حالتنا حاله في قطر ............

[حمود قطر]

يا جماعة الخير ......

يقولون ويصرحون المسؤلين انه عندنا الخير قلنا ايه صح بس وين هالخير يقولون النفط والغاز

انقولهم اسعار البترول ارتفعت زيدوا الرواتب لأن الاسعار ارتفعت يقولون يصير خير شنو الحل ؟؟؟

وثاني شي : أنا مستغرب يوم يجي وزير الطاقة أو وزير الأقتصاد يصرح قطر من أغنى شعوب العالم
والناس اللي برع البلاد اتحسب انه شعب قطر شعب غني ومافي اي فقير في البلد !!!

الرواتب من مليون سنه لين الحين مازادت بالشكل المقنع ، ماعدا رواتب العسكريه

معقولة الراتب الأساسي ( للجنير ) 2500 فقط و ( السنير ) 4500 بس مقارنة مع عدد السكان
200 ألف مواطن قطري و أكثر من النص أطفال وعجزة وعاطلين يعنيالقوى العاملة البشرية ماتتجاوز النص ؟؟

ما نختلف الأسهم انفعتنا والأمير ماقصر والحمدلله لكن في شي صاير و احنا ماندري عنه

على الأقل على عدد المواطنين القطريين المفروض الرواتب اتكون الاعلى في المنطقه
والامتيازات اتكون أكثر والخدمات اتكون ارقى علشان انحس فعلا انه احنا نتمتع بالخير والنعمة والحمدلله ...............

وانتوا شنو رايكم ؟؟؟؟؟؟؟؟؟؟؟؟

[rashid-1]

الله كريم

الواحد المفروض مايعتمد على الراتب حتى لوكان 20000 الف

لازم تسوي لك مصدر دخل ثاني

تفتح لك مثلا دوبي

او كافتيريا

او اي شي خفيف

وبعدين بتوسع وبيجيك دخل احسن من دخل الحكومه بألف مره

[كحيلان]

لو كنت مكتتب بصناعات واللي بعدها من الشركات جميعا وبعتها كلها وانت مغمض العينيين كان دخلت لا يقل عن 500 الف ريااااااااااااال!!!! وهذا كله في خلال سنتين ونصف فقط


500 الف قسمها على سنتين ونصف =16666 الف ريال شهريا!!!

مين اللي يفكر براتب وهذا فقط مدخول مواطن واحد من الاسهم!!!!

[بوخالد الذيب]

الاخ العزيز /حمود قطر

موضوعك مهم000 وطرحك جيد 000والتعليق عليه ضروري من الجميع فهو يمس الشريحه الكبرى من المجتمع أنا بدوري أثني على ماتفضلت به وكلنا أمل في حكومتنا الرشيده أن تعيد النظر في ذلك وأن يكون المواطن مكتفيا بدخله حتى لولم يرغب في الاكتتابات فالاضمن للمواطن هو دخله الشهري وليس البورصه التي يتحكم بها ظروف وتقلبات غير مأمونة العواقب والكثير الان متضرر منها وخاصة من اقترض على راتبه الضعيف في الاصل معتقدا أن البورصه ستعوضه ذلك خيرا بينما هى من كانت سببا في خسائره التي لم تعد تستطيع تعويضه جميع ماحصل من اكتتابات بعدها

والله المستعان

[ملك الناقلات]

القناعه كنز
والحمدلله
وكنا وين وصرنا وين
سجدة شكر لرب العالمين على هذه النعمه
ودعاء لامير الخير ابومشعل

[كحيلان]

شيخنا بو مشعل اللي سواه في نظره هذا قليل لشعبه والاكثر في الطريق ان شاء الله.

اطال الله بعمره وجعله الله ذخرا لشعبه . .

[العرباوي]

ليش ما انسوي مثل دولة الكويت الشقيقة مشروع الأجيال القادمة وهذا المشروع قديم وما زال ينتفع بة جميع فئات الشعب