100ريال تامين على صناديق المشتركين بالبريد

[عزوز المضارب]

قبل يومين وتحديدا بتاريخ 28/1/2010 في جريده الوطن صفحه 18

قامت الشركه القطريه للخدمات البريديه بوضع اعلان

للمشتركين بسرعه التسديد لاشتراك صناديقهم
ابتداءا من تاريخ الاول فبراير وحتى نهايه فبراير
ويحق للشركه الغاء صناديق الاشتراك بعد نهايه الفتره للتسديد

ولفت نظري اخر الاعلان الجمله التاليه :
الان عليك عزيزي المشترك دفع تامين 100 ريال
لمره واحده فقط ويمكنك استرجاع مبلغ التامين
في حال الغاء اشتراكك !!!!
ــــــــــــــــــــــــــــــــــــــــــــــــــ ـــــــــــــــــــــــــــــــ انتهى
(قرار غريب)

فكل شخص مشترك يجهز ال100 ريال بالاضافه
الى اشتراك الصندوق قبل التوجه الى تجديد الاشتراك
على حسب ما فهمته بالاعلان !

اتوقع ال100 ريال ضريبه تحول المؤسسه الى شركه !!!
والا ما فائده تسديد مبالغ سنويه للصناديق !!!

[شيط ويط]

انا رحت كالعاده يوم الخميس اسدد اشتراكي لان كان يوم 31/1 اخر يوم تفاجئت الموظف يقولي مددوا فترة التجديد لين نهاية شهر فبراير قلت له انزين بدفع الحين قالي ما ارسلوا لنا الايصالات الخاصة بالدفع

ثرى السالفة فيها تأمين ... :anger1:

[Most Wanted]

اشتراك وامنا به بس تأمين على وشو حد يفهمني اذا كان عرف (تتوقعون يمكن الصندوق بيصير له حادث مثلا ...)
في حالة ضاع المفتاح او البطاقع راح ادفع قيمته ويغيرونه بس تأمين ليش قرار غريب ولا له تفسير

تدري قعدت افكر بالموضوع جاتني الضحكه والله الخوف يصيرون مثل شركات التأمين ماياخذون الا 50 او 20 تأمين في اليوم

لاحول ولا قوة الا بالله

[بوحسن2009]

الله المستعان بكون كل شى عليه ضريبه فجج عاد ..
وتحياتى للجميع خاصة صاحب الموضوع ..

[مسباح عاج]

العام الماضي كان الاشتراك السنوي 300 ريال و الآن 400 ريال !!!
والخدمات على ما هي عليه !!

والرسائل الضالة لا تزال تذهب للصناديق بالخطأ كل مرة !!

وموظف مكتب البريد الممتاز يسولف مع زملائه ويترك العملاء في طابور أمام المكتب !!

[اسعاف]

كلمت مسؤول في البريد

قلت له 000000

ليش تاخذون علينه ضريبة 100 ريال

وقلت له : مديركم المطوع زين بس ليش فرض علينه هذه الضريبة؟؟

قال : 100 * 100،000 مشترك =10 ملايين ريال :eek5:

قال : حلوا هذا المبلغ يوضع في البنك وناخذ عليه انترست

فحسبها

(ارباح على وديعة لمدة خمس سنوات قد تصل الى 10% او اكثر)

====================

فقلت له :

نحن نريد المدير السابق غير المطوع اذا كان هذا يضع علينا ضريبة من غير وجه حق

فضحك وولى

[عاشق الشهادة]

الله المستعان ,
ماعندنا غير هذه المؤسسة ؟,
تذكرني بسالفه كيوتل يوم كان سارقه جيوب المواطنين والمقيمين قطر بالطول وبالعرض قبل مجيئ فودافون.

[الكونجرس]

حسبي الله عليهم والله الخدمه تعبانه ولا تسوى

[مواقف النجادة]

في افقر بلدان العالم البريد يوصل لين البيت عن طريق ساعي البريد (دريولنا الهندي في ديرته يوصلون له البريد لين بيته !) ..و احنا فدريدتنا انتعنا له .. المفروض هم اللي يدفعون لنا بدل حضور مب كل يوم يخترعون رسوم مالها داعي ..

[نوارا]

حسبي الله ونعم الوكيل عليكم ياادارةالبريد كل سنة زيادة ولامهب بس جذي المشكلة لي فتحت الصندوق وشفت أظرف محطوطة مهب لك وتاخذهم وترده لهم يقولون لك احنا مانستلمه احذفه في الزبالة موحرام عليكم بعض الأشياءمن هالأظرف كتب دينية--

[فرفوش]

معقووووووووووله وهال 100 تامين على وشو

اللى يسمع يقول سياره مب صناديق

حطوووا كيمرات مراقبه وريحوا عمركم والا لازم من فلوسنا يعني!

[تواق]

هذا تامين على الصندوق لو تاخرت في السداد ماينسحب عليك ويعطونه واحد غيرك

ولكن اللي بياخذ بريد مستخدم والله انه خسران

لانه مهب بالساهل يستخدم بريد ناس لهم سنين عليه

[هدهد سليمان]

كلمت مسؤول في البريد

قلت له 000000

ليش تاخذون علينه ضريبة 100 ريال

وقلت له : مديركم المطوع زين بس ليش فرض علينه هذه الضريبة؟؟

قال : 100 * 100،000 مشترك =10 ملايين ريال :eek5:

قال : حلوا هذا المبلغ يوضع في البنك وناخذ عليه انترست

فحسبها

(ارباح على وديعة لمدة خمس سنوات قد تصل الى 10% او اكثر)

====================

فقلت له :

نحن نريد المدير السابق غير المطوع اذا كان هذا يضع علينا ضريبة من غير وجه حق

فضحك وولى

ومن المستفيد من هذا الموضوع؟ هل هناك تطوير في الخدمات ام ماذا؟ ياليت يتم ايضاح السبب يا مؤسسة البريد !!

[عزوز المضارب]

هذا تامين على الصندوق لو تاخرت في السداد ماينسحب عليك ويعطونه واحد غيرك

ولكن اللي بياخذ بريد مستخدم والله انه خسران

لانه مهب بالساهل يستخدم بريد ناس لهم سنين عليه



ويحق للشركه الغاء صناديق الاشتراك بعد نهايه الفتره للتسديدولفت نظري اخر الاعلان الجمله التاليه :
الان عليك عزيزي المشترك دفع تامين 100 ريال
لمره واحده فقط ويمكنك استرجاع مبلغ التامين
في حال الغاء اشتراكك !!!!



بالعكس اخوي هالتامين ما له علاقه بسحب الصندوق

عدم التسديد يعطي الشركه الحق بسحب الصندوق بعد مهله السداد
سواء في تامين اولا

وعند القيام بالغاء الصندوق قيمه التامين تقدر تسترجعها
فالتامين هنا ليس لحمايه الصندوق في حاله عدم السداد

[بويوسف]

تأمين على وشو .. في حد بياخذ صندوق البريد معاه البيت ؟ فعلا رسوم التأمين غير مبررة ولامنطقية :)

[GULFSUN]

تأمين فول ولا ضد الغير :tease:

[بوخالد911]

الرسوم تزيد
والخدمة محلك سررر

والأدهى والأمر ما زالت تأتيني رسائل بالغلط

واشكثرر عبيت طلب وقلت لهم هالرسايل تخص المالك السابق

ولا في فايدة !!!

ومررة قلت للموظفة : كتبت بالعربي ان هالرسائل مو لي
وبعد للحيين تيجييني هالرسائل

تبييني اكتب انجليزي وفرنسي ؛ ما عندي مشكلة


تحياتي قبل أن أفتح رسالاتي

مسيوو / بوخالد911

[العقل الحر]

التأمين هو تأمين على صندوق في حاله التأخير في دفع الاشتراك السنوي فقط لا غير علشان ماينسجب الصندوق من صاحبه

وبخصوص اخوي اسعاف هذا الكلام مب صحيح بتاتا لانه في قطر يوجد 45000 صندوق بس

[العقل الحر]

في افقر بلدان العالم البريد يوصل لين البيت عن طريق ساعي البريد (دريولنا الهندي في ديرته يوصلون له البريد لين بيته !) ..و احنا فدريدتنا انتعنا له .. المفروض هم اللي يدفعون لنا بدل حضور مب كل يوم يخترعون رسوم مالها داعي ..


ههههههههههههه

اخوي لو انت فاهم صح لعرفت شو السبب ؟؟

السبب وبكل بساطه هو من (( البلديه )) والتخطيط وأشعال

بلد مافيها زبكود !!

يعني مافيه تخطيط بتاتا !!

والبريد لا يلام ابدا لانه مافيه تخطيط في البلد اصلا

[مبارك سعد]

وهذي حالتنا كل يوم زياده يذكرونا براعي الدكان يوم قال لي أنت قتري مافي مشكله فلوس واجد :omen2:

[Flora]

التأمين على شنو ..سنين وبنين الصناديق نفسها ولا تغير فيها شي .. يعني الحين تذكرو التأمين عليها ؟؟

[الـقـاسـي]

خل يشفطون فلوس مثل غيرهم دام مافي لاحسيب ولارقيب ..

اخوي العقل الحر عندنا صندوق بريد رقمه 93 الف وانت تقول مافي الا 45 الف صندوق بريد فالدوحة ..

[العقل الحر]

خل يشفطون فلوس مثل غيرهم دام مافي لاحسيب ولارقيب ..

اخوي العقل الحر عندنا صندوق بريد رقمه 93 الف وانت تقول مافي الا 45 الف صندوق بريد فالدوحة ..

ياخوي انا كنت شغال في البريد لمده طويله واعرف كل شي فيه

الرقم الي في بدايته 9 هذا رمز الريان والمناطق الي حوله يعني 90 91 92 93 وانت رايح ولكن عدد الصناديق مايتجاوز 50000 في انحاء قطر واذا مافتحوا فروع جديده هذا شي ثاني

[BURBERRY]

يبون ياخذون التامين عشان يعدلون الميزانيه

[عزوز المضارب]

ومن المستفيد من هذا الموضوع؟ هل هناك تطوير في الخدمات ام ماذا؟ ياليت يتم ايضاح السبب يا مؤسسة البريد !!

نتمنى ايضاح سبب مقنع لمبلغ التامين
وخاصه انه يدفع لمره واحده ويتم استرجاع مبلغ التامين
في حاله الغاء الاشتراك مما يفند ان مبلغ التامين له علاقه بسحب الصندوق.

[شيط ويط]

الله المستعان ,
ماعندنا غير هذه المؤسسة ؟,
تذكرني بسالفه كيوتل يوم كان سارقه جيوب المواطنين والمقيمين قطر بالطول وبالعرض قبل مجيئ فودافون.

اي والله تذكر ايام الدقيقه لبريطانيا 9 ريال :weeping:

والحين 50 درهم من فودافون :(

[شيط ويط]

من التعليقات الطريفه على مبلغ التأمين :

يقولون الصناديق راح تكون مكيفه يعني الرسايل ماراح تعاني في الحر :secret:

وفي تعليق ثاني يقول :

كل نهاية اسبوع يحطون لك قوطي بيبسي داخل الصندوق عشان تبرد على قلبك وانت تستلم

الرسايل وفي رمضان صيخين كباب وقوطي روب :secret:

وفي تعليق ثالث يقول :

يحطون لكم باندول وحبوب الضغط في الصندوق مع الرسايل عشان تبلعهم قبل لا تقرا فواتير

كيوتل والبنك :secret:


:rolleyes2:

[مواقف النجادة]

ههههههههههههه

اخوي لو انت فاهم صح لعرفت شو السبب ؟؟

السبب وبكل بساطه هو من (( البلديه )) والتخطيط وأشعال

بلد مافيها زبكود !!

يعني مافيه تخطيط بتاتا !!

والبريد لا يلام ابدا لانه مافيه تخطيط في البلد اصلا

اخوي العقل الحر ..من كبر الديرة عشان نحتاج زيبكود او ارقام مناطق !

هذي خلها حق امريكا و البرازيل والسعودية ..

انا اتصل اي مطعم وجبات سريعة ..و اعطيهم التالي:

1- اسم المنطقة
2- اسم الشارع
3- رقم المنزل

الله وكيلك خلال نص ساعة هم عندك بدون مشاكل ..هذا وهم اجانب..و المفروض ما يدلون..

[مساهم عادي]

على طاري الـرمز البريدي او مايعرف بالـ Zip Code ...

مرات كثيرة لما اطلب شغلات من الانترنت ... يطلب مني انه ادخل Zip Code ... واذا تركته فارغ ..يرفض انه يكمل عملية الشراء....... ايش الحل لهالمشكلة ؟

[مواقف النجادة]

على طاري الـرمز البريدي او مايعرف بالـ Zip Code ...

مرات كثيرة لما اطلب شغلات من الانترنت ... يطلب مني انه ادخل Zip Code ... واذا تركته فارغ ..يرفض انه يكمل عملية الشراء....... ايش الحل لهالمشكلة ؟

-اول شىء تاكد ان الموقع يرسل الى خارج امريكا و الى الشرق الاوسط وقطر بالتحديد.. لانه هناك الكثير من المواقع لا ترسل الى خارج امريكا الشمالية..

-عادة تكون هناك خانة البلدان.. و توجد فيها اسماء جميع البلدان بما فيها (قطر) ..اختار قطر .. المفروض بعد اختيارك اي بلد خارج امريكا ..يحق لك ترك خانة الزيب كود فارغة..

- بعض المواقع ( المتخلفة ) تصر على ملىء خانة الزيب كود .. حتى لو كان العنوان المرسل اليه خارج امريكا .. في هذه الحالة.. املاءها بكلمة none .. و اغلب الحالات يمشي الموضوع ..

- بعض المواقع (المتخلفة جدا) لا تقبل كلمة none وتقول لك حط ارقام الزيب كود ..(مع ان العنوان المرسل اليه خارج امريكا ) في هذه الحالة .. حط لهم اي خمسة ارقام عشوائية ..

و بالتوفيق..

[تغلبية]

على طاري الـرمز البريدي او مايعرف بالـ zip code ...

مرات كثيرة لما اطلب شغلات من الانترنت ... يطلب مني انه ادخل zip code ... واذا تركته فارغ ..يرفض انه يكمل عملية الشراء....... ايش الحل لهالمشكلة ؟


تحط اصفار .... 4 اصفار

[TZ71]

يعني التجار اللي ينهبون المواطنين في اسعار السلع والمواد التوينيه احسن من البريد يالله كلها نهبة
زادو اسعار صناديق البريد والحين تامين والله يعلم بكرة ايش اشرب يا مواطن

[هدهد سليمان]

على طاري الـرمز البريدي او مايعرف بالـ zip code ...

مرات كثيرة لما اطلب شغلات من الانترنت ... يطلب مني انه ادخل zip code ... واذا تركته فارغ ..يرفض انه يكمل عملية الشراء....... ايش الحل لهالمشكلة ؟

عن نفسي احط رقم فتح الخط 00974 او بدال الاصفار + ويستقبل عادي

[عبد الوهاب]

انا استغرب اذا المسؤولين قالوا ان الحكومة تسعى لتعديل الاوضاع وخفض التضخم وتحديد اسعار السلع وخفظ نسبة مادري شنهو ......... وسلندر الغاز كل اشوي غيروا فية شي وتعال ادفع والبريد مادري شيسوى ويقولون تعال ادفع والبيئة اتحط قوانين وتعال ادفع ، والمرور كل اشوي حاط رسوم جديدة حتى المرواقف لازم تدفع . الحين من الى قاعد ياكل رواتب الناس التجار ولا المسؤوليين.

[fhd4]

واحنا نبيهم يدفعون لنا تأمين على رسايلنا الخاصة اللي تضيع أو تروح لصناديق ثانية بالغلط ...

[هدهد سليمان]

انا استغرب اذا المسؤولين قالوا ان الحكومة تسعى لتعديل الاوضاع وخفض التضخم وتحديد اسعار السلع وخفظ نسبة مادري شنهو ......... وسلندر الغاز كل اشوي غيروا فية شي وتعال ادفع والبريد مادري شيسوى ويقولون تعال ادفع والبيئة اتحط قوانين وتعال ادفع ، والمرور كل اشوي حاط رسوم جديدة حتى المرواقف لازم تدفع . الحين من الى قاعد ياكل رواتب الناس التجار ولا المسؤوليين.

اثنينهم طالما في زياده بالرواتب .. فمن الضروري المحافظه على التوازن ما بين الراتب والتجار والمسؤولين !