المساعد الشخصي الرقمي

مشاهدة النسخة كاملة : استفسار بخصوص فودافون


ابن مانع
28-01-2010, 02:38 PM
السلام عليكم

اليوم تم خصم مبلغ من الفيزا لتعبئة رصيدي 6 مرات وماتعبة الرصيد ويوم شيكت معاهم قالوا لي نعم تم خصم الملغ وهو 6 اضعاف المبلغ المطلوب وانهم بيتاكدون خلال الايام الجاية وبيردون لي خبر ايش الاجراء
انا اذكر واحد من الاعضاء صارت معاه نفس المشكلة ياليت حد يفيدني ايش الاجرا الي بيتخذ بعدها
CH Engineer
28-01-2010, 05:13 PM
احنا مشكلتنا نكتفي بالكلام الي يقولونه لنا
الحين يوم يسحب منك المبلغ الفلاني يمكن انت محتاج له ويسبب لك الضرر ؟

ليش مانشتكي عليهم بالمحاكم وان شاء الله لخذت حقك اعلن بالجريدة..
عشان هالنصب يوقف..
انا صارت لي مشكله بس غير شوي مع كارفور اسحبوا فلوسي ومارضوا يردونها يقولون بعد 15 يوم شيك مع البنك والمبلغ اكثر من 5000 ريال
والبنك عانيت معاه من قبل
فسويت لهم ازعاج فكارفور على اساس مايبون يردون لي فلوسي..
وردولي فلوسي بنفس الوقت كاش..
لاتعطيهم فرصه يقصون عليك بهالكلمات والله هالفلبن والموظفين انه ال 5000 ريال عندهم مايشوفها الا بعد شقى 5 اشهر

وازيدك من الشعر بيت
لو تروح لصالات الجم الغاليه بو الاشتراك السنوي والمبالغ الخياليه تحصل كله انجليز وفلبن..
طبعا على حساب الموسسات والشركات القطرية واحنا ميتين فالصالات التعبانه ولا اسعارها خياليه مقارنه بالخارج.. <<< شدخل هالسالفه الحين شكلك منقهر منهم :p
بـن عدوان
28-01-2010, 05:21 PM
والله مو متأكد، بس اعتقد المبلغ يرجع لك عقب 3 أيام ..

اتصل مرة ثانية فيهم وتأكد
البدع
28-01-2010, 06:07 PM
كيوتل وان جارت علي عزيزة *** كيوتل وان (بهدلوني وطلعوا عيوني من قبل) علي كرام
ابن مانع
28-01-2010, 08:17 PM
الله يجزاكم خير
الحمدلله جاني اتصال منهم وتم الاعتذار والاعتراف بالخطاء هذا اهم شي
وان شاءالله الفلوس راح ترجع خلال الايام الجاية
وقد صارت لي نفس المشكلة مع كيوتل من سنين بس نظام كيوتل الفلوس ماترجع تدخل في حسابك
يعني الخطاء وارد بس النظام في فودافون افضل على الاقل
وان شاءالله سوق الاتصالات ينفتح حق اكثر من شركة عشان نشوف التنافس بين الشركات اكبر
م. عبدالعزيز
29-01-2010, 09:26 AM
يمكن كنت مسافر ؟

الحمد الله كرتي red ..

رقمي الاصلي شغال مع كيوتل.. ماياخذون مني ولا ريال لين ما ادفع