اللي مضيع له ببغاء من نوع الامازون

[مساهم الشبكه]

السلام عليكم ورحمه الله وبركاته


اخواني اعضاء المنتدى


يوم الجمعه رحت فوق سطح بيتنا ولقيت متو ( ببغاء ) من نوع الامازون

وكان تعبان وهاد حيله من الطيران

ومسكته وحطيته في قفص وهو فالحفظ والصون وللعم ترى بيتنا في المطار منطقه الروضه

فرجاء للكل ينشر هالخبر لعل يوصل لصاحبه وللعم المتو يتكلم ما شاء الله عليه

ارجوكم ارجوكم ارجوكم انشروا الخبر لعل يرجع لصاحبه

واللي يحصل اي خبر ماله الا يكلمني عالخاص

وعساكم عالقوه

[سيمباسون]

اخوي انا تقريبا على يوم الجمعه طار لي ببغاء بس موب امزون هو نوعه الافريقي اللي ذيله احمر وريشه رمادي وفي احد ارجله صبع مقطوع ويتكلم وواليف يقول نوف وسمع الله لمن حمده وكلام كثير

صارله معاي اربع سنوات اتمنى ان اللي يلقاه يبلغني تكفون والله ميت عليه

[مساهم الشبكه]

ان شاء الله تلقاه فاعلين الخير كثار وانا اخوك


وانا اتمنى اللي مضيع له نوع الامازون يكلمني والله كاسر خاطري هالمتو مسكين طول اليوم قاعد فالصاله ويقول صباح الخير صباح الخير ويقول حبيبي حبيبي ههههه

[qatar_90]

هههههههه خله ياخي يصبح عليك كل يوم
وبما انك حصلته وكان تعبان المسكين من حقه يقول لك حبيبي :victory:
يعطيك العافيه:nice:

[مساهم الشبكه]

يعافيك اخوي قطري

بس والله راعيه والمتو الاثنيين كاسرين خاطري اول يوم مسكين حسيته حزين الجو متغير عليه

والله ضايق اوصله لراعيه والله ارتاح

[cartier]

الله يجزاك خير

انا ضاع قطوي الهملايا وحطيت موضوع وحطيت اعلانات في الدكاكين

مع انه القطو فيه رقمي على طوقه ولا حد رد لي خبر

الله يرده لي ان شاء الله

اكيد انه البتو غالي عند راعيه

[مساهم الشبكه]

تسلم اخوي كارتر والله يرده لك ان شاء الله

بس رجائي لكم تخبرون كل معارفكم

[الدوحي7]

جزاك الله خير وان شاء الله تحصل راعيها، وان مابقيتهااا ومللتك، ماعندي مشكله اتبناها(اربيها عندي)

[مساهم الشبكه]

تسلم ماتقصر

بس ماراح يرتاح لي ضمير الا اسلمه لراعيه

[بوخالد1]

الشيخ الامازون اللي لونه ابيض وله عرعور فوق راسه ؟ اذا هو انا اخبر واحد من ربعي عنده محل ف سوق واقف ويقول طار من عنده واحد وكان عارضه ب 5000 بساله وبرد عليك انشالله

[faisalqatar]

اخوي الافضل انك اتحط اعلان في الجريدة لان يمكن راعي البتوه ما يدخل المنتدى

والامزون سعره غالي اذا يتكلم واكيد راعيه متحسف عليه

وفي النهاية جزاك الله ألف خير على هالبادرة الطيبه وان شاءالله في ميزان حسناتك

[مبارك سعد]

الله يردة لصاحبة ويعطيك العافية

[رفيعة الشآن]

احنا لنا كاسكو ضايع وتعبنا واحنا ندور عليه ان شاء الله يكون هو

[السموك]

اسمحولي برد عليكم بدال ولد عمي بعد اذنه

بوخالد1 : لا مب نفس المواصفات اللي قلتها

واختي رفيعة الشان عطيني المواصفات عشان اشوف اذا هو ولا لا

[سيمباسون]

ياجماعه اذا كلش كلش كلش مالقيتو راعيه وبغيتو تبيعونه فانا شراي اذا كان من نوع دبل يلو هيد او يلو ناب

وشكرا

[بوغزلان28]

صح اخوي اللي لقى المتوه يتصل لاحد مشايخ الدين ويقوله انا نشدت عن راعيه وما عينته !!

هل استطيع ان ابيعه وفلوسه احطها في جمعيه خيرية ؟؟

[رفيعة الشآن]

اخوي السموك شيك ع الخاص

[السموك]

رديت عليج اختي

:)

[مساهم الشبكه]

ياشباب

بالاول ماقصرت ياولد العم

وثاني شي انا مب ناوي ابيعه ولا ناوي اخليه لنفسي وبحط اعلان فالجرايد وكل مكان

انا لازم ارجعه لصاحبه

واكرر واقول ماني بايعه ولاني مسلمه لاحد الا راعيه

وانا حطيت بالمنتديات مش عشان شي بس عشان الكل يوصل الاخبار للكل يمكن الخبر يوصل لراعيه وبس

[faisalqatar]

كفو والله

وعسى الله يكثر من امثالك

[مساهم الشبكه]

كفوك الطيب اخوي فيصل ويجزاك خير

[بوتميم؟]

والله كفو والنعم والله يكثر من امثالك

[alizz]

جزاك الله خير يا بو تميم والنعم وفيك وكثر الله من امثالك
بس انا اقول يمكن راعيه اجنبي مثلا وان شاء الله تلقى راعيه وتريح نفسك واجرك على الله الكريم
موفق اخوي

[مساهم الشبكه]

تسلمون جميعا

انا حطيت اعلان بالجريده وان شاء الله خير

[مساهم الشبكه]

اصبحنا واصبح الملك لله

[فرفوش]

شووووووف انت حاول ماتقول مواصفاته بالضبط

اذا جذي الكل بيقول انه ماله

احتفظ بالعلومات لنفسك وان جاك صاحبه سأله عن مواصفاته

والله يرده لصاحبه والله يعطيك العافيه وكثر الله من امثالك

[علي الكبيسي]

اخوي اذا ذيلة قصير شوي بيكون لنا
اختي مضيعتة من تقريباً ثلاث اسابيع
في منطقة المعمورة
بالأصح اهو لبنت اختي
شوفة ورد على الخاص

[مساهم الشبكه]

عطني المواصفات بالظبط ولاتهون اخوي