تسجيل الدخول

مشاهدة النسخة كاملة : اول مره اروح تايلاند


مستثمر مبتدئ
24-01-2010, 10:38 PM
السلام عليكم ناوي مع رفيجي نروح تايلاند سياحة وبصراحة اول مره نروح ومب عارف اسوي جدول مرتب للرحلة فاللي عنده خبره لايقصر معاي

موعد السفر 6/2/2010 والعودة 16/2/2010 يعني 10 ايام وشكرا لكم
القيادي
24-01-2010, 11:22 PM
الله يوفقكم ويسعدكم , تايلند فعلا بلد السياحة وشعبها طيب ونشالله راح تستانسون بشرط اترتبلكم جدول يومي للرحله ماتكون سياحتكم عشوائيه نفس مانسوي قبل انسافر وذا وصلنا انرتب وهذا غلط المهم اخوي انصحك بجزيرة بكويت شي خيال وهذا مكتب للسياحه ورخييص وهو الي بخيرك بعدة برامج سياحيةبين الجزر وغيرها وغيرها واااجد وهذا رقم صاحبة المكتب (076292147) وذا تبي معلومات اكثر دش على موقع المسافرون العرب بوابة آآآسيا وبالتوفيق
مستثمر مبتدئ
26-01-2010, 09:37 AM
للرفع
Amigo
26-01-2010, 10:51 AM
الغالي تايلند مايبيلها جدول
بس اول ماتوصل احجز فندق من المطار
حق بوكيت (انصح بفندق تارا باتونج) وعلى طول روح المطار الداخلي ورووح بوكيت
وعقب ماتوصل بالسلامه بوكيت اطلع تمشى في السوق في باتونج بيتش
بتحصل مكاتب صغار حق الرحلات والطلعات
وشوف الي تبيه وخطط له وتطلع له ثاني يوم وكل يوم نفس الشي :victory:
الدوسري قطر
03-02-2010, 12:49 AM
انا افضل انك تشوف وين الاماكن السياحيه والترفيهيه والمجمعات وتروح لها عشوائي بدون جدول
لان الرحلات الي كذا تكون افضل بألف مره من الي تخطط لها

بتكونون هناك في نفس الوقت الي بنروح فيه :)
الراقية
04-02-2010, 03:08 PM
اقترح انك
أول ما تنزل المطار تحجز على بوكيت

لانها جد روعة
اقترح لك فندق هوليدي ان وتحجزة من مطار بوكيت وتاكد على الغرف اللي تكون الشرفة من تفتحها تنزل بدرج لبركة السباحة
لان جد روعة
ومثل ما قالوا لك
الرحلات روعة وخاصة للجزر راح تنبسط فيها كثير مثل رحلة في في -او جيمس بوند
وغيرها تقدر تشوف لك اي مكتب
واقترح عليك
مكتب العجوز اول ما تطلع من صالة المغادرين على يدك اليمين صراحة حجوزاتها روعة ولو صار لك ظرف ترجع فلوسك وتقدر تتقاصص معها بالنسبة للرحلات البحرية

أما المغامرات مثل الدراجات والبانشي وغيرها فاقترح المكاتب القريبة من الفندق في شارع الباتونج

المنطقة بحرية وانشطتها تونس روعة
سكوترات رحلات مغامرات يعني شي يشوق

ولاتنسى المساج لايفوتك ودوم دور الغالي والراقي واياك من الكشكااااات الرخيصة

واعتقد 5 ايام كفيلة ب بوكيت
والباقي تقدر عاد انت تقسمها مابين شانغ ماي او اي منطقة ممكن ينصحونك بها الاخوان والاخوات

لاني زرت بوكيت وبانكوك
واعتقد العاصمة تسوق اكثر


نصيحة لك :
عدم ترك الصلاة
وتذكر هذة الكلمات ( وماتدري نفس باي ارض تموت ) ويالله بحسن الخاتمة فلاتكن خاتمتك الا بما يحب الله ويرضى


اذا عندك اي استفسار عن بوكيت او بانكوك انا حاضرة

تقبل تحياتي
اختك الراقية
بورصجية
12-04-2010, 12:47 PM
يا سلام
معلوماتكم تجنن
انا كنت هفتح موضوع للاستفسار بس خلاص
جمعت معلومات منكم وخصوصا اختي الراقية
شكرا ليكم