الكرديت كارد ( الفيزا ) وما ادراك ما الفيزا

[vanity]

انا بطرح هالموضوع حق الناس اللي ماتعرف نظام الفيزا

تدرون ان لو تاخذونلكم قرض احسنلكم من الفيزا ؟؟؟ ليش

تعالو نشوف نظام الفيزا شلون

الحين مثال جا شخص وخذ الفيزا وحط لمتها 20.000

طبعا بيخيرونكم شلون تبون طريقة الدفع والكل بيختار اقل شي وهذا اكبر غلط !!!!

اكثركم بسأل ليش ؟؟؟

تعالو نشوف ليش

الحين انت مثلا اخترت انك تدفع الدفعات 5%

يعني بيطلع القسط 1000 ريال

للحين انتو اوكي مرتاحين بس اللي اكثركم ما يدري عنه (( فايدة الفيزا ))

فايدة الفيزا اللي هي تقريبا 2.65 او علا حسب البنك

هاذي حسبتها عالمبلغ الباقي من الفيزا يعني انت لو استخدمت هال 20 الف كلها بتقسط 1000 كل شهر يعني اول شهر دفعت 1000 ريال فحسبتك انت ان باقي عليك 19 الف

اسمحلي اقولك انك غلطان هالـ 19 الف ظيف عليها فايدة البنك اللي هي ال 2.65

صارة الفايده 503.5 يعني اللي باقي عليك 19503.5

يعني كنك مسدد 496.5

وتستمر هالفايده علا المبلغ المتبقي لين ينكسر ظهرك من هالفيزا وانت تسدد

للمعلومه فقط

ويعطيكم العافيه :)

[eXpert*]

جزاك الله خير كلامك صحيح .

أنا الحمدلله فيزتي 100%

[vanity]

جزاك الله خير كلامك صحيح .

أنا الحمدلله فيزتي 100%

احلى شي تدري انك من العملاء اللي يقهرون البنك ههههههههه

[أم جود]

حتى الاسلامي ؟؟؟؟

[ضوى]

لا الاسلامي ماعنده نظام تجزئة ابدا اللي تصرفينه بالفيزا ينسحب مع اول نزول للراتب ولو ماكفى يسحبونه الشهر اللي بعده بدون اي فقائدة

[vanity]

حتى الاسلامي ؟؟؟؟

والله الصراحه الاسلامي مادري عن نظام الفيزا اللي عنده بس اكيد غير

[ام السعف]

سمعت يا اخوان عن عرض بنك قطر الوطني الإسلامي ،،
يقولون و العهدة على الرواة ما يلي :

تفتح حساب عندهم ،، تودع أقل شي 7000 ريال ،، بموجبه يمنحونك بطاقة الكترونية ذكية
تشتري فيها من كل مكان النت او غير النت ميزة العرض هذا انه يحسبون لك نقاط على الخطوط القطرية .

شنهي الشروط :
اولا : ما تقدر تصرف من الـ 7000 ريال الا 5000 ريال ،، وعليك إرجاع مبلغ ال 5000 ريال قبل مرور شهر على وقت الإيداع ، فمثلا لو اودعت المبلغ في 1 /1 لازم بتاريخ 1/2 يكون المبلغ 7000 ريال
ثانيا : في حال عدم تغطية المبلغ يخصم من الـ الرصيد مبلغ 200 ريال كل شهر ، فلو مر شهر وما قدرت اترد ال 5000 ريال و اتخلي رصيدك 7000 ريال ، راح يخصمون من رصيدك 200 ريال في هذا الشهر و نفسه في الشهر الثاني دام ان رصيدك بعده ما تغطى .
ثالثا : من الأفضل انك اتغطي حسابك اول بأول و تعمل حسابك ان كل شهر يتم تحويل مبلغ 5000 ريال
للحساب حتى ما يتم خصم 200 ريال منك .

فهل هناك من جرب مثل هذه الطريقة ؟

[أم جود]

لا الاسلامي ماعنده نظام تجزئة ابدا اللي تصرفينه بالفيزا ينسحب مع اول نزول للراتب ولو ماكفى يسحبونه الشهر اللي بعده بدون اي فقائدة

لا ضوى اختي هاي المصرف جذي
بس مصرف الريان تقدرين تختارين
كم فال% تبين تدفعين كل شهر
انا اخترت 15%
اللي هو اقل شي
:eek5:

عاد ما ادري

[وطن]

احلى شي تدري انك من العملاء اللي يقهرون البنك ههههههههه

أنا بعد

:victory:

[ضوى]

لا ضوى اختي هاي المصرف جذي
بس مصرف الريان تقدرين تختارين
كم فال% تبين تدفعين كل شهر
انا اخترت 15%
اللي هو اقل شي
:eek5:

عاد ما ادري

بفايدة ؟

[ام السعف]

لا ضوى اختي هاي المصرف جذي
بس مصرف الريان تقدرين تختارين
كم فال% تبين تدفعين كل شهر
انا اخترت 15%
اللي هو اقل شي
:eek5:

عاد ما ادري

انت تقصدين الخصم اللي يحصل من جراء استخدام الكارد في المشتريات ؟

والا المصرف يخصم عليج لصالحه في كل مرة تشترين فيه من الكارد ؟

لأن هناك خصم عالمي لصالح الفيزا ، البنوك لا دخل فيه .

[شيزكيك]

انا كانت عندي ومقسطه المبلغ وتبهدلت والحين الحمدلله ماعندي الا بطاقة الصراف مع اني احتاجها حق

التشري من النت بس شكلي بطلب فيزا النت احسن لي

هالبنوك لككو من ورانا

[أبورودي]

لا الاسلامي ماعنده نظام تجزئة ابدا اللي تصرفينه بالفيزا ينسحب مع اول نزول للراتب ولو ماكفى يسحبونه الشهر اللي بعده بدون اي فقائدة

هذا هو نظام الاسلامى
وممتاز جدا عن تجربه
ونصيحه لاتجعل سقف الفيزا يتخطي ال 5000 ريال اطلاقا
مهما كانت المغريات

[أم جود]

بفايدة ؟

ما ادري هاي اللي استغرب منه
ما اتوقع بفايدة
عيل ليش اسمه اسلامي اذا بفايدة
بتصل الحين اتأكد :telephone:

[أم جود]

انت تقصدين الخصم اللي يحصل من جراء استخدام الكارد في المشتريات ؟

والا المصرف يخصم عليج لصالحه في كل مرة تشترين فيه من الكارد ؟

لأن هناك خصم عالمي لصالح الفيزا ، البنوك لا دخل فيه .

لا قصدي مثلا لو اشتريت او حتى سحبت مبلغ 1000 ريال مثلا
البنك فالشهر الجاي يخصم 15 % من الالف ريال فقط
واذا سحبت المبلغ كامل
البنك يخصم 15% من المبلغ المسحوب فقط

[vanity]

الله يعطيكم العافيه علا تفاعلكم فالموضوع :)

[لاميزون]

لا قصدي مثلا لو اشتريت او حتى سحبت مبلغ 1000 ريال مثلا
البنك فالشهر الجاي يخصم 15 % من الالف ريال فقط
واذا سحبت المبلغ كامل
البنك يخصم 15% من المبلغ المسحوب فقط



مصرف الريان يأخذ رسم شهرى على الفيزا اللى سدادها اقل من 100 % وهو 150 ريال

[ضوى]

مصرف الريان يأخذ رسم شهرى على الفيزا اللى سدادها اقل من 100 % وهو 150 ريال

مبلغ ثابت يعني مش فايدة عالمبلغ ؟؟ بس هذا بعد نوع من انواع الربا المبطن ، المفروض من البداية مايسمح بنسبة سداد غير 100% حتى يكون اسلامي

[أم جود]

مبلغ ثابت يعني مش فايدة عالمبلغ ؟؟ بس هذا بعد نوع من انواع الربا المبطن ، المفروض من البداية مايسمح بنسبة سداد غير 100% حتى يكون اسلامي

والله ما يندرى عنهم
توني كلمتهم ومثل ما قالوا ان كل شهر 150 عالبطاقة
سواء استخدمتها ولا لا
مبلغ ثابت

[م. عبدالعزيز]

الحمد الله فيزتي لمتها شي بسيط واستخدمها وقت الحاجه

[ليــث قطر]

نظام الفيزا في مصرف الريان مصيبة !!


ياخذون شهرياً 150 ريال بالإضافة إلى 200 ريال سنويا رسوم الاصدار


مع اني كنت اسدد 100% واول بأول


وأختي أم جود .. الله يعينج .. الديون بتتراكم عليج شهر ورا شهر ..


يعني تسددين 15% و 85 % دين .. وكل شهر جذي ...


هذا غير الــ 150 كل شهر ...

يعني البنك صج صج بتتلتهين وياه ..



انا الحمدلله حولت حسابي من الريان بسبة نظام الفيزا التعبان .. والحين مرتاح في بنك قطر الوطني الاسلامي



اسدد أول بأول .. ورسم سنوي 200 ريال فقط

[شيط ويط]

حي المصرف بدون فوايد اللهم رسوم كل سنه .. لا وهالايام صارت كل سنتين :)

[نورالهدى]

انا أشوف المصرف أفضل

[ذيبه مزاجيه]

افكر اخذ سلفيه من المصرف
بس شنو النظام عندهم ؟؟؟؟؟؟
سلفه باليد طبعا .. يقولون في ؟!
بس بعد مابي مبلغ كبير
شنو سالفة الفيزا و كم الفوايد ؟ لو مثلا خذت الفيزا و استخدمتها مره !! وخلاص ما عاد ابي استخدمها كلش وسددت المبلغ اللي علي شلون تكون الفوايد و هل اقدر اني اكنسلها على طول اذا مابيها بعد سداد المبلغ ؟؟ والا هم بيخلونها عندي و بيسحبون اللي لهم + الفوايد الى الابد ؟!

[هذلان]

مبلغ ثابت يعني مش فايدة عالمبلغ ؟؟ بس هذا بعد نوع من انواع الربا المبطن ، المفروض من البداية مايسمح بنسبة سداد غير 100% حتى يكون اسلامي

اهم مافي الموضوع .


تجنبو الربا يا جماعه ... مهما غيرو المسميات .. شوف عقلك شيقولك و ميز بنفسك .

ابتلينا بالافتاء هالسنين الاخيره .
مع احترامي للمشايخ .. بس والله بعض الفتاوي مايقبلها العقل .

[الـقـاسـي]

واضافه على كلام هذلان اتبعوا فتوى السالوس في هالامور .. من غير قصور في بقية المشايخ ..

انا ماعندي فيزا ومب مفكر اخذها نهائيا

[جوال 11]

بعض البنوك رسم سنوي على الفيزا والتسديد في الشهر التالي كل المبلغ عن طريقك شخصيا تدفع في البنك كاش أو شيك بدون فوائد وتحتاج للفيزا فقط في الأسفار أحيانا وبطاقة الصراف الآلي لجميع البنوك تستخدم في أغلب الدول للمشتريات وللسحب

[qatari1]

الله يحييه بنك قطر الدولي الإسلامي!

لا رسوم شهرية أو سنوية على البطاقة..

لا فوائد على المشتريات إطلاقاً.

حاجتنا لبطاقة الائتمان هي لسداد الفواتير الإلكترونية، وخدمات حكومي،، وحجوزات الطيران والفنادق، ومشتريات الإنترنت.

بعض الناس لو دخل سوبر ماركت واشترى بـ 10 ريال، يدفع بالـ فيزا:)

[توتي]

ولا احلا من البطاقة العادية فيزا اليكترون اللي ينزل عليها الراتب

واترك عنك الفيزا وسنينها وين ماتكون اسلامي او غير اسلامي

[وحيد-الشوق]

افكر اخذ سلفيه من المصرف
بس شنو النظام عندهم ؟؟؟؟؟؟
سلفه باليد طبعا .. يقولون في ؟!
بس بعد مابي مبلغ كبير
شنو سالفة الفيزا و كم الفوايد ؟ لو مثلا خذت الفيزا و استخدمتها مره !! وخلاص ما عاد ابي استخدمها كلش وسددت المبلغ اللي علي شلون تكون الفوايد و هل اقدر اني اكنسلها على طول اذا مابيها بعد سداد المبلغ ؟؟ والا هم بيخلونها عندي و بيسحبون اللي لهم + الفوايد الى الابد ؟!

نظام السلفة عند المصرف الاسلامي يشترون للعميل اسهم ويبيعونها وعقب يسلمونه المبلغ

والمصرف عندهم بطاقتين فيزا الاولى 100%100 وهي الافضل وتطلع لج على حسب الراتب خلنا نقول مثلا تطلعج فيزا ب8000 وقمتي بعملية شراء بقيمة 2000 ريال ثاني شهر على طول يخصمون 2000 من راتبج طبعا هذا النظام افضل والاحسن استخدامها عند الضرورة :victory:

اما البطاقة الثانية وهي جنى صراحه مب شيء ياخذون عليها رسوم شهرية 250 او 150 حتى لو مااستخدمتيها يعني مثل بعض البنوك الربوية :anger1:

طبعا الفيزا محد يقدر يكنسلها الا شرط دفع المبلغ كامل :( لذلك افضل فيزا هي ال100%100

[هذلان]

الله يحييه بنك قطر الدولي الإسلامي!

لا رسوم شهرية أو سنوية على البطاقة..

لا فوائد على المشتريات إطلاقاً.

حاجتنا لبطاقة الائتمان هي لسداد الفواتير الإلكترونية، وخدمات حكومي،، وحجوزات الطيران والفنادق، ومشتريات الإنترنت.

بعض الناس لو دخل سوبر ماركت واشترى بـ 10 ريال، يدفع بالـ فيزا:)

السلام عليكم

بنك قطر الدولي الاسلامي ياخذ ١٠ ريال شهريا في حال استخدمت الفيزا بـ ريال واحد في الشهر او استخدمت اللمت كامل . الا اذا كانو غيرو في النظام في الفتره الاخيره (انا في هذا البنك)
النقطه الثانيه لو تسحب بالفيزا كاش ياخذون ٤٪ عموله و طبعا السداد عندهم ١٠٠٪ اخر الشهر .

[Most Wanted]

والله ياجماعه الفيزا تسوي مصايب

وياما ودت ناس في داهيه وهو ولايحس بسبة انه يدفع اقساط والفوائد تتراكم عليه مثل النار

اذكر كنت في كوريا وشفت نسبة الــhomeless زايده عندهم سألت الناس اللي معاي هناك قلت لهم أخبر في سنة الــ99 ما كان في هوملس هالكثر عندكم ردوا علي قالو هاي كله بسبب بطاقات الائتمان والفوايد اللي عليها. احان في قطر ما عندنا نظام افلاس عندنا السجن لو ما سددت وشوفو المحاكم والقضايا اللي على الناس هناك تااه يستر علينا وعلى المسلمين

انا عن نفسي عندي فيزا ولمتها عالي بس ما استخدمها الا في السفر ونادر ما استخدمها في الدوحه الا لما اشتري شي ماتغطيه بطاقة السحب ولما اسحب منها عارف ان رصيدي يغطي اللي سحبته منها او اني ادفع ثاني او ثالث يوم من النت

[qatari1]

السلام عليكم

بنك قطر الدولي الاسلامي ياخذ ١٠ ريال شهريا في حال استخدمت الفيزا بـ ريال واحد في الشهر او استخدمت اللمت كامل . الا اذا كانو غيرو في النظام في الفتره الاخيره (انا في هذا البنك)
النقطه الثانيه لو تسحب بالفيزا كاش ياخذون ٤٪ عموله و طبعا السداد عندهم ١٠٠٪ اخر الشهر .

نعم كلامك صحيح..
ال_ 10 ريال هي رسوم كشف الحساب( سواء قل المبلغ أو كثر). أما إذا لم تستخدم البطاقة خلال الشهر فلا تخصم الـ 10 ريال.

السحب النقدي لا يجوز أصلاً لأنه قرض بفائدة، ولكن هذه الفائدة تأخذها الشركة المصدرة للبطاقة، وليس البنك.

[ليــث قطر]

نعم كلامك صحيح..
ال_ 10 ريال هي رسوم كشف الحساب( سواء قل المبلغ أو كثر). أما إذا لم تستخدم البطاقة خلال الشهر فلا تخصم الـ 10 ريال.

السحب النقدي لا يجوز أصلاً لأنه قرض بفائدة، ولكن هذه الفائدة تأخذها الشركة المصدرة للبطاقة، وليس البنك.



خلاص الحين صارت كشوفات الكترونية في الوطني الاسلامي وفكونا من سالفة الــ 10 ريال :nice:

[تغلبية]

سمعت يا اخوان عن عرض بنك قطر الوطني الإسلامي ،،
يقولون و العهدة على الرواة ما يلي :

تفتح حساب عندهم ،، تودع أقل شي 7000 ريال ،، بموجبه يمنحونك بطاقة الكترونية ذكية
تشتري فيها من كل مكان النت او غير النت ميزة العرض هذا انه يحسبون لك نقاط على الخطوط القطرية .

شنهي الشروط :
اولا : ما تقدر تصرف من الـ 7000 ريال الا 5000 ريال ،، وعليك إرجاع مبلغ ال 5000 ريال قبل مرور شهر على وقت الإيداع ، فمثلا لو اودعت المبلغ في 1 /1 لازم بتاريخ 1/2 يكون المبلغ 7000 ريال
ثانيا : في حال عدم تغطية المبلغ يخصم من الـ الرصيد مبلغ 200 ريال كل شهر ، فلو مر شهر وما قدرت اترد ال 5000 ريال و اتخلي رصيدك 7000 ريال ، راح يخصمون من رصيدك 200 ريال في هذا الشهر و نفسه في الشهر الثاني دام ان رصيدك بعده ما تغطى .
ثالثا : من الأفضل انك اتغطي حسابك اول بأول و تعمل حسابك ان كل شهر يتم تحويل مبلغ 5000 ريال
للحساب حتى ما يتم خصم 200 ريال منك .

فهل هناك من جرب مثل هذه الطريقة ؟





صح كلامج وخلني افيدج أكثر بحسبتهم
هم يعطونج بطاقة ماستر كارد الائتمانية اما بضمان الراتب أو بضمان الوديعة
إذا كانت بضمان الوديعة لازم تكون الوديعة بقيمة 150% من قيمة اللمت اللي تبينه للبطاقة
يعني ان بغيتي لمت البطاقة يكون 5000 ريال الوديعة تكون 7500 ريال. طبعا ما تحركين منها شي .. والدفع كل اول شهر كامل المبلغ وفيه رسوم تأخير عن كل يوم تأخير!

أول ماتفتحين الحساب الجاري عندهم يعطونج بطاقة ATM ماستر كارد في التو واللحظة .. ويفعلونها لج فوراً ... !
وبعد اسبوع تجيج في البريد بطاقة الماستر كارد الإئتمانية.


ميزة الوطني الاسلامي عن الدولي الاسلامي في البطاقات الائتمانية سرعة السداد
يعني تبين تسددين .. من تودعين المبلغ في الحساب .. تروحين لموقعهم وتسددين الحساب اللي عليج بضغطة زر .. وتقدرين تستخدمينها من جديد

أما الدولي الاسلامي .. الا ان سستمهم التعبان يرفع الضغط وياما رفع ضغطي
أودع المبلغ في الحساب .. وروح اطلب تحويل المبلغ من الجاري والا التوفير على حساب البطاقة ونتظر عليه 24 ساعة على مايتفعل واحيانا 48 ساعة :rolleyes2:
واذا رحت تبي تختصر هاللفة كلها لخدمة العملاء ..وتبي تدفع اللي عليك كله
قالك .. كلم الكول سنتر يبين عندهم كم عليك مايبين عندنا ياخدمة العملاء !!!!!!!! <<< وين أذنك ياحبشي !!!!!!!!!

الشاهد ..
إن ائتمانية الوطني أفضل من غيرهم بمراحل.. سهلة .. ومرنة .. وتنظاف النقاط اتوماتيكيا لأميال القطرية سواء كان الشراء في الدوحة أو من الانترنت.