ان مو مئة شخص او اكثر شوي يمثلون بلد عددها ميئات الالف
حتى هم عندهم الزين والشين
أختي الكريمة هند 88 أنا أوافقج الراي ..
وندعي إن الله يكثر من شبابنا الصالحين
ويصلح هالشباب اللي يسيؤون لبلادهم
تقبلي تحياتي
سهم ماسي
25-01-2010, 08:08 AM
سبحان الله ,, الغربه لها طريقين , إما الإلتزام أو التفريط
الله يرحمنا ويرحم جميع المسلمين
اخوي ما دخل العصبية القبلية ؟ انت تتكلم عن عيال بلادنا ، يعني شباب قطر ، فهل معقول
في جامعة فلانية في دولة عربية القطريين اللي فيها كلهم بالشكل اللي انت وصفته ؟
كم عدد الشباب القطريين الذين شفتهم بعينك ؟
ما اقول لك ان مثل هذه التصرفات ما تنصدر من الشباب ، بس ما توصل لدرجة ان القطريين في هالجامعة كلهم على نفس الشاكلة ، لو القطريين كانوا جذيه ، عيل ابناء دول الخليج الذين ظروف حياتهم مشابهة لظروف حياتنا اشلون بيكونون ؟
إختي الكريمة لو مريتي على نقاشنا كامل كان قريتي اللي قلناه
إن من أظلم الناس من حكم على شعب .. والكلمة أمانة وأنا نقلت
الي شفته ، وماقلت إن كل شباب قطر اللي بهالجامعة جذي
لكن قلت إني شفت مجموعة كان يسوون جذي ويسيئون لبلادهم
وقلنا إنه في الزين وفي الشين في هالجامعة وفي غيرها
وقلنا ندعي إن الله يثبت الشباب الصالح ويصلح الفاسد
ام السعف
25-01-2010, 08:26 AM
إختي الكريمة لو مريتي على نقاشنا كامل كان قريتي اللي قلناه
إن من أظلم الناس من حكم على شعب .. والكلمة أمانة وأنا نقلت
الي شفته ، وماقلت إن كل شباب قطر اللي بهالجامعة جذي
لكن قلت إني شفت مجموعة كان يسوون جذي ويسيئون لبلادهم
وقلنا إنه في الزين وفي الشين في هالجامعة وفي غيرها
وقلنا ندعي إن الله يثبت الشباب الصالح ويصلح الفاسد
عذرا اخوي ، اعتمادي كان على مشاركتك الأولى ، فهي ما بينت عدد الشباب ، وان كنا اصلا ما نرضى ان واحد مب اعداد حتى ينصدر منهم مثل هالتصرف ، في الأخير ربنا يهديهم .
عذرا اخوي ، اعتمادي كان على مشاركتك الأولى ، فهي ما بينت عدد الشباب ، وان كنا اصلا ما نرضى ان واحد مب اعداد حتى ينصدر منهم مثل هالتصرف ، في الأخير ربنا يهديهم .
حياج الله أختي أم السعف ..
وندعي إن الله يهديهم ويهدي الجميع لما يحب ويرضى ..
تقبلي تقديري ...
ميعاد
26-01-2010, 11:35 AM
مشكور أخوي على هالموضوع وعلى غيرتك
ونسأل الله إنه يهديهم ويصلحهم ويصرف عنهم شر كل ذي شر
خفيف الرووح
26-01-2010, 11:42 AM
ياخوي انت عممت على الشباب القطري
الصراحه ظلم
هذه فئه ان شاء الله تكون قليله وماتاثر على سمعه البلد
الله يهدي الجميع
في هالزمن كلن يمثل نفسه..
عموماً.. "عفوا تعف نسائكم" .. ولعل هذا يبين سبب تبرج و سوء سمعة الكثير من البنات.. هذا ماجناه الشباب من الأهل إذ استرخصوا أعراض غيرهم..
عموماً.. الله عادل سبحانه.. ولعل جزء من عقاب أولئك الشباب في بدء دولتنا الحبيبة بتطبيق نظام الفحص قبل الزواج كي لا "يوهق" بنت الناس إن كان حاملاً لمرض ما بسبب "سواد وجهه" .. لا، ويقولون رايحين نرفع راس بلادنا.. أقول، اللي مايمثل دينه بره أحسن تمثيل ترى إذا قعد اهنيه يبيع حب أشرف له..
وماننسى إن في نماذج من المغتربين ترفع الراس وتبيض الوجه ، تحطهم على الجرح يبرا..
الله يرزق كل مغترب ملتزم بالزوجة الصالحة، وكل مغترب صايع بالزوجة اللي يستاهلها :) و على نياتكم ترزقون..
مشكور أخوي على هالموضوع وعلى غيرتك
ونسأل الله إنه يهديهم ويصلحهم ويصرف عنهم شر كل ذي شر
مشكورة أختي ميعاد على حسن مرورج
ونسأل الله الهداية للجميع
تقبلي تحياتي
ياخوي انت عممت على الشباب القطري
الصراحه ظلم
هذه فئه ان شاء الله تكون قليله وماتاثر على سمعه البلد
الله يهدي الجميع
أخوس خفيف الروح مشكور على تعليقك
بس ياخوي لوقريت الكلام والتعليقات بتعرف إني ماعممت
وأنا نقلت مقال الكاتبة عبير العدناني لأهميته في النهي عن التعميم
حنا قلنا فئة من الشباب / مجموعة من الشباب ماقلنا الكل
من أظلم الناس من حكم على شعب
تقبل تحياتي
في هالزمن كلن يمثل نفسه..
عموماً.. "عفوا تعف نسائكم" .. ولعل هذا يبين سبب تبرج و سوء سمعة الكثير من البنات.. هذا ماجناه الشباب من الأهل إذ استرخصوا أعراض غيرهم..
عموماً.. الله عادل سبحانه.. ولعل جزء من عقاب أولئك الشباب في بدء دولتنا الحبيبة بتطبيق نظام الفحص قبل الزواج كي لا "يوهق" بنت الناس إن كان حاملاً لمرض ما بسبب "سواد وجهه" .. لا، ويقولون رايحين نرفع راس بلادنا.. أقول، اللي مايمثل دينه بره أحسن تمثيل ترى إذا قعد اهنيه يبيع حب أشرف له..
وماننسى إن في نماذج من المغتربين ترفع الراس وتبيض الوجه ، تحطهم على الجرح يبرا..
الله يرزق كل مغترب ملتزم بالزوجة الصالحة، وكل مغترب صايع بالزوجة اللي يستاهلها :) و على نياتكم ترزقون..
ع.م كل الشكر والتقدير على تعليقك الكريم على الموضوع
ورحم الله والديك (عفوا تعف نساؤكم ) وكماتدين تدان
ودائما الجزاء من جنس العمل ..وياليت شبابنا يتذكرون
إنه دين يستوفى من أهل بيوتهم ..
تقبل تقديري
مبارك سعد
26-01-2010, 12:17 PM
الله يهديهـــــم جميــــعآ:omen2:
الله يهديهـــــم جميــــعآ:omen2:
مشكور أخوي مبارك على مرورك الكريم
ونسأل الله الهداية للجميع
تقبل شكري
Powered by vBulletin® Version 4.2.5 Copyright © 2024 vBulletin Solutions Inc. All rights reserved.