كفايه حرام والله حرام

[abn qatar]

السلام عليكم

اللي يحدث حاليا حرام والله حرام ناس فقارى تقطع ارزاقها وفلوس تنصرف بالهبل

لاحسيب ولا رقيب لعيبه مجنسين ومحترفين عقودهم بالملاييين والقطرين الفقارى عليهم

بالحسره عقودهم 7000 و8000 ريال فلوس تنصرف على مهرجانات مالها داعي

مثال الدوحه غاصمه الثقافه ايش بنستفيد من عاصمه الثقافه مايندرى في المستقبل

الدوحه عاصمه السياحه ولا فيها مدن سياحيه مشاريع متعطله او مشاريع اي كلام

يطلعون فلوس والازمه وفي المقابل نشوف فلوس تنصرف على التعري والمفاتن

في سبيل الثقافه امحق ثقافه اذا فيها تعري او مفاتن اذا الثقافه هي ثقافه الجسد

اقدم اقتراح فتح قناه قطريه ثقافيه تقدم ثقافه الجسد والمفاتن والله حرام

بعض القطريين عليهم بالحسره والمنه والاخرين ياخذونها بارده مبرده وهم مستانسين

في بلادهم مايحصلون ربع اللي هنيه


الله يرحم ايام زمان خصوصا الثمانينات ومنتصف التسعينات

على فكره الحمد الله عايش بخير كله بمجهودي وليس بمنه او مساعده من اخرين

[دلوليانوز]

كلنا معاك...بس ارتااح
كذا هي الحضاره..

[شموخ وبس]

اي والله وانا اضم صوتي اليك اذبحونا 000 اخرتا يصرفون افلوسهم على خرابيط 000 شكرا

[طلعة الروح]

موضوعك جيد ويستحق المناقشه اقرب مثال للعبث مواطنين بشربة ماي يتفنشون لاتفه مشكله ومحد يحاسب الجهه المسؤوله واذا حاسبوهم مافي فايده دايما الموظف المتهم والغلطان وفي الجهه المقابلة ينصرف على الافواج اللي جايبينهم من بره من دم قلوبهم لاسباب خذ وخل ( مغنيين / رقاصين / استعراضيين / لاعبين / مهرجين / مدعيين الثقافه والمعرفه والعلم ) وياريتهم بيضوا الويه الا جاوا وجابوا معاهم كل زفت وفوق هذا لا حمداً ولا شكوراً..

اخوي الله يعينك على اللي بيدخلون وبيقولون لك موضوعك من باب الحقد والحسد على الاجانب وانه القطري هو الدلوع الفاشل اللي مايشتغل ويبي الراحه اذا هاذي نظرتنا لبعضنا لبعض عز الله ما نلوم غيرنا لي جا وقال عنا وطاح فينا...

اشكرك على الموضوع وهالعبث لازم يتوقف والا بنعاني (اي الدوله واحنا ) مما لا يحمد عقباه وسيحل علينا البلاء بما اقترفت ايدي بعض السفهاء منا وللاسف قاعدين يزيدون يوم عن يوم..

عموما قالها فيهم عليه الصلاة والسلام : (( اذا وسد الامر الى غير أهله فانتظر الساعه)).

[موضي قطر]

ياريت السالفة سالفة لاعبين وعاصمة الثقافة لاتنسى ( مهرجان قطر للأغنية ) اللي يخسرون

فيه الملايين أجور ( للشياطين ) اللي اسمهم فنانين !!!

[tulepq]

هونها وتهون أخوي ..

هونهاااااااااااااااااااااااااااااااا ..

[المغروره]

لاتشتكي من جور الايااام للنااس
قطر لغير القطرييين
خلني ساكته

[السهم الكلاسيكي]

وبشر الصابرين الذين اذا اصابتهم مصيبة قالوا انا لله وانا اليه راجعـون

انا لله وانا اليه راجعـون

حسبي الله عليهم

ناس تلعب بالملايين وناس واقفة على باب الشئون والجمعيات الخيريية.

[هند88]

لاحول ولاقوة الا بالله...مادري شارد والا شاقول

[الكاسر99]

أخوي قول (( لا إله إلا أنت سبحانك أني كنت من الضالمين ))

[الامانه]

لا اله الا انت سبحانك اني كنت من الظالمين
سبحان الله وبحمده سبحان الله العظيم

[ولد البدر]

لا حول ولا قوة إلا بالله

[khaleeji]

يعلمني جدي الله يرحمه في سنة 1945 تقريبا مع الحرب العالميه وقفت المراكب ماجات قطر والناس هلكت من الجوع واربطوا بطونهم لذلك السبب والنسوان خاصة الي مربي والجهال مات منهم عدد كبير ولا تكرم احد من الدول الاخرى وجاب مساعدات.

الحين الحال تغير والحمد لله لكن هذي نعمه ولازم ماتنصرف الا في مكانها واذا زاد منها شي تكون للاجيال القادمه

[نورالهدى]

لا ماكانت 1945
يمكن قبل
أبوي ماقالي كذا
بس كانت الدوحة ارض عمارها ضعيف
والبيوت مفتوحه على بعض
وقلوب الناس على بعض
واللقمة يتقاسمها الفريج
يازينها من ايام
احس الدمعه بتنزل من عيني
الله يرحمنا برحمته
لاحول ولاقوة الا بالله العلي العظيم
انا لله وانا اليه راجعون

[وحيد-الشوق]

من علامات الساعة كثره وانتشار الظلم وللأسف الظلم منتشر عندنا في قطر
الدنيا شقى وأنا اخوك وكلامك وكلامي ماراح يفيد :(

ربك كريم والله يفرجها عالجميع ان شاء الله

رجاء من المنافقين خلكم ساكتين ابرك :)

[كازانوفا]

نهاية الدنيا يا اخي
احسنلك ولنااااا نحسن حالنا مع الله
ولنااااااااااا الله

[&بوشهد&]

لاتشتكي من جور الايااام للنااس
قطر لغير القطرييين
خلني ساكته

http://www2.0zz0.com/2010/01/29/07/446165123.jpg (http://www.0zz0.com)

ياصاحبي صبر على جور الايام
عسى الصبر يفتح لنا باب جنة

[ماريسا]

معاك حق و الله.. قبل لا يلتفتون للخارج و الانشطة اللي مالها داعي حلّوا مشاكل المواطنين الاول!!!! الشكوى لله

[مافيا قطر]

خلها على الله وكلمه وحده تنقال حسبى الله ونعم الوكيل

[khaleeji]

لا ماكانت 1945
يمكن قبل
أبوي ماقالي كذا
بس كانت الدوحة ارض عمارها ضعيف
والبيوت مفتوحه على بعض
وقلوب الناس على بعض
واللقمة يتقاسمها الفريج
يازينها من ايام
احس الدمعه بتنزل من عيني
الله يرحمنا برحمته
لاحول ولاقوة الا بالله العلي العظيم
انا لله وانا اليه راجعون

الله يهداك يانور الهدى شدراك ان قبل!!!! لاحقه عليهم
كان في وقت الحرب العالميه والشيخ حمد بن عبدالله وصل اللنج الي اسمه فتح الخير متروس زاد ووزعه على الناس .

المهم انه مهوب موضوعنا ...ماابغي اقلبها معاياه
اقرب مثال دبي يوم خسرت شركاتها في الازمه الاقتصاديه الاجانب شلوا شلايلهم وراحوا يجب الاستثمار في المواطن واعطاءه الثقه.

[امـ حمد]

لا حول ولا قوة الا بالله

الله المستعان

كثر من الاستغفار اخوي

[شـعـشـبـونـه]

لا اله الا انت سبحانك اني كنت من الضالمين