طفل بغى يودي امه في داهيه ! ! ! !

[قلم صادق]

طفل بغى يودي امه في داهيه

--------------------------------------------------------------------------------








جااااايبه لكم قصة لطفل كاد ان يهلك امه
بعض الاطفال هداهم الله عليهم حركات
خليكم في احداث القصة المثيرة



زوجة وزوجها وطفلهم الشقي عمره 7 سنوات

جالسين يشوفوا التلفزيون !

فجأة قال الطفل لأمه: ماما تذكرين هذاك المحل اللي في السوق ؟؟

قالت أمه: ايه وش فيه ؟

قال الطفل: دخلنا هذاك المحل وصاحب المحل قفل علينا باب المحل !!!

الأم طارت عيونها : متى !!!

وهنا وقف والتفت الأب لطفله وقال : ايه يا ولدي كمل

الطفل: صاحب المحل حط يديه ورا ظهر أمي مثل الافلام !!

هنا الأم صارت تبكي وقالت: ما صار هالشيء تذكر كويس . .

الاب قال لطفله : كمل كمــل ..

قال الطفل: لا خلاص .. مو لازم أكمل ماما تبكي

الاب بعصبيه: أقول لك كمل ..

الطفل هنا سكت لبرهة !

والاب فى غضب !

والام خايفه من القنبله اللي بيفجرها ولدها واللي ممكن تنهي حياتها ..

ثم قال الطفل: ماما صرخت وحاولت تبعد يدين صاحب المحل !!!!

وفجأة!!!!
















































جاء البطل [سبايدر مان] وانقذ ماما !!

الاب صار يضرب طفله بدون عقل

والام فى حالة انهيار

طفل متطفل ..

لعب فى أعصابهم متاثر بأفلام كرتون



اعجبتني فنقلته لكم




بعض الاطفال الله يهديهم عليهم سوالف صج تفشل وخصوصآ قدام الناس .

[هتـان قطر]

:eek5:

بغى يوديها في داهية..!!

يحليل سوبرمان دايما ينقذ الناس

في اصعب الاوقات..:)


قلم صادق ..يعطيك العافية

[شعنونة قطر]

تصير الشيطان ينطقه

[black@white]

بس الولد ذكي في نفس الوقت

[الصريحه]

هههههههههههههههههههههههههههههههههههههههههههههه

[شموخ وبس]

امبيه 00 موقف يخوف 0000الله يكون في عونها وعون الاب اللي صار في حالة هستيريه خخخخخ

[الأغر]

الحمدلله مش ابني كان عضيته من خدودو

[Arab!an]

رقع السالفه

[اسير الاوهام]

حلوه السالفة

بس شلون جاته هالفكرة

ههههههههههههههههه

الله يعطيك العافية على النقل

[الحـ(درب)ـب]

خبيث هههههه

بس ليش خافت المرة ههههههه

:)

[زود الهموم]

ههه ياخوفي الولد رقعها بس

[Index Signal]

الأب عقله أصغر من إبنه ..!!

إذا ما عندك ثقه عمياء في زوجتك ليش مستمر معاها من الأساس ..؟!

هالنوعيه من الرجال أحد أسباب نسبة الطلاق العاليه في مجتمعنا و عموم المجتمعات الخليجيه .. للأسف .

[البنـدري]

الأب عقله أصغر من إبنه ..!!

إذا ما عندك ثقه عمياء في زوجتك ليش مستمر معاها من الأساس ..؟!

هالنوعيه من الرجال أحد أسباب نسبة الطلاق العاليه في مجتمعنا و عموم المجتمعات الخليجيه .. للأسف .


والله انك صدقت في كل كلمة قلتها :)

[Mr.Mohammad]

صح بعض اليهال تلاقيه شيطان..

مشكور اخوي قلم صــــــادق ع القصـة =)

[مضارب مستثمر]

قصه حللوه ,,,,,,,,والله يعين هله لين كبر وصار 17

هههههههه

[بنت العصـيمي]

شكلها الام مب واثقة في نفسها

[ام السعف]

قصه حللوه ,,,,,,,,والله يعين هله لين كبر وصار 17

هههههههه

:nice:

[alqtri]

ههههههههههههههههههههههههههههههاااااااااااي

اول شي ذكي وثاني شي المفروض الاب والام يتحلون بشوية صبر

حتى ينتهي من الكلام :d اذا هو صغير كذا اجل لو كبر كيف بيتحول على طرزان الاخ

[دانـة قطـر]

هههههههههه
مسكينه

والله انه اليهال مرات يخلونك بنص هدومك
وحده تقول مادري من من اليهال لعب في جوالي
ورحت السوق وأنا في نص المحل إلا الجوال يرن
والنغمه "أنا علقم قصير مدلقم" هههههههههههههههه
والا كل اللي فالمحل يطالعونها :eek5:

[ام مناير]

هههههههههههه الصراحة انا توترت وانا اقرا ، بس ليش الام خافت ؟؟؟

[عذوبـة قلم]

.♦. ♠ .♦
:
♥
:

برائحـة عطر الزيزفون .. آمسي عليكم آحبتي في الله

رداً على هذا الموضوع ..
هناكـ محوريـن وراء هذه القصـه .. "إستنتاجي"

المحور الأول .. تأثير القصص الكرتونيـه على آبنائنا .. وتأثرهم بها

كنا فالسابق نتابع .. صاحب الظل الطويل .. وكابتن ماجد .. وغيرها من قصص كرتونيه
تحمل بين طياتها .. براءة الأطفال في تعاملهم مع المواقف ..

اما اليوم .. فقد طل علينا المحقق كونان .. والسوبرمان .. وغيرهم من الشخصيات
التي تجسد أشخاص يبحثون عن الخيـر .. في صلب مواضيع خاطئه ..

.. الحلقـه 1 ..
ينقذ سوبرمان امرأه من موقف محرج .. موقف لا يصل الى عقول اطفالنا

.. النتيجـه ..
يتخليها الطفل والدته .. آخته ..
ويبدأ يحكي بالموضوع .. ليجذب اهتمام الكبار ..

نتيجـه متوقعـه .. فماذا تنتظرون من وراء الدمار والغزو الفكري .. "والآقادم آدمر"

ولأثبت صحة أفكاري .. سأنقل لكم فقرة .. من مقاله للـ الأستاذة "بدرية عبد الرحمن"
المختصّة بالصحافة والمجتمع عن التلفاز وتأثيره على الطفل قائلة:

التلفزيون لم يكن شيئاً غريباً على جيلنا، وربّما الجيل السابق لنا
ولكنّ الجديد في تلفزيون جيل القنوات الرقميّة هو طبيعة المادّة المقدّمة وكثافتها...

بمقارنة صغيرة مابين طبيعة الموادّ التلفزيونيّة المقدّمة للطفل في فترة السبعينات والثمانينات
ومنتصف التسعينات وبين المواد المقدّمة في التلفزيون الجديد (بعد جيل القنوات الرقمية)
يمكنه ملاحظة وضوح الرسالة التلفزيونيّة وصراحتها في الأخيرة حيث يظهر المحتوى ساذجاً وسطحيّاً
ولكنّه يرسّخ سلوكيّات خطاب واضح عبر التدفّق المستمر....بينما كان المحتوى عميقاً...
تربويّاً وموجّهاً في الموادّ القديمة...

اما المحور الثانـي .. الا وهو خيال آطفالنا .. وحدود مخيلتهم

تتميز مخيلة الطفل بعده خصائص .. وأبرزها عدم تفريق الطفل بين الذات والموضوع
فالطفل لا يتخيل أن الأشياء مواضيع بقدر ما هي أفكار متسلسله تجذب انتباه الغير ..

.. قلم صادق ..

طرح الرحمن البركـه في هذا القلم والحبر الصـــــادق ..
لكـ مني جزيل الشكر والتقدير .. فإنتظار جديد مواضيعكـ


تقبل تحيات ريشـــــــة قلمـــــي .. آختكـ في الله

:
♥
:
.. ع ـذوبـة الـ ق ـلم ..

[sendarala]

لا حول ولا قوة الا بالله

[نورالهدى]

باختصار
هذا جرس انذار
لسلوكيات اولادنا
الله المعين

[شموع قطريه]

صج اسود ويه هالولد يبيله ضرب ولا ياهل اشعرفه في هالحركات وهالسوالف !! والابو بعد اخس من ولده شكله يبي اشاره على مرته !! والام مب واثقه من نفسها ولو هي واثقه جان ماخافت .. الحمدلله والشكر عايله سبع نجوم

[نااااني]

ههههههههههههههههههههههههههههه
ذكرتني بسالفه صارت لي...................

[hemoud123]

صج اسود ويه هالولد يبيله ضرب ولا ياهل اشعرفه في هالحركات وهالسوالف !! والابو بعد اخس من ولده شكله يبي اشاره على مرته !! والام مب واثقه من نفسها ولو هي واثقه جان ماخافت .. الحمدلله والشكر عايله سبع نجوم

كلام صحيح

[هند88]

ههههههههههههههااااااااااااااااااااي والله سارلي موقف يشبه هالموقف بس الحمدلله معروف ان الياهل الي قال السالفه ابو الصواريخ فا محد صدقه وانقلبت السالفه ضحك

[alizz]

لو اني من ابوه كان قلت (لا وانت الصاج جا سوبر مان واخذ العقال و؟؟؟؟؟؟؟؟؟؟؟؟؟؟؟؟؟؟؟؟؟)
علشان يحرم يسويها مره ثانيه
تسل اغوي قلم حر على الموضوع الشيق

[ام الحنايا65]

بس المسكين انطق طق الله يسامح ابوه

[امـ حمد]

الله المستعان

[بواردي]

الحمد لله انه سبايدر مان
لو انه قايل توم كروز

كان راحت ملح

[قلم صادق]

تسلمون على مروركم الحلو وتعليقاتكم الاحلى.... وعزيزتي عذوبـة قلم شاكره دعوتج الحلوه

[كازانوفا]

هذا مش شيطان الطفل
اللا ابليش بذاتووووووووووووو

[meme~qatar]

ههههههه
الولد داهية
الله يعين الامهات

[ســـهم]

يازين

tom & jerry

مافيه سوالف حب

يطارد الفار وآخر شي يدش مع بيب ويتمغط

يعني مستحيل الطفل اللي يتابعه يوهق امه :)