(( شرايكم في هذه اللوحة في أحدى شوارع الدوحة !!!!! ))

[فويرط]

شرايكم بهذه اللوحة ؟؟


http://up4.m5zn.com/9bjndthcm6y53q1w0kvpz47xgs82rf/2010/1/26/12/0wpa4jt8w.jpg (http://www.tobikat.com)


والله عيب اللي قاعد يصير


المفروض اللوحات اللي في الشوارع اذا حصلوا فيها خطأ على طول المفروض في جهة اختصاص مختصة في تعديل هذه اللوحات ...

هذه اللوحة مكتوب فيها في الاصل ( أمامك مطب ) وطارت بعض الاحرف وطاحت الوحة من العمود وطلعت بهذه الجمله وبهذا المنظر

المشكلة في الزائرين لدولة قطر لين يقرون هذه اللوحات في شوارعنا أيش بيقولون ؟؟

وهذه اللوحة مكانها في الغرافة ، بعد ماتعدي اشارات الغرافة متجهه جنوب صوب دوار اللقطة ، اول ماتعدي الاشارات بتجيب لفه على اليسار توديك دوار المايل ، بتحصل اللوحة مع اللفة طايحه تحت ...

وأتمنى تعديل اللوحة في أسرع وقت ، مع توفير جهة مختصة وظيفتها تصحيح اللوحات الموجودة في الشوارع ..



مني إلى جهة الاختصاص بالدولة ،،،

[صوت الضمير]

ماما ضب

هههههههههههههههههههه

خطأ فادح .. الظاهر عجزانين يغيرونها

الله المستعان

أشكرك أخوي وكلامك صحيح

أبداع

[Mr.Mohammad]

خخخخخخخخخ

يتبعون مقولة اللبيب بالاشـارة يفهمُ!


يعطيك العافيه اخوووي فويرط

[نورالهدى]

خطأ مطبعي
ان شاء الله بيتصلح

[هند88]

ههههههههههههاااااااااااي فشيله..

[الهاشم]

يمكن تكون اللوحه تم كتابتها بصوره صحيحه ولكن تأثرت بعامل الطقس

لكن المشكله الآن .. أصبحنا نرى لوحات مكتوبه بلغه خليطه مابين العربيه
والهنديه .. والمشكله حتى أسماء المحلات في بعض اللوحات ما أسلمت سواء من الاخطاء الأملائيه او العربيه .. المكسّره .!
والله يجزيك خير على الموضوع

[بوحارب]

ماما ضب وبابا شنو

من الذوق انه يكمل عشان يكون فيه عدل بين الماما والبابا

[وافق شنن طبقة]

8
8
هههههههههههههههههههههههههههههه
هههههههههههههههههههههههههههههههههههه
ههههههههههههههههههههههه
هي اكيد كانت صحيحة وتاثرت بعوامل الطقس وعيال الفريج ,, الخ :nice:

وان شاءالله تكون في رقابه على هاللوحات الارشادية لاهميتها :victory:

[الخفي]

ما ما ضب ---- بابا سحليه

هذا اللي ناقص يعني محد من المسئولين من اشغال او من البلديه

شاف اللوحه واستحى او استكثر يرفع السماعه لازاله هذه اللوحه الفشيله

[ســـهم]

شكل امه تعض !


عموما اعتقد أن هذه اللوحه تعرضت لعوامل التعريه الأملائيه قبل التعريه الجويه !

[امـ حمد]

جزاك الله خير اخوي

[الرويـس]

جزاك الله خير
بس فلنفرض ان الفنان اللي غير معالم اللوحة
كان موجود قبل لا تصور اللوحة بساعه او ساعتين او حتى يوم

في الحالة هذه لا بد انك انت او اي شخص ممن يكتشفون الخطأ في انه
يتحرك لاعلام الجهات المختصة بهاتف او رسالة نصية او حتى ياخي اطلب المرور(999)
وصدقني محد في المرور راح يلومك او انه يستغرب من تصرفك الا اذا كان مستلم البلاغ
من النوع الغير مبالي ونحسبهم على خير ان شاء الله :(

الشاهد من الحديث ان الجوهر الرئيسي اللي داخلنا لابد ان يكون له (رد فعل) مصحح للخطأ
اذا ما صدقنا طبعا في التصحيح والاصلاح .

وصدقني اول ما الجماعة ما يعرفون ان في خطأ ( لوحة مشوهه او مكسورة او منقولة)
راح يتداركونه بس المسألة مربوطة بعاملين
الأول : ( بوقت) اكتشاف الخطأ ، والثاني : ( بمن) يكتشف الخطأ لان يمكن اللي يكتشفه مايعرف يقرا او ما يفهم عربي :( ( بهوت مشكل ) .

:(
لاتنسوا ابتسامتكم


http://www.omrani.com/home/index.php?c=ok
ما ادري هل هذا الامر من اختصاص من :( بس اعتقد انه من اختصاص وزارة البلدية والتخطيط
علمهم وين المكان بالضبط

[kcard]

واضح إن أصل الكلمة "أمامك مطب"
قد يكون أحد الشباب مسح بعض الأجزاء بهدف المزح

[جوهرة قطر]

هههههههههه لاتعليق الصرحه

[الطبيشي]

والله اشغال والبلديه تعبااانين



كثير من اللوحات اللي بالشوارع فيها اخطاء كثيره

ياليت ينتبهوون


ولاهنت اخوووي

[روعة الجوري]

يوووووووووووووووووووووووووووو

يا كثر الاخطاء في هاللوحات

ولا

خقر قميع= حفر عميق

باي لغة انا مادري

[عـيـون قـطـر]

هههههههههههههههههههه

[الحجاجي]

الله يعين ..

جت على هاللوحه ..

تدري هي مشكلته انها طايحه ..

يعني خلاص محد راح يشوفها ..

لكن المشكلة الكبرى

في اللوحات اللي واقفه وشادين الظهر فيها
وكلها اخطاء

طبعاً الأخطاء من العابثين ؟ ( ويا مكثرهم شفت لوحات بالشمال مثورين فيها ببندقيه كلها متخرمه )
ومن عوامل الزمن والتعرية ( المفترض كل فترة تنصبغ ويتم تحديثها ) .
ومن الحوادث .


ان شاء الله اصواتنا وصلت للجهات المختصـة

وتسلم على ملاحظتك

[نجم سهـيل]

يعطيك العافيه

[هدهد سليمان]

اهم شي في اللوحه اللغه الانجليزيه .. العربيه ما يحتاج !

[العليا]

التمس لاخوانك سبعون عذراً

يكفي انها طايحه .... يعني منتهية الصلاحيه


قكوا في العلم شوي
,,,

[ثرية]

هههههههههههههههههههههه

[بـــــــنت النوخـّــــذه]

بس ترى واضح ان الصوره ممسوحه الاحرف !!!!!!!!!!!!!!!

واضح جدا جدا جدا 00000لان محطوط مسافات كبيره بين الكلام ولو انها مطبوعه بالغلط كان بتشوفون كتابتها كالتالي : (ماماضب) مهب ( ما ما ضب ) واضحه عصاه حرف الطاء ممسوحه وواضح ان حرف الالف ممسوح والكاف ^_____^


السؤال من من الي خرب اللوحه ؟؟؟؟؟؟؟؟؟؟؟

[بنت قطر202]

هههههههههههههههههههههههههههههههههههههههههههههههههه هههههههههههههه

عيل بابا ضب وين؟؟؟

[بـن عدوان]

في اعتقادي ان اللوحة تغيرت عن طريق الايدي البشرية

[شيزكيك]

هههههههههههه

الصراحه لاتعليق

ومكرمات الامهات

[bluelion]

مرة شفت لوحة "أمامك أعمال طرق" ... غيروها شباب الفريج إلى "ماما عمال طز"

[بوحسن2009]

يا فويرط هم حاطنها بالعماله اختبار لى لان أول كله راسب فى العربي ..

[تواق]

فيه ناس تخصصهم تخريب اللوحات وخلع بعض الاحرف

مثل لوحه صغيره في مستشفى حمد

احرص على تجديد بطاقتك

وشايلين حرف التاء وصايره احرص على جديد بطاقتك

[لولوتي]

من سنه تقريبا شفت اللوحه وهي معلقه وبالفعل شي يقهر هالتلاعب فيها،،،
بالأخص لأنها انحطت في مكان ضروري وجودها،،، بما ان المطب يجي مع بداية اللفه وبشكل مفاجئ يمكن البعض ما ينتبه له فاللوحه اهميتها كبيره.

متى يفهمون ان هالامور ما انحطت عبث وفيها سلامتنا وسلامتهم.

والله المستعان.

[أبوهاشل]

هذي من آثار التعريه على اللوحات الله يستر لاتحوش العقول

[TZ71]

ياخوي اللي يكتب اللوحات الاعلانيه يا بنغالي او هندي او فلبيني او نيبالي , شلون تبي اللغة العربية تكون
سلامي على اللغة العربية (( انت مافي معلوم ))