الاجازة العارضة

[هند88]

مـــــــــــــــرحبــــــــــــــــــــااااا للكــــــــــــل

الموضوع اللي بتكلم عنه الاجازة العارضة..
اللي هي 7 ايام ....

الصراحه المرأه ماتكيفها 7 ايام عارضة بس
مثلها مثل الرجال...اكيد بتقولون ليش وشحقه وخير انشالله؟؟؟؟:waiting:

أنا بقولكم ليش:

المرأه تغيب اذا مرض ولدها:rolleyes2:
ومايمديها تداوم يومين الا ولدها الثاني تعادى من اخوة ومرض بعد...:(
وتغيب لما الاثنين يعادون الخدامه ومافي يحد يمسك اليهال الصبح...:weeping:

وتغيب اذا ريلها بعد الثاني مرض والا مافي شده يداوم الشيخ وهي ماعندها سايق:omen2:

وتغيب اذا الدريول شرد وريلها مسافر والا دوامه من الساعه 5 الصبح...

وآآآآآآآآآآخر شي تغيب اذا هي تعبانه والا مريضة... لا وممكن تكون عارضتها خلصت تروح وعليه عليها الشغل تقعد ساعتين وترجع:sorry:

انا كاأمرأه اطلب ان يزدون الاجازة العارضة للمرأة الى 10 ايام ...والله شوي ماتكفي 7 ايام ...نفسها نفس الرجال هو مايغيب الا عشان نفسة :anger1:

ولا وعقب ذي كــــــــله يقولون احنا مقصرين:anger1:

[الـقـاسـي]

المفروض تكون 14 يوم نفس العساكر .. خصوصا الحين بعد نظام الاجازات اللي تروح كل 1-4 .. مفروض يزيدون العارضه

[ممنوع اللمس]

القاسي انا عسكري الاجازه العارضيه مو 14 يوم بس 12 يوم
وامحق عارضيه بذمتي دام كل يوم والثاني جاي كتاب لمدة شهر وقف اجازات
وان قدمت رفض برفض الحين قرب شهر 4 واجازاتي العارضيه ما تحركت 12 يوم وموقفه الاجازات الحين والله العظيم شي يقهر

[هند88]

صج العساكر 12 يوم اول مرة ادري .....يحظهم...بس بعد يافرحه ماتمت دام يحاسبونهم بهالطريقة

[bittersweet]

الله يعين الجميع..

بس غالبا الاجازة العارضة تعتبر غياب عند المسؤوول ولا يعترف فيها.

والموظف لا يجروؤ يطالب بها ... لانه اغلب الاحيان يعتبر تقاعص من القطري للاسف ...

[الـقـاسـي]

القاسي انا عسكري الاجازه العارضيه مو 14 يوم بس 12 يوم
وامحق عارضيه بذمتي دام كل يوم والثاني جاي كتاب لمدة شهر وقف اجازات
وان قدمت رفض برفض الحين قرب شهر 4 واجازاتي العارضيه ما تحركت 12 يوم وموقفه الاجازات الحين والله العظيم شي يقهر

صدقت اخوي 12 انا غلطت وكتبت 14 ..
بس الصدق ان نظام العساكر احسن من نظام المدنية ..
ع الاقل ال 12 يوم تقدر تشبكها مره وحده المدنية لك 3 ايام ورى بعض ..
انا عندي ولد عمي رصيده فوق 400 يوم - اجازات سنوية + منح ومؤتمرات وهالسوالف ..
وهو ماله الا خمس سنين يمكن من داوم
ع الاقل مسؤولك فالدوام اذا قالك اقبض الباب روح تروح على طول مب مثل اللي عندنا رئيس القسم مايقدر يقولك هالشي ..

امور واجد فالعسكرية احسن منها فالمدنية ..
اغلب الربع العساكر مرتاحين اكثر مني بمليون مرة وانا مدني ويقولون العسكرية شقى والله مافيها شقى الا فالدورة ..

[بنوته]

السلام عليكم ورحمة الله وبركاته

المدنيات عيال البطه السوده ...اما العسكريات يابختهم العارضه 12 يوم غير المنح ويبعون لهم الاجازه اما احنا راحت علينا

ان شاء الله يزدون الاجازه .....اممم انا اطالب يعطونا كل شهر 4 ايام اجازه فله .....

الله يوفقكم

[hamoor4ever]

المرأه حالها حل الرجال ، انا زوجتي الحمدلله تشتغل في مكان ماعندها عارضه ودوامها متعب ماشوف تشتكي من هالشي اللي يبي يشتغل ويداوم يعرف يشتغل واللي يبي يرتاح يقعد بالبيت ، واعتقد حاليا المرأه راتبها نفس راتب الرجل فليش تكون اجازتها اكثر ؟

[بدون]

للأسف هناك البعض ممن يكيل بمكيالين حين تأتي المسألة عند حقوق المرأة في الإجازات، فالمرأة كموظفة ينتظر منها أن تؤدي جميع واجباتها و تنهي عملها مثلها مثل الرجل و الأكثرية تلتزم بالدوام كاملا، و أقول الأكثرية لأن هناك البعض الذي لا يفعل ذلك، بينما هناك الكثير من الشباب الذين يضطرون للخروج لأداء بعض الأشغال الخاصة و هو مرتاح لأن هناك من يقوم بالعمل في الدوام، و أعلم أن هناك لحظات نضطر فيها لعمل ذلك. لكن هناك بعض الشباب الذي يحتج على غياب المرأة في الحالات الاضطرارية و لكنه يبحث عن جميع الأعذار في القاموس إذا اضطرت إحدى قريباته للغياب ،،، و يغضب إذا حاسبها المسئول على غيابها.
في الحقيقة أضم صوتي لصوت أختي في المطالبة بزيادة أيام الإجازة العارضة للنساء فالزوجة تضطر للبقاء في البيت للعناية بالأبناء و الاهتمام بهم في حالة المرض بالإضافة إلى أنها هي قد تضطر للغياب لضروف خاصة بها، فزيادة الأيام ثم طلب توفير سبب مقنع للغياب الاضطراري يوفر على النساء الكثير من التعب و الإرهاق عندما تمر بهذه الظروف. و نرجو أن يتفهم المسئولين ظروف النساء و خصوصا الأمهات عند الاستئذان، و التعاون معهن حيث أصبح من السهل أداء بعض المهام في المنزل و استخدام التقنيات الحديثة في إرسالها حين الانتهاء منها.

[ANONYMOUS]

موسسة البترول.. مافي ولا يوم..


دلع زايد

[حلم قطري]

السلام عليكم ورحمة الله

اذكروا الله وصلوا على النبي


اولا الحمدلله الذي فضلنا على كثير من عباده والله ان العالم يحسدونا على اللي احنا فيه من نعمة
رواتب ممتازة
المكان حذفة عصا ابعد واحد فينا في ساعه يوصل شغله

الاجازات ياكثر الاجازات عندنا

مادة(91)
تكون الإجازات على النحو التالي :
1- إجازة دورية. من 40 الى 45 يوم
2- إجازة عارضه. 7 ف السنة ثلاث مرات ف الأسبوع
3- إجازة مرضية. ياكثرها
4- إجازة وضع. شهرين يامالا العافية ان شاءالله
5- إجازة أمومة. مرتين ثلاث سنوات ف كل مرة بس لازم شروط تلقونها ف القانون
6- إجازة حج. مرة ف العمر 21 يوم
7- إجازة زواج. 15 يوم مرة وحده
8- إجازة العدة الشرعية. 4 اشهر و10 ايام او لحين الوضع ان كانت حامل
9- إجازة عزاء. 5 ايام درجه اولى 3 ايام درجه ثانيه اسبوع اذا الميت خارج البلد
10- إجازة مرافقة زوج.
11- إجازة محرم.
12- إجازة مرافقة مريض. وتكون مدة الإجازة للفترة اللازمة لعلاج المريض بالخارج
13- إجازة استثنائية .
14- إجازة دراسية.
15- إجازة امتحانات.
16- إجازة بدون راتب.

الله يوفق الجميع والدنيا حلوة .....دعوة للتفاؤل

[moonبنتnight]

القانون من زمان وهو 7 أيام 00 ما تغيير شيء بالقانون الجديد 00

الموظفات مشكلتهم في أجازة الامومة 00 يقولون أدارات أرفضت تعطي موظفات يستحقون أجازة أمومة 00
القانون القديم واضح وكانوا ياخذونها 000 اما القانون الجديد موجودة بس قصوها عنهم ولاعطوهم 00

[قناص الخليج]

لا خلكم مثلنا اسبوع ماتبون المساوة بالرجل لازم المساواه بكل شيء :nice:

[moonبنتnight]

لا خلكم مثلنا اسبوع ماتبون المساوة بالرجل لازم المساواه بكل شيء :nice:

يا أخي الكريم 00 الاسلام دين مساواة 00 ماعتقد المرأة في زمن الرسول ما كانت تاخذ حقها وجعلها شقيقة الرجال 00

خل عنك شعارات العلمانين وقصد من وراء تحرير المرأة 00

هي شايفه ظروفها أنه تستحق أكثر من 7 أيام 00 شدخل المساواة 00

[عـيـون قـطـر]

الله يعين الجميع..

[ودي أكون]

السلام عليكم ورحمة الله

اذكروا الله وصلوا على النبي


اولا الحمدلله الذي فضلنا على كثير من عباده والله ان العالم يحسدونا على اللي احنا فيه من نعمة
رواتب ممتازة
المكان حذفة عصا ابعد واحد فينا في ساعه يوصل شغله

الاجازات ياكثر الاجازات عندنا

مادة(91)
تكون الإجازات على النحو التالي :
1- إجازة دورية. من 40 الى 45 يوم
2- إجازة عارضه. 7 ف السنة ثلاث مرات ف الأسبوع
3- إجازة مرضية. ياكثرها
4- إجازة وضع. شهرين يامالا العافية ان شاءالله
5- إجازة أمومة. مرتين ثلاث سنوات ف كل مرة بس لازم شروط تلقونها ف القانون
6- إجازة حج. مرة ف العمر 21 يوم
7- إجازة زواج. 15 يوم مرة وحده
8- إجازة العدة الشرعية. 4 اشهر و10 ايام او لحين الوضع ان كانت حامل
9- إجازة عزاء. 5 ايام درجه اولى 3 ايام درجه ثانيه اسبوع اذا الميت خارج البلد
10- إجازة مرافقة زوج.
11- إجازة محرم.
12- إجازة مرافقة مريض. وتكون مدة الإجازة للفترة اللازمة لعلاج المريض بالخارج
13- إجازة استثنائية .
14- إجازة دراسية.
15- إجازة امتحانات.
16- إجازة بدون راتب.

الله يوفق الجميع والدنيا حلوة .....دعوة للتفاؤل


هههه لا اله الا الله اللهم صلي وسلم على سيدنا محمد وعلى آله وصحبه اجمعين ..

والله وايد تبي الصج :secret:

ونسيت تذكر الاستئذان .. لان في موظفين وموظفات يمصخونها .. يدقون صبع الصبح وماتشوفهم الا ثاني يوم :secret:

7 اتكفي والسموحه :shy:

[الخارجية]

ان كان على عطيتكم 20 يوم فعلاً المرأة تحتاج
عندي فكرة ليش مايرفعون رواتب الرجاجيل والمرأة تقعد في البيت وتربي عيالها

[رذاذ]

شنو الشغل الى يتعبون به .!!
7 ايام مناسبه جدا ولو يزيدون يزيدون للكل .

شنو الشغل التزام وانظباط
(( تسيب وتفرغ وتقدر ظروف تعطل الشغل والالزم للمراه الى تشوف نفسها مب قادرة تقعد بالبيت ))
7:30 ساعات العمل اليوميه للموظف العادي في 26 يوم يعني مطلوب من الموظف الملتزم 219 ساعة بالشهر .. الى ياخذ راتبه كامل
فـ كم عدد ساعاتج الشهرية لجل نقول ان المراه تستحق عارضات اكثر.؟

[بـــــــنت النوخـّــــذه]

حد يبغيني ادليه على عياده يعطون اجازات مرضيه ويمشونها في العمل لان العياده معترف فيها اهههههههه<<<خبره في الاجازات المرضيه

اختي اخذيلج مرضيه وخلاص مره ثانيه ودي ولدج عياده خاصه ولا مستشفى خاص وقولي لنفس الدكتور انا امه مريضه عطني معاه وبيعطيج ^_^ والعرضه جمعيها للعوزه

[رذاذ]

حد يبغيني ادليه على عياده يعطون اجازات مرضيه ويمشونها في العمل لان العياده معترف فيها اهههههههه<<<خبره في الاجازات المرضيه

اختي اخذيلج مرضيه وخلاص مره ثانيه ودي ولدج عياده خاصه ولا مستشفى خاص وقولي لنفس الدكتور انا امه مريضه عطني معاه وبيعطيج ^_^ والعرضه جمعيها للعوزه

محد ياكل حرام والراتب اجر لك لتقديم خدمه وانت راضي وموقع على ذلك اما تغيب وتروح عيادة تعطي اجازات بالمجان بذمتهم وذمتك و بكيفك ..!!

[مداوي القلوب]

ان كان على عطيتكم 20 يوم فعلاً المرأة تحتاج
عندي فكرة ليش مايرفعون رواتب الرجاجيل والمرأة تقعد في البيت وتربي عيالها


أول شي أوضح لكم أن الاجازة العارضة حسب القانون 3 ايام
فهم ماقصروا وخلوها 7 ايام

وثاني شي : والله أنا أشوف كلام الأخ سليم
ولو الأم تتفرغ حق عيالها وتعطيهم العناية الفائقة من وإلى
لأنهم أبرك وافضل واحسن من الشغالات من حيث الاهتمام (طبعا انا اقصد الحريم اللي مالهم حاجة للعمل )

والشي الثالث الرجاجيل لو يرفعون رواتبهم ويقدر يتفرغ عدل حق شغله
بحيث الرجال يأمن أن في واحد يربي عياله بالطريقة الصحيحة
وشكراً

[لاجل QT]

والله انا اقول ان كل فصل دراسي يعطونا عارضة..مجموعهم 14 ..امبدال 7 ايام في الفصلين الدراسيين ...ساعات الانسان يمر بظروف خاصة وطارئة

والرحمة حلوة:victory:

[بـــــــنت النوخـّــــذه]

محد ياكل حرام والراتب اجر لك لتقديم خدمه وانت راضي وموقع على ذلك اما تغيب وتروح عيادة تعطي اجازات بالمجان بذمتهم وذمتك و بكيفك ..!!

استغفر الله العظيم 0000000000000لحد يفتي ؟؟؟؟؟؟؟
ركزي بموضوع الاخت هند000تراني بس بغيت اوضح لها نقطه اذا تعبانه وسهرانه مع ولدها اتروح تاخذ اجازه مرضيه هدي هدي اختي كلنا انعرف الحلال والحرام ساعات ترى يمدحون اسلوب الغشمره كنوع للتوعيه 0000بل جاهزين للاقتباسات والهجوم بدون معرفه المغزى0والهدف0

[المقهوره]

[QUOTE=هند88;5399209][FONT="Times New Roman"][SIZE="5"][B]مـــــــــــــــرحبــــــــــــــــــــااااا للكــــــــــــل

الموضوع اللي بتكلم عنه الاجازة العارضة..
اللي هي 7 ايام ....

الصراحه المرأه ماتكيفها 7 ايام عارضة بس
مثلها مثل الرجال...اكيد بتقولون ليش وشحقه وخير انشالله؟؟؟؟:waiting:

أنا بقولكم ليش:

المرأه تغيب اذا مرض ولدها:rolleyes2: [COLOR="Red"]تغيب صح بس تعتبر اجازه مرضية لان المستشفى تعطي الام المرافقة للطفل اجازه مرضية دائما وماتنحسب من العارضه
ومايمديها تداوم يومين الا ولدها الثاني تعادى من اخوة ومرض بعد...:(
وتغيب لما الاثنين يعادون الخدامه ومافي يحد يمسك اليهال الصبح...:weeping:

وتغيب اذا ريلها بعد الثاني مرض والا مافي شده يداوم الشيخ وهي ماعندها سايق:omen2:

دبري حالك بلموزين ولا السواقات

وتغيب اذا الدريول شرد وريلها مسافر والا دوامه من الساعه 5 الصبح... دبري حالك بلموزين ولا السواقات


وآآآآآآآآآآخر شي تغيب اذا هي تعبانه والا مريضة... لا وممكن تكون عارضتها خلصت تروح وعليه عليها الشغل تقعد ساعتين وترجع:sorry:

المستشفى اذا مريضة يعطونك مرضية

انا كاأمرأه اطلب ان يزدون الاجازة العارضة للمرأة الى 10 ايام ...والله شوي ماتكفي 7 ايام ...نفسها نفس الرجال هو مايغيب الا عشان نفسة :anger1:

ولا وعقب ذي كــــــــله يقولون احنا مقصرين

[المقهوره]

صدقت اخوي 12 انا غلطت وكتبت 14 ..
بس الصدق ان نظام العساكر احسن من نظام المدنية ..
ع الاقل ال 12 يوم تقدر تشبكها مره وحده المدنية لك 3 ايام ورى بعض ..
انا عندي ولد عمي رصيده فوق 400 يوم - اجازات سنوية + منح ومؤتمرات وهالسوالف ..
وهو ماله الا خمس سنين يمكن من داوم
ع الاقل مسؤولك فالدوام اذا قالك اقبض الباب روح تروح على طول مب مثل اللي عندنا رئيس القسم مايقدر يقولك هالشي ..

امور واجد فالعسكرية احسن منها فالمدنية ..
اغلب الربع العساكر مرتاحين اكثر مني بمليون مرة وانا مدني ويقولون العسكرية شقى والله مافيها شقى الا فالدورة ..




بس العسكري مكروف كرف
ولا تنسى بعد يسحبونهم اذا صار شي ولا طوارئ
عليهم تعب مب نفس المدني
متى مابغى يغيب ضربها اجازه مرضية من اي عياده ولا طوارئ حمد وكان الله غفورا رحيما

[المقهوره]

القانون من زمان وهو 7 أيام 00 ما تغيير شيء بالقانون الجديد 00

الموظفات مشكلتهم في أجازة الامومة 00 يقولون أدارات أرفضت تعطي موظفات يستحقون أجازة أمومة 00
القانون القديم واضح وكانوا ياخذونها 000 اما القانون الجديد موجودة بس قصوها عنهم ولاعطوهم 00

صح مايعطون الموظفات الامومه
يقولون يا تجيبين توأم
او يكون عندك طفل من ذوي الاحتياجات الخاصة


واكثر من وحده عندنا ارفضوا طلبها

[المقهوره]

حد يبغيني ادليه على عياده يعطون اجازات مرضيه ويمشونها في العمل لان العياده معترف فيها اهههههههه<<<خبره في الاجازات المرضيه

اختي اخذيلج مرضيه وخلاص مره ثانيه ودي ولدج عياده خاصه ولا مستشفى خاص وقولي لنفس الدكتور انا امه مريضه عطني معاه وبيعطيج ^_^ والعرضه جمعيها للعوزه

عيادة الدوحة يعطون
بس قول في راس خشمي حبه بيقولون يالهوي خذ اجازه وارتاح

[بـــــــنت النوخـّــــذه]

صح مايعطون الموظفات الامومه
يقولون يا تجيبين توأم
او يكون عندك طفل من ذوي الاحتياجات الخاصة


واكثر من وحده عندنا ارفضوا طلبها

وي من قالج المقهوره ترى يعطون بس اتكون مخلصه 4 سنوات او 5 سنوات من تعينها

وماله دخل بنوع وحاله المولود ومازالو يعطونهم للي تنطبق عليها الشروط لكن شرط انها تجيب توأم او من الاحتياجات الخاصه ماسمعت احتمال قصدج لهم تسهيلات استثنائيه000

[المقهوره]

على فكره قبل القانون

ماكان عندنا شي اسمه اجازه عارضة

وكنا ساكتين وشغالين ولا طالبنا بها واستسلمنا للامر الواقع

والحين يوم جات العارضه 7 ايام يا احن رزفنا رزف من الوناسه كنها عندنا 70 يوم

[المقهوره]

وي من قالج المقهوره ترى يعطون بس اتكون مخلصه 4 سنوات او 5 سنوات من تعينها

وماله دخل بنوع وحاله المولود ومازالو يعطونهم للي تنطبق عليها الشروط لكن شرط انها تجيب توأم او من الاحتياجات الخاصه ماسمعت احتمال قصدج لهم تسهيلات استثنائيه000

احنا قد لنا 9 سنوات من اشتغلنا ويوم قدمت الموظفه لان ماعندها احد يرعى عيالها خاصه ان عندها اثنين فوق بعض يعني جابتهم على بعض

قالوا لها تدلين الباب

قالت اي

قالوا لها مرفووووووووووووووووووووووووووض ولازم هالشرطين تتوافر



ويوم ايأست قدمت استقالتها وقالت عيالي اولى بي



اما الشروط الي تتوافر مثل ايش بالضبط غير سنوات العمل

لان سنوات العمل ما اهتموا فيها بالطللب

[بنوته]

حد يبغيني ادليه على عياده يعطون اجازات مرضيه ويمشونها في العمل لان العياده معترف فيها اهههههههه<<<خبره في الاجازات المرضيه

اختي اخذيلج مرضيه وخلاص مره ثانيه ودي ولدج عياده خاصه ولا مستشفى خاص وقولي لنفس الدكتور انا امه مريضه عطني معاه وبيعطيج ^_^ والعرضه جمعيها للعوزه

السلام عليكم ورحمة الله وبركاته

عالسريع طرشي على الخاص وين هالعياده ....

هع احنا المدنيات في الداخليه مالنا غير هالعارضه بو 7 ايام و لا... لازم نقدمها قبل بيوم مادرليش مسمينها عارضه ...والاجازات المرضيه الخارجيه حتى لو من مستشفى حمد مايقبلونها لزمن علينا ناخذ ورقة مراجعه من الاداره وبعدها نروح عيادة الشرطه والدكاتره هناك مايعطون اجازه الا اذا كنا منتهين على الاخر وحدهم يوم واحد ... ولو غبنا وماعندنا رصيد عارضه حطونا غياب وبعدها يطرشون لنا محاكمه وتنحط الورقه في الملف

الله المستعان

[المقهوره]

السلام عليكم ورحمة الله وبركاته

عالسريع طرشي على الخاص وين هالعياده ....

هع احنا المدنيات في الداخليه مالنا غير هالعارضه بو 7 ايام و لا... لازم نقدمها قبل بيوم مادرليش مسمينها عارضه ...والاجازات المرضيه الخارجيه حتى لو من مستشفى حمد مايقبلونها لزمن علينا ناخذ ورقة مراجعه من الاداره وبعدها نروح عيادة الشرطه والدكاتره هناك مايعطون اجازه الا اذا كنا منتهين على الاخر وحدهم يوم واحد ...

الله المستعان



للعلم الداخليه ولا اجازه من اي مكان يعترفون فيها إلا اذا كانت من عياده الشرطه يعني ماراح تنفعك

بس حاليا صاروا يعترفون بمستشفى حمد كإجازه مرضية بس توثقينها من عياده الشرطه .

[بـــــــنت النوخـّــــذه]

احنا قد لنا 9 سنوات من اشتغلنا ويوم قدمت الموظفه لان ماعندها احد يرعى عيالها خاصه ان عندها اثنين فوق بعض يعني جابتهم على بعض

قالوا لها تدلين الباب

قالت اي

قالوا لها مرفووووووووووووووووووووووووووض ولازم هالشرطين تتوافر



ويوم ايأست قدمت استقالتها وقالت عيالي اولى بي



اما الشروط الي تتوافر مثل ايش بالضبط غير سنوات العمل

لان سنوات العمل ما اهتموا فيها بالطللب


بل غريبه مع انها من حقها تاخذ طبقا" للقانون 000وزين سوت اعيالها برك

[المقهوره]

المصيبه لو تقدر وحده نفس الطلب

وتكون مديونه من قبل البنك ولا تقدر تقدم استقالتها

شراح تسوي؟؟؟؟

[بـــــــنت النوخـّــــذه]

المصيبه لو تقدر وحده نفس الطلب

وتكون مديونه من قبل البنك ولا تقدر تقدم استقالتها

شراح تسوي؟؟؟؟

ايوااااااااااااااااااا اهنيه صح معاج حق تصبر والله يعينها000

بس تدرين والله اعرف حريم كل اشوي اجازه امومه واتمددها بعد ؟؟؟؟؟؟؟؟

ترى حتى اجازات الامومه فيها واسطه :nice:

[شيط ويط]

انا اقترح استحداث اجازة جديدة للمرأة الموظفة لمدة 7 أيام حالها حال الإجازة العارضة بس يسمونها اجازة (ملل) :)

يعني الموظفة اذا (تمللت) تقدر تاخذها .. ومب شرط نفس العارضة بحد اقصى 3 ايام متتابعة لا .. عادي تقدر تاخذهم شبك (7) ايام ورى بعض .. والخميس والجمعه مب داخلين في الحسبه :shy:

تستاهل المرأة لانها نصف المجتمع وانا وياهم قلبا وقالبا :telephone:

[بوخليفة3]

احمدي ربج بس

في دوامات اتخلي الموظف اللي ياخذ اجازة عارضه
لازم يعوض هاليوم في اجازته يعني يداوم يوم بدال اليوم اللي خذه

[هند88]

السلام عليكم ورحمة الله وبركاته

المدنيات عيال البطه السوده ...اما العسكريات يابختهم العارضه 12 يوم غير المنح ويبعون لهم الاجازه اما احنا راحت علينا

ان شاء الله يزدون الاجازه .....اممم انا اطالب يعطونا كل شهر 4 ايام اجازه فله .....

الله يوفقكم

ههههه احنا من زمان عيال البطه السوده..
شارة مرورج

[هند88]

المرأه حالها حل الرجال ، انا زوجتي الحمدلله تشتغل في مكان ماعندها عارضه ودوامها متعب ماشوف تشتكي من هالشي اللي يبي يشتغل ويداوم يعرف يشتغل واللي يبي يرتاح يقعد بالبيت ، واعتقد حاليا المرأه راتبها نفس راتب الرجل فليش تكون اجازتها اكثر ؟

والله العظيم مو سالفة ان مانحب الشغل انا ذكرت الاسباب وفعلا تسير ... والله يعطي زوجتك الف عافية:nice:

[هند88]

للأسف هناك البعض ممن يكيل بمكيالين حين تأتي المسألة عند حقوق المرأة في الإجازات، فالمرأة كموظفة ينتظر منها أن تؤدي جميع واجباتها و تنهي عملها مثلها مثل الرجل و الأكثرية تلتزم بالدوام كاملا، و أقول الأكثرية لأن هناك البعض الذي لا يفعل ذلك، بينما هناك الكثير من الشباب الذين يضطرون للخروج لأداء بعض الأشغال الخاصة و هو مرتاح لأن هناك من يقوم بالعمل في الدوام، و أعلم أن هناك لحظات نضطر فيها لعمل ذلك. لكن هناك بعض الشباب الذي يحتج على غياب المرأة في الحالات الاضطرارية و لكنه يبحث عن جميع الأعذار في القاموس إذا اضطرت إحدى قريباته للغياب ،،، و يغضب إذا حاسبها المسئول على غيابها.
في الحقيقة أضم صوتي لصوت أختي في المطالبة بزيادة أيام الإجازة العارضة للنساء فالزوجة تضطر للبقاء في البيت للعناية بالأبناء و الاهتمام بهم في حالة المرض بالإضافة إلى أنها هي قد تضطر للغياب لضروف خاصة بها، فزيادة الأيام ثم طلب توفير سبب مقنع للغياب الاضطراري يوفر على النساء الكثير من التعب و الإرهاق عندما تمر بهذه الظروف. و نرجو أن يتفهم المسئولين ظروف النساء و خصوصا الأمهات عند الاستئذان، و التعاون معهن حيث أصبح من السهل أداء بعض المهام في المنزل و استخدام التقنيات الحديثة في إرسالها حين الانتهاء منها.

شكرا على المرور... وعلى الاقل اذا مابيزيدون العارضة المفروض يعطون المرأه اجازة مرضية اذا كان احد ابناءها مريض وبالهطريقة بيكون فيه اثبات انها ماتتدلع وعندها سبب

[هند88]

موسسة البترول.. مافي ولا يوم..


دلع زايد

ليش دلع هذا حق ... وعادي انتوا بعد في المؤسسات تاخذون امتيازات احنا يالي في الوزارات ماناخذها:victory:

[هند88]

لا خلكم مثلنا اسبوع ماتبون المساوة بالرجل لازم المساواه بكل شيء :nice:

لالالالالالالا انا ماطالب بالمساواة اذا بيساون ربوا اليهال مع حريمكم بعد:victory:

[هند88]

ان كان على عطيتكم 20 يوم فعلاً المرأة تحتاج
عندي فكرة ليش مايرفعون رواتب الرجاجيل والمرأة تقعد في البيت وتربي عيالها

تعحبنـــــــــــــــــي:nice: اذا سرت مدير قولي باجي اشتغل عندك:victory:

[هند88]

شنو الشغل الى يتعبون به .!!
7 ايام مناسبه جدا ولو يزيدون يزيدون للكل .

شنو الشغل التزام وانظباط
(( تسيب وتفرغ وتقدر ظروف تعطل الشغل والالزم للمراه الى تشوف نفسها مب قادرة تقعد بالبيت ))
7:30 ساعات العمل اليوميه للموظف العادي في 26 يوم يعني مطلوب من الموظف الملتزم 219 ساعة بالشهر .. الى ياخذ راتبه كامل
فـ كم عدد ساعاتج الشهرية لجل نقول ان المراه تستحق عارضات اكثر.؟


هذا عن الموظفات اللي في وزارات ممكن الله يرحمهم ويجيهم مدير ولد حلال
والمدرسات المساكيين اللي عندهم مديرة علة:anger1:

[هند88]

حد يبغيني ادليه على عياده يعطون اجازات مرضيه ويمشونها في العمل لان العياده معترف فيها اهههههههه<<<خبره في الاجازات المرضيه

اختي اخذيلج مرضيه وخلاص مره ثانيه ودي ولدج عياده خاصه ولا مستشفى خاص وقولي لنفس الدكتور انا امه مريضه عطني معاه وبيعطيج ^_^ والعرضه جمعيها للعوزه


اشدراج...:victory:
بس بعد تروحين مستشفى خاص وتدفعين لا ويخصمون عليج 100 عن كل يوم مرضي
شالفايده:anger1: اغيب بلا راتب ارخص

[هند88]

محد ياكل حرام والراتب اجر لك لتقديم خدمه وانت راضي وموقع على ذلك اما تغيب وتروح عيادة تعطي اجازات بالمجان بذمتهم وذمتك و بكيفك ..!!


ليش حرام ولدها مريض يعني شتسوي

[هند88]

[QUOTE=هند88;5399209][FONT="Times New Roman"][SIZE="5"][B]مـــــــــــــــرحبــــــــــــــــــــااااا للكــــــــــــل

الموضوع اللي بتكلم عنه الاجازة العارضة..
اللي هي 7 ايام ....

الصراحه المرأه ماتكيفها 7 ايام عارضة بس
مثلها مثل الرجال...اكيد بتقولون ليش وشحقه وخير انشالله؟؟؟؟:waiting:

أنا بقولكم ليش:

المرأه تغيب اذا مرض ولدها:rolleyes2: [COLOR="Red"]تغيب صح بس تعتبر اجازه مرضية لان المستشفى تعطي الام المرافقة للطفل اجازه مرضية دائما وماتنحسب من العارضه
ومايمديها تداوم يومين الا ولدها الثاني تعادى من اخوة ومرض بعد...:(
وتغيب لما الاثنين يعادون الخدامه ومافي يحد يمسك اليهال الصبح...:weeping:

وتغيب اذا ريلها بعد الثاني مرض والا مافي شده يداوم الشيخ وهي ماعندها سايق:omen2:

دبري حالك بلموزين ولا السواقات

وتغيب اذا الدريول شرد وريلها مسافر والا دوامه من الساعه 5 الصبح... دبري حالك بلموزين ولا السواقات


وآآآآآآآآآآخر شي تغيب اذا هي تعبانه والا مريضة... لا وممكن تكون عارضتها خلصت تروح وعليه عليها الشغل تقعد ساعتين وترجع:sorry:

المستشفى اذا مريضة يعطونك مرضية

انا كاأمرأه اطلب ان يزدون الاجازة العارضة للمرأة الى 10 ايام ...والله شوي ماتكفي 7 ايام ...نفسها نفس الرجال هو مايغيب الا عشان نفسة :anger1:

ولا وعقب ذي كــــــــله يقولون احنا مقصرين


شريرة ....:anger1:

[هند88]

وي من قالج المقهوره ترى يعطون بس اتكون مخلصه 4 سنوات او 5 سنوات من تعينها

وماله دخل بنوع وحاله المولود ومازالو يعطونهم للي تنطبق عليها الشروط لكن شرط انها تجيب توأم او من الاحتياجات الخاصه ماسمعت احتمال قصدج لهم تسهيلات استثنائيه000


وين يعطون انا اعرف وحده تبارك الله عندها 3توأم (اذكروا الله ) وعطوهااااا الســـــــــــــــــــين

[هند88]

السلام عليكم ورحمة الله وبركاته

عالسريع طرشي على الخاص وين هالعياده ....

هع احنا المدنيات في الداخليه مالنا غير هالعارضه بو 7 ايام و لا... لازم نقدمها قبل بيوم مادرليش مسمينها عارضه ...والاجازات المرضيه الخارجيه حتى لو من مستشفى حمد مايقبلونها لزمن علينا ناخذ ورقة مراجعه من الاداره وبعدها نروح عيادة الشرطه والدكاتره هناك مايعطون اجازه الا اذا كنا منتهين على الاخر وحدهم يوم واحد ... ولو غبنا وماعندنا رصيد عارضه حطونا غياب وبعدها يطرشون لنا محاكمه وتنحط الورقه في الملف

الله المستعان



انا بعد:nice:

[هند88]

انا اقترح استحداث اجازة جديدة للمرأة الموظفة لمدة 7 أيام حالها حال الإجازة العارضة بس يسمونها اجازة (ملل) :)

يعني الموظفة اذا (تمللت) تقدر تاخذها .. ومب شرط نفس العارضة بحد اقصى 3 ايام متتابعة لا .. عادي تقدر تاخذهم شبك (7) ايام ورى بعض .. والخميس والجمعه مب داخلين في الحسبه :shy:

تستاهل المرأة لانها نصف المجتمع وانا وياهم قلبا وقالبا :telephone:


جنه في حد يتطنز:anger1:

[hamoor4ever]

ماشاء الله عليكم انتو الحريم رواتبكم كانت اقل قلتوا نبي مساواه بينا وبين الرياييل ، عدلو اوضاعكم عقب قلتو نبي اجازه يعني لين شي فيه فلوس وخرده قلتو مساواه واذا شي ثاني قلتو احنا حريم غير او قلتو ربو عيالكم ماعندنا مشكله بنربي عيالها والخدم مايقصرون هاليومين اصلا غالبا العيال عند الخدم وهم اللي يستاهلون اجازه اذا مرض الياهل ههههه :)
الله يعينكم دام رواتبكم نفسنا وحالتكم من حالنا فأجازتكم تكون نفسنا ولا يزيدونا ويزيدونكم في الاجازات مع بعض لان بأختصار من بودي الياهل المستشفى الا الزوج :) هههه شفتي شلون

[هند88]

احمدي ربج بس

في دوامات اتخلي الموظف اللي ياخذ اجازة عارضه
لازم يعوض هاليوم في اجازته يعني يداوم يوم بدال اليوم اللي خذه



الحمدلله :eek5: والحمدلله ان مديري الله يخليه ولد حلال الله لايغير عليه بس:victory:
مشاللللله لايحد ينظله بس:victory:

[هند88]

ماشاء الله عليكم انتو الحريم رواتبكم كانت اقل قلتوا نبي مساواه بينا وبين الرياييل ، عدلو اوضاعكم عقب قلتو نبي اجازه يعني لين شي فيه فلوس وخرده قلتو مساواه واذا شي ثاني قلتو احنا حريم غير او قلتو ربو عيالكم ماعندنا مشكله بنربي عيالها والخدم مايقصرون هاليومين اصلا غالبا العيال عند الخدم وهم اللي يستاهلون اجازه اذا مرض الياهل ههههه :)
الله يعينكم دام رواتبكم نفسنا وحالتكم من حالنا فأجازتكم تكون نفسنا ولا يزيدونا ويزيدونكم مع بعض لان بأختصار من بودي الياهل المستشفى الا الزوج :) هههه شفتي شلون


اي صح عشان جذي اذا الريال بيتزوج شرطه الاول ابيها تشتغل:victory:

[hamoor4ever]

اي صح عشان جذي اذا الريال بيتزوج شرطه الاول ابيها تشتغل:victory:

هه علشان يفتك منها شوي اذا خذ اجازه او يتسلف موترها البورش يكشخ فيه اذا حد عزمه من ربعه ع غده او عشه

[هند88]

هه علشان يفتك منها شوي اذا خذ اجازه او يتسلف موترها البورش يكشخ فيه اذا حد عزمه من ربعه ع غده او عشه


ههههههههههه اي صح لو انا ريال بعد بسوي جي :victory:

[ريماس الغلا]

كانت لي مشاركه

يا ليت المشرف او المراقب اللي حذفها يتفضل مشكورا ويقنعني بسبب الحذف

واعتقد ان ما كان فيها تطاول او قذف بحق احد او جنسيه معينه او او كما يسري الان في المنتدى

ولا هي عشوائية وبس ؟؟؟؟

واذا كانت السالفه عشوائية على حسب هوى المشرف علمونا علشان ننسحب من المنتدى بكرامتنا ابرك لنا

[%حورية قطر%]

اجازة الامومه في وزارة التربيه والتعليم (المجلس الاعمى حاليا ) متوفقه

وما يعطونها لأي حد بس اللي عندها طفل مريض

وبخصوص العارضه انا من مؤيدين فكرتج بس المفروض تسري على المدرسات

لانه صج 7أيام ما تكفيهم وهم اللي شغلهم متعب وحتى الاستئئذانات محسوبه عليهم

وممكن المديره تفشل الوحده بعد

الله المستعاان

[ريماس الغلا]

اجازة الامومه في وزارة التربيه والتعليم (المجلس الاعمى حاليا ) متوفقه

وما يعطونها لأي حد بس اللي عندها طفل مريض

وبخصوص العارضه انا من مؤيدين فكرتج بس المفروض تسري على المدرسات

لانه صج 7أيام ما تكفيهم وهم اللي شغلهم متعب وحتى الاستئئذانات محسوبه عليهم

وممكن المديره تفشل الوحده بعد

الله المستعاان


صلحي لي المعلومه حبيبتي

اللي طفلها معاق او تولد اكثر من طفل

صح ؟

[%حورية قطر%]

اختي ريماس

اي هذا اللي اقصده اللي طفلها معاق

اما اللي تولد اكثر من طفل ما يعطونها هذي قبل اما الحين لاا

اعرف وحده جابت توأم ورفضوا لها الاجازه

[ريماس الغلا]

اختي ريماس

اي هذا اللي اقصده اللي طفلها معاق

اما اللي تولد اكثر من طفل ما يعطونها هذي قبل اما الحين لاا

اعرف وحده جابت توأم ورفضوا لها الاجازه


والله انا لا استغرب

كل يوم قوانين في هالوزارة

اقصد وزارتنا:eek5:

[الخارجية]

وي من قالج المقهوره ترى يعطون بس اتكون مخلصه 4 سنوات او 5 سنوات من تعينها

وماله دخل بنوع وحاله المولود ومازالو يعطونهم للي تنطبق عليها الشروط لكن شرط انها تجيب توأم او من الاحتياجات الخاصه ماسمعت احتمال قصدج لهم تسهيلات استثنائيه000
أختي بنت النوخذه صح كلام المقهوره بخصوص إجازة الامومة حق اللي عندها اتوام أو من ذوي الاحتياجات الخاصة .. انتي اتكلمين عن القانون القديم :shy:

[الخارجية]

كانت لي مشاركه

يا ليت المشرف او المراقب اللي حذفها يتفضل مشكورا ويقنعني بسبب الحذف

واعتقد ان ما كان فيها تطاول او قذف بحق احد او جنسيه معينه او او كما يسري الان في المنتدى

ولا هي عشوائية وبس ؟؟؟؟

واذا كانت السالفه عشوائية على حسب هوى المشرف علمونا علشان ننسحب من المنتدى بكرامتنا ابرك لنا
عزيزة وغالية ياريماس الغلا .. وسعي صدرج .. ولا تزعلين شيكي معاهم يمكن يفيدونج ليش انحذفت المشاركة

[%حورية قطر%]

والله انا لا استغرب

كل يوم قوانين في هالوزارة

اقصد وزارتنا:eek5:

وزاره تعيسه :(

من سئ الى اسوأ:anger1:

[الخارجية]

تعحبنـــــــــــــــــي:nice: اذا سرت مدير قولي باجي اشتغل عندك:victory:

من قالج أن أنا مش مدير ... عندي 30 موظفة الله يحفظهم ومقدر ظروفهم كلهم اي وحده تبغي اجازة بس اتدز ايميل وتطلب عزها

[ام مناير]

اختي الي بتغيب كل هذا لو تقعد في بيتها ابرك لها ، وتخلي غيرها يشتغل !!!
شبقى من الايام اذا غابت هذا كله ، والشغل الي المفروض تسويه من بيخلصه؟ انا عندي موظفات مو متزوجات ويتغيبون عن الشغل اكثر من المتزوجات وهذا ما يمنع مراعاة ظروف الناس ، بس اعتقد لو كانت العارضة بدل ال7 صارت 70 بعد الي متعود على الغياب بيغيب .
ويعطيج العافية

[هند88]

من قالج أن أنا مش مدير ... عندي 30 موظفة الله يحفظهم ومقدر ظروفهم كلهم اي وحده تبغي اجازة بس اتدز ايميل وتطلب عزها


يعني اعتبر نفسي موظفه عندك:nice:

[واحد 11]

ياليت عندنا عارضه ... نبي

[هند88]

ياليت عندنا عارضه ... نبي

باااااااااال شكلي قلبت عليكم المواجع:weeping:

[اسعاف]

مـــــــــــــــرحبــــــــــــــــــــااااا للكــــــــــــل

الموضوع اللي بتكلم عنه الاجازة العارضة..
اللي هي 7 ايام ....

الصراحه المرأه ماتكيفها 7 ايام عارضة بس
مثلها مثل الرجال...اكيد بتقولون ليش وشحقه وخير انشالله؟؟؟؟:waiting:

أنا بقولكم ليش:

المرأه تغيب اذا مرض ولدها:rolleyes2:
ومايمديها تداوم يومين الا ولدها الثاني تعادى من اخوة ومرض بعد...:(
وتغيب لما الاثنين يعادون الخدامه ومافي يحد يمسك اليهال الصبح...:weeping:

وتغيب اذا ريلها بعد الثاني مرض والا مافي شده يداوم الشيخ وهي ماعندها سايق:omen2:

وتغيب اذا الدريول شرد وريلها مسافر والا دوامه من الساعه 5 الصبح...

وآآآآآآآآآآخر شي تغيب اذا هي تعبانه والا مريضة... لا وممكن تكون عارضتها خلصت تروح وعليه عليها الشغل تقعد ساعتين وترجع:sorry:

انا كاأمرأه اطلب ان يزدون الاجازة العارضة للمرأة الى 10 ايام ...والله شوي ماتكفي 7 ايام ...نفسها نفس الرجال هو مايغيب الا عشان نفسة :anger1:

ولا وعقب ذي كــــــــله يقولون احنا مقصرين:anger1:

طالبت قديما براتب مجزي لكل ربة بيت لا يقل عن راتب الموظفة

ربة البيت موظفة في اشرف واغلى وظيفة

قاعدة تربي اعيالها وترعى شؤون الزوج والبيت

[هند88]

طالبت قديما براتب مجزي لكل ربة بيت لا يقل عن راتب الموظفة

ربة البيت موظفة في اشرف واغلى وظيفة

قاعدة تربي اعيالها وترعى شؤون الزوج والبيت


والله معاك حق واذا جذيه انا اول من بيقعد في البيت:nice: مع اني احب شغلي وااااايد

[واحد 11]

طلباتكم يالحريم ماتخلص ماندري كم تبون اجازة .... شالفايده اذا من الوظيفة

بصراحة سوري فيه دلع وتهاون من خواتنا ... يعني الوظيفة بس تسليه وراتب والانتاجيه ضعيفه جدا ولا فيه مقابل
وكل شي مايعجبكم

ترى ما امزح ........ وفي نفس الوقت مانعمم .... متى تنتهي هذي النغمة لمحبي الراحة والكسل

اشتغلوا واتعبوا شوي ..... شي يحز في خاطري يوم اشوف الاجانب من رجال وحريم يكرفون في شغلهم صح عشان الرزق بس مقابله يعملون ويأدون عملهم بصدق وهم عيالهم بدون خدم
وانتوا كل بيت فيه 3 خدم وتتعذرون بالعيال

وجهة نظر خطيرة اتحمل تبعاتها واضرارها الناجمة عنها :(

[ليــث قطر]

12 يوم مناسب .. يوم في الشهر .. للرجل والمرأة

[الخارجية]

يعني اعتبر نفسي موظفه عندك:nice:
يزيدنا شرف اتكونين موظفه عندنا أختي هند .. وفي النهاية تظهرين من الموظفات اللي عندي في القسم

[المقهوره]

طالبت قديما براتب مجزي لكل ربة بيت لا يقل عن راتب الموظفة

ربة البيت موظفة في اشرف واغلى وظيفة

قاعدة تربي اعيالها وترعى شؤون الزوج والبيت

على اي اساس ينصرف لها راتب وهي في بيتها مرتاحه....


فيها ظلم للموظفه ...


لان لو صرف لكل ربه بيت راتب

صدقني ماراح احد يتوظف من العنصر النسائي....




هذه هي الموظفه تنكرف في ال بيت وفي الشغل وعند العيال وابو العيال ومشين حالنا...



اما ربه بيت وراتب قويه بصراحه