سوق واقف ساحة معارك . .

[gxr o.z]

السلام عليكم ورحمة الله وبركاته

اخواني لحد يروح سوق واقف يوم الخميس لأن لو بيعرضون مبارة الجزاءر ومصر اعتقد بيصير في ضرب
لأن اخر مره صار في ضرب وقاموا يطلعون سكاكين وتكسير في بعض ويرمون كراسي على بعض لكن الحمدالله رجال الأمس ماقصروا
نصيحه اي واحد يبي خير لا يروح...لأن الربع مجانين الله يهداهم ومانبي حوادث

[qatari911]

الله يسلم رجال الامن
بعدين الي يسون مشاكل معروفين
وجزاك الله خير على النصيحه عن نفس اشوفه في البيت مع الربع

[بوطويشم]

السلام عليكم

انا عن نفسي اقترح انه ما يحطونه في سوق واقف

والحمدلله والشكر

كورة تفرق شعوب

[tulepq]

إي عاد اللعبه تلعب بأهلها ..

فرجااااءً من الأخوة المصريين والجزائريين .. يشوفون مباراتهم في بيوتهم ويكسرون أثاثهم براحتهم .. ولا يسوون لهم حركات في قطر ..

وأنا عن نفسي بإعتباري في أم الدنيا بأجل أي طلعة .. لا سوق ولا هم يحزنون ..
ونداء لأخواني وأخواتي اللي بمصر ( أهل قطر ) يتجنبون الطلعة بعد المباراه .. لا تصير الذبحة ومن قريب يحطون الحره فيكم ..:tease:

[بومحمد]

اي والله اللعبة تلعب بأهلها والمفروض قوات الشغب تكون متواجدة تحسبا لأي طارئ

[بوخالد911]

الله يفكنا من شر الغوغائيين


وافضل حل هو : التسفير


بلادنا مهب لأعمال العنف والخربطة

[tulepq]

إي والله مفروض إنهم قبل لا يفكرون بأي حركه من حركاتهم يعرفون إن الشرطة موجوده .. ومحد بيسكت لهم

ليتكم تسمعون الإزعاج اللي بمناسبة وبدون مناسبة عندهم .. قسم بالله تكرهون حياتكم ..

[هند88]

زين قلت لنا:eek5:

[بـن عدوان]

يخسون الا هم !!!!

[راعي الدتسن]

والله مسويين جو (افلام هنديه وضرب وسكاكين ..

[شيزكيك]

يبون يخربون في بلادهم مب عندنا الاثنين منهم الحمدلله والشكر علشان تمبه يذابحون

[alrheeb2020]

والله مسويين جو (افلام هنديه وضرب وسكاكين ..

بس ناقصهم مخرج :nice:

[مسباح عاج]

حالياً توجد ثلاث شاشات عرض في سوق واقف
الأولى قرب مطعم بيروت ، والثانية في مقهى عشيرج ، والثالثة قرب باسكن روبنز

وفوضى المصريين والجزائرين ستلاحظونها يوم الخميس (صوت وصورة)

دعوة لقوة الأمن الداخلي (لخويا) للتواجد بكثافه في المكان

سوق واقف (مكسب حضاري) لا نريده أن يتحول إلى ساحة معركة بين الأجانب..

[الصريحه]

اوففففففففففففففففففففففففف

[راسي براسك]

ناس فاضية وعقولهم فاضية !
والله يخلي لهم رجال الشرطة والأمن ومثل ماقالوا أحسن حل التسفير
:)

[tulepq]

ناس فاضية وعقولهم فاضية !
والله يخلي لهم رجال الشرطة والأمن ومثل ماقالوا أحسن حل التسفير
:)


أي تسسسسسسفير الله يهداكم ...

إذا كان البلا منا وفينا ..

تلقونه موظف ما يستغني عنه مديره القطري .. وبيجهز لكم ورقة المديونيه .. اللي خذها قبل القطريين تلقون مشاها له مديره ..

خلونا ساكتين .. ولا تجيبون طاري تسفير ..

والله يغمى على المدراء ورؤساء الأقسام ..

[بوهلال]

الله يهديهم ان شاء الله

وفي النهايه كلنا اخوان وعرب ومسلمين

هوشه تصير علشان كوره

انواع التخلف

[بدون]

مسكوا عيالكم يوم الخميس

[بلوتنيوم]

نبي مراسلين من قلب الحدث:secret:

[شموع قطريه]

وييييييي غربلهم الله هذا القاصر بعد .. عاد بلادنا مب ساحه لحركاتهم الئرعه واللعبه تلعب باهلها خل يروحون قهاويهم اللي متعودين عليها ويكسرون في الكراسي على روسهم لين يشبعون .. اي والله يتذابحون ماعرفوا رجال شرطتنا زين ..

[الرايــق]

اهم شي يا جماعة الخير ما نبي مسيرات فالكورنيش وتسكير شوارع
يا اخوان عندي شفت مسائي وما ابي اتاخر على الدوام:(
لان المباراة الماضية تاخرت على الدوام ساعتين الا ربع

نرجو من قوى الامن التواجد بكثافة على الطرق الرئيسية ومداخلها والضرب بيد من حديد وعدم التساهل مع المخالفين

[cl63]

الناس تموت في العراق وفلسطين وهذو يمتون علشان كورة

[الهاشم]

أعتقد .. بأن الأجهزه الأمنيه والمتمثله بالقوات الخاصه والمرور والدوريات
لن تترك لهؤلاء العبث بكل ما تطوله أيديهم
وحتى المسيرات بالكورنيش .. لن تترك لهم حريه ازعاج الاخرين واعمال
التخريب التي اعتادوا عليها في بلدانهم
أتمنى .. أحضار باصات كروة بوطابقين .. لأجل تاخذ المستهترين منهم من
الســـــــــــــــــــــــــــــــــــوق إلى المـــــــــــــــــــــــــــــــطار

[حليتان*]

الله فله برو اشوفالهواااش خخخخ

[::Mo0on'hm::]

بعض الناس ذبحتهم الهواش

انا مره شفت المصاروه في دبي يترقصون ويطقطقون وحالتهم حاله ومسوين مسيره بعد

اما لو يسوون هني ضرب مضارب انخشو في بيوتكم احسن لا تتحللون :(

[هام السحاب]

بعض الناس ذبحتهم الهواش

انا مره شفت المصاروه في دبي يترقصون ويطقطقون وحالتهم حاله ومسوين مسيره بعد

اما لو يسوون هني ضرب مضارب انخشو في بيوتكم احسن لا تتحللون :(

والله انهم يبطون
ايلس فالبيت عشان حضرته يستانس ولا يتهاوش
انه الي بطلع واهو الي بينثبر بمكانه والي مب عاجبه يطق راسه فالطوفه
واتمنى من شبابنا في مكافحه الشغب مايقصرون فيهم

[meme~qatar]

اقول االحمدلله والشكر

اوادم كبار وعاقلين


يتذابحون علشان كورة؟؟؟

[عذب الكلام 1]

للاسف حتى المثقفين منهم انجروا وراء الاحداث الكارثيه هذا لما الكوره تدخل في السياسه والله حله الله يصلحهم

[لاجل QT]

اشدعوة تكسير وتحطيم على شان كورة ..عسى ماشر.. الا لعبة.. يهال يتهاوشون..

[مسباح عاج]

السلام عليكم

( تحية تقدير ) إلى ( إدارة سوق واقف ) على قرارها الحكيم بإغلاق شاشات العرض العامة يوم الخميس حتى لا تسبب الازدحام الغير مرغوب فيه ، وبالفعل لاحظت انسياب في حركة المارة ، مع تركز مشجعي مصر والجزائر في المقاهي المغلقة بسوق واقف ، إلا أن الجماهير المصرية التي أتت على أمل الوقوف في ممرات السوق ومشاهدة المباراة عبر الشاشات أخذت تتمشى في الممرات بشكل مزعج دون هدف محدد .
ثم بدأت الفوضى والهرج والمرج بعد انتهاء المباراة بفوز مصر على الجزائر ، وبدأت العبارات النابية والشتائم ضد الجزائر تُغنى في انحاء السوق ،
ثم احتشدت الجماهير المصرية في مقهى عشيرج وساحة آل أحمد ، وبدأت الكراسي ترتفع !!
وخرجت السيارات وترجل المشاة نحو الكورنيش وكلكم تعلمون ما يحدث كالعادة .

( تحية تقدير ) أخرى لقوة الأمن الداخلي (لخويا) على تواجدهم الملحوظ ضباطاً وأفراداَ سواء بسيارات الدوريات في الكورنيش أو الدوريات المُترجلة في سوق واقف ، وهذا الامر خفف من الفوضى المتوقعة لحدٍ كبير ، إلا أننا كنا نتمنى عدم السماح بإقامة مسيرة سيارات على شارع الكورنيش واغلاق الدورات من دوار المتحف الاسلامي حتى دوار الشيراتون ، لأن البطولة بطولة أفريقية ولا تخصنا ، وأن الفريق الفائز ليس منتخبنا الوطني ، ولا داعي للاحتفال بهذه الصورة المستهترة.

[meme~qatar]

الا من اللي فاز
ماشفت المباراة
واصلا ماحب المباريات

[بوحمد1]

لاتعليق

مسيرتهم تكون في بلادهم افضل

[hemoud123]

احلى مسيره شفتها في حياتي , ان شاء الله دايما المنتخب يفوز وعئبال الفوز بالمباراه النهائيه , ان شاء الله بتشوفون مسيره في كل قطر , الكورنيش , وشارع النصر , والخليج الغربي , وطريق سلوى , وشارع السلام , والدعوه عامه

[بنت العصـيمي]

اف انا ماداني الكوره اصلا

ويستاهلون اللي انضربو وعقبال الباقي

ماعندهم سالفة