ارجو الرد على الموضوع

[مجموعة إنسان]

حين يخون الأزواج ... ما هي ردة فعل الزوجة العربية ؟؟ .

تخرج صرخة من أعماق المرأة التي أهينت كرامتها ..
وعندما تتأكد من خيانة زوجها لها ,
تشعر باهتزاز عرشها ومملكتها
وتعلن : زلزال .. كارثة.. وينتابها شعور بالكرةوعدم الرضا

والسؤال لكل سيدة :
إن اكتشفت فجأة هذه الحقيقة المرة ماذا تفعلين ?
هل تشعلين الحرب عليه أم تضعين أعصابك في ثلاجة ?

و هل تصارح الزوجات الأزواج بشكوكهن

هل يطلبن الطلاق فورا إذا تأكدت مخاوفهن ؟؟

ماذا يفعلن إذا كان هناك أولاد .. ؟؟؟

ــــــــــــــــــــــــــــــــــــــــــــــــــ ــــــــــــــــــــــــ

سؤال الي كل من عانت هذة المشكلة وطريقة حلها هل إذا تمت المواجهة كم مرة ولم يتغير شي وعندك الدليل القاطع تواجهينة بالطلاق وينتهي الامر شعور غريب واحساس غريب ومشاعر غريبة تنتاب كل من عانت هذة المشكلة شعور بالحزن غريب فكيف يتم النسيان واستمرار الحياة

[STAR]

من ناحيتي .. لازم اتأكد بالاول وان تأكدت ... راح اطلب الطلاق.. فانا لا اتقبل الخيانة ولا اعتقد هو يرضى اني اخونه.....

الله لا يرزقني بواحد خوان... يارب ارزقني برجل وفي وطيب القلب ومصلي ويخاف الله...

[ودي أكون]

ليش اعترف اعترف مسوي شي هااا ..:deal:

اتغشمر هههههه :p

[بـــــــنت النوخـّــــذه]

اذا تم التأكد من الحقيقه هذي لازم التطرق لاهم الاسباب الي استدعت طويل العمر للخيانه مع اني دوم اقول مافي مبرر للخيانه دامه تصنف من الكبائر ولكن الانسان احيانا اسمحولي يحن للتصرفات الحيوانيه تكرمون 0000
ولكن في حاله الخيانه الله لايقول اههه بيصير التالي:

1- بسكت لين اجمع الادله والبراهين (الحقيقيه والثبوتيه)
2- لازم اصيد شي عليه واخليه دليل لان ماشاء الله الريايل عندهم اعذار ومبررات ولف ودوران :)
3- استفهم ليش ومنهي ومن متى هذا الشي(بجو هادي) بس القلب محروق *_*
4- اذا بينا اعيال ارقد اليهال واستلمه بغرفه بعيده واذا مافيه اعيال العلع بصوت عالي بس بعد بهدوء والقلب محروق
5-لازم يذكر اسباب الخيانه ولازم التاريخ بالضبط ومتى جاله الاحساس انه لازم يخون والاهم (ليش)
6-اذا فيه قصور من المرأه اكيد بتذكره بحق الله وان فعله حرام وكل شي بيصير واذا مافيه قصور والسالفه سالفه بوطبيع مايوز عن طبعه اهنيه من حق الزوجه وكرامه لها تاخذ موقف من هذا التصرف لانها بشر ولها كرامتها ومهب بالسهوله التسامح صحيح الله غفور رحيم ولكن للناس العدله الي ينردعون--

7- في حاله ان الزوج اعتذر واعتذر واعتذر واعترف انه 100% غلطان وغلط بحق الله ثم حقها ثم حق نفسه 00تعطيه فرصه لان بينهم (عيال) وعيب العيال يدرون ان ابوهم خاين0:nice:0لازم يكون كبير بعينهم

8- اخر حل اذا الريال ماستعدل وتم بخيانته ويعصي ربه اعتقد اهنيه الزوجه تدخل حد كبير عاقل بالغ من اهلها (محايد) يحكم الامور بعقل ويكلمونه لسبب (عندها عيال) واذا تم على خيانته

9- اعتقد الصبر له حدود والمهله خلصت والمايل مايل ---(الهجر ):anger1:
10- ما استعدل ينفصلون كزوجين (وتتم في بيتها معززه مكرمه واهو يطلع) لين اتربي اليهال عدل ويكبرون لين عرف ان عنده زوجه صانته واعرفت قدره وقايمه بواجباته ومراعيه الله فيه وشريفه اتشوف الله ثم اهو ذيج الساعه يدخل البيت00بس مهب بالسهوله الدخول واترد الميه لمجاريها 000

عموما من الاخر لحد يحط عذر للخيانه لانها خيانه لشرع رب العالمين قبل لاتكون للزوجه

واذا ماعندها عيال وما استعدل بالطرق السابقه اشحادها على واحد عاصي ربه 0يبى اتطلق ترى العيال اهم الي يكسرون الظهر بذي السوالف 00000


بس سؤال هل الريال اذا اكتشف خيانه زوجه بيصبر نفس الزوجه صبوره عشان العيال وبيصلح من حالها؟؟؟؟؟؟؟؟؟؟؟؟؟؟؟؟

اعتقد الكل بيقول بيت ابوها وانا اقول بالمثل اذا اكتشفت خيانته اتطلق بلا عوار راس00^_^

[qtrose]

يا كافي الشر ،، و الله يهدي الجميع ..


بالنسبة لي أتوقع اني راح أسامحه ، لأن قلبي طيب :weeping:

بس أكيد بعد ما يعتذر ويستغفر ويتوب .

أما إذا كررها فراح أقول له : باي باي ...