استفسار لاهل الخبره الله لا يهينكم

[خجول 2009]

السلام عليكم

يا شباب عندي gxr 2007 سويت فيه حادث وتعور عندي الجنب اليمين كامل والجنب اليسار ولما رحت التأمين وبعد المناقشات والجدال والهواش قالولي ود السياره وكاله الستروين ،وانا ماعرف شغلهم شلون اذا ممكن حد يفيدني اذا كان شغلهم زين او لا،
انا وديت الموتر وكاله التيوتا قبل ما وديه الستروين قالولي انه تكلفه تصليح الموتر 89000 وقالولي التامين اني لازم اتحمل 30% من قيمه قطع الغيار علما بان قطع الغيار بس قيمتها 64000 .
ابي استشارتكم هل اصلح الموتر عند وكاله الستروين ؟ ولا اخذ المبلغ الي بيقدرونه لي التامين واصلح السياره في قراج ثاني ؟ واذا ممكن تفيدوني عن احسن قراج؟ ولا اكنسل الموتر علما بان الموتر عليه اقصاد لين الحين ماخلصت؟
ويعطيكم الف عافيه

[Qstar]

اول شسء الحمدالله على سلامتك

اذا الاقساط بيطيح بالكامل فك عمرك من العباله لان الموتر بيعتبر مصبوغ بالكامل وسعره بيطيح في السوق

واذا لك نيه اتصلح في مكان غير الوكاله عليك بوكالة الديهاتسو ممتاز صبغهم وحتى كراج دكا سعره واايد حلو وشغله نظيف

وموفق ياخوي

[*^*محمد*^*]

الحمدالله على سلامتك اخوي

وكلام اخونا اللي قبل صحيح 100% لان الاقساط هم

والكراجات واجد والاسعار مختلفه شوف شركه الاودي بعد شغلهم حلو

[خجول 2009]

اول شسء الحمدالله على سلامتك

اذا الاقساط بيطيح بالكامل فك عمرك من العباله لان الموتر بيعتبر مصبوغ بالكامل وسعره بيطيح في السوق

واذا لك نيه اتصلح في مكان غير الوكاله عليك بوكالة الديهاتسو ممتاز صبغهم وحتى كراج دكا سعره واايد حلو وشغله نظيف

وموفق ياخوي

الله يسلمك اخوي Qstar من كل شر وماقصرت ويعطيك العافيه

[خجول 2009]

الحمدالله على سلامتك اخوي

وكلام اخونا اللي قبل صحيح 100% لان الاقساط هم

والكراجات واجد والاسعار مختلفه شوف شركه الاودي بعد شغلهم حلو

الله يسلمك يالغالي من كل شر وتسلملي على النصيحه بس اعتقد بعد وشركة الاودي غالي تصليحها وماراح يرضون شركت التامين

[بن درويش]

شركه الستروين شغلهم عدل وحلو انا مصلح باب ورفرف عندهم موترى 2006
بعد لونه ذهبي ومافرق اللون ضروبولى باليس كامل

[خجول 2009]

شركه الستروين شغلهم عدل وحلو انا مصلح باب ورفرف عندهم موترى 2006
بعد لونه ذهبي ومافرق اللون ضروبولى باليس كامل

تسلم اخوي بس انا متردد ومتخوف من شغلهم

[بويعقوب]

الله يعينك ياخوي
والحمد لله على سلامتك
وبالنسبه للكراج حاول تصلحه في الكرستال
او كراج الدايهاتسو

[عنابي 2010]

السلام عليكم ورحمة الله وبركاتة ,

أول شي ماتشوف شر أخوي خجول 2009 وتستاهل السلامة

مابي اعور رأسك واقولك الله يعينك على الكراجات وشغل الكراجات لكن الله يعينك

بصراحة جربت شغل شركت الاودي وجه ورفرفين يمين ويسار وبعدين صبغت الموتر كامل شغلهم حليو بس غالي شوي حق فكسار , وعندك كراج الستقبل من شهر تقريبن صابغ عندهم رفرف حق gx لؤلؤي 2007 شغلهم حليو وعندك كراج الوليد شغلهم بعد حليو وبعد عندك العاصفة ,

وودي اقولك بعد النورمندي لكن...........


ملاحظة ونصيحة / قبل لاتروح اي كراج شوف شغلة وأذ عندة مواتر شغل فية سمكرة بعد حلو

ومرة ثانية اقولك ماتشوف شر اخوي خجول 2009 :)

[خجول 2009]

الله يعينك ياخوي
والحمد لله على سلامتك
وبالنسبه للكراج حاول تصلحه في الكرستال
او كراج الدايهاتسو

الله يسلمك ياخوي وتسلم على النصيحه

[خجول 2009]

السلام عليكم ورحمة الله وبركاتة ,

أول شي ماتشوف شر أخوي خجول 2009 وتستاهل السلامة

مابي اعور رأسك واقولك الله يعينك على الكراجات وشغل الكراجات لكن الله يعينك

بصراحة جربت شغل شركت الاودي وجه ورفرفين يمين ويسار وبعدين صبغت الموتر كامل شغلهم حليو بس غالي شوي حق فكسار , وعندك كراج الستقبل من شهر تقريبن صابغ عندهم رفرف حق gx لؤلؤي 2007 شغلهم حليو وعندك كراج الوليد شغلهم بعد حليو وبعد عندك العاصفة ,

وودي اقولك بعد النورمندي لكن...........


ملاحظة ونصيحة / قبل لاتروح اي كراج شوف شغلة وأذ عندة مواتر شغل فية سمكرة بعد حلو

ومرة ثانية اقولك ماتشوف شر اخوي خجول 2009 :)

مرحبا الغالي الشر ما يجيك انشالله وتسلملي على النصيحه وما قصرت

[علـــي]

بالتوفيق

[خجول 2009]

بالتوفيق

اجمعين انشالله ويسرني مرورك

[بلاتينيوم]

الحمدالله على سلامتك اخوي

اذا كان التعويض يسوى خذ ولا تردد وما عليك من كلام الوكاله والخرابيط ومبالغهم الخياليه

بعد ما تستلم التعويض فكر براحتك
اما انك تبيع السياره على حالتها .......

او انك تصلح السياره ب 5000 ولا اكثر شوي

ولا تنسى ان عندك تويوتا والتويوتا ذهب .... الا كنز وما تعرف هالشي الا اذا جربت غير التويوتا

ال 5000 ريال ما تجيب تايرين في السيارات الالمانيه

[eXpert*]

أخوي اذا بتأخذ المبلغ كم بيعطونك ؟؟

لاتنسى ان الـ 89 ألف ريال هذا سعر الوكالة لـ شركة التأمين لو أنت شخصياً بتروح تصلح وبتدفع من جيبك ماراح يوصل التصليح حتى 50 ألف ريال في وكالة تويوتا .

شوف اذا تقدر تأخذ المبلغ وتروح الوكالة بنفسك لما بشوفون ان انت اللي بتدفع لك سعر خاص غير خصم الـ 25% على قطع الغيار و 20% على أجور العمال .

اقتراح ثاني تاخذ المبلغ وتروح الشارقة وتشتري قطع الغيار من هناك

يعني الابواب للجنب الواحد في قطر يوصل الـ 3000 ريال قطري .
بس في الشارقة تقريباً 2000 ريال قطري.
في الدمام اسعار الابواب للجنب 2800 ريال قطري .

[خجول 2009]

الحمدالله على سلامتك اخوي

اذا كان التعويض يسوى خذ ولا تردد وما عليك من كلام الوكاله والخرابيط ومبالغهم الخياليه

بعد ما تستلم التعويض فكر براحتك
اما انك تبيع السياره على حالتها .......

او انك تصلح السياره ب 5000 ولا اكثر شوي

ولا تنسى ان عندك تويوتا والتويوتا ذهب .... الا كنز وما تعرف هالشي الا اذا جربت غير التويوتا

ال 5000 ريال ما تجيب تايرين في السيارات الالمانيه

اي والله وانت الصادق ياخوي ومثل ماقلت التويوتا شيك مفتوح في اليد ويعطيك العافيه

[خجول 2009]

أخوي اذا بتأخذ المبلغ كم بيعطونك ؟؟

لاتنسى ان الـ 89 ألف ريال هذا سعر الوكالة لـ شركة التأمين لو أنت شخصياً بتروح تصلح وبتدفع من جيبك ماراح يوصل التصليح حتى 50 ألف ريال في وكالة تويوتا .

شوف اذا تقدر تأخذ المبلغ وتروح الوكالة بنفسك لما بشوفون ان انت اللي بتدفع لك سعر خاص غير خصم الـ 25% على قطع الغيار و 20% على أجور العمال .

اقتراح ثاني تاخذ المبلغ وتروح الشارقة وتشتري قطع الغيار من هناك

يعني الابواب للجنب الواحد في قطر يوصل الـ 3000 ريال قطري .
بس في الشارقة تقريباً 2000 ريال قطري.
في الدمام اسعار الابواب للجنب 2800 ريال قطري .

اقتراح حلو اخوي بس انا لين الحين انطر يردون علي التأمين