يآجمآعه ابي حل..البيـت مسـكوٍن :(

[ممنوع اللمس]

السلام عليكم ورحمة الله وبركاته ..
اخواني احنا بيتنا طابقين الطابق الارضي مافيه اي شي بس الطابق الثاني فيه افلام هنديه
اصوات غريبه ونشوف اشياء ما تخطر عالبال بس الغريب ان اخواني وانا للحين ننام فوق وعادي ولا كأنه صاير شي
بس الموضوع زاد عن حده لين امس
شريت مسجل ومشغل سورة البقره قالو لمدة 40 يوم ومن زماان واحنا نشغله بس احيانا نلقا المسجل مفصول بروحه من الكهربا :eek5:
بس بالامس صار لي شي في غرفتي بصراحه طير قلبي من مكانه :eek2:
يا جماااااااااعه ابي حل يعني مطوع يجي يقرا عالبيت او شنو اسوي حد يفهمني
ولو حد يدل شيخ يقرا عدل وكذا يدليني وين مكانه ورقمه وجزاكم الله خير

[فارس الكلمة]

حاول أن تؤذن في البيت .. فالأذان يطرد الشياطين ..

وخل سورة البقرة تشتغل عن طريق النت .. نسأل الله لكم العافية

[فارس الكلمة]

ماذا صار في غرفتك .. أخي الكريم ..؟

[ممنوع اللمس]

فارس جزاك الله خير عالرد
شي صار ماقدر اقوله
بس بلاوي تسير فالطابق الثاني وبشغل القرآن من النت ان شاء الله وجزاك الله خير عالرد

[نورالهدى]

سلام قول من رب رحيم
بيتكم في أي منطقة
ومن كان يستخدم الطابق العلوي
وهل هذا البيت كان يسكنه أحد من قبلكم
ممكن تستشير إدارة الدعوى والإرشاد ليدلوك على الطريق الصحيح

[دلة الرسلان]

اقرأوا سوره البقره بأنفسكم افضل من المسجل وحافظوا على الأذكار اليوميه ولا تخافون لدرجه

الروع فهم خلق مثلنا ويمكن حظكم زين ويكونون مسلمين :)

[بوطويشم]

السلام عليكم

الله يحفظكم

ومافي الا تكلم الدعوى والأرشاد وخذ رقمهم من 180

[ممنوع اللمس]

سلام قول من رب رحيم
بيتكم في أي منطقة
ومن كان يستخدم الطابق العلوي
وهل هذا البيت كان يسكنه أحد من قبلكم
ممكن تستشير إدارة الدعوى والإرشاد ليدلوك على الطريق الصحيح
بيتنا في منطقة الشحانيه وماكان حد يستخدمه بس تركناه تقريبا لمدة 3 شهور محد يروح فوق نهائيا
وبستير الدعوى والارشاد بكره ان شاء الله
وجزاك الله خير عالرد الطيب

[ممنوع اللمس]

جزاكم الله خير جميعا عالرد وبكره ان شاء الله بستشير الدعوه والارشاد وان شاء الله خير
وماقصرتو ... ماعدا اللي نكه حمد هالبزر

[المغروره]

سوره البقــــــــــــره الله لايهينك شغلها طول اليوم تطرد الشياطيين
وكثره الاغاني تولد هالشياطيين
باذن الله بيروح
تحياتي

[وطن]

قراءة سورة البقرة بأنفسكم
أفضل من المسجل أو النت

كل يوم حد منكم يقراها كامله بجلسه واحده متصله
تناوبوا على قرائتها كل يوم الدور على حد وبصوت مب بس تحريك اللسان والشفاه

وان شاء الله ماراح تشوفون شي

[ممنوع اللمس]

جزاكم الله خير جميعا وان شاء الله بسوي اللي قلتوه
وبكره بكلم الدعوى والارشاد بأذن الله

[MoTeC]

اخبر لازم راعي البيت يقرأ سوره البقره
او حد يقرأ السوره في البيت

[الرويـس]

وايش بعد تصير لكم من مواقف اخي العزيز

يمكن الامر مجرد اوهام او مقالب من البعض :(
فيبطل ادعاء الجن وماشابههم

والله يفرج عنكم ما انتم فييه

[Qtr Denver]

عليكم السلام ورحمة الله وبركاته

الازعاج يكون في جميع الاوقات ولا اوقات الصلاة فقط؟ << هذه نقطه مهمه

وعليك بقراءة ايه الكرسي
وخذ لك بخاخ مال الحلاليق وحط فيه ماي ووده حق اقرب شيخ خل يقرا على الماي وبعدين رشه بالبيت ..

والله يبعد عنكم اي مكرووه

في امان الله

[سداوي&مدريدي]

انا صار لي موقف في بيتنا القديم ولين الحين اتذكره

كنت منسدح .. شوي الا الليت تسكر .. شلون !! مادري :(

عموما مثل ماقالو الأخوان خل القرآن شغال 24 ساعه

والله يبعد عنا وعنكم الجن

[MoTeC]

هذي ادارة الدعوة تبع وزاره الاوقاف
4573777
بدالة إدارة الدعوه - منطقة بن عمران
4867963
----------------
وهذا الدعوه والارشاد السعودي او الخاص
مركز الدعوة والارشاد
4871182
مكتب الفتوى
4871181

[خفوق]

يمه :(

بنت خالتي نفسكم الملحق اللي هي فيه مسكون تقول مره كنت راقده واسمع صوت لعبه ولدها سياره صغيره تشتغل تخيل بنص الليل وقام زوجها يشوف السياره لقى السياره مافيها بطاريه اصلا شلون اشتغلت بنص الليل من نفسها @@ ماشاء الله عليها بنت خالتي قويه والقران 24 ساعه في ملحقهم

والله اني خفت يوم تذكرت السالفه الحييين :(

[شـعـشـبـونـه]

اعوذ بالله

الله يحفظكم

[هدهد سليمان]

اهم شي بالموضوع محد يخاف او يصارخ .. وتراهم ما يخوفون هم اجبن من البشر .. ومثل ما تفضلوا الربع بقراءة القرآن .. والبيوت جميعها مسكونه بالعمار . . لكن تختلف من بيت لآخر

[مافيا قطر]

ان شاء الله ما فيه الا كل خير نفس ماقالو الاخوان الدعوه والارشاد يجيك مطوع ويقرى فى البيت

وتختفى الاصوات

انا مره فى البيت راقد بروحى الا اشوف واحد دش من الطوفه وطلع من الدريشه بدون ما يسلم

[الثاقب]

اخوي كل هذه الاشياء اوهام في روسكم الحقيقه انه لا يوجد شئ
بكل سهوله راح ينتهي الموضوع فقط لا تؤمن بهذه الاشياء والخرافات هي حقيقة موجوده في عقولكم وليس في الواقع

[مبارك سعد]

هذي ادارة الدعوة تبع وزاره الاوقاف
4573777
بدالة إدارة الدعوه - منطقة بن عمران
4867963
----------------
وهذا الدعوه والارشاد السعودي او الخاص
مركز الدعوة والارشاد
4871182
مكتب الفتوى
4871181


أعتقد هذا هو الحل والله يكفيكم الشر ياريت تكثر من البسمله عند الدخول لأي مكان في البيت .

[بن علان]

اللي فهمته منك ان الوضع كان بسيط وبعدين تطور يمكن حد من الإخوان جاب معالج يتعامل مع الجن عشان يطردهم وهذولا مشعوذين يعني يزيدون الطين بله عشان يبتزونكم

وبعدين سالفة المسجل اللي يطفا بنفسه وواحد يقول الليتات تطفا .. أشك انها تكون من عمل الجن والله أعلم

[ممنوع اللمس]

جزاكم الله خير جمييييييعا عالردود وماقصرتو وسجلت الارقام
والله امس مستحيل انسى اللي صار
جزاكم الله خير جميعا وماقصرتو عالردود والله يحفظكم جميعا
وياليتها اوهام
كل يوم نسمع بلاوي فالطابق اللي فوق
قالو لي يمكن السبب ان احنا ما سكنا فوق لمدة طويله ويقولون ان لو ما دخلت غرفه لمدة 40 يوم يحق للجن السكن فيها والله اعلم
جزاكم الله خير جميعا وماقصرتو

[هدهد سليمان]

جزاكم الله خير جمييييييعا عالردود وماقصرتو وسجلت الارقام
والله امس مستحيل انسى اللي صار
جزاكم الله خير جميعا وماقصرتو عالردود والله يحفظكم جميعا
وياليتها اوهام
كل يوم نسمع بلاوي فالطابق اللي فوق
قالو لي يمكن السبب ان احنا ما سكنا فوق لمدة طويله ويقولون ان لو ما دخلت غرفه لمدة 40 يوم يحق للجن السكن فيها والله اعلم
جزاكم الله خير جميعا وماقصرتو

اخي الفاضل الجان موجود في كل زمان ومكان وفي جميع المنازل ويسمى بالعمار وهو غير مؤذي لكن يختلف من منزل لآخر حتى الحمامات اعزكم الله مسكونه بالجان يعني كلام مفروغ منه .. اما الاصوات فتناسها واذهب الى مكان الصوت واجلس في المكان نفسه ان استطعت لكن لا تدع الخوف يتملكك ..

[STAR]

الله يحفظكم ان شاء الله‏‏
سداوي ‏‏& مدريدي ‏...هاي ليت بيتكم‏‏
إحترق ‏‏(‏‏=‏

[ممنوع اللمس]

اخي الفاضل الجان موجود في كل زمان ومكان وفي جميع المنازل ويسمى بالعمار وهو غير مؤذي لكن يختلف من منزل لآخر حتى الحمامات اعزكم الله مسكونه بالجان يعني كلام مفروغ منه .. اما الاصوات فتناسها واذهب الى مكان الصوت واجلس في المكان نفسه ان استطعت لكن لا تدع الخوف يتملكك ..

اخوي انا ادري ان كل بيت فيه جان بس مو لدرجه انه يأذيك
والاغاني الحمد لله ما تشتغل في بيتنا

وفي احد من الاعضاء جزاه الله خير الاصوات تبدا بوقت متأخر من الليل بس اذا أذن الفجر كل شي يختفي وبصراحه والله انا خايف ان حد من البيت يسير له شي :(
وجزاك الله خير وجزا الاخوان جميعا ان شاء الله

[هدهد سليمان]

اخوي انا ادري ان كل بيت فيه جان بس مو لدرجه انه يأذيك
والاغاني الحمد لله ما تشتغل في بيتنا

وفي احد من الاعضاء جزاه الله خير الاصوات تبدا بوقت متأخر من الليل بس اذا أذن الفجر كل شي يختفي وبصراحه والله انا خايف ان حد من البيت يسير له شي :(
وجزاك الله خير وجزا الاخوان جميعا ان شاء الله

دامكم ناس مصلين وذاكرين الله لا تحاتي بإذن الله .. اهم شي تشغلون سورة البقره لمدة اربعين يوم .. في اول ثلاثة ايام الى اسبوع راح يشتد الشيء لكن لن يستطيعوا ان يضروكم .. بعدها ستختفي الحاله لكن استمروا بذلك .. بارك الله بك

[حرقطر]

فضل آيه الكرسي

أعظم آية في كتاب الله - الله لا اله الا هو الحي القيوم ومن حديث ابي هريرة رضي الله عنه انه قال اذا أويت الى فراشك فاقرأ آية الكرسي حتى تختم الآية فأنك لن يزال عليك حافظ من الله ولا يقربك شيطان حتى تصبح "


وعليك بالصلاة وعدم التهاون فيها

والاذكار الصباح والمساء

وصدقني راح تدعيلي

[شموع قطريه]

ان شاء الله ما فيه الا كل خير نفس ماقالو الاخوان الدعوه والارشاد يجيك مطوع ويقرى فى البيت

وتختفى الاصوات

انا مره فى البيت راقد بروحى الا اشوف واحد دش من الطوفه وطلع من الدريشه بدون ما يسلم

:omg::eek5::omg::eek5::omg::eek5::omg::eek5::omg:

يمه اشبيرقدني الليله :omg: شكلي بخلي الليت مفتوح والتلفزيون والنت وبعزم اللي فالبيت كلهم ينامون عندي اليوم :( حسبي الله على ابليسكم خوفتوني <<< وانتي شمدخلج للموضوع يوم انج جبانه :rolleyes2:

[بومحمد911]

ذكرتني بقصة البيت المسكون هاذي القصة صارت في السعودية واحد شرى بيت كان يسمع في الاطوف اصوات غريبة ما خل مطوع ما جابه والاصوات ما راحت لين ما باع البيت برخص
والي اشترى البيت قام يسمع نفس الاصوات من الاطوف وراح يدور من وين الصوت وطلع انها كانت اصوات فيران تمشي داخل الاطوف ههههههههههههههههه

على العموم تحصنو بالاذكار وما تشوفون شر

[ممنوع اللمس]

جزاكم الله خير جميعا وماقصرتو وان شاء الله خير

[حمد]

جزاكم الله خير جميعا عالرد وبكره ان شاء الله بستشير الدعوه والارشاد وان شاء الله خير
وماقصرتو ... ماعدا اللي نكه حمد هالبزر

افا يالشيخ .... ليش عاد شسويت لك !!!!

[Mr.Mohammad]

الله يحفظكم ان شاء الله‏‏
سداوي ‏‏& مدريدي ‏...هاي ليت بيتكم‏‏
إحترق ‏‏(‏‏=‏

ههههههههههههههههههههههههههههههه


عجبني هالرد

[Mr.Mohammad]

اخـــــــــوي ممنوع اللمس..


خل القـرأن على طول صوته طووول اليــوم و لاجيت تنام قصر عليه بس خله ..


الله يحفظك ويحفظ هل بيتك من كــل شر إن شــاءالله..


طمنا عليك

[ممنوع اللمس]

افا يالشيخ .... ليش عاد شسويت لك !!!!

هلا اخوي ماقصدك انت في واحد نكه حمد وارقام مادري كم في اول الردود تلقاه
محشوم انت الله يجزاك خير

[ممنوع اللمس]

اخـــــــــوي ممنوع اللمس..


خل القـرأن على طول صوته طووول اليــوم و لاجيت تنام قصر عليه بس خله ..


الله يحفظك ويحفظ هل بيتك من كــل شر إن شــاءالله..


طمنا عليك

هذا االلي انا اسويه
وجزاك الله خير اخوي عالرد

[النهار]

ان شاء الله ما فيه الا كل خير نفس ماقالو الاخوان الدعوه والارشاد يجيك مطوع ويقرى فى البيت

وتختفى الاصوات

انا مره فى البيت راقد بروحى الا اشوف واحد دش من الطوفه وطلع من الدريشه بدون ما يسلم



احلف :eek5::eek5:

[ولد الجابر]

بخرو البيت بالشبة والسويدة
وانثر حول البيت ثوم مطحون وانت تقرأ صورة الناس والبقرة وهذا بعد صلاة المغرب
وربك الحامي قو قلبك بايمان والرحمان

[حمد911]

معانا اخونا العضو وجهة نظر مطوع وله خبره بذي الامور تحصلينه في قسم التحليل الفني هو محلل فني
بتحصلين عنده الحل والله يحميكم

[هذلان]

السلام عليكم


قريت الموضوع كامل .. الله يعينك

افضل ماقريت من الردود هو الي ينصحون بقراءه سوره البقره و ايضا الي نصحوم بعدم الخوف .

اخوي ترى الامر هين بحول الله اهم شي لا ترتاع هو صحيح امر مزعج بس توكل على الله و ابتعد من وضع الصور و الرسومات و التماثيل ان كانت موجوده في البيت .

قبل فتره كنت اربي عندي كاسكو في البيت و كان مسوي جو عجيب في البيت .
وكان الكاسكو متعلق فيني و كان مايداني الاهل ،، لا دخلت البيت انا قام يصفر و يسوي صوت معين مثل كل طيور الكاسكو (صوت طق طقه مثل طقطقه لسان البني ادم)

المهم يوم من الايام دخلت البيت و جلست في الصاله و الطير مكانه في ممر قريب من الصاله .. يوم جلست ولا هذا صوته مدهر .. طالعت الاهل و ابتسمت اغيظهم انه يدلعني يعني .
اهلي شافوني و قالو انت ليش مستانس على الصوت نسيت ان الكاسكو مات من شهور ههههههههه صحيح هو مات من زمان بس لاتسئلني الصوت من وين طلع خصوصا انه كلنا سمعناه.
الحياه ماشيه و الاتكال على رب العالمين

[ممنوع اللمس]

السلام عليكم


قريت الموضوع كامل .. الله يعينك

افضل ماقريت من الردود هو الي ينصحون بقراءه سوره البقره و ايضا الي نصحوم بعدم الخوف .

اخوي ترى الامر هين بحول الله اهم شي لا ترتاع هو صحيح امر مزعج بس توكل على الله و ابتعد من وضع الصور و الرسومات و التماثيل ان كانت موجوده في البيت .

قبل فتره كنت اربي عندي كاسكو في البيت و كان مسوي جو عجيب في البيت .
وكان الكاسكو متعلق فيني و كان مايداني الاهل ،، لا دخلت البيت انا قام يصفر و يسوي صوت معين مثل كل طيور الكاسكو (صوت طق طقه مثل طقطقه لسان البني ادم)

المهم يوم من الايام دخلت البيت و جلست في الصاله و الطير مكانه في ممر قريب من الصاله .. يوم جلست ولا هذا صوته مدهر .. طالعت الاهل و ابتسمت اغيظهم انه يدلعني يعني .
اهلي شافوني و قالو انت ليش مستانس على الصوت نسيت ان الكاسكو مات من شهور ههههههههه صحيح هو مات من زمان بس لاتسئلني الصوت من وين طلع خصوصا انه كلنا سمعناه.
الحياه ماشيه و الاتكال على رب العالمين


صوت هوى صوت هوى



هالعذر هذا اللي للحين مصبرني :eek5:

[ليث العرين]

كانهم ما يئذونكم اتركهم على حالهم وهم بيهجرونكم مع الأيام والأذكار

[CH Engineer]

أعوذ بكلمات الله التامات من شر ما خلق
أعوذ بكلمات الله التامات من شر ما خلق
أعوذ بكلمات الله التامات من شر ما خلق

جرب هالدعاء كل يوم وان شاء الله ماراح يضرك شي..

[CH Engineer]

http://www.************/watch?v=oRHvAlqzY-M

[ممنوع اللمس]

جزاكم الله خير جميعا عالردود وماقصرتو

[امـ حمد]

لا حول ولا قوة الا بالله

الله يفرج كربتكم

[مسكين قلبي]

الله يستر على الجميع الاخوه ما قصرو في الردود ويعطيهم العافيه جميعا

القران ضروري في البيت وخلي لليتت على طول مفتوحه واهم شئ

في الحمام

[قناص الخليج]

ياخوووي لايكون معلق صور ذات اروح عندك بالغرفه ؟؟؟

[بنت قطر202]

اخوي الجن موجودين ويمكن لانكم ماسكنتو في البيت من مده طويله هم اسكنوه واعتبره سكن لهم ،،،
خل حد يقرى في البيت ،،،

بين فتره وفتره يطلعون لي في غرفتي ويسوون ازعاج بس اطنش وتعودت عليهم ،،

وفي شيء يصير لي من شهرين ولين الحين وكل يوم بليل بس مادري شنو تفسيره ،، مع ان القرآن عند رآسي وماعندي ولاشريط أغاني في الغرفه ،،،

[كازانوفا]

والله اوقات لو شغلت القران بتلاقي الشريط بره المسجل
سبحان الله يعملون العمايل العالم الاخر
واذا ما نفع معاكم اتركو البيت او لا تروحو الطابق اللى فوق اعتبروه مش موجود
لان منطقة الى انتو فيها منطقه صحراويه
الله المستعان

[بـــــــنت النوخـّــــذه]

فارس جزاك الله خير عالرد
شي صار ماقدر اقوله
بس بلاوي تسير فالطابق الثاني وبشغل القرآن من النت ان شاء الله وجزاك الله خير عالرد

:eek5::eek5::eek5::eek5::eek5::eek5::eek5::eek5:
<<<متابعه بصمت السالفه والردود--

[الخارجية]

الصراحة الله يعينك ..
في بيتنا القديم كنت راجع البيت الساعة 2 في الليل
بدلت ثيابي ودخلت الحمام وانتوا بكرامة وطفيت ليتات الغرفة طبعاً الغرفة خرمس يعني ظلام من قلب ماتشوف صبعك
وانا على السرير اسمع صوت قطو قلت هذا الصوت برع الغرفة اشوي
اشوف الصوت قرب قلت قطو في غرفتي قلت وين جاي هذا القطو على طول حطيت في بالي يمكن الخدامة ناسيه البيت مفتوح ودخل القطو الغرفة قمت من السرير فتح اليتات ادور القطو شفت القطو قاعد في زاويه الغرفة قطو اسود وعيونه تلمع قمت فتح الباب وكشيته وطلع من الغرفة وسكرت الباب بس كان شعر جسمي موقف تعوذت من الشيطان ورقت والحمدلله

[لاجل QT]

انا شفت الموضوع امس الساعة 11 في الليل وخفت ادخل بصراحة في الليل اخاف موووت من هالسوالف..قلت بادخل الصبح باعلق على الموضوع...المراد اخوي تشغيل المسجل مايسوي شي المفروض انت تقرة القران بصوتك وتحصن نفسك دوم بالادعية وبالايات واي شي تلمسة سم بسم الله ..ودام هم مايضرون طنشو عادي يماااا..بس اذا في ضرر شدو من البيت

[لاجل QT]

الصراحة الله يعينك ..
في بيتنا القديم كنت راجع البيت الساعة 2 في الليل
بدلت ثيابي ودخلت الحمام وانتوا بكرامة وطفيت ليتات الغرفة طبعاً الغرفة خرمس يعني ظلام من قلب ماتشوف صبعك
وانا على السرير اسمع صوت قطو قلت هذا الصوت برع الغرفة اشوي
اشوف الصوت قرب قلت قطو في غرفتي قلت وين جاي هذا القطو على طول حطيت في بالي يمكن الخدامة ناسيه البيت مفتوح ودخل القطو الغرفة قمت من السرير فتح اليتات ادور القطو شفت القطو قاعد في زاويه الغرفة قطو اسود وعيونه تلمع قمت فتح الباب وكشيته وطلع من الغرفة وسكرت الباب بس كان شعر جسمي موقف تعوذت من الشيطان ورقت والحمدلله

يماااااااااااااااااااة انا اخاف موت :omg:
انا قريت موضوعك كر شعر جنبي:eek5:

[بلوتنيوم]

عندي رقم مشعوذ سنغالي:eek5:

[fhd4]

بخرو البيت بالشبة والسويدة
وانثر حول البيت ثوم مطحون وانت تقرأ صورة الناس والبقرة وهذا بعد صلاة المغرب
وربك الحامي قو قلبك بايمان والرحمان

ونعم بالله ... لكن أخوي هذا ما يجوز لأنه لاهو من السنة ولا شي ... وخوفي يكون نوع من الشرك بالله لا سمح الله ...


والله يعينك يا راعي الموضوع ... وعليك باللي قالوه لك اخوانك ... قراءة سورة البقرة واذكار الصباح والمساء ...

[ودي أكون]

اخذ ماي مقراي أخوي ورشه على كل زاويه فالبيت .. يعني زوايا الطابق اللي فوق .. واللي يرش يكبر ويقول .. (( والله نسيت الكلام اللي لازم اتقوله تبي بسألك اليوم .. )) هو شي جي يعني (( استحلفكم بالله الذي لا اله الا هو أن تخرجوا من هذا البيت ولا تضروا احد ..... )) هو شي جي اخوي تبي بسالك إن شاءالله ..

وتقرا البقره 3 أيام في البيت ..

عقبها باذن الله البيت مابيكون في شي .. وان في شي ماراح يزعجونكم او يضرونكم ..


لان السالفه نفسها صارت حق هلي فالامارات .. وولدهم راح عند مطوع وقاله لمطوع نفس الكلام اللي قلته لك .. والحمدالله اللحين هلي من سنين فالبيت ولا في شي ..

[بو الطيب]

ياينك ينانونه بدو

عطيهم حليب ارجاب وتمر وخبيص وابشر ههههههههههههههههههههههههههههههههههههه

[meme~qatar]

الله يستر عليكم وعلينا

[OTOsan]

بووووووووو:eek5:

كاسبر .. اكيد كاسبر :eek5:



الله يكون في عونك اخوي ممنوع اللمس .. ويعطيكم العافيه على هالتوجيهات !!

-----> خواف من قلب !!!

[شيط ويط]

احرق البيت وفك عمرك :secret:

اتغشمر اخوي .. بس شوف لك مطوع وان شاء الله يقدر يفيدك بهالسوالف

والله يحفظنا ويحفظكم

[Arab!an]

في بيتنا القديم تميت سنين اعاني من هالامور .. وكانت واضحه جدا

وعودت نفسي بالاخير وتعودت ..

خصوصا بين النوم والصحو .. اول شيء يكون الصوت او الجسم بعيد وغير واضح او غير مفهوم .. وبعدين يصير اوضح واقرب .. وبعدها لو صحيت نفسي وصرت صاحي 100 المية .. بعد يبقى مثل ماهو

احيانا يكون هالشيء لاهي / لاهية في اشياء ثانية .. واحيانا يتجه/تتجه لي ويكون في احتكاك او تواصل مباشر ..

بس العزاء الوحيد اني اذا قمت من النوم ما احس في شئ وانسى الموضوع


عموما اخوي .. هل حالتك مشابهه لي ؟ يعني اذا قمت من النوم ماتتذكر الموضوع ؟

اذا كنت كذلك فماعليك الا انك تتجاهله وصدقني بيصير الموضوع عادي جدا ..


طبعا لازم تكثر قراءة القرآن والذكر .. هذا شئ لابد منه

[نجم سهيل]

ياينك ينانونه بدو

عطيهم حليب ارجاب وتمر وخبيص وابشر ههههههههههههههههههههههههههههههههههههه

هههههه احنا أولى منهم

اللع يعينك يخوي .. أذكر ان الماي المقري في زوايا البيت والأذان وقراءة البقرة لطرد الجن منه

هذا والله أعلم

[شمعة الدوحه]

يالله سترك :eek5:

انا عادي استخف :rolleyes2:

عليك بالمعوذات تقراها الصبح والمغرب

والله يكون بعونكم :(

[@محمد@]

السلام عليكم ورحمة الله وبركاته ..
اخواني احنا بيتنا طابقين الطابق الارضي مافيه اي شي بس الطابق الثاني فيه افلام هنديه
اصوات غريبه ونشوف اشياء ما تخطر عالبال بس الغريب ان اخواني وانا للحين ننام فوق وعادي ولا كأنه صاير شي
بس الموضوع زاد عن حده لين امس
شريت مسجل ومشغل سورة البقره قالو لمدة 40 يوم ومن زماان واحنا نشغله بس احيانا نلقا المسجل مفصول بروحه من الكهربا :eek5:
بس بالامس صار لي شي في غرفتي بصراحه طير قلبي من مكانه :eek2:
يا جماااااااااعه ابي حل يعني مطوع يجي يقرا عالبيت او شنو اسوي حد يفهمني
ولو حد يدل شيخ يقرا عدل وكذا يدليني وين مكانه ورقمه وجزاكم الله خير

اقطعوا وأمنعوا الاغاني في البيت وأكثروا الصلاة وقراءه سوره البقرة وتنظيف الطابق الثاني وتشغيل المسجل لسورة البقرة وسور من القرأن الكريم والمحافظة على الطهارة والايمان بالله والبعد عن الوساوس وستجدين النتيجة بأذن الله وان استدعى الامر أستشيروا شيخ عالم

يقول ابن عباس رضي الله عنهما: كنت خلف النبي صلي الله عليه وسلم يوما أي علي دابته فقال لي: "يا غلام إني أعلمك كلمات: احفظ الله يحفظك. احفظ الله تجده تجاهك. إذا سألت فاسأل الله وإذا استعنت فاستعن بالله واعلم أن الأمة لو اجتمعت علي أن ينفعوك بشئ لن ينفعوك إلا بشئ قد كتبه الله لك. وإن اجتمعوا علي أن يضروك بشئ لن يضروك إلا بشئ قد كتبه الله عليك. رفعت الأقلام وجفت الصحف".

[بـــــــنت النوخـّــــذه]

من قريت الموضوع وانا قمت اوسوس فالليل واطلطل 00000

بس بشر اخوي حصلت حل ؟؟؟؟؟؟؟؟؟؟؟

[لوليتا قطر]

يمة والله شي يخررع الله يعينكم انشاااء الله

[ممنوع اللمس]

امس شغلت القرآن بصوت عالي فوق سورة البقره
وكنت مداوم وقلت لإخواني لحد يلمس المسجل
الصبح جيت لقيت المسجل طافي سألت الاهل قالو محد لمسه
واخوي امس يقولي حسيت في حد فالغرفه معاي ويتحرك وقالي اشياء ما تنقال
كنت بتصل للدعوه والارشاد بس الوالد قال بيجيب مطوع معروف وان شاء الله خير

[ممنوع اللمس]

في بيتنا القديم تميت سنين اعاني من هالامور .. وكانت واضحه جدا

وعودت نفسي بالاخير وتعودت ..

خصوصا بين النوم والصحو .. اول شيء يكون الصوت او الجسم بعيد وغير واضح او غير مفهوم .. وبعدين يصير اوضح واقرب .. وبعدها لو صحيت نفسي وصرت صاحي 100 المية .. بعد يبقى مثل ماهو

احيانا يكون هالشيء لاهي / لاهية في اشياء ثانية .. واحيانا يتجه/تتجه لي ويكون في احتكاك او تواصل مباشر ..

بس العزاء الوحيد اني اذا قمت من النوم ما احس في شئ وانسى الموضوع


عموما اخوي .. هل حالتك مشابهه لي ؟ يعني اذا قمت من النوم ماتتذكر الموضوع ؟

اذا كنت كذلك فماعليك الا انك تتجاهله وصدقني بيصير الموضوع عادي جدا ..


طبعا لازم تكثر قراءة القرآن والذكر .. هذا شئ لابد منه
والله العظيم هالشي جآني في بداية الأمر واخوي نفس الشي
المشكله انا خايف على هاليهال لان يحبون يروحون فوق وانا امنعهم

[حقيقه]

أتوقع بسبب البناء التجاري اللي تظهر عيوبه بعد فتره
ومن ضمن هالعيوب الديكور اللي بفعل تغير الجو من بارد لحار لرطب
يتمدد وينكمش الجبس فتسمعون أصوات غريبه تظهر بفعل هالاشياء
فتظن انه البيت مسكون

بس افحص الديكور عندك وتحمل ممكن يطيح فجاه بسبب نوعيته التعبانه

[ممنوع اللمس]

أتوقع بسبب البناء التجاري اللي تظهر عيوبه بعد فتره
ومن ضمن هالعيوب الديكور اللي بفعل تغير الجو من بارد لحار لرطب
يتمدد وينكمش الجبس فتسمعون أصوات غريبه تظهر بفعل هالاشياء
فتظن انه البيت مسكون

بس افحص الديكور عندك وتحمل ممكن يطيح فجاه بسبب نوعيته التعبانه

لا والله يالغالي البناء تمام التمام والحمد لله والجبس وغيره كله فوق الاوكي
اقولك نشوف بعيونا :eek5: والموضوع وصل للمس

[بوراشد77]

الشيخ انا عندي ارقام عدة مشايخ متخصصين بالرقية الشرعه

[ممنوع اللمس]

بو راشد اكتبها لنا عالعام علشان الكل يستفيد

[بوراشد77]

اذا تبي ارقام مشايخ اتصلي 5720022

[بوراشد77]

الشيخ محمد مهدي/ يمني المرخيه ت:5238906
الشيخ عبدالعزيز محمد / سوداني الخريب ت: 5276775
الشيخ عبدالرحيم الحوري /يمني معيذر ت: 5216959
الشيخ نذير الخربه / جزائري بن عمران ت: 5833274
الشيخ هشام محمد / مصري م.خليفة الشمالية ت : 5316102
الشيخ يحيى الفاتحي / يمني الريان الجديد ت :5365785
الشيخ عبدالكريم الحميري / يمني معيذر ت: 5651299

[ممنوع اللمس]

جزاك الله خير اخوي بو راشد ماقصرت والله يوفقك

[بوراشد77]

ويجزاك خير أخوي

[حقل الشمال]

لاتخاف وتوكل على الله ............... والاخوان مب قصرين

[درب السعادة]

السلام عليكم

اخوي الله يعينكم .... بس بصراحة رد الاخ Arabian عجبني .... التطنيش التطنيش ... بس شلون التطنيش اقول لك ....

أولا : لا تذكرونهم اطلاقا يعني تعودوا على الموضوع كانه شي عادي ..... ليه ؟ لان حياتهم وروح قلبهم بس تطريهم بينك وبين نفسك تخيل ..... يتحلقون حولك مثل الاوكسجين .......

طبعا ما تقدر تشيلهم من مخك في البدايه لكن عدم جعل الحديث فيهم عادة يومية ... لا ... وبعدين اخي الكريم والله ما تدري رب ضارة نافعه .... يمكن اللي حاصل يدفعكم للاكثار من قرائة القران والحفظ والتلاوة والتفكر في خلق الرحمن .....

طبعا قراءة القران ما تكون بنية الطرد فقط .... لا تكون بنية التفكر في الايات والتامل علشان تصرفهم عنك ...

الاطفال لا تخاف عليهم ترى ما رح ياذونهم اذا صادفوهم لا يا بوي ... لو السالفه سحر وتسليط بيأذونهم لو نايمين في أحضانكم طال عمرك ....

الظاهر البيت فيه سحر وهاذول العمار محركهم السحر ........ يعني يبي للك انت والكبار اللي في البيت كلكم تختمون المصحف وتشغلون سورة البقرة ... وتحاولون جلساتكم يكون فيها ذكر وتسبيح واستغفار ...

أكثروا من ذكر الله وقللوا من ذكرهم وسوف يتركونكم بأذن واحد احد ....

الموضوع بيخلص تدريجي مو في يوم وليلة مثل القصص والافلام ......

الله يفرج همكم أن شاء الله ويستر عليكم ......


تحياتي اخوي .......

[ممنوع اللمس]

جزاك الله اخوي درب السعاده وماقصرت والله يحفظك ويحفظ جميع المسلمين وماقصرت والله

[درب السعادة]

السلام عليكم مرة ثانيه

اخوي في شي طبقته أحدى الاخوات اللي اعرفهم وما شاء الله كانت النتيجة مذهله ......

خل المدام تتولى الموضوع أو انت ...... مو مشكله

واحد فيكم يقعد في غرفه بروحه ويقرا سورة البقره كامله وآيات السحر والعين كلها في جلسة واحده ... الموضوع ممكن ياخذ ساعه ونص او اكثر ..... ويكون حاط ايده اليمين في سطل متروس ماي وفي اليد الثانيه يمسك المصحف او الايات ....

المهم بعد الانتهاء من القراءة ينفخ في الماي ايضا وتفرش سماط علىى الارض وتخلي كل افراد الاسره الكريمه يغتسلون بالماي كلهم ...... طبعا الكلام هذا في الحجرة مو في الحمام ..... وبعد ما يغتسل كل افراد المنزل تاخذ الماي وتكبه برا البيت .....

وتاخذ بعض الماي المقروء وترش فيه كل زوايا البيت والاسرة وكل شي داخل البيت ......

اللي سوت الطريقه هاذي مع الثقة الكاملة بقدرة الله سبحانه تعالى واستحضار نية الشفاء تم علاج الاسرة بكاملها وكانت الاشاره على زوال السحر او العين انفجار ثريا وانكسار اكثر من مرآة في البيت في نفس اللحظة التي تم فيها ختم القراءة

بالتوفيق اخوي ......

[zeknon]

هلا اخوي الله ايحفظك البيت للبيع ترى حاضرين احنا نشترى وانا اتفاهم مع الجني
وان ماطلع بالطيب يطلع بالقوة

[بنت ابوها 19]

الله يعينكم ياخوي


عليكم بالبقره بصوت شخص من البيت الافضل
وكثرو من سورة الكرسي


لكن اخوي حطو في بالكم من المتحيل ان يرا الانسان الجن بالعين المجرده
تراها كلها اوهام وافلام وهنديه
يمكن يتمثل لك بشكل قطوه ولا اي شي
لكن مستحيل تتخيله انه مر عليك ولا تلمح حد وراك
كلها اوهام وخرفات

[مرحوم قطر]

الشيخ تكفا ابي اشوفهم

استانس لما اسمع سواليف مافي زينه صوب ام الحول ولا ام تيس وهلاماكن


شوف الشيخ

يبلك شيخ يقرى في البيت وان شاء الله بتكونون بخير

[STAR]

لا والله يالغالي البناء تمام التمام والحمد لله والجبس وغيره كله فوق الاوكي
اقولك نشوف بعيونا :eek5: والموضوع وصل للمس

اللمس والا المس؟؟؟

اخوي الله يعينك وطمنا معاك آخر التطورات

[qtrose]

عليك بسورة البقرة . إختي كانت تعاني من نفس مشكلتك

تقول: لما شغلت سورة البقرة ، ما عادت تشوف شي أو تسمع

أي صوت. وتقول انها من بعد ما قامت تشغل سورة البقرة

باستمرار صارت تشم ريحة طيبة بالبيت، سبحان الله ،،،

و الحمد لله على كل حال .

[مزايين]

عليك أخوي بأذكار الصباح والمساء

وجرب اقرأ سورة البقرة انت أو حد من أهل البيت ( واللي يقرأ ينفخ في ماي ) وبعد ماتخلص رش كل زوايا البيت والمكان بهل ماي ( طبعا عدا الحمامات ....تكرمون )
وحاول تخلي هل طريقة عادة كل عقب مدة تسويها ......سبحان الله تحس انها تحفظ البيت باذن رب العالمين وتحس براحة

والله يحفظكم ويحفظ جميع أمة سيدنا محمد صلى الله عليه وسلم

[بنت قطر202]

الصراحة الله يعينك ..
في بيتنا القديم كنت راجع البيت الساعة 2 في الليل
بدلت ثيابي ودخلت الحمام وانتوا بكرامة وطفيت ليتات الغرفة طبعاً الغرفة خرمس يعني ظلام من قلب ماتشوف صبعك
وانا على السرير اسمع صوت قطو قلت هذا الصوت برع الغرفة اشوي
اشوف الصوت قرب قلت قطو في غرفتي قلت وين جاي هذا القطو على طول حطيت في بالي يمكن الخدامة ناسيه البيت مفتوح ودخل القطو الغرفة قمت من السرير فتح اليتات ادور القطو شفت القطو قاعد في زاويه الغرفة قطو اسود وعيونه تلمع قمت فتح الباب وكشيته وطلع من الغرفة وسكرت الباب بس كان شعر جسمي موقف تعوذت من الشيطان ورقت والحمدلله


:eek5::eek5::eek5::anger1::anger1::anger1::anger1:

والله انت مع سالفتك أمس بليل مابغيت أنام من الخرعه تذكرت السالفه
لا وابشرك حلمت بجني يقول ميوووووووووووووو ،،

[دلة الرسلان]

ياراعي الموضوع اشرايك لو( سكن ) يعني جن بيتكم منزلين موضوع في منتداهم (منتدى

الجن العام ) بهذا العنوان:

يآجمآعه نبغي حل..البيـت مسـكوٍن :vampire:

[دريمز]

لاحول

[شموخ وبس]

امبيه 0000 انا بعد جفت الهوايل 0000 بس احاول اسوي نفسي قويه 000 وتراهم يخافون منا 000 عليك بالقران 000 والله يحفظكم

[أخت الغالي]

أخووووي يمكن عادي اذا مايضرون أحد

بيت الجيران كذا صدق يشوفون بنوتة صغيرة فليل تبتسم لهم وتروح وترجع بس عادي مايضرونهم وكذا بيت خالتي يفتحون باب السطح ويرقعونة ويسمعون أصوات بس مافية شي ..

[راعي الدتسن]

والله انه امس قاعد اتمشى في الحوش الساعه 1 في الليل ..
الا اشوف ذاك القطو الاسود فوق السطح؟؟؟قاعد يتمشى عالسور الي فوق ..... حط رجلك ياراعي الدتسن..
اشلون طلع لين فوق ..الله واعلم ..

تتوقعون هاي وشو ..؟

[ودي أكون]

والله انه امس قاعد اتمشى في الحوش الساعه 1 في الليل ..
الا اشوف ذاك القطو الاسود فوق السطح؟؟؟قاعد يتمشى عالسور الي فوق ..... حط رجلك ياراعي الدتسن..
اشلون طلع لين فوق ..الله واعلم ..

تتوقعون هاي وشو ..؟

انت متأكد ان قطو مو أسد :eek5:

يمكن زحف ع بطنه لين فوق :)


والله حاله مع هالردود :tease:

[راعي الدتسن]

انت متأكد ان قطو مو أسد :eek5:

يمكن زحف ع بطنه لين فوق :)


والله حاله مع هالردود :tease:


لا مب اسد لبوه :tease:

[فتوون]

يمكن المشكله في صبغ الغرفه غير لون صبغ غرفتك

[ممنوع اللمس]

انا صبغ غرفتي أحمر غامق على ذهبي؟ هالشي له خص يعني ؟ وفي ناس واجد صابغين نفس هاللون وماشكو من شي
والغرف الثانيه طيب شدخلها ولونها غير

[(الفيصل)]

http://www.bdwiqatar.net/files/5ypluaqr6d4xl3b4hzzm.jpg (http://www.bdwiqatar.net/)
خفتوا ؟؟؟
الجن يخاف منكم أكثر :)

رقاة شرعيين (معتمدين في الدولة)
5276775 الخريب 761 سوداني عبدالعزيز محمد عبدالله 1
5651299 معيذر الشمالي 987 يمني عبدالكريم غالب الحميري 2
5249087 الغرافة 260 مصري محمد كمال شعبان 3
5867022 المرخية 1025 يمني محمد مهدي الحمودي 4
5833274 بن عمران 224 جزائري نذير الخربه 5
5316102 مدينة خليفة الشمالية 561 مصري هشام محمد عبدالحليم الكدش 6
5365785 الريان الجديد 751 يمني يحيى أحمد ناجي الفاتحي 7
5297217 الهلال 703 مصري عمر محمد حنفي إبراهيم 8
5216959 خريطيات 219 يمني عبدالرحيم عبده محمد الحوري

[فتوون]

اللون الأحمر خطير غيره تحبه الينانوه

[نورالهدى]

لاحول ولا قوة الا بالله العلي العظيم
الله يحفظكم ويفرج همكم
وينصركم
اخوي لا تأخروا من الاتصال بالجهات المختصة
لا تسكتون ولا تنتظرون طالما وصل الموضوع اللمس
وخلوا الليتات كلها امبطلة
وطمنا عنكم
ودائما رددوا بسم الله الذي لا يضر مع اسمه شيء في الارض ولا في السماء وهو السميع العليم

[بوحارب]

اذا تبيني اجي اقرى حاظرين لك اخوي بس اذا زادوا الشيسمونهم مالي خص هههههههههه

اعوذ بالله <<< خاف

[روعة الجوري]

دامكم في الشحانية خل الشيخ عبدالعزيز محمد اللي في الخريب يجيكم يقرا في بيتكم

[اعالي الجنان]

عش حياتك طبيعي ولاتلتفت لاي تصرف منهم لانك لو عطيتهم اهتمام يزيدون
الين يومنا هذا وهم عايشين معانا بالبيت واكثر من يشوفهم انا اما عيالي فينادون عليهم باساميهم ويجون عندي يمه انتي ناديتيني؟
اقول لهم اي وامشي الموضوع معاهم
عليك بسورة البقره كل 3 ايام ولو تركب بالبيت سماعات تخلي صوت القران يمر لكل غرفه يكون افضل

[khalid 88]

يمه :(

بنت خالتي نفسكم الملحق اللي هي فيه مسكون تقول مره كنت راقده واسمع صوت لعبه ولدها سياره صغيره تشتغل تخيل بنص الليل وقام زوجها يشوف السياره لقى السياره مافيها بطاريه اصلا شلون اشتغلت بنص الليل من نفسها @@ ماشاء الله عليها بنت خالتي قويه والقران 24 ساعه في ملحقهم

والله اني خفت يوم تذكرت السالفه الحييين :(




اختي الفاضلة

بالنسبة للعلبة التي تقولين عليها حص معي نفس السالفة

بحكم خبرتي البسيطة بالاكترونيات فالالعاب الصينية تستعمل دوائر الكترونية جدا رديئة ومكشوفة غير مغطاة بمادة عازلة فهي حساسة جدا بحيث ان المكثف الكيميائي والاكتروني داخل اللعبة يعمل بعد فترة على تخزين اي كهرباء ولو كانت ساكنة في الهواء من جراء كيبلات الكهرب داخل الجدار مما يجعل اللعبة تعمل بدون بطارية

والله اعلم

[فيصـــل]

الشيخ نفس الموضوع حصل معانا تقريبا

الاهل كانوا يشتكون في ان فيه اصوات ويحسون بحركه في الدور الثاني وبعض الغرف

جبنا احد المشايخ ( اظن اسمه حسن ) وقرى عالماي وشلنا جميع الالعاب والصور او اي شي على شكل مخلوق

والقرآن ولله الحمد 24 ساعه شغال فوق وتحت ( خاصه سورة البقره ) ورشينا الماي المقري عليه في جميع زوايا البيت من برع ومن داخل وكل الغرف ولله الحمد مانعاني من اي مشاكل

اخوي الجن موجودين بينا ومحد ينكر هالشي لكن عدم التعرض لهم والاكثار من الادكار ووسورة البقرة راح تكون مثل حاجز بينك وبينهم بإرادة الله سبحانه

اهم شي اليقين التام بان الله عز وجل هو الحافظ وهو الوحيد القادر على ابعادهم عنكم

وماتشوفون شر

[واقعي وصريح]

اهم شي تنام على طهارة اخوي

[alrheeb2020]

الصراحة الله يعينك ..
في بيتنا القديم كنت راجع البيت الساعة 2 في الليل
بدلت ثيابي ودخلت الحمام وانتوا بكرامة وطفيت ليتات الغرفة طبعاً الغرفة خرمس يعني ظلام من قلب ماتشوف صبعك
وانا على السرير اسمع صوت قطو قلت هذا الصوت برع الغرفة اشوي
اشوف الصوت قرب قلت قطو في غرفتي قلت وين جاي هذا القطو على طول حطيت في بالي يمكن الخدامة ناسيه البيت مفتوح ودخل القطو الغرفة قمت من السرير فتح اليتات ادور القطو شفت القطو قاعد في زاويه الغرفة قطو اسود وعيونه تلمع قمت فتح الباب وكشيته وطلع من الغرفة وسكرت الباب بس كان شعر جسمي موقف تعوذت من الشيطان ورقت والحمدلله


ذكرتني يوم كنت ف بريطانيا ..

كان اول يوم لي اسكن عند العايله ووصلت فليل ..

عاد يوم جيه وقت الارقاد الليتات مسكره والباب مفتوح اشوي ..

عاد فجأه ولا اجوف شي يتحرك فالغرفه وعين تلمع :eek5::eek5:

عاد قحصت اجوف شسالفه !! :omg:

طلعت قطوة العايله املغه :anger1::anger1:

عقب طردتها وصغرة فتحت الباب :nice:


والله يعينكم عالجن ..

[بنت قطر202]

انا صبغ غرفتي أحمر غامق على ذهبي؟ هالشي له خص يعني ؟ وفي ناس واجد صابغين نفس هاللون وماشكو من شي
والغرف الثانيه طيب شدخلها ولونها غير


وانا بعد نفس لون غرفتك ؟؟ ليش تقلدني؟؟؟ :tease::tease:

بس لون الغرفه مالها خص ،، انزين شالحل؟؟
انا اذكر من سنتين تقريباً وانا في عز نومي إلا وانقز من مكاني تدرون ليش جااااااااااااااااني طراق على إذني ويوم شفت وجهي في المنظره صاير صوب اذني احمر بس مافي شيء عورني وطبعاً صوت ويييييييييييييييييييييييييييييييص تم في إذني يوم كامل..

قالو لي شغلي صورة البقره وشغلتها والقرآن عند راسي وقالو بعد انثري ملح فارسي مقري فيه في الغرفه ،، كل هاااااااااااااااااي وماتغير شيء بين فتره وفتره يصير شيء في الغرفه ،، وتعودت على الي يصير... وأوقات أشوفهم مره شفت ياهل ومره شفت واحد واقف على راسي طالعته وكان معصب طبعاً أنا مب بطله أكيد تخرعت وماقدرت أتحرك بس اقوي نفسي بذكر الله ويختفون ...

[هبة ريح]

أتوقع بسبب البناء التجاري اللي تظهر عيوبه بعد فتره
ومن ضمن هالعيوب الديكور اللي بفعل تغير الجو من بارد لحار لرطب
يتمدد وينكمش الجبس فتسمعون أصوات غريبه تظهر بفعل هالاشياء
فتظن انه البيت مسكون

بس افحص الديكور عندك وتحمل ممكن يطيح فجاه بسبب نوعيته التعبانه

وهاللايام الناس يشتكون من الفيران والاصوات الغريبه اللي تسببها و تكون داخله مع الديكور,, يمكن هالاصوات اللي يسمعها اخونا من هالاشياء

[جادووور]

اقتباس
المشاركة الأصلية كتبت بواسطة ممنوع اللمس
لا والله يالغالي البناء تمام التمام والحمد لله والجبس وغيره كله فوق الاوكي
اقولك نشوف بعيونا والموضوع وصل للمس
00000000000000000

وانت ممنوع اللمس ماخافوا منك اشلوون لو اسمك غييير ويش راح يسوون فيك

انزين عندي اقتراح ايش رايك تاجر لي الدور العلوي من البيت وانا بتكفل فيهم

البيوت الكبيره والغير مسكوونه اكيد راح يسكنون فيها الينانوه

على العموم نصائح اخواني واخواتي الاعضاء سليمه في تشغيل القراءن الكريم في البيت الله يصرفهم عنكم

[ممنوع اللمس]

جزاكم الله خير وقريت كل الردود
طلعت مو بس انا اعاني
كل ما اقول لحد السالفه يقولي تبيع البيت بمليون واللي يقول بمادري كم بيت شكبر وتعبان عليه اخرتها ابيعه برخيص
والله لو اناسبهم بس مابيعه خخ
الوالد كلم شيخ وبيجي عن قريب

[alrheeb2020]

:nice:
جزاكم الله خير وقريت كل الردود
طلعت مو بس انا اعاني
كل ما اقول لحد السالفه يقولي تبيع البيت بمليون واللي يقول بمادري كم بيت شكبر وتعبان عليه اخرتها ابيعه برخيص
والله لو اناسبهم بس مابيعه خخ
الوالد كلم شيخ وبيجي عن قريب


يبط جبدي اللي يستغل الازمه ويقولك اتبيع لي البيت !!

صج عبيط .!!

يعني احين تبيه عون يسير لك فرعون .!!

الله يوفقكم ويفكم من الينانوه ..

هههه عالعموم اذا نويت على وحده اخطب لي اختها ..

[ممنوع اللمس]

:nice:


يبط جبدي اللي يستغل الازمه ويقولك اتبيع لي البيت !!

صج عبيط .!!

يعني احين تبيه عون يسير لك فرعون .!!

الله يوفقكم ويفكم من الينانوه ..

هههه عالعموم اذا نويت على وحده اخطب لي اختها ..
هههههههههه تسلم عالرد والله انك صدقت
وابشر بالعروس

[جهام]

ياخوي ترا كلام حقيقه اقرب للصحيح البنيان تجاري واي كلام ويمكن انكماش وتمدد وتسرب المياه من الحمامات الله يكرمك له دور .....

[STAR]

للأسف وصلوا لدرجه أنهم يساومونك عالبيت‏!‏‏!‏

[ممنوع اللمس]

اخوي جهام الله يرضى عليك البنيان مب تجاري وانا عمي راعي شركة عقارات ولو تجاري معروف يالغالي
البنيان اصلي ومكلفني شي وشويات يعني مبلغ كبير وبعدين لو الموضوع متعلق بالاصوات بقول اوكي صوت وخلاص بس اقولك اشياء تمر قدامك وللعلم لين قبل شوي وربي صار شي بس مشيت على كلام الاخوان اني اطنش واقوي قلب
ستار اي والله ناس واجد ساوموني عليه بس مابيعه لو شنو يسير لو اربي عيالهم بس مابيعه

[Petroleum]

متابع على مضض
بس في اعضاء عسل بصراحة :nice:

كله بصوب و اليني اللي ماسلم بصوووب :waiting:

في قصه دايما ابوي الله يرحمه كان يقولي اياها


كانت عائلة من الجن تسكن في داعوس من دواعيس البدع " منطقه بالدوحة للي مايعرفون"
، مر عليهم واحد ، فقال كبيرهم لصغيرهم روح و البس الآدمي ذي ، راح و رجع ، اسألوه ليش ماتلبسته ؟
قال حاولت و ماقدرت ، قالوله جان دخلت من ريله " قال ياصل ارحامه "
قالوله جان دخلت من عينه " قال يغض بصره"
قالوله جان دخلت من بطنه " قال ماياكل إلا حلال"
قالوله جان دخلت من جفه يعني كفه " قال يتصدق بيمينه باللي ماتعرفه شماله "
قالوله جان دخلت من حلجه " قال ما يذكر الا طيب"
قالوله جان دخلت من اذنه " قال ما يسمع الا طيب"
قال كبيرهم " اقعد مالك فيه سبيل "

* وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ * صدق الله العظيم
هل قال رب العالمين إلا ليتهاوشون :fight: او ليلبس بعضهم بعضا :wizard: ؟ كلا بال ليعبدون

تقبلو تحياتي

[هذلان]

متابع على مضض
بس في اعضاء عسل بصراحة :nice:

كله بصوب و اليني اللي ماسلم بصوووب :waiting:

في قصه دايما ابوي الله يرحمه كان يقولي اياها


كانت عائلة من الجن تسكن في داعوس من دواعيس البدع " منطقه بالدوحة للي مايعرفون"
، مر عليهم واحد ، فقال كبيرهم لصغيرهم روح و البس الآدمي ذي ، راح و رجع ، اسألوه ليش ماتلبسته ؟
قال حاولت و ماقدرت ، قالوله جان دخلت من ريله " قال ياصل ارحامه "
قالوله جان دخلت من عينه " قال يغض بصره"
قالوله جان دخلت من بطنه " قال ماياكل إلا حلال"
قالوله جان دخلت من جفه يعني كفه " قال يتصدق بيمينه باللي ماتعرفه شماله "
قالوله جان دخلت من حلجه " قال ما يذكر الا طيب"
قالوله جان دخلت من اذنه " قال ما يسمع الا طيب"
قال كبيرهم " اقعد مالك فيه سبيل "

* وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ * صدق الله العظيم
هل قال رب العالمين إلا ليتهاوشون :fight: او ليلبس بعضهم بعضا :wizard: ؟ كلا بال ليعبدون

تقبلو تحياتي

مشاركتك قيمه جدا جدا جدا

جزاك الله خير و رحم الله والدك رحمه واسعه

[Petroleum]

مشاركتك قيمه جدا جدا جدا

جزاك الله خير و رحم الله والدك رحمه واسعه

اللهم آمين

[الخارجية]

ذكرتني يوم كنت ف بريطانيا ..

كان اول يوم لي اسكن عند العايله ووصلت فليل ..

عاد يوم جيه وقت الارقاد الليتات مسكره والباب مفتوح اشوي ..

عاد فجأه ولا اجوف شي يتحرك فالغرفه وعين تلمع :eek5::eek5:

عاد قحصت اجوف شسالفه !! :omg:

طلعت قطوة العايله املغه :anger1::anger1:

عقب طردتها وصغرة فتحت الباب :nice:




والله يعينكم عالجن ..
جزاك الله خير على التعليق الحلو
بس انت قطو العائلة ... واحنا في بيتنا ماعندنا قطاوه ما ادري ايش اسمونه القطو اللي ليقيته في غرفتي

[الخارجية]

:eek5::eek5::eek5::anger1::anger1::anger1::anger1:

والله انت مع سالفتك أمس بليل مابغيت أنام من الخرعه تذكرت السالفه
لا وابشرك حلمت بجني يقول ميوووووووووووووو ،،
تدرين ليش لا تحطين الشي في بالج .. توضي وسورة الكرسي .. وان شاء الله ما اتحلمين في شي بعد اليوم :funny::funny::funny:

[لاجل QT]

بشر ياراعي الموضوع انشالله اطلعو:eek5:

[البيرق]

انفضحتوا
جريدة الشرق كتبوا مقال عن بيتكم المسكون
وزادو البهار بانهم وضعوا صورة الجنية ههههههههههه
السالفة بسيطة اقرا القران اخر العصر الى المغرب كل يوم وبتفتك منهم
ولاتنسى لاتخاف منهم ثراهم جبناء

[دكتورة روح]

صح توني قارية الموضوضع في الجريدة
قلت شسالفه ؟

[فيصـــل]

متابع على مضض
بس في اعضاء عسل بصراحة :nice:

كله بصوب و اليني اللي ماسلم بصوووب :waiting:

في قصه دايما ابوي الله يرحمه كان يقولي اياها


كانت عائلة من الجن تسكن في داعوس من دواعيس البدع " منطقه بالدوحة للي مايعرفون"
، مر عليهم واحد ، فقال كبيرهم لصغيرهم روح و البس الآدمي ذي ، راح و رجع ، اسألوه ليش ماتلبسته ؟
قال حاولت و ماقدرت ، قالوله جان دخلت من ريله " قال ياصل ارحامه "
قالوله جان دخلت من عينه " قال يغض بصره"
قالوله جان دخلت من بطنه " قال ماياكل إلا حلال"
قالوله جان دخلت من جفه يعني كفه " قال يتصدق بيمينه باللي ماتعرفه شماله "
قالوله جان دخلت من حلجه " قال ما يذكر الا طيب"
قالوله جان دخلت من اذنه " قال ما يسمع الا طيب"
قال كبيرهم " اقعد مالك فيه سبيل "

* وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ * صدق الله العظيم
هل قال رب العالمين إلا ليتهاوشون :fight: او ليلبس بعضهم بعضا :wizard: ؟ كلا بال ليعبدون

تقبلو تحياتي



لافض فوك

جعل ابوك ومن يسمع في الجنه

كلام من ذهب في ذمتي .. ومابعده كلام

[مشغولة البال]

http://www.up-00.com/s3files/YXS79197.bmp

[بوجاسم 75]

بخرو البيت بالشبة والسويدة
وانثر حول البيت ثوم مطحون وانت تقرأ صورة الناس والبقرة وهذا بعد صلاة المغرب
وربك الحامي قو قلبك بايمان والرحمان

أعترض بشدة على كلام اخوي ولد الجابر