ظهرت لي رسالة باختراق الكمبيوتر الحل يا اهل الخير

[بوليد]

السلام عليكم
استخدامي للانترنت كثير والكمبيوتر نظامة اكس بي وفي بيانات مهمة من بطايق ائتمان واشياء ثانية
المهم وانا اليوم شابك النت ظهرت لي ايقونة تحت من الويندوز يقول لي في خلل رقمك الاي بي مستخدم من شخص اخر طبعا اول شي اسوي اسكر الكمبيوتر من الزر
ومن بعدها مافتحت الكمبيوتر
مادري وش اسوي الحين\
للعلم كمبيوتري مافي اي برنامج حماية حتى نزلت الكاسبر ومستحتة لانة بطئ الكمبيوتر
عطوني حلول واقتراحات وهل افتح الكمبيوتر عادي ولا لا

[فيصل 111]

طبعا أهل الخبرة سيدلونك على الحل..بس سأعطيك بعض الأشياء اللي عندي ربما تنفعك..
أول شيء انقل كل ملفاتك المهمة من الجهاز إلى فلاش أو هارد خارجي، ثم امسحها من الجهاز..
ثانيا: غير الأرقام السرية لبطائقك الإتمانية فورا ولا تتأخر -طبعا احتياطا-
ثالثا: ركب برنامج avast الإصدار المنزلي المجاني، يعطونك الترخيص بالإيميل لمدة عام..وهذا البرنامج من مزاياه أنه برنامج مكافح فيروسات وجدار حماية بنفس الوقت..
رابعا: هناك طرق متقدمة لتسكير بورتات -أومنافذ- الجهاز..لكن يكفيك برنامج avast الذي فيه جدار ناري حيث سيقوم بتبيهك عن أي عملية اختراق، وصد الهاكر.
والله يجنبنا وإياك شرور المهكرين:nice:

[alqtri]

اخوي اذا تبي تعرف اذا في اتصال من جهاز ثاني الى جهازك عندك الطريقه اليدويه من شاشة الدوس

اول ماعليك تقفل كل شي قدامك من صحات ومواقع وماسنجر ماتخلي شي قدامك شغال غير النت بس

يعني كنك توك مشغل الجهاز وماسويت فيه شي ادخل على Start وبعدين على Run واكتب في رن cmd

بتطلع لك شاشه سودا اكتب فيها هذا الامر netstat -n واضغط انتر بتطلع لك قائمه مكتوب فيها

Proto / Local Address / Foreign Address / State

واهم ماعليك هو Foreign Address بتلاقي مكتوب تحته الاي بي هات اللي متصله فيك

يعني لو في حد مخترق جهازك راح تلاقي الاي بي الخاص بجهاز الشخص اللي مخترقك تحت Foreign Address

بس لاتنسى اهم اهم شي مايكون فاتح اي موقع او صفحه او ماسنجر او اي برنامج من البرامج

بتلاقي اي بي مثل 127.0.0.1 هذا عادي لان هذا الاي بي الافتراضي للجهاز

واذا مالقيت رقم اي بي تحت Foreign Address يعني مافي اي اتصال من جهاز ثاني بجهازك وجرب هالطريقه في اي وقت يعني الصبح والظهر والعصر وكل جلساتك في النت جربها بس تقفل كل شي قدامك

اذا لقيت رقم اي بي تحت Foreign Address بتلاقي جنبه بعد علامة : المنفذ اللي متصل بجهازك فيه

على سبيل المثال الاي بي هذا مثلا 209.85.153.149:80 شوف اخر شي : 80 هذا بورت او منفذ الطرف الثاني متصل فيه بجهازك

يعني لو فاتح اي موقع وطبقة الطريقه بيطلع لك الاي بي الخاص بالموقع + المنفذ اللي متصل فيه بجهازك عادي اللي خاصين بالمواقع لان بتكون انت فاتح الصفحه لو تبي تتاكد

جرب مره تفتح صفحه وتكتب الامر ومره من غير صفحه مابيطلع لك شي لو جهازك مب متصل فيه اي هكرز

وانصحك نصيحه لوجه الله لاتترك امورك الخاصه على الجهاز مثل بطاقاة الائتمان واشياء بنكيه

ناس تستغلها في شراء من النت بحساب غير حسابهم

بالتوفيق ان شاء الله اني افدتك

[sas70]

ماقصر اخوي قطري كفى ووفى

تحياتي

[Q6R_MAHA]

اخوي القطري انا لقيت تحت الفورن ادرس رقم اي بي ومعاه منفذ
طيب وشو العمل؟ شلون اتخلص منه؟
مع العلم اني قبل لا اسوي اللي قلته سكرت كل شي بس ماادري اذا الانتي فايرس مغلق ولا لا

[alqtri]

اخوي القطري انا لقيت تحت الفورن ادرس رقم اي بي ومعاه منفذ
طيب وشو العمل؟ شلون اتخلص منه؟
مع العلم اني قبل لا اسوي اللي قلته سكرت كل شي بس ماادري اذا الانتي فايرس مغلق ولا لا

اخوي اول شي وش البورت اللي لقيته اكتب لي رقم البورت

وثاني شي خذ البرنامج اللي في المرفق وافتحه عندك واضغط على الزر فوق على اليسار

تجديد = ريفريش بتطلع لك كل المنافذ المتصله بجهازك والمكان اللي متصل منها ان كان ماسنجر او موقع نت او اي برنامج ثاني

انت اقفل كل شي قدامك لاتخلي شي مفتوح واضغط على تجديد فوق على اليسار

وشوف البورت اللي في الدوس طلع لك بتلاقيه موجود في البرنامج اضغط عليه رايت كلك

واختار اخر شي تلاقي مكتوب Kill Connection وراح توقف العمليه اللي تجيك على هذا البورت

بس انتبه لاتوقف اي بورت ماتعرف عنه شي بس قولي رقم البورت قبل كل شي

بالتوفيق ان شاء الله

[Q6R_MAHA]

شكرا اخوي على الرد
رقم البورت 80

[alqtri]

لا لا يالغالي حاسب لاتسوي شي في البورت 80

البورت 80 خاص بالمتصفح اللي تتصفح فيه النت من المواقع وغيره

هذا البورت غير ظار يالغالي

[Q6R_MAHA]

مشكور يالقطري ماقصرت