أختلفت الطرق والنصب واحد؟؟؟؟؟؟

[صوت الضمير]

بسم الله الرحمن الرحيم

كيف حالكم أخواني وأخواتي ؟؟ عساكم بأفضل حال
أود إن أطرح عليكم اليوم موضوع يزعجني كثيراً.. وأحببت إن أضع لكم أدلة وصور لكي تثبت موضوعي

في بداية عنواني ذكرت إنه مهما أختلفت الأشكال فالنصب والأحتيال واحد

وفي يومنا هذا أصبحوا يتفنون في النصب.. من أجل ماذا؟؟ من أجل الحصول على أموال أكثر؟؟
وهم يعتقدون إن المشاهدين أغبياء .. فهم مازالوا يتمادون وكل يوم تظهر قناة جديدة
مهما كثرة القنوات وأختلفت فالنصب هو النصب...
هذا أزعجني لكن ماأزعجني بكثرة هو

77777777
77
7

مشاركة شركة الأتصالات القطرية كيوتل في هذه العملية..
فقد وضعوا رقم لهذه القناة .. وشاركوهم في عملية النصب..

أنظروا إلى هذه القنوات ..

http://up3.al-qatarya.org//uploads/images/al-qatarya-276bc7a6dd.jpg (http://up3.al-qatarya.org//uploads/images/al-qatarya-276bc7a6dd.jpg)
هذه أول صورة شوفوا السؤال.. اللي صار له أسبوع محد حله .. وشوفوا النصب بعيونكم
http://up3.al-qatarya.org//uploads/images/al-qatarya-0ef325bd97.jpg (http://up3.al-qatarya.org//uploads/images/al-qatarya-0ef325bd97.jpg)
ثاني صورة رن رنه وبنكلمك .. ايه معليه إن كلموك
http://up3.al-qatarya.org//uploads/images/al-qatarya-c8780759cf.jpg (http://up3.al-qatarya.org//uploads/images/al-qatarya-c8780759cf.jpg)
ثالث صورة أترك لكم التعليق

http://up3.al-qatarya.org//uploads/images/al-qatarya-9ba919cc79.jpg (http://up3.al-qatarya.org//uploads/images/al-qatarya-9ba919cc79.jpg)
رابع صورة رن رنه وأقفل الخط .. ياحلو وبنتصلك وبنخسر فلوس علشان تفوز
ومدري وش فايدتهم 

8888
88
8

هاذي كلها القنوات اللي شفتيها.. يمكن في قنوات ماشفتها
بس لاحظوا فيها شي واحد ومكرر فيهم كلهم .. والذكي يفهم ؟؟؟

هل تعقدون إننا بلا عقول .. أو نضيع أوقاتنا بتفاهه من أجل الحصول على مال طبعاً نصب في نصب
يضعون أسئلة من أتفهه الأسئلة وكأننا أغبياء لهذه الدرجة لنصدق هذه التفاهة..
((أتصلوا رنه وهنكلمكم ... اللي يتصل أكثر بيفوز أكثر.. معانا تكسب دائما)) إلخ
من هذه الكلمات التي يسعون بها للاستغلال الناس الضعفاء الذين لم يقوموا بتشغيل نعمة العقل..
هل يعقل إن تحصل على جائزة أو سيارة أو أموال أو بيت بلا مقابل ...

أخواني أخواتي في بدء ظهور القناة ظهرت قناة واحدة إلى الآن قاموا بفتح تقريبا ً أربع قنوات أخرى

وذلك مع وجود بعض الاغبياء من بيننا الذين يساهمون في هذه التفاهة..
أعتذر عن نعتهم بالاغبياء ولكن لم أجد كلمة اخرى لأعبر بها عن الإنسان الذي لايفكر ولايستخدم هذه النعمة العظيمة التي أنعمها الله علينا..

أريد منكم النصح وتحذير من حولكم ..
أوعدوني إن نقف يداً بيداً .. لنقوم بالمساهمة بتحذير من حولنا
ونصحهم بقضاء أوقات فراغهم بأشياء تنفعهمم في دينهم ودنياهم

شاركونا .. بآرائكم..وأضافاتكم..وتعليقاتكم

حياكم الله ..

أبداع

[قطري هامور]

اخوي : أصحاب هذه القنوات عارفين ان الناس مب اغبياء لكن هذه القنوات معروف ان اللي يتابعها من فئة ( المراهقين والمراهقات ) اللي معاهم دراهم ومب حاسين بقيمتها ولا وشلون يتصرف فيها بطريقة صحيحة + شركات الاتصالات مستانسة ع هالوضع لأنها ربحانة وهذا ينطبق عليه المثل (رزق الهبل ع المجانين )

شكرا ع المشاركة اخوي

[الامانه]

بدون مبالغه انا من اشوف اي قناه امر عليها على طول اعطيها حذف
وعلى قد ما احذف بين فتره وفتره تطلع قناه ثانيه
جزاك الله خير على التنبيه

[المخباط]

ما ظنتي حد يتابعها
لاهين في البلاك بيري:)

[ام السعف]

لها جمهورها من المراهقين و الكبار و اللي ينطبق عليهم القول
اللي عنده قرش و محيره يشتري حمام ويطيره .

[كازانوفا]

حسبنا الله ونعم الوكيل

[بوخالد911]

عطهم ×××

وبس

وريح بالك

[شموخ وبس]

ويييي عليهم يبطون الجبد لا ويستعرظون احسهم 0000 ملقين والله

[صوت الضمير]

اخوي : أصحاب هذه القنوات عارفين ان الناس مب اغبياء لكن هذه القنوات معروف ان اللي يتابعها من فئة ( المراهقين والمراهقات ) اللي معاهم دراهم ومب حاسين بقيمتها ولا وشلون يتصرف فيها بطريقة صحيحة + شركات الاتصالات مستانسة ع هالوضع لأنها ربحانة وهذا ينطبق عليه المثل (رزق الهبل ع المجانين )

شكرا ع المشاركة اخوي

والله إنك صادق رزق الهبل على المجانين
أها يعني شركات الأتصالات ماهم إلا الفلوس حتى ولو جاءت بالنصب
مشكور أخوي على مرورك العطر


بدون مبالغه انا من اشوف اي قناه امر عليها على طول اعطيها حذف
وعلى قد ما احذف بين فتره وفتره تطلع قناه ثانيه
جزاك الله خير على التنبيه

صحيح كل مالها وتطلع قناة أسوء...المشكلة الرسيفر القديم اعرف احذف فيه
لكن هذا ماعرف شلون احذف القنوات :(
حياك الله


ما ظنتي حد يتابعها
لاهين في البلاك بيري:)

لا ياأخوي العجايز هابين فيها وقلت ننبه :)
كلن على جوه .. حياك الله نورت أخوي


لها جمهورها من المراهقين و الكبار و اللي ينطبق عليهم القول
اللي عنده قرش و محيره يشتري حمام ويطيره .

اللي عنده قرش ومحيره يشتري حمام ويطيره

الله المثل لايق من قلب .. أشكرك أختي نورتي


حسبنا الله ونعم الوكيل

نورتي أختي أيه والله حسبي الله والنعم الوكيل عليهم




عطهم ×××

وبس

وريح بالك



نورت اخوي بوخالد.. لو أنا عطيتهم ××× غيري بصدقهم
حياك الله


ويييي عليهم يبطون الجبد لا ويستعرظون احسهم 0000 ملقين والله

:) يبطون الكبد وبس ..إلا يرتفع ضغطي نصب عيني عينك
حياك الله أختي نورتي

[alizz]

جزاك الله على تنبيهك وفعلا هم يستغلون ضعاف القلوب من السذج والمراهقين ويجيبون لهم وحده منحطه مبترجه ومعدلين فيها من كل صوب ويخلونها طول اليوم تتدلع وتناقز وتسوي حركات اغراء والحقيره شاده حيلها عساه ينهد ولو فيها خبر ما باعت عرضها وكرامتها وامثال هذي القنوات هي الحذف

[alrheeb2020]

هههههه والله كل انواع النصب ..


تقعد اتلفلف يمين يسار ( الله اعلم بالنيه هع )

وتقول يلا ليش محد يتصل .. وفالنهايه مليون واحد متصل بس بنت اللذينه تبي اتقص عالميانين ..

واللي يتصلون ناس .......!!!

[صوت الضمير]

بارك الله فيكم

البلا أنها للحين موجودة

أبداع

[مشتاقة لقطر]

تقريبا كل سنةاخوي يطري عليه ويحس انه بيفوز ويتم يتصل وكله جذب بجذب

[بوحارب]

اول ماشوف هالقنوات والأشكال الخايسة اللي تعرض هالبرامج تجيني ضيقة منهم

فـ مسحت هالقنوات عشان افتك من هالأشكال

تسلمين ابداع على الموضوع