!!!!!!! العضويه مشتركة موضوع للنقاش ؟؟؟؟؟؟؟ مهم

[Ghost]

السلام عليكم ورحمة الله وبركاته
الاخوة الاعزاء لفت انتباهي في عدة تواقيع للاعضاء مكتوب هالجملة
(العضوية مشتركة )
فهل انت او انتي ترضون ان تكون عضويتكم مشتركة مع اخرين حتى لو كانو من المقربين وما هو االاثر الذي قد يترتب على هذه العضوية المشتركة وهل انت من المؤيدين ام من المعارضين
ولكم مني كل التحية والاحترام ولاصحاب العضوية المشتركة كل الاحترام

[OTOsan]

اعتقد ان العضوية المشتركه لا تساعد على وضع قاعدة او مفهوم واضح للعضو .. فاختلاف الاراء باختلاف الشخص يؤدي الى ان يفقد (النك) مصداقيته ،،

بس ياجوست اعتقد ان اشتراك العضوية في النك يكون للزوجين .. فهل في في المنتدى ربع مشتركين بنك ..؟؟ :)

يعطيك العافيه ،،

[ام السعف]

بالنسبة لي ،، العضوية مشتركة ،، و بل العضوية مب لي ،، استخدمها سلف ،، فمتى ما شفت شي استجد و مب طبيعي على اسلوب ام السعف فإدرك ان مستخدم العضوية شخص ثاني .
لكن صار لها شهور عندي ،، متى بتنخذ ما ادري .

[tulepq]

قد يكون للبعض عذره في أن تكون عضويته مشتركه .. بسبب شروط التسجيل الرائعه والتي تحد من وجود بعض من يستغل الأمر ..

ولكن أنا ضد فكرة المشاركه بهذا الشكل .. فما اجمل أن يكون لك معرفا واااااااااحد خاصا بك .. تشارك فيه

[كلاسيك قطر]

انزين هاي وين مكتوب الكلمه اصلن
(العضوية مشتركة )

[بنت سيف]

العضوية المشتركة ..

مشكلة للأعضاء الآخرين ..

لأن الردود والمشاركات .. تتأثر بشخصية الفرد

يعني أنا ممكن أرد على المشترك رقم 1 في العضوية .. ويرد علي المشترك رفم 2 في العضوية .. فتصير السالفة غير مفهومة .. وآخرها تجنب هذه العضوية المشتركة في المنتدى ..

اعتقد .. العضوية المشتركة .. أمر سلبي .. ولا يخدم المنتدى وأعضاءه ..


بنت سيف

[التجوري]

كل واحد و له شخصية تختلف عن الاخر

و كل واحد له راء

ليش اشرك شخص ثاني معاي

[عالم المحيطات]

............ السبب في وضع العضوية المشتركة هو لملئ وقت الفراغ فقط او لشراء او عرض المنتجات او للتفرج فقط.........

لانه الشخص مستحيل يرضى حد يشترك معاه في الافكار والطرح لانه هو بنفسه بنتظر تجاوب الاعضاء على كتاباته.....

واترك الفرصه لاخواني الاعضاء.....

تحياتي\\\

vip-99

[STAR]

أنا عضويتي مشتركه السبب لأن ربعي يبون‏↳‏
يسجلون بالمنتدى لكن ماعندهم إيميلات‏↳‏
رسميه لتسجيل..فطقيت الصدر وقلتهم‏↳‏
إستخدموا إحسابي طبعا هم يستخدمونه‏↳‏
لبيع او شراء البضايع فقط

[bshayer]

والله انا اشوف كل واحد وله حريه اذا كان يبي احد معاهم بالعضويه او لا

عن نفسي في عضوين غيري يدخلون وعادي عندي

بس تراه زين يخفف عدد الاعضاء شوي والضغط ع المنتدى ولا شرايكم !!

وشكرا ع الطرح

[black@white]

انا لست مع العضويه المشتركه
وذلك لان لدي شخصيه تختلف عن شخصيه اقرب المقربين الي
وانطباع الناس عني يستخلص من شخصيتي
وكون العضويه مشتركه فهذا سوف يجعل شخصيتي غيرمعروفه من خلال ردودي وموضوعاتي
فما انتقده واخالفه في موضوع ما قد تجدني اتوافق معه واوؤيده في موضوع اخر
وذلك بسبب تعدد الاشخاص الذين يكتيبون في نفس العضويه
فلن يعرف من انا وما هي شخصيتي وتناقض في ارائي
انا عن نفسي احب ان اكون ملكه افكاري وردودي
وشكرا لك على هذا الموضوع الجيد

[موضي قطر]

اعتقد السبب شروط التسجيل في المنتدى هذا رأيي

[شيزكيك]

زوجي من اوائل الي اشتركوا في المنتدى في البدايه كنت اشترك باسمه بس عقب سجلت بنك ثاني

لاني ابي ارد على بنات مب حلوه ادخل بنك زوجي

والحمدلله الحين مرتاحين ولازم يوميا نشيك على المنتدى والصراحه اي شي اسمعه يصير عندنا

على طول ادخل المنتدى واتاكد منه

[tulepq]

أنا عضويتي مشتركه السبب لأن ربعي يبون‏↳‏
يسجلون بالمنتدى لكن ماعندهم إيميلات‏↳‏
رسميه لتسجيل..فطقيت الصدر وقلتهم‏↳‏
إستخدموا إحسابي طبعا هم يستخدمونه‏↳‏
لبيع او شراء البضايع فقط


ههههههههههه .. هذي الفزعة ولا بلاش

[شاهيناز]

احترم الي كاتبين العضويه مشتركه لان لو التسجيل مايشترط الايميل الرسمي كان ماشفت عضويه مشتركه,,
المهم مافي ضرر من العضويه المشتركه
لكن في المشتكله في العضو المشترك في اكثر من نك نيم

المفروض يكون صريح مثل الي كاتبين في توقيعهم عضويه مشتركه

[Arab!an]

وهم ليش كاتبين (عضوية مشتركة) ؟ مب علشان الناس ينتبهون لأي اختلاف في الرأي او الاسلوب ؟

انا اشوف انها حركه حلوه منهم ..

[شموع قطريه]

الصراحه ماحب هالحركه لاني مره كنت اخاطب تاجره على اساس انها وحده وفجأه طلع اللي يرد واحد ويتكلم بصيغة رجل فيوم سألته ليش تقول انك وحده وانت رجال قال انا وامي ندخل بنفس العضويه .. الصراحه انحرجت لاني كنت اطلب منها اشياء تخص النساء في الرسايل الخاصه ..

واذكر مره كان فيه تعزيه في وفاة عضو بالمنتدى وفي نفس اليوم شفته يشارك ويوم استفسرنا رد علينا ان العضويه هذي كان يدخل فيها كل العايله ووحده من اللي كانوا يدخلون بهالعضويه توفت !!!! مع ان التعزيه كانت للعضو صاحب العضويه بس في النهايه طلع الفريج كله يدخل بهالعضويه !!

[STAR]

‏^‏‏↳‏
‏^‏‏↳‏
أهو ‏+‏ أمه؟‏!‏‏!‏‏!‏‏↳‏
أمانه شسم العضو هههههه

[وافق شنن طبقة]

:)
بالتاكيد لسبب شروط المنتدى صارت العضوية مشتركة ,,
عن نفسي مالي علاقة بالمنتديات التجارية نفس هالمنتدى ,,
لكن طـُلب مني اني انزل موضوع وخذت العضوية ,,
ومع الوقت قمت ادخل قسم الاستراحة والقسم العام لاني اميل لهالاقسام ,,
لكن مااقدر انزل مواضيع ,, من داخلي مش مرتاحة ,,
وحاولت اسجل بس ماعرفت وتميت على حالي ,, :nice:
واللي يستخدم هالنك اكثر من 4 اشخاص واغلبهم في قسم الاسواق اللي بالمنتدى ,,
لكن اللي يسالني انت واحد ام وحدة ,,
اقولهم اللي بالعام والاستراحة بنت :nice: وهيك السالفة ,,

ويعطيك العافية اخوي عالموضوع

[بوحارب]

وعليكم السلام والرحمهـ

لا حب سالفة العضوية المشتركة واحب الخصوصية الزائدة

^ ــ ^

[Ghost]

كل الاحترام والتقدير لكل الاعضاء اللي شاركو في الرد على الموضوع

[مضاد]

الصراحه ماحب هالحركه لاني مره كنت اخاطب تاجره على اساس انها وحده وفجأه طلع اللي يرد واحد ويتكلم بصيغة رجل فيوم سألته ليش تقول انك وحده وانت رجال قال انا وامي ندخل بنفس العضويه .. الصراحه انحرجت لاني كنت اطلب منها اشياء تخص النساء في الرسايل الخاصه ..

واذكر مره كان فيه تعزيه في وفاة عضو بالمنتدى وفي نفس اليوم شفته يشارك ويوم استفسرنا رد علينا ان العضويه هذي كان يدخل فيها كل العايله ووحده من اللي كانوا يدخلون بهالعضويه توفت !!!! مع ان التعزيه كانت للعضو صاحب العضويه بس في النهايه طلع الفريج كله يدخل بهالعضويه !!


هههههههههههه

العضويه سبيل .

[ماريسا]

اذا مشتركة بين الزوجين ماشوف منها مشكلة..بس إذا ربع لا مو شي

[التجارةشطاره]

الصراحه ماحب هالحركه لاني مره كنت اخاطب تاجره على اساس انها وحده وفجأه طلع اللي يرد واحد ويتكلم بصيغة رجل فيوم سألته ليش تقول انك وحده وانت رجال قال انا وامي ندخل بنفس العضويه .. الصراحه انحرجت لاني كنت اطلب منها اشياء تخص النساء في الرسايل الخاصه ..

واذكر مره كان فيه تعزيه في وفاة عضو بالمنتدى وفي نفس اليوم شفته يشارك ويوم استفسرنا رد علينا ان العضويه هذي كان يدخل فيها كل العايله ووحده من اللي كانوا يدخلون بهالعضويه توفت !!!! مع ان التعزيه كانت للعضو صاحب العضويه بس في النهايه طلع الفريج كله يدخل بهالعضويه !!

نفس اللي صار معاي وكنت مستغربه شلون توفت وتشارك ؟؟ لين عقب عرفت ان جميعهم يشاركون بنفس العضويه

(( الله يرحمها برحمته ان شاء الله ))

[ليث العرين]

حريه شخصيه وليش لأ

[!الشايمه!]

ممكن تكون العضوية مشتركة......لشخص يتابع من بعيد
او لقسم السوق....!

ولكن عضوية مشتركة لعضو....يشارك وينقاش....ارفضها تماماً....لا تخدم العضو...
ولا تعطيه مصداقية....

ولا اتصور عضو جاد...نحو قلمه ورأيه....سيعرض شخصيته...لمشاكل
العضوية المشتركة......




تحية

[شيط ويط]

السلام عليكم ورحمة الله وبركاته
الاخوة الاعزاء لفت انتباهي في عدة تواقيع للاعضاء مكتوب هالجملة
(العضوية مشتركة )
فهل انت او انتي ترضون ان تكون عضويتكم مشتركة مع اخرين حتى لو كانو من المقربين وما هو االاثر الذي قد يترتب على هذه العضوية المشتركة وهل انت من المؤيدين ام من المعارضين
ولكم مني كل التحية والاحترام ولاصحاب العضوية المشتركة كل الاحترام

على صلة في الموضوع .. انا حاب انقل لك رد الادارة لان سبحان الله قبل موضوعك هذا تساءلت عن هالموضوع وكان هذا رد الإدارة :

مرحبا اخوي

بخصوص العضويات المشتركة

كل عضو يكتب هالشي في توقيعه

تقوم الادارة بمراسلته وتتخذ الاجراء اللازم

فاغلب الاعضاء اللي يستخدمون العضويه المشتركة هم التجار

يعني شخص يسجل باسمه وتدخل زوجته تبيع الاغراض النسائية

والزوج الاغراض الرجالية

هالحالات هي اللي نسمح لها فقط في المشاركة في المنتدى بعضوية مشتركة

اما باقي الاعضاء فطبعا غير مسموح لهم باستخدام عضويه مشتركة

اتمنى اكون قدت افيدك

وتحياتي لك

[ع.م]

أنا أشوف العضوية المشتركة أمر سلبي إلاااا في حالة البيع والشراء فقط.

[STAR]

شيط ويط من صجك؟‏!‏‏!‏‏↳‏
عيل شكلهم بيسحبون جوازي أقصد‏↳‏
عضويتي

[خفوق]

بصراحه انا ماشوف فيها شي شالمشكله يعني
وبعدين اغلب اللي يدخلون بنكات مشتركه بسبب قانون التسجيل في المنتدى

[شاهيناز]

على صلة في الموضوع .. انا حاب انقل لك رد الادارة لان سبحان الله قبل موضوعك هذا تساءلت عن هالموضوع وكان هذا رد الإدارة :

مرحبا اخوي

بخصوص العضويات المشتركة

كل عضو يكتب هالشي في توقيعه

تقوم الادارة بمراسلته وتتخذ الاجراء اللازم

فاغلب الاعضاء اللي يستخدمون العضويه المشتركة هم التجار

يعني شخص يسجل باسمه وتدخل زوجته تبيع الاغراض النسائية

والزوج الاغراض الرجالية

هالحالات هي اللي نسمح لها فقط في المشاركة في المنتدى بعضوية مشتركة

اما باقي الاعضاء فطبعا غير مسموح لهم باستخدام عضويه مشتركة

اتمنى اكون قدت افيدك

وتحياتي لك

سهله مابيكتبون عشان ماتنسحب العضويه منهم انا اشوف انهم يكتبون حتى نعرف ان خلف الاسم اكثر من شخص

[oْـِـِْـِ جِ ـِِـِرِدِ آنـِـِسـِْـِاِنِ]

عضوية مشتركة
ماأعتقد فيها شي أذا أستخدمت اعضوية على حسب قوانين المنتدى.
الطامى الكبرى اللي يدخل بأكثر من اسم
مره تلقاه في العام ومثقف في ردوده ومواضيعه
ومره تلقاه يفرفش باسم ثاني
واللي يضحك ساعات يرد على مواضيعه

( يلعب على يحسب أني من ملاعيبه .. مايدري اني على الخبلان لعابي )

وكل التقدير والأحترام لكاتب الموضوع

[Ghost]

بارك الله فيكم جميعا

[$...المبارك...$]

العضوية المشتركة ..

مشكلة للأعضاء الآخرين ..

لأن الردود والمشاركات .. تتأثر بشخصية الفرد

يعني أنا ممكن أرد على المشترك رقم 1 في العضوية .. ويرد علي المشترك رفم 2 في العضوية .. فتصير السالفة غير مفهومة .. وآخرها تجنب هذه العضوية المشتركة في المنتدى ..

اعتقد .. العضوية المشتركة .. أمر سلبي .. ولا يخدم المنتدى وأعضاءه ..


بنت سيف

صحيح ، أنا أتفق مع بنت سيف:victory:

[Locale]

السالفه مب سالفة 2 يشتركون في 1
السالفه سالفة الايميل الرسمي من وين يجيبونه
يعني مو الكل يشتغل ولا بالجامعه
وماعندهم ايميل رسمي للاشتراك
لاني مو شايفه ان هالشي في منتديات ثانيه بس هني لانه مطلوب ايميل رسمي

[شيط ويط]

السالفه مب سالفة 2 يشتركون في 1
السالفه سالفة الايميل الرسمي من وين يجيبونه
يعني مو الكل يشتغل ولا بالجامعه
وماعندهم ايميل رسمي للاشتراك
لاني مو شايفه ان هالشي في منتديات ثانيه بس هني لانه مطلوب ايميل رسمي

كل واحد عنده اشتراك انترنت في كيوتل يعطونه او يحق له يسجل 3 ايميلات وهالايميلات تعتبر رسميه لانه من شركة الاتصالات كيوتل لذلك اتصل على 111 وقولهم ابي اعرف اشلون اسجل الايميل وبيمشون معاك خطوة بخطوة لين تسجل 3 ايميلات

[شيط ويط]

شيط ويط من صجك؟‏!‏‏!‏‏↳‏
عيل شكلهم بيسحبون جوازي أقصد‏↳‏
عضويتي

تدري شكلي بفتن عليك :tease:

[شيط ويط]

سهله مابيكتبون عشان ماتنسحب العضويه منهم انا اشوف انهم يكتبون حتى نعرف ان خلف الاسم اكثر من شخص

امممم والله انا من وجهة نظري ما تفرق ان شاء الله 60 الف عضو يدخل بنفس الاسم .. او الشخص نفسه يدخل بـ 20 الف اسم .. الاهم من ذي كله ان الادارة تتعامل مع العضو نفسه وعلى الشي اللي يبدر منه .. ودامه ما تجاوز قوانين المنتدى يبقى هو في السليم .. لاننا في النهاية نتعامل مع ناس واسماء مستعاره يجمعنا فيهم المنتدى .

[متسبب]

بصراحه اللي يدخل بنكي اخوي
و2 من عيال خالتي ويشاركون من السعوديه
ومايشاركون الا اذا لهم موضوع فالسوق
اما باقي المواضيع مايشاركون فيها
وحتى ولو انا واثق منهم وادري ماراح يعطوني باند بمشاركاتهم :)

[ســـهم]

لا اؤيد العضويه المشتركه

وذلك لانه سيوجد اختلاف في الثقافه والتفكير وايضا احيانا الجنس

قبل قليل احد الاعضاء كان يرد بصيغة رجل والآن اصبح انثى

بالاضافه انه ربما يستغل او تستغل في أغراض أخرى

ولك أن تطلع على قسم السوق النسائي !

[غلا قطر]

والله انا من الاشخاص اللي عضويتهم مشتركه


بعض رفيجاتي من الناس اللي في البيوت وما يشتغلون عشان تكون عندهم ايميلات رسميه ويستخدمون النك نيم للشراء في سوق المنتدى (فقط لا غير) وللعلم العدد 5 اشخاص وهذولا صديقاتي وانا السادسه

وخواتي كلهم يدخلون من نك واحد (غير نك نيمي) عشان يتسوقون


بما ان هالمنتدى هو من اكبر المنتديات في قطر والسوق اللي فيه من اكبر الاسواق في المنتديات المفروض ان شروط التسجيل تكون اسهل من كذا


وبخصوص كلام الاخ شيط وشيط كلامك سليم ممكن ان لكل اشتراك انترنت 3 ايميلات

لكن انت عارف ان في كل بيت اشتراك انترنت واحد ووايرليس للبيت كامل

وانت عارف ان اغلب بيوت قطر عددهم ما يقل عن 6 اشخاص لو ما كان اكثر بعد

مثلا احنا في بيتنا 8 شخص

يعني هالثلاث ايميلات تنقسم على هالعدد اشلون؟




اتمنى من صاحب الموضوع بدال ما يكتب الموضوع عن العضويه المشتركه ياليت ان يكتب موضوع عن قوانين التسجيل في المنتدى موضوع للنقاش؟؟

[STAR]

شيط ويط أتصل ع كيوتل شاقولهم؟!!‏
ابي ايميل؟!!!‏

[STAR]

ترا الي قاله شيط ويط بخصوص العضوية المشتركة صحيح
في احدى المراقبات قالت لي عضويتي مخالفة للقوانين
بس ليحين ماعرفت كم الغرامة هههههه

[شيط ويط]

شيط ويط أتصل ع كيوتل شاقولهم؟!!‏
ابي ايميل؟!!!‏


اول شي تدخل على هالرابط :

http://www.services.qatar.net.qa/qtelEmailDomain/radLDAP/EmailEntryPage.jsp

وانت ع النت تتصل على 111 وقول لهم ابي اسجل ايميل رسمي على اشتراك الانترنت اللي عندي

وراح يساعدك الموظف في دخول الصفحة اللي فوق .. اظن بيعطيك باسورد 123 وعقب ما

تدخل تنشأ لك 3 حسابات للبريد بطريقة سهله

ولا تنسى تحفظ الايميلات اللي سجلتهم في جهازك او ورقة مع الباسووردات

لانك بتحتاج تشيك الايميل عقب التسجيل في المنتدى لان المنتدى يطلب منك التفعيل

اتمنى قدرت افيدك

[بوعلي2]

بتحصل المؤيد وبتحصل الغير المؤيد

وبالنهايه الي يدخلون بنك مشترك اعتقد بسبب عدم توفر الايميل الرسمي للتسجيل بالمنتدى واذا هم مرتاحين جذي تمام مافي مشكله اهم شي راحة الزبون هههههههه

وشكرا

[ام السعف]

ترا الي قاله شيط ويط بخصوص العضوية المشتركة صحيح
في احدى المراقبات قالت لي عضويتي مخالفة للقوانين
بس ليحين ماعرفت كم الغرامة هههههه

إلى الآن من الملاحظ ان المشاركات كلها لي ،، فهل هناك غرامة او عقوبة
لو فكر صاحب العضوية استخدام عضويته دون الرجوع لي ؟:eek5:
او بشكل آخر هل هناك عقوبة ستطال صاحب العضوية لاستخدامي هذه العضوية
سواء في السوق سابقا و العام حاليا ؟

[يراعٌ فراتي]

عضوية مشتركة لا اويدها

مشاركة باكثر من عضوية

ممكن ولكن لماذا.؟

[بو الجوري]

اعتقد ان العضوية المشتركه لا تساعد على وضع قاعدة او مفهوم واضح للعضو .. فاختلاف الاراء باختلاف الشخص يؤدي الى ان يفقد (النك) مصداقيته ،،
بس ياجوست اعتقد ان اشتراك العضوية في النك يكون للزوجين .. فهل في في المنتدى ربع مشتركين بنك ..؟؟ :)

يعطيك العافيه ،،

بالضبط :.. :nice: