وين ارخص عياده للأشعه المقطعيه ؟؟

[خالد624]

السلام وعليكم ورحمة الله وبركاته

الله يلبس الجميع بلباس العافيه

اللي يعرف عياده خاصه تعمل الاشعه المقطعيه بسعر مناسب يدلنا عليها

ولكم جزيل الشكر

[ضوى]

خليني اقولك تجربة شخصية بخصو الاشعة المقطعية

مستشفى العمادي مايعرفون البطيخ من المانجا

عيادة الدوحة اهون بس بعد مايعرفون شروطها عدل

الاهلي ماعرف وماقدر اظلمهم

اشعة الخليج اتوقع عندهم ناس كفاءة وكانه في جهاز عندهم هو الاول في الشرق الاوسط وبرأيي هم الافضل

اذا بغيت شئ تمام وببلاش اذا انت قطري مستشفى الرميلة او حمد العام او مستشفى الخور

[العليا]

ما فيه أحسن من طواري حمد

إذا انت محتاجها بيسونها لك على طول بلا مواعيد بلا هم


بس روح الطواري

[اّل ثاني 77]

عليك بمستشفى الخور
وانتبه انتبه انتبه انتبة
انتبه انتبه انتبه انتبة
انتبه انتبه انتبه انتبة تروح عيادة الدوحة

[فيزيائية]

اي والله الاهلي مايعرفون البطيخ من المنجا ....

مالك الا حمد ........اللهم ادمها من نعمة

اذا مستعجل روح العيادة المسائية

[بـــــــنت النوخـّــــذه]

الاشعه المقطعيه يعتمد سعرها على الجزء او العضو الي بالجسم الي بتسوي فيه الاشعه المقطعيه 0000 مثلا الركبه ياخذون عليك تقريبا 1300 ريال واليد ياخذون 1000 ريال جذيه يعني 000

وعموما مستشفى حمد احسن سوي اشعه عندهم وروح عياده خاصه شخص الحاله عن طريق اشعتك 000إذا انت حاب التشخيص بعياده خاصه 000 ولكن انصحك نفسهم بمستشفى حمد ابرك منهم كلهم طب وتخير اي جزئ ببلاش 00

بس الي اعرفه ان العمادي اول مستشفى بالدوحه يجيب جهاز مطور للاشعه يعني مهب نفس الي بالستشفيات تدخل داخله نفس القبر متر×متر

لا ذاك الي عندهم تنام على سرير وينزل من فوق عليك جهاز 00000

والله يعطيكم الصحه والعافيه طوله العمر وماتشوفون شر

[شموع قطريه]

احسن مكان للاشعه المقطعيه هو اشعة العربي .. وايد ممتاز

[ممنوع اللمس]

انا ركبتي منتهيه رايحه فيها سويت هالاشعه في عيادة الشرطه قالو مافيك شي؟
انا من شفت زول الدكتوره تتعلك غسلت ايدي
من دخلت عليها إيه يا باشه انا حسويلك اشعه سدئني مش حيطلع فيك حاقه؟
شكلي بروح عياده خاصه ابرك لي والله يعافيك اخوي ويشفيك

[خالد624]

اشكر كل اخ وكل اخت

رد على موضوعي

الله يعطيكم العافيه

[مرعــوب]

خليني اقولك تجربة شخصية بخصو الاشعة المقطعية

مستشفى العمادي مايعرفون البطيخ من المانجا

عيادة الدوحة اهون بس بعد مايعرفون شروطها عدل

الاهلي ماعرف وماقدر اظلمهم

اشعة الخليج اتوقع عندهم ناس كفاءة وكانه في جهاز عندهم هو الاول في الشرق الاوسط وبرأيي هم الافضل

اذا بغيت شئ تمام وببلاش اذا انت قطري مستشفى الرميلة او حمد العام او مستشفى الخور

عيب هذا الكلام والتجريح بالمستشفيات الاخرى
وبعدين انتي الي ماتعرفين البطيخ من الخرابيط
اول شي هو سأل عن الاشعة والاشعة يسونها بجهاز وكل المستشفيات نفس الجهاز !!!
اما التشخيص فهو الي يعتمد على الدكتور ,,,

[ســـهم]

اخوي انا سويتها في الاهلي على سعر 1100

وعيادة الدوحه 1600

وللعلم على الفقرات القطنيه

[خالد624]

اشكرك اخوي سهم

[جوال 11]

مستشفى حمد ومستشفى الخور ولا تغامر عند العيادات

[ANONYMOUS]

من استرخص اللحمه خانته لمرقه

شوف لك الشغل المحترم.. وخصوصا ان الموضوع متعلق بالصحه

وماتوشوف شر

[ضوى]

عيب هذا الكلام والتجريح بالمستشفيات الاخرى
وبعدين انتي الي ماتعرفين البطيخ من الخرابيط
اول شي هو سأل عن الاشعة والاشعة يسونها بجهاز وكل المستشفيات نفس الجهاز !!!
اما التشخيص فهو الي يعتمد على الدكتور ,,,


الاخ الفاضل

انا تكلمت عن تجربة شخصية ، وبعدين ماشفت ردودك الحلوة هذي يوم يذمون مستشفى حمد ويوصفونهم بالجزاريين والمقصب الالي ؟؟ ليش اللي انقال بحق مستشفى حمد ماكان تجريح ؟؟؟ والا لانه المستشفيات الخاصة مرفوع عنها القلم ؟؟

عموما مارح اكثر الكلام معاك لانه اسلوبك ماعجبني

[قناص الخليج]

اول شيء ماتشوف شر واجر وعافيه

مثل ماقالوا لك الاخوان عليك بمستشفى حمد او الرميله او الخور

وخل عنك العيادات الخاصه

عن تجربة شخصيه انا سويت الاشعه مره بالرميله وقبل اسبوعين بمستشفى حمد

واذا تبي اسرع روح مستشفى الخور

[خالد1]

اسمع يا بووليد انا سويتها في مستشفى حمد ماخذت ربع ساعه روح هناك أحسن لك
وماتشوف شر

[مرعــوب]

الاخ الفاضل

انا تكلمت عن تجربة شخصية ، وبعدين ماشفت ردودك الحلوة هذي يوم يذمون مستشفى حمد ويوصفونهم بالجزاريين والمقصب الالي ؟؟ ليش اللي انقال بحق مستشفى حمد ماكان تجريح ؟؟؟ والا لانه المستشفيات الخاصة مرفوع عنها القلم ؟؟

عموما مارح اكثر الكلام معاك لانه اسلوبك ماعجبني

ماشالله تجربة شخصية على كل المستشفيات الى في قطر ,, الله يشفيج انشالله
وانا ماشفت موضوع مستشفى حمد ,, وانا مب مراقب عام عشان ارد على كل موضوع ,
واذا اسلوبي مب عاجبج هذا هو الي يسمونه تجربة شخصية ,, اما انتي تغلطين على كل العالم فهذا سلوب .......!!!!!

[أخت الغالي]

أشعة الخليج ..


بس ابووووووي دووم يسويها فرملية ولاعمرة اشتكي يمدحهم ومواعيدهم قريبة

[نورالهدى]

بصراحة انا ما اثق الا بمستشفى حمد من الآخر
واذا في اخطاء طبية
ففي كل المستشفيات خطأ طبي
وكله مكتوب
صدقا مافي غير مستشفى حمد

[ابن الجزيرة]

انا ركبتي منتهيه رايحه فيها سويت هالاشعه في عيادة الشرطه قالو مافيك شي؟
انا من شفت زول الدكتوره تتعلك غسلت ايدي
من دخلت عليها إيه يا باشه انا حسويلك اشعه سدئني مش حيطلع فيك حاقه؟
شكلي بروح عياده خاصه ابرك لي والله يعافيك اخوي ويشفيك

لا توجد الاشعة المقطعية او الرنين المغناطيسي حاليا بعيادة الشرطة..


الدكتورة ربما عملت لك سونار للركبة وهي لا تبين اشياء كثيرة ودقيقة مثل الرنين المغناطيسي

يمكنني مساعدتك في الموضوع ان اردتي ..

ولصاحب الموضوع اقول حمد او الخور لديهم اجهزة محترمة ومجانا للقطري ومبلغ زهيد جدا لغير القطري ...المواعيد وان تاخرت قليلا فالموضوع ليس مستعجل كما اعتقد

يعطيكم العافية

[خالد624]

الله يعطيكم العافيه

وماقصرتوا على ردودكم الطيبه

[party]

اذا السالفه متعلقه بالركبه

شوفوا مستشفى سبيتار سوا اشعه فيها وشوفوا الدكاتره هناك ترا ممتازين

اتكلم عن تجربه والله

[Scorpion]

روح الخور ..

أنظف وكل مريض يعطونه لبس + اهتمام جنه مستشفى خاص ..

وايش اسباب التشخيص ؟

ولو محتاج اي معلومات راسلني..