سؤال عن الدفــــان :.. ــــــــــــــــــــــــــــــــــــــــــــــــــ ــــــــــ !

[بو الجوري]

السلام عليكم :..

بغيت أسال عن موضوع الحفر والدفان :..

أنا أرضي في عين خالد :.. ونازله عن مستوى الشارع تقريباً بـ 2.75 متر !!

وبعد المعاينه من قبل المقاول :.. قالي تقريبا يبيلك 3000 متر مكعب يعني تقريبا 160 تريب :..

يعني حول ال50 ألف ريال :.. !!

سؤالي هو :.. هل الدوله تعوضني :.. لأن الارض نازله وايد :..
وهل بحتاج أحفر وايد !!! بما إن الارض نازله !!!


تحياتي :..

[شموخ دائم]

,

,


مرحبا اخوي

يعطيك العافيه

ان شاء الله اقدر اجاوب على سؤالك

هل الدوله تعوضني :.. لأن الارض نازله وايد :..


يؤسفني اقولك لا الدوله ما تعوض بهذا الموضوع


وهل بحتاج أحفر وايد !!! بما إن الارض نازله !!!

فكره الحفر ان احنا نزيل قشره الارض السطحيه حتى نوصل الى ارض اكثر صلابه

حتى نحط عليها القواعد لذالك الموضوع ماله علاقه نازله او لا

لازم المقاول راح يحفر ولو حفر بسيط حتى يتاكد من متانه الارض يمكن الارض

لينه او فيها رطوبه لاقدر الله لذالك الحفر هنا لصالحك اخوي

وبعد ما الاستشاري يوافق على نوعيه الارض ويتم تسويتها يتم وضع الاساس والقواعد


هناك ميزه وحده

تقدر تسوي بيسمنت او ( قبو ) تحت البيت وما يكلفك كثير ان شاء الله

تقدر تستغله ملحق او غرف خدم او غرف العاب اطفال او مخازن

منافعه كثيره لو حبيت تعمله انا اتكلم راح توفر كثير فلوس وتكسب مساحات جديده بالبيت

مجرد فكره البعض يعملها والبعض لا يفضلها

بالتوفيق لك


,


,


اخوك



شموخ دائم

[بو الجوري]

ما قصرت :.. أخوي :.. وفكرة البيسمنت حلوه :.. لكن أنا خرايطي ورخصتي جاهزين :..

و وقعت العقد مع البنك ونزلت الدفعه :..

وعلى حسب علمي اذا بسوي بيسمنت :.. لازم اغير المخطط واطلع رخصه جديده وسالفه :.. صح !!

عالعموم ماقصرت أخوي :..

[التجوري]

بخصوص تعويض الدولة

الدولة ما تعوض و كلام شموخ دائم على حق

و شموخ ما قصر بخصوص الحفر

ممكن افيدك بخصوص الدفان

ممكن تبحث عن موقع فية دفان و تشترية و تقوم بنقلة الى الموقع و توفر من التكلفة

بس مشكلته في مواقع الحصى اللي فيها كبير نسبيا و غير مغربل فلازم تنتبة للنقطة هذية

و يفضل يكون الموقع قريب من موقع البناء للتوفير

بالتوفيق

[RAHA]

الأخوان ما قصروا
و لكن قبل الحفر على المفاول ان يتأكد من منسوب الأرض بالنسبة للشارع
يجب ان يكون منسوب الصفر عندك الشارع و من بعدها تحدد الحفر
طبعا يحدد المنسوب من أقرب شارع بأجهزة خاصة بالمساحه
و إذا صعب عليكم الأمر فيقدم المقاول طلب لإدارة الطرق لتحدد الصفر في منطقتك

في منطقة عين خالد او المسمى بأم السنيم
منطقة صخرية فبمجرد ان تحفر الأرض لعمق 20 سم
ستظهر عندك اكوام صخريه و غالبا المنطقه تكون هابطه
لذلك عند الحفر ممكن ان تسلم الإستشاري الحفر بعمق 30-80 سم

اما إذا كنت المنطقه هابطه فالله يعينك لأنك لازم تدفن البيت
و لكن حسبتك غير دقيقه فتريب الدفان حاليا يكلف ما بين
200-250 ريال دفان مغربل و ممكن يكلف في حدود 30000 ريال
و لكن يكون على حساب المقاول و من ضمن عقد المقاوله
و ممكن تسويتها مع المقاول بأن يلتزم كل طرف بنسبة من المبلغ

[بو الجوري]

يعطيكم العافيه :.. ومشكورين عالمعلومات :..

أخوي التجوري :.. و راحه :..

والله يعين إن شاء الله :..

[wrc]

السلام عليكم :..

بغيت أسال عن موضوع الحفر والدفان :..

أنا أرضي في عين خالد :.. ونازله عن مستوى الشارع تقريباً بـ 2.75 متر !!

وبعد المعاينه من قبل المقاول :.. قالي تقريبا يبيلك 3000 متر مكعب يعني تقريبا 160 تريب :..

يعني حول ال50 ألف ريال :.. !!

سؤالي هو :.. هل الدوله تعوضني :.. لأن الارض نازله وايد :..
وهل بحتاج أحفر وايد !!! بما إن الارض نازله !!!


تحياتي :..

الله يوفقك ياخوي وماقصرو الاخوان ,انا ارضي نفس ارضك تقريبا بس طبيعتها صبخه فسؤالي هل تحتاج اجراءات غيرالدفان وخاصة انها صبخه؟؟؟

[jetstream---]

اخوي انا ارضي في نفس المنطقة وفعلا تم رفع الارض وطبعا في هذي الحالة لاتنسى تتفق مع

المقاول يرفع لك السور عشان لما يسوون الشارع بياكل من طول السور على قد الرفع انا

اتكلم عن المنطقة الي خلف شارع بروة التجاري مع العلم ان في ناس بنوا في نفس المنطقة

ومارفعوا المقاول مانبهم الله يعينهم.


بالتوفيق ان شاءالله

[مدور الصداقة]

ما قصرت :.. أخوي :.. وفكرة البيسمنت حلوه :.. لكن أنا خرايطي ورخصتي جاهزين :..

و وقعت العقد مع البنك ونزلت الدفعه :..

وعلى حسب علمي اذا بسوي بيسمنت :.. لازم اغير المخطط واطلع رخصه جديده وسالفه :.. صح !!

عالعموم ماقصرت أخوي :..

باقول تجربتي في هالموضوع
الله يسلمك انا خلصت مع بنك التنمية وأثناء التنفيذ بعد صب الفرشات عدلت في الخرائط وكبرت البيت وعدلت بالقواعد وبأماكنهم
كل اللي سويته رجعت للمهندس اللي صمم لي الخارطة وعدلت الخرائط الانشائية
وبديت التنفيذ وبعد ما وصلت الدور الاول بعد عدلت في الخارطة وضفت بنت هاوس
بعد ما استقريت على كل التعديلات فتحت ملف مرة ثانية والمهندس خذي من حوالي 4000 ريال عشان بيعدل الخرائط كاملة وبيفتح ملف جديد ورخصة جديدة وفعلاً قام بكل هذا
انا بديت البناء بشهر 3/2009 وطلعت الرخصة الجديدة بشهر 9/2009 بعد ماخلصت البنت هاوس وخليتها عندي بالبيت والبنك ماله شغل فيها خلاص
الله يوفقك

[هبة ريح]

الاخوان ماقصروا,, يعطيهم العافيه

[اسيرالدوحه]

السلام عليكم ...

انا رأئي مثل رأي شموخ دائم ....

سوو قبو ... وراح توفر كثير ..

وتقدر تستفيد من القبو ...

وبخصوص الخرايط ... تتغير ...

والرخصة ... تغير ...

حاول انك تستفيد من موقع الأرض وحالتها ...

وبعدين تعال ...

دام انك وقعت العقد ... واستلمت الدفعة ...

معناتها ان المقاول ... يدري بهذا الشي ...

اذن .. الدفان عليه .. مب عليك ...

الا اذا كنتو حاطين بند بالعقد .. بخصوص مثل هالحالات ...

يعطيك العافية اخوي ...

وبالتوفيق يا رب ...