‘‘ أسعار برودباند كيـــــــــــــــــــوتل ,, الصاروخية !

[روح الاطلس]

السلام عليكم



كنت ابي اركب برودباند كيوتل لكني تفاجأت بالسعر المرتفع جداً لليو اس بي :omg: بحدود 800 ريال !!



وسمعت انه بالامكان اشتريه من مكان ثاني بسعر ارخص


هل احد يدل مكان يبيعونه بأسعار اقل في مكان ثاني ؟! او بلد ثاني :nice: ؟! او حتى قارة ثانية :(


ومن جربه واش رايه فيه ؟؟

[رجل الجزيرة]

أنصحك لا تركبه.

[سهم بن سهم]

موظف كيوتل يحصل عليه بسعر 80 ريال شهريا !!!!!

انت يالمشترك تحصل عليه بسعر 400 ريال شهريا !!!!!!


شوف فرق السعر !!

[جنوب الدوحه]

من خلال تجربتي لخدمه البروند باند مع كيوتل ..

- يوجد في السوق عدة اجهزه متفاوتة الاسعار بين 500 الييييين 800 من غير الشرحه . انا توني جاي من مصر رحت شركه موبي نيل .. تاخذ من عندهم الجهاز مع الشريحه بسعر 90 جنيه لا وفيها رصيد بعد وسرعه ممتازه ..

- تجبرك كيووووووووتل انك تدفع فاتوره شهرين ال م تاخذ الكرت زياده على ذالك رسوم توصيل اعتقد 100 ريال والشهرين 800 يعني الشهر 400 ريال ..

- طبعا في الدعايات يقولك خدمه بروند باند غير محدود السرعه .. وهذي اكبر خديعه للعملاء لن حدك الاقصى 15 غيغا واذا تعديت اللمت تدفع 10 دراهم على كل 1 ميقا ..

- بنسبه للارسال يعني مش راضي عليه تمام الرضا لني يوم اكون في سيلين قبل الشاليهات يعطيني الارسال 3 حبات من 5 وهذا ما يرضينا من شركه لها سنين ومحتكره السوق والوحيده الي توزع مثل هذي الخدمه

طبعا بنسبه لكيوتل احنى تعودنا على هذي الخدمات والاسعار منها طبعا وابشرك في اخر الشهر فودافون بينزلون خدمه البروند باند والبلاك بيري ويمكن تكون هناك عروض من الجانبين وتكون انت المستفيد ..

وتقبل مروري يا الغالي ..

[احب قطر]

صباح الخير ...

بالنسبة للبرودباند كجهاز في انواع كثيرة في السوق...مثلها مثل التلفونات...يعني ممكن تاخذ نوكيا بسعر 150 ريال ويؤدي الغرض للاتصال والرسائل وممكن تاخذ لك نوكيا بسعر 2000 ريال. فكل شي له ميزاته.. وفي محلات الكمبيوتر عندهم اشكال وانواع من هالوصلات وحتى كيوتل عندهم قطعة بسعر 199 ريال ونوع 799 واذل خذت لمدة سنة بتاخذه ببلاش... واحب أأكد ان باقة 400 ريال هي استخدام لا محدود بمعنى لامحدود لو وصلت 100 جيج ... وتو كيوتل منزلين جهاز روتر اللاسلكي بسعر 899 ريال...يعني بس تركب الكرت وكذا جهاز يربطون عليه بالوايرلس.

[@@ديزل@@]

اخوي روح مكتبه الجرير وبتحصل برودباند على 250 ريال تقريبا

وركب عليها اي كرت كيوتل ولا فودافون بس انا انصحك فودافون

ويعطيك جوده احسن من مال كيوتل سرعته 7 ميجابايت

من غير اشتراك ولا شيء

وتقبل تحياتي

[شيزكيك]

الصراحه قدمت على البرودباند بو 400 ريال والصراحه غالي ويعل لين يشبك

واخر شي كنسلته وخذوا فلوسهم مب من زين هالخدمه

[NEMO]

انا عندي وصلة بروباند ..........لوحطيت فيها كرت فودافون التعبئة بيشبك ؟؟؟؟؟؟؟ ولالازم الفاتوره

[سهم المراقيب]

الخدمة إسمها البرودباند المتنقل (Mobile Broadband) ,,

سرعة الخدمة مالها شغل في الكمية المتاحة لنقل البيانات ,,

وانا معكم السعر مبالغ فيه بزود ,, لذلك دعوها تخيس وتقطّن وتعفن ,,

تحياتي للجميع ,,

[Index Signal]

عندي برودباند كيوتل الأبيض بكرتونه ..

إللي يبيه يسوم .