الآراء على السوق الاثنين20/2 ( مدموج )

[مستثمر عليمي]

لي متى يعني وإحنا على هالحال.. والله يا جماعة الخير حاير مابين نارين.. إن بعت خسران.. وإن إحتفظت بالأسهم خسارتي تزيد يوم بعد يوم.. وتعبت وأنا أعطي روحي أمل.. بس الظاهر إن في شي صاير بالسوق وإحنا خبر خيييييييييييييييييييييييييييييييير :anger2:
رجاء من اللي عنده نصايح لا يبخل علينا بها .. ونتمنى الفرج بإذن الله

[ابوعلي]

لي متى يعني وإحنا على هالحال.. والله يا جماعة الخير حاير مابين نارين.. إن بعت خسران.. وإن إحتفظت بالأسهم خسارتي تزيد يوم بعد يوم.. وتعبت وأنا أعطي روحي أمل.. بس الظاهر إن في شي صاير بالسوق وإحنا خبر خيييييييييييييييييييييييييييييييير :anger2:
رجاء من اللي عنده نصايح لا يبخل علينا بها .. ونتمنى الفرج بإذن الله


اخوي نسيت تكتب باللون الاحمر :mad:

احسن حل نقاطع البورصة لا بيع ولا شراء :deal:

[المستثمر]

نصيحتي وقف خسارتك رتب نفسك وراقب السوق ورد اشتري برخيص.

[مستثمر عليمي]

نصيحتي وقف خسارتك رتب نفسك وراقب السوق ورد اشتري برخيص.
نصيحتك على راسي... بس أنا عارف روحي منحوس أول ما ابيع باشوف السوق يوم ثاني لمت أب :eek3:
صادتني هالحركة من قبل .. والمؤمن لا يلدغ من جحر مرتين :court:

[فرهود]

خلاص ياجماعه ترى اليوم اللي صار في السوق دليل على أن السوق مااااااات
نعم مات وهي الفرصه الأخيره كأختبار للسوق بعد ارتداده يوم الخميس
لكن الظاهر ان يوم الخميس كانت محاوله لأنعاش السوق لكنه لم يجد الأستجابه
والربحان اللي باع بخساره وماعتقد ان في رجعه للسوق بهالوضع
الشي الوحيد اللي نقدر نسويه هو البكاء على الأطلال :eek3:
وداعا يالبورصه وداعا بلارجعه

[Qatareah]

نصيحتي لا تبيع الا تبيع !!!!!!!
واذا عندك شي وشفت السعر مناسب في الشركات الي عندك فيها اسهم .. اشتر وعدل السعر (سعر اسهمك)

[Qatareah]

وبالنسبه للخساره كلنا خسرانين ....


:mad: :mad: :mad: :mad: :mad: :mad: :mad: :mad:

[فرهود]

فلوسي راحت وراحت معاها احلامي الورديه
وجت تاخذ رسايلها وخصله من جدايلها
وقالتلي فمان الله :eek3:

[القناص الخليجي]

الهوامير يدخلون السوق وأنت الله يحييك تطلع

[keep calm]

خلاص ياجماعه ترى اليوم اللي صار في السوق دليل على أن السوق مااااااات
نعم مات وهي الفرصه الأخيره كأختبار للسوق بعد ارتداده يوم الخميس
لكن الظاهر ان يوم الخميس كانت محاوله لأنعاش السوق لكنه لم يجد الأستجابه
والربحان اللي باع بخساره وماعتقد ان في رجعه للسوق بهالوضع
الشي الوحيد اللي نقدر نسويه هو البكاء على الأطلال :eek3:
وداعا يالبورصه وداعا بلارجعه

الصبر مفتاح الفرج انا في اعتقادي يجب ان يؤخذ بهذا المبدء حتى نحصل على المفتاح

[majdi44]

ما سبب هبوط اليوم ؟؟

[عتيج الصوف]

خلنا على الاكتتابات.............. :looking: :looking: :looking:

[فرهود]

عين وماصلت على النبي

[عضو مشاكس]

بــــاخــتـــصـــــار أنــــهــــيار


الـــحــل الوحيد هو نسيان

البورصة

[majdi44]

عين وماصلت على النبي
هل هذا تحليل فني ام ماذا !!!

[فرهود]

انا بالنسبه لي راح اتفرغ لعملي واخلص فيه
والعصر العب كوره
وفالليل اروح الشيشه ومتابعة الدوري وقراءة المجلات ومتابعة الأفلام
الحل الوحيد لنسيان البورصه بالنسبه لي

[XBOX]

التعزية امر واجب علينا وحنا السعوديين نعزي نفسنا قبل نعزيكم مرينا بتجربة قاسية مع سوق قطر وانتهت عظم الله اجركم

وبالمناسبة مهو بس البورصة اللي ماتت عندكم لحقها كثير من الاسماء اللي تفننت في عالم التحليل والتحايل حتى صارت مواضيعهم وتوقعاتهم ممسوخة والدليل كثرة التهكمات عليهم من قبل الاعضاء وارجو من هذولا المحللين المتحايلين والمتحذلقين ينقذوا ما تبقى من ماء الوجه ويعترفوا بفشلهم مثل ماعترفت البوصة (( متعمدا حذفت الراء ) بفشلها وسلمت الروح

[keep calm]

ما سبب هبوط اليوم ؟؟


ليش انت شفته مرتفع من قبل اخوي ؟؟

[majdi44]

ليش انت شفته مرتفع من قبل اخوي ؟؟

انا ارغب بالدخول لكن خائف الان ؟

[راجي عفو ربه]

[B]يا رب الطف فينا يارب...!! شباب تعالو نتناقش بجدية وعقلانية ولينضم لنا الخبراء في السوق... نبي كلنا نستفيد من هالتجربة المرة... ما هي اسباب النزول؟ ما هو التصرف الصحيح في مثل هذه الحالات؟ ماذا نفعل لأنعاش السوق؟ الى متى نبقى وعاء للشائعات؟ هذه هي الأسئلة المهمة وخلونا من الأحاديث الجانبية وتتضييع الوقت... هذا اقتصاد بلد مو بلعبة...

[مستثمر عليمي]

نصيحتي لا تبيع الا تبيع !!!!!!!
واذا عندك شي وشفت السعر مناسب في الشركات الي عندك فيها اسهم .. اشتر وعدل السعر (سعر اسهمك)
شكرا يا اخت قطرية على النصيحة.. بس من وين نشتري يا حسره.. فلوسي كلها قطيتها في الأسهم :eek3: ويوم نزل السوق قلت لازم أشتري برخيص عشان أعدل السعر .. وما قصر الوالد عطاني مبلغ وعلى طول شريت فيه وأنا شبه واثق ان السوق بيرتفع بسبب توزيعات الارباح.. لكن خذلنا السوق ونزل.. وأنا مب لا قيها لا من فلوسي ولا من فلوس الوالد :eek3:
الله يعوضكم ويعوضنا خير إنشالله :looking:

[فرهود]

هل هذا تحليل فني ام ماذا !!!
يعني التحليل الفني تشوفه ينفع في سوقنا!!!!!!!!
تقدر تحلل ماحصل وماسيحصل في الفتره القادمه؟؟؟؟؟
أتحدى أكبر محللي الأسواق العالميه أنه يقدر يحلل اللي قاعد يصير واللي راح يصير
طال عمرك ترى ماعاد للتحاليل والدراسات مكان

[راجي عفو ربه]

انا ارغب بالدخول لكن خائف الان ؟
خليك خايف احسن واوعى تتشجع

[majdi44]

خليك خايف احسن واوعى تتشجع

متى تنصح بالدخول

[bo_hamad]

وين ارتفاع يا ولد الحلال خلها على الله

[Khalid_Qatar]

http://www.raya.com/mritems/images/2006/2/17/2_122496_1_209.jpg

:anger2: هذا حال العالم كل يوم والثاني مسدحه في البورصه والمجموعه

تعودنا على اللون الاحمر

[Taj]

نصيحتك على راسي... بس أنا عارف روحي منحوس أول ما ابيع باشوف السوق يوم ثاني لمت أب :eek3:
صادتني هالحركة من قبل .. والمؤمن لا يلدغ من جحر مرتين :court:


أنت بيع وخبرنا عشان ثاني يوم نحط اوامر بيع لمت اب وسنعوضك خير أن شاء الله ..... أمزح معاك

[راجي عفو ربه]

متى تنصح بالدخول
اصبر شوي وتابع المنتدى ... ما فيه نزول الا وراه طلوع... واقتصاد قوي مثل اقتصاد قطر ما يولد الا بورصة قوية ان شاء الله وبكره تشوف

[مستثمر عليمي]

اصبر شوي وتابع المنتدى ... ما فيه نزول الا وراه طلوع... واقتصاد قوي مثل اقتصاد قطر ما يولد الا بورصة قوية ان شاء الله وبكره تشوف
صراحة ما نرتاح إلا لي سمعنا هالكلام.. وإنشالله هذي محنه وتعدي ويرجع السوق فوق فوووووق .. ونقول -مثل ما قال سعد الفرج في مسلسل درب الزلق- ( بسنا فلوس يا حسين بسنا فلوس يا حسين ) :nice:
نتمنى للجميع التوفيق إن شاء الله